gulf
സഹജീവി സ്‌നേഹത്തിന്റെ മാതൃക തീര്‍ത്ത് പ്രവാസി വ്യവസായി; നറുക്കെടുപ്പില്‍ ലഭിച്ച ലക്ഷങ്ങള്‍ ജീവനക്കാര്‍ക്കായി വീതിച്ചു നല്‍കി
കോഴിക്കോട്: കോവിഡ് കാലത്ത് കൈവന്ന മഹാഭാഗ്യം സഹപ്രവര്‍ത്തകര്‍ക്കായി വീതിച്ചുനല്‍കി ബഹറൈനിലെ മലയാളി വ്യവസായി. മലപ്പുറം കോട്ടക്കല്‍ സ്വദേശിയും ബഹറൈനിലെ അല്‍ റബീഹ് മെഡിക്കല്‍ ഗ്രൂപ്പ് ഉടമയുമായ മുജീബ് ആടാട്ടിലാണ് സഹജീവി സ്‌നേഹത്തിന്റെ ഉദാത്ത മാതൃക തീര്‍ത്തത്. ബബിബികെ ബാങ്ക് നടത്തിവരുന്ന പ്രതിമാന നറുക്കെടുപ്പിലൂടെ ലഭിച്ച പതിനായിരം ബഹറൈന്‍ ദിനാര്‍(19.70ലക്ഷം)സ്ഥാപനത്തിലെ 137 പേര്‍ക്കാണ് ഇദ്ദേഹം വീതിച്ചുനല്‍കിയത്.
ആഗസ്റ്റ് മാസത്തിലെ നറുക്കെടുപ്പില്‍ വിജയിച്ച അഞ്ചുപേരില്‍ ഒരാളാണ് മുജീബ്. മറ്റുനാലുപേര്‍ ബഹറൈനി സ്വദേശികളാണ്. തനിക്ക് ലഭിച്ച ലക്ഷങ്ങള്‍ സ്വന്തമായി എടുക്കാതെ സ്ഥാപനത്തിലെ മുഴുവന്‍ ജീവനക്കാര്‍ക്കുമായി പങ്കിടാമെന്ന മുജീബിന്റെ തീരുമാനത്തെ അംഗീകരിച്ച് ഭാര്യയും മക്കളുമടങ്ങിയ കുടുംബവും ഒപ്പം നിന്നു. തന്റെ സ്്ഥാപനത്തിന്റെ വളര്‍ച്ചക്ക് പിന്നില്‍ ജീവനക്കാരുടെ ഓരോരുത്തരുടേയും കഠിന പ്രയത്‌നമാണെന്ന് മുജീബ് പറഞ്ഞു. ഇവര്‍ക്കായി ഈ തുക പങ്കുവെക്കുന്നതില്‍ സന്തോഷമാണുള്ളതെന്നും അദ്ദേഹം കൂട്ടിച്ചേര്‍ത്തു.
പ്രതിസന്ധി നിറഞ്ഞ കോവിഡ് കാലത്ത് മുന്നറിയിപ്പ് പോലുമില്ലാതെ ജീവനക്കാരെ പിരിച്ചുവിടുന്ന സ്ഥാപന ഉടമകള്‍ക്കിടയില്‍ വ്യത്യസ്്ഥനാവുകയാണ് ഈ പ്രവാസി വ്യവസായി. സ്വന്തം ലാഭം മാത്രം നോക്കി ജീവിതം നയിക്കുന്നവര്‍ക്കിടയില്‍ മാതൃക തീര്‍ത്ത മുജീബിന്റെ ഈ മാതൃകാ പ്രവര്‍ത്തനത്തെ അഭിനനന്ദിച്ച് നാട്ടിലും ബഹറൈനിലും നിരവധി പേരാണ് രംഗത്തെത്തിയിരിക്കുന്നത്.
gulf
ആഗോള റോഡ് സുരക്ഷാ വാരത്തില്‍ അബുദാബി ഗതാഗത വിഭാഗം പങ്കാളികളായി
കോര്‍ണിഷില്‍, കാല്‍നടയാത്രക്കാര്‍, സൈക്ലിസ്റ്റുകള്‍, ഇ-സ്‌കൂട്ടര്‍ ഉപയോക്താക്കള്‍ എന്നിവരുമായി സുരക്ഷാ സംഘങ്ങള്‍ ഇടപെട്ട് ഉത്തരവാദിത്തമുള്ള റോഡ് ഉപയോഗമെന്ന ബോധവല്‍ക്കരണം നടത്തി.
gulf
ഫുജൈറ-കണ്ണൂര്‍ സര്‍വീസ് ആരംഭിച്ച് ഇന്‍ഡിഗോ; മെയ് 15 മുതല്‍
യാത്രക്കാര്‍ക്ക് അടുത്ത എമിറേറ്റുകളില്‍ നിന്ന് സൗജന്യ ബസ് സര്‍വീസും ഒരുക്കിയിട്ടുണ്ട്.
ഫുജൈറയില്‍നിന്ന് കണ്ണൂരിലേക്ക് നേരിട്ട് പ്രതിദിന സര്‍വീസ് ആരംഭിച്ച് ഇന്‍ഡിഗോ. യുഎഇയില്‍ ഇന്‍ഡിഗോയുടെ അഞ്ചാമത്തെ ഡസ്റ്റിനേഷനാണ് ഫുജൈറ. യാത്രക്കാര്‍ക്ക് അടുത്ത എമിറേറ്റുകളില്‍ നിന്ന് സൗജന്യ ബസ് സര്‍വീസും ഒരുക്കിയിട്ടുണ്ട്.
ഇന്‍ഡിഗോയുടെ കണ്ണൂരിലേക്കുള്ള പ്രതിദിന വിമാന സര്‍വീസ് മെയ് 15 മുതല്‍ ആരംഭിക്കും. തൊട്ടടുത്ത ദിവസം മുംബൈയിലേക്കുള്ള സര്‍വീസിനും തുടക്കമാകും. 8899 രൂപ മുതലാണ് നിരക്ക്. അതേസമയം ദുബൈ, ഷാര്‍ജ, അജ്മാന്‍ എമിറേറ്റുകളില്‍ നിന്ന് ബുക്ക് ചെയ്യുന്ന യാത്രക്കാര്‍ക്ക് ഫുജൈറയിലേക്ക് സൗജന്യ ബസ് സര്‍വീസ് സേവനവും എയര്‍ലൈന്‍സ് വാഗ്ദാനം ചെയ്യുന്നു.
പുതിയ സര്‍വീസ്, പ്രകൃതി മനോഹരമായ ഫുജൈറയിലേക്ക് കൂടുതല്‍ വിദേശ ടൂറിസ്റ്റുകളെ ആകര്‍ഷിക്കാന്‍ സഹായിക്കുമെന്ന് ഇന്‍ഡിഗോ ഗ്ലോബല്‍ സെയില്‍സ് മേധാവി വിനയ് മല്‍ഹോത്ര പറഞ്ഞു.
gulf
ആലപ്പുഴ സ്വദേശി ജുബൈലിൽ മരണപെട്ടു
. ജുബൈലിലെ പൊതുപ്രവർത്തകനായ മണ്ണഞ്ചേരി ഹംസയുടെ ഭാര്യാപിതാവാണ്.
ജുബൈൽ : ഉംറ നിർവഹിച്ചു തിരികെ എത്തിയ മലയാളി മരണപെട്ടു. ആലപ്പുഴ മണ്ണഞ്ചേരി കുന്നപ്പള്ളി മാപ്പിളതയ്യിൽ അബ്ദുൽ സലാം (65 വയസ്സ്) ആണ് മരണപ്പെട്ടത്. കേരള മുസ്ലിം ജമാഅത്ത് കുന്നപ്പള്ളി യൂണിറ്റ് അംഗമാണ്.
ഉംറ വിസയിൽ ജുബൈലിൽ എത്തിയശേഷം മകളോടെപ്പം ഉംറ നിർവഹിച്ച്‌, വെള്ളിയാഴ്ച്ച കാലത്ത് തിരികെ എത്തിയ ശേഷം
ശ്വാസതടസ്സത്തെ തുടർന്ന് ആശുപത്രിയിലെത്തിച്ചു. ഉടനെതന്നെ മരണം സംഭവിക്കുകയായിരുന്നു. ജുബൈലിലെ പൊതുപ്രവർത്തകനായ മണ്ണഞ്ചേരി ഹംസയുടെ ഭാര്യാപിതാവാണ്.
നിയമ നടപടികൾ പൂർത്തിയാക്കി മയ്യിത്ത് ജുബൈലിൽ മറവ് ചെയ്യുന്നതിന് ആവശ്യമായ സഹായങ്ങളുമായി പ്രവാസി വെൽഫെയർ ജുബൈൽ ജനസേവന വിഭാഗം കൺവീനർ സലിം ആലപ്പുഴ, ഐ സി എഫ് ജുബൈൽ പ്രസിഡന്റ് അബ്ദുൽ ജബ്ബാർ പൊന്നാട്, പൊതു പ്രവർത്തകൻ നൗഫൽ പനാക്കൽ മണ്ണഞ്ചേരി എന്നവർ രംഗത്തുണ്ട്
-
film18 hours ago‘എഴുതിയ സത്യത്തോടുള്ള പക എഴുത്തുകാരന്റെ ചോരകൊണ്ട് തീര്‍ക്കാന്‍ ഭീരുക്കള്‍ കീബോര്‍ഡിന്റെ വിടവുകളില്‍ ഒളിഞ്ഞിരുന്ന് ആഹ്വാനങ്ങള്‍ നടത്തുന്നു’; എമ്പുരാന്‍ വിവാദത്തില്‍ പ്രതികരിച്ച് മുരളി ഗോപി
-
Health3 days agoസംസ്ഥാനത്ത് വീണ്ടും കോവിഡ് മരണം: 7 ദിവസത്തിനിടെ തിരുവനന്തപുരത്ത് 2 പേര് മരിച്ചു
-
kerala2 days agoപത്തനംതിട്ടയില് കാട്ടാന ഷോക്കേറ്റ് ചരിഞ്ഞ സംഭവം; പ്രൊട്ടക്ഷന് അലാറം സ്ഥാപിച്ചു
-
kerala3 days agoദേശീയപാതക്ക് രണ്ട് പിതാക്കന്മാർ ഉണ്ടായിരുന്നു, തകർന്നപ്പോൾ അനാഥമായി: കെ. മുരളീധരൻ
-
kerala3 days agoദലിത് യുവതിയെ കള്ളക്കേസിൽ കുടുക്കിയ സംഭവം; അന്വേഷണം ക്രൈംബ്രാഞ്ചിന്
-
kerala3 days agoകേരള ഫുട്ബോൾ ടീം മുൻ ക്യാപ്റ്റൻ എ നജ്മുദ്ദീൻ അന്തരിച്ചു
-
india3 days agoജമ്മു കശ്മീരിലെ കിഷ്ത്വാറില് ഭീകരരുമായി ഏറ്റുമുട്ടല്; സൈനികന് വീരമൃത്യു
-
Cricket2 days agoഐപിഎല് പോരാട്ടത്തില് ഇന്ന് റോയല് ചലഞ്ചേഴ്സ് ബംഗളൂരു – സണ്റൈസേഴ്സ് ഹൈദരാബാദ്