Culture
കേരള യൂണിവേഴ്‌സിറ്റി ഭരണ നിശ്ചലാവസ്ഥ: സര്‍ക്കാര്‍ ഇടപെടണമെന്ന് എം.എസ്.എഫ്
തിരുവനന്തപുരം: കേരള യൂണിവേഴ്‌സിറ്റി ഭരണ നിശ്ചലാവസ്ഥ പരിഹരിക്കാന്‍ സര്‍ക്കാര്‍ അടിയന്തരമായി ഇടപെടണമെന്ന് എം.എസ്.എഫ് സംസ്ഥാന കമ്മിറ്റി ആവശ്യപ്പെട്ടു. സര്‍വകലാശാലയിലെ വൈസ് ചാന്‍സിലര്‍ , പി.വി.സി തുടങ്ങിയ സ്ഥാനങ്ങള്‍ ഒഴിഞ്ഞു കിടക്കുന്നത് കാരണം പരീക്ഷ നടത്തിപ്പ്, റിസള്‍ട് പ്രസിദ്ധീകരണം, സര്‍ട്ടിഫിക്കറ്റ് വിതരണം, സെമസ്റ്റര്‍ സമ്പ്രദായം തുടങ്ങിയവ താളം തെറ്റി കിടക്കുകയാണ്.
ജൂണ്‍, ജൂലൈ കാലയളവില്‍ തുടങ്ങിയ ഒന്നാം വര്‍ഷ ബിരുദ വിദ്യാര്‍ത്ഥികളുടെ ഒന്നാം സെമസ്റ്റര്‍ പരീക്ഷ യഥാക്രമം നവംബര്‍ ഡിസംബര്‍ കാലയളവില്‍ തുടങ്ങേണ്ടതാണ്.. അധ്യായനവര്‍ഷം അവസാനിക്കാറായിട്ടും പരീക്ഷയെ കുറിച്ച് കൃത്യമായ ഒരു മറുപടി സര്‍വകലാശാല നല്‍കിയിട്ടില്ല. അവസാന വര്‍ഷ ബിരുദ വിദ്യാര്‍ത്ഥികളുടെ പരീക്ഷയുടെ കാര്യത്തിലും ഇത് വരെ ഒരു തീരുമാനവും ഉണ്ടായിട്ടില്ല. കൃത്യമായി പരീക്ഷ നടന്നു ഫലം പുറത്തു വന്നെങ്കില്‍ മാത്രമേ കേന്ദ്ര സര്‍വ്വകലാശാലകള്‍ ഉള്‍പ്പെടെയുള്ള കാമ്പസുകളില്‍ പ്രവേശനം നേടാന്‍ സാധിക്കുകയുള്ളൂ.
സെപ്റ്റംബറില്‍ തുടങ്ങിയ ഒന്നാം വര്‍ഷ പി.ജി വിദ്യാര്‍ത്ഥികളുടെ ഒന്നാം സെമസ്റ്റര്‍ എക്‌സാം ജനുവരി ഫെബ്രുവരി കാലയളവില്‍ നടക്കേണ്ടതാണ്. നിലവിലെ രണ്ടാം വര്‍ഷ പി.ജി വിദ്യാര്‍ത്ഥികളുടെ ഒന്നാം സെമസ്റ്റര്‍ റിസള്‍ട്ട് വരാത്തതിനാലാണ് പരീക്ഷ അനന്തമായി നീളുന്നത്. മുന്‍ വര്‍ഷങ്ങളില്‍ ബിരുദാനന്തര ബിരുദം കഴിഞ്ഞിറങ്ങിയ വിദ്യാര്‍ത്ഥികളുടെ പരീക്ഷഫലം ഒരു വര്‍ഷം കഴിഞ്ഞിട്ടും ഇതുവരെയും വരാത്തതിനാല്‍ അവരുടെ ഉന്നതവിദ്യാഭ്യാസ അവസരങ്ങള്‍ നഷ്ടപെട്ട്‌കൊണ്ടിരിക്കുകയാണ്. മേല്‍ വിഷയങ്ങളില്‍ സര്‍ക്കാര്‍ അടിയന്തരമായി ഇടപെട്ടു പരിഹരിക്കാന്‍ തയ്യാറാവണമെന്നും അല്ലാത്ത പക്ഷം എം.എസ്.എഫ് ശക്തമായ പ്രക്ഷോഭങ്ങള്‍ക്കും നിയമ ഇടപെടലുകള്‍ക്കും നേത്രത്വം നല്‍കുമെന്നും എം.എസ്.എഫ് സംസ്ഥാന പ്രസിഡന്റ മിസ്ഹബ് കീഴരിയൂര്‍ ജന സെക്രട്ടറി എം.പി നവാസ് എന്നിവര്‍ അറിയിച്ചു.
വാര്‍ത്ത സമ്മേളനത്തില്‍ തിരുവനന്തപുരം ജില്ലാ പ്രസിഡന്റ് ഷഫീക് വഴിമുക്ക് ഹമീം മുഹമ്മദ് , ബരീറ താഹ എന്നിവര്‍ പങ്കെടുത്തു.
Film
ജനപ്രിയ താരങ്ങളുടെ പക്കാ ഫൺ എന്റെർറ്റൈനെർ; “ധീരൻ” വരുന്നു ഈ ജൂലൈയിൽ..
പോസ്റ്ററിൽ മാല പടക്കം പിടിച്ചു നിൽക്കുന്ന നായകൻ രാജേഷ് മാധവനും കൂടാതെ സഹതാരങ്ങളായ ജഗദീഷ്, സുധീഷ്, മനോജ് കെ ജയൻ, അശോകൻ എന്നിവരെയും കാണാം.
‘ജാൻ.എ.മൻ’, ‘ജയ ജയ ജയ ജയ ഹേ’, ‘ഫാലിമി’ എന്നീ ബ്ലോക്ക് ബസ്റ്റർ ചിത്രങ്ങൾക്ക് ശേഷം ചീയേഴ്സ് എന്റർടൈൻമെന്റ്സിന്റെ ബാനറിൽ ലക്ഷ്മി വാര്യരും ഗണേഷ് മേനോനും ചേർന്ന് നിർമിക്കുന്ന “ധീരൻ” സിനിമയുടെ റിലീസ് അപ്ഡേറ്റ് അണിയറപ്രവർത്തകർ പുറത്തുവിട്ടു. ജൂലൈയിൽ ചിത്രം പ്രദർശനത്തിനെത്തുമെന്ന അപ്ഡേറ്റ് പോസ്റ്ററാണ് പുറത്തിറങ്ങിയത്. പോസ്റ്ററിൽ മാല പടക്കം പിടിച്ചു നിൽക്കുന്ന നായകൻ രാജേഷ് മാധവനും കൂടാതെ സഹതാരങ്ങളായ ജഗദീഷ്, സുധീഷ്, മനോജ് കെ ജയൻ, അശോകൻ എന്നിവരെയും കാണാം. ഇതിന് മുൻപ് ഇറങ്ങിയ ഫസ്റ്റ് ലുക്ക് പോസ്റ്ററും ഏറെ ശ്രദ്ധ നേടിയിരുന്നു. ചിത്രത്തിന്റെ പോസ്റ്ററുകൾ സൂചിപ്പിക്കുന്നത് തീർത്തും പക്കാ ഫൺ എന്റെർറ്റൈനെർ തന്നെയാകും ‘ധീരൻ’ എന്നാണ്. ഭീഷ്മപർവം എന്ന ഒറ്റ മെഗാഹിറ്റ് ചിത്രത്തിലൂടെ മലയാളികൾക്ക് സുപരിചിതനായ ദേവദത്ത് ഷാജി സംവിധായകനാകുന്നു എന്ന സവിശേഷതയും ധീരനുണ്ട്. ചിത്രത്തിന്റെ രചനയും ദേവദത്ത് തന്നെയാണ്.
രാജേഷ് മാധവൻ നായകനാകുന്ന ധീരനിൽ ജഗദീഷ്, മനോജ് കെ ജയൻ, ശബരീഷ് വർമ്മ, അശോകൻ, വിനീത്, സുധീഷ്, അഭിരാം രാധാകൃഷ്ണൻ എന്നിവരാണ് മറ്റ് താരങ്ങൾ. അശ്വതി മനോഹരനാണ് നായിക. ഇവരെ കൂടാതെ സിദ്ധാർഥ് ഭരതൻ, അരുൺ ചെറുകാവിൽ, ശ്രീകൃഷ്ണ ദയാൽ (ഇൻസ്പെക്ടർ ഋഷി, ജമ, ദ ഫാമിലി മാൻ ഫെയിം), ഇന്ദുമതി മണികണ്ഠൻ (മെയ്യഴകൻ, ഡ്രാഗൺ ഫെയിം), വിജയ സദൻ, ഗീതി സംഗീത, അമ്പിളി (പൈങ്കിളി ഫെയിം) എന്നിവരും ധീരനിലെ മുഖ്യ താരങ്ങളാണ്.
അർബൻ മോഷൻ പിക്ചർസും, UVR മൂവീസ്, JAAS പ്രൊഡക്ഷൻസ് എന്നിവരാണ് സഹനിർമ്മാതാക്കൾ. സംവിധായകനും തിരക്കഥാകൃത്തുമായിരുന്ന ലോഹിതദാസിന്റെ മകൻ ഹരികൃഷ്ണൻ ലോഹിതദാസ് ആണ് ധീരന്‍റെ ഛായാഗ്രഹണം നിർവഹിക്കുന്നത്. സംഗീതം: മുജീബ് മജീദ്, എഡിറ്റിംഗ്: ഫിൻ ജോർജ്ജ് വർഗീസ്, പ്രൊഡക്ഷൻ കൺട്രോളർ- പ്രണവ് മോഹൻ, പ്രൊഡക്ഷൻ ഡിസൈനർ- സുനിൽ കുമാരൻ, ലിറിക്‌സ്- വിനായക് ശശികുമാർ, കോസ്റ്യൂംസ്- സമീറ സനീഷ്, മേക്കപ്പ്- സുധി സുരേന്ദ്രൻ, ആക്ഷൻ ഡയറക്ടർസ്- മഹേഷ് മാത്യു, മാഫിയ ശശി, അഷ്‌റഫ് ഗുരുക്കൾ, സൗണ്ട് ഡിസൈൻ- വിക്കി, ചീഫ് അസ്സോസിയേറ്റ് ഡയറക്ടർ- സുധീഷ് രാമചന്ദ്രൻ, പിആർഒ- വൈശാഖ് വടക്കേവീട്, ജിനു അനിൽകുമാർ, സ്റ്റീൽസ്- റിഷാജ് മുഹമ്മദ്, ഡിസൈൻസ്- യെല്ലോ ടൂത്ത്സ്, ഡിസ്ട്രിബൂഷൻ- ഐക്കൺ സിനിമാസ് റിലീസ്.
Film
മാനേജറെ മര്‍ദിച്ചെന്ന കേസ്; നടന്‍ ഉണ്ണി മുകുന്ദൻ്റെ മുന്‍കൂര്‍ ജാമ്യ ഹര്‍ജി കോടതി തീര്‍പ്പാക്കി
വിവാദങ്ങളിൽ പ്രതികരിക്കാൻ ഉണ്ണി മുകുന്ദൻ ഇന്ന് വൈകിട്ട് 4:30ന് കൊച്ചിയിൽ മാധ്യമങ്ങളെ കാണും
-
kerala8 hours agoരാജ്യത്ത് കോവിഡ് കേസുകള് വര്ധിക്കുന്നു; 4000 കടന്നു
-
india28 mins agoമുസ്ലിംകള്ക്കെതിരെ വിദ്വേഷ പരാമര്ശം; ഇന്സ്റ്റഗ്രാം ഇന്ഫ്ളുവന്സറുടെ ജാമ്യാപേക്ഷ ഹൈക്കോടതി തള്ളി
-
india2 days agoസംസ്ഥാനത്ത് വീണ്ടും കോവിഡ് മരണം; 24 വയസ്സുകാരി മരിച്ചു
-
india11 hours agoസിക്കിമിലെ സൈനിക ക്യാമ്പിലുണ്ടായ മണ്ണിടിച്ചിലില്; കാണാതായ സൈനികര്ക്കായുള്ള തിരച്ചില് തുടരുന്നു
-
kerala3 days agoസ്വകാര്യ ബസുകള് അനിശ്ചിതകാല സമരത്തിലേക്ക്
-
kerala7 hours agoതിരുവനന്തപുരത്ത് സ്കൂള് ബസ് നിയന്ത്രണം വിട്ട് വയലിലേക്ക് മറിഞ്ഞു
-
india9 hours agoപ്രണയാഭ്യര്ഥന നിരസിച്ചു; പൊള്ളാച്ചിയില് മലയാളി പെണ്കുട്ടിയെ യുവാവ് കുത്തി കൊലപ്പെടുത്തി
-
kerala10 hours agoഇറക്കിവിടാനാകില്ല; ഭര്ത്താവിന്റെ മരണശേഷവും പങ്കാളിക്ക് ഭര്തൃവീട്ടില് താമസിക്കാം; ഹൈക്കോടതി