ചന്ദ്രിക പ്രചാരണ കാമ്പയിന് കര്‍മപദ്ധതി

കോഴിക്കോട്: സമൂഹത്തിന്റെ കെട്ടുറപ്പുറം സമുദായത്തിന്റെ അസ്തിത്വവും കാത്തുസൂക്ഷിക്കുന്നതില്‍ മുസ്ലിംലീഗിന്റെ മുഖപത്രമായ ചന്ദ്രിക വഹിക്കുന്ന പങ്ക് മഹത്തരമാണെന്ന് ദേശീയ ജനറല്‍ സെക്രട്ടറിയും ചന്ദ്രിക ഡയറക്ടറുമായ പി.കെ കുഞ്ഞാലിക്കുട്ടി. പിന്നാക്ക വിഭാഗങ്ങള്‍ക്കിടയില്‍ വിദ്യാഭ്യാസവും സാക്ഷരതയുമെല്ലാം വ്യാപിപ്പിക്കുന്നതില്‍ ചന്ദ്രിക ചെലുത്തിയ സ്വാധീനം പില്‍ക്കാലത്ത് വികസനത്തിലും പുരോഗതിയിലും പ്രകടമായി. ചന്ദ്രിക പ്രചാരണ കാമ്പയിന്റെ ഭാഗമായി കോഴിക്കോട് ലീഗ് ഹൗസില്‍ നടന്ന മുസ്ലിം ലീഗ് ജില്ലാ പ്രസിഡന്റ്, ജനറല്‍ സെക്രട്ടറിമാര്‍, ചന്ദ്രിക ജില്ലാ കോഡിനേറ്റര്‍മാര്‍, പോഷക-അനുബന്ധ സംഘടനകളുടെ സംസ്ഥാന പ്രസിഡന്റ്, ജനറല്‍ സെക്രട്ടറിമാരുടെ സംയുക്ത നേത്യയോഗം ഉദ്ഘാടനം ചെയ്യുകയായിരുന്നു അദ്ദേഹം. വിദ്വേഷവും പ്രചരിപ്പിക്കുന്നവര്‍ക്കെതിരെയും ജനവിരുദ്ധ ഭരണകൂടങ്ങള്‍ക്കെതിരെയും ചരിത്ര ദൗത്യവുമായി ചന്ദ്രിക വിട്ടുവീഴ്ചയില്ലാതെ മുന്നോട്ടു പോകുമെന്നു പ്രചാരണ കാമ്പയിന്‍ സമിതി ചെയര്‍മാന്‍ കൂടിയായ പി.കെ കുഞ്ഞാലിക്കുട്ടി വ്യക്തമാക്കി.

കോഴിക്കോട് ജില്ലയില്‍ നവമ്പര്‍ 30 വരെ നീട്ടിയ കാമ്പയിന്‍ മറ്റു ജില്ലകളില്‍ ഡിസംബര്‍ ഒന്നു മുതല്‍ 20 വരെയാണ്. കഴിഞ്ഞ കാമ്പയിന്‍ കാലയളവില്‍ മികച്ച പ്രവര്‍ത്തനം നടത്തിയ ആദ്യ മൂന്ന് സ്ഥാനങ്ങളിലെത്തിയ മലപ്പുറം, കോഴിക്കോട്, കണ്ണൂര്‍ ജില്ലകള്‍ക്ക് ഉപഹാരം നല്‍കി. ചന്ദ്രിക ഡയറക്ടറും പ്രചാരണ സമിതി കണ്‍വീനറുമായ ഡോ. എം.കെ മുനീര്‍ എം.എല്‍.എ അധ്യക്ഷത വഹിച്ചു. മുസ്ലിം ലീഗ് സംസ്ഥാന ജനറല്‍ സെക്രട്ടറി അഡ്വ. പി.എം.എ സലാം സ്വാഗതവും സെക്രട്ടറി പാറക്കല്‍ അബ്ദുള്ള നന്ദിയും പറഞ്ഞു. ചന്ദ്രിക ചുമതലയുള്ള വൈസ് പ്രസിഡണ്ട് ഉമ്മര്‍ പാണ്ടികശാല കാമ്പയിന്‍ സംബന്ധിച്ച് വിശദീകരിച്ചു.

മുസ്ലിം ലീഗ് സംസ്ഥാന വൈസ് പ്രസിഡണ്ട് അബ്ദുറഹിമാന്‍ കല്ലായി, എന്‍.എ നെല്ലിക്കുന്ന് എം.എല്‍.എ, ബീമാപ്പള്ളി റഷീദ്, എം.എ റസാക്ക് മാസ്റ്റര്‍, ടി.ടി ഇസ്മായില്‍, അഡ്വ.കരീം ചേലേരി, കെ.ടി സഹദുള്ള, എ മുനീര്‍ ഹാജി, ടി മുഹമ്മദ്, അഷ്‌റഫ് കോക്കൂര്‍, പി.എം അമീര്‍, അഡ്വ. വി.ഇ അബ്ദുല്‍ ഗഫൂര്‍, അസീസ് ബഡായില്‍, റഫിഖ് മണിമല, അഡ്വ. അന്‍സലാഹ്, എ.എം നസീര്‍, കമാല്‍ എം മാക്കിയില്‍, സൂപ്പി നരിക്കാട്ടിരി, ടി.എച്ച് അബ്ദുല്‍ സമദ്, അഹമ്മദ്കുട്ടി ഉണ്ണികുളം, യു. പോക്കര്‍, എന്‍.സി അബുബക്കര്‍, അഡ്വ.നാലകത്ത് ചന്ദ്രിക ഡയറക്ടര്‍ പി.എം.എ സെമീര്‍, എഡിറ്റര്‍ കമാല്‍ വരദൂര്‍, കോഡിനേറ്റര്‍ അരിമ്പ്ര മുഹമ്മദ് മാസ്റ്റര്‍ സംസാരിച്ചു.

മുസ്ലിംലീഗ് ജില്ലാ പോഷക അനുബന്ധ സംഘടന സംസ്ഥാന പ്രതിനിധികളും ചന്ദ്രിക കോഓര്‍ഡിനേറ്റര്‍മാരുമായ എ.എം നസീര്‍, സുഹ്‌റ മമ്പാട്, ഷറീന ഹസീബ്, ജമാല്‍ എം, അഡ്വ.എ.എ റസാഖ്, കെ കുഞ്ഞബ്ദുല്ല കൊളവയല്‍, പി.കെ അബ്ദുറഹിമാന്‍, റഷിദ്, സിബി മുഹമ്മദ്, മുഹമ്മദ് കോയ സി.കെ, അഡ്വ. അബു ബക്കര്‍, ഹനീഫ പാനായി, ഇ.പി ബാബു, ശശിധരന്‍, യു.വി മാധവന്‍, എം.എ ലത്തീഫ്, ഉമ്മര്‍ ഒട്ടുമ്മല്‍, എ.കെ സൈനുദ്ദീന്‍, പി.കെ അസിസ്, അഷ്ഹര്‍ പെരുമുക്ക്, വി.എം.എ ബക്കര്‍, എം.പി അഷ്‌റഫ് മൂപ്പന്‍, കെ.ഐ അബ്ദുന്നാസര്‍, ശീകിര്‍ കെ റഹ്‌മാന്‍, സലീം കുരുവമ്പലം, പി.എം.എ ജലില്‍, കെ.പി ഇബ്ബിച്ചി മമ്മുഹാജി, പൊന്‍പാറ കോയക്കുട്ടി, ഡോ.ഷിബിന്‍, ടി.എന്‍.എ ഖാദര്‍, ടി.കെ ഖാലിദ്, ഹനീഫ മൂന്നിയൂര്‍, അഹമ്മദ് മേത്തൊടിക, നസീം ഹരിപ്പാട്, പി.എം മുനീര്‍, സി മുഹമ്മദ്, അഹമ്മദ് പുന്നക്കല്‍, കളത്തില്‍ അബ്ദുല്ല, ടി മുഹമ്മദ്, ആരാമ്പ്ര മുഹമ്മദ്, ഫൈസല്‍ കെ.പി, പി.കെ ഷറഫുദ്ദീന്‍, സി.കെ.വി യൂസുഫ്, ടി ഉമ്മര്‍ ചെറുപ്പ, കെ.പി സഹദുളള, ചന്ദ്രിക ഡെപ്യൂട്ടി ജന.മാനേജര്‍ നജീബ് ആലുക്കല്‍, എ.ഒ കെ.എം സല്‍മാന്‍, കോഴിക്കോട് റസിഡന്റ് എഡിറ്റര്‍ ലുഖ്മാന്‍ മമ്പാട്, മാ നേജര്‍ മുനീബ് ഹസന്‍, സര്‍ക്കുലേഷന്‍ മാനേജര്‍ സലീം ഒളവണ്ണ സംബന്ധിച്ചു.

സംസ്ഥാനത്ത് സ്വർണവിലയിൽ വീണ്ടും വർധനവ്. പവന് ഇന്ന് 480 രൂപയാണ് വർധിച്ചത്. ഇതോടെ ഒരു പവൻ സ്വർണത്തിന്റെ വില 55,960 രൂപയിലെത്തി. ഗ്രാമിന് 60 രൂപ വർധിച്ച് 6995 രൂപയിലാണ് ഇന്ന് വ്യാപാരം നടക്കുന്നത്. ആഗോളവിപണിയിൽ സ്‌പോട്ട് ഗോൾഡ് വില ഔൺസിന് 2571 ഡോളർ നിലവാരത്തിലാണ്.

രാജ്യത്തെ കമ്മോഡിറ്റി വിപണിയായ എംസിഎക്‌സിൽ 24 കാരറ്റ് സ്വർണത്തിന്റെ വില 74,952 രൂപയായി. ആഭ്യന്തര വിപണിയിൽ ആവശ്യം കൂടിയതോടെയാണ് സ്വർണവില ഉയർന്നത്. അടുത്തിടെ സ്വർണത്തിന് വില കുത്തനെ ഇടിഞ്ഞതോടെയാണ് ആഭ്യന്തര വിപണിയിൽ ആവശ്യക്കാർ കൂടിയത്.

സാമുദായിക സൗപാര്‍ദ്ദത്തിന്റെ അംബാസിഡറെന്ന് മലയാളിക്കര നീട്ടിവിളിച്ച പാണക്കാട് തങ്ങന്മാരുടെ യോഗ്യത അളക്കാനുള്ള മുഖ്യമന്ത്രി പിണറായി വിജയന്റെ ശ്രമം അദ്ദേഹവും അദ്ദേഹത്തിന്റെ പ്രസ്താനവും എത്തിച്ചേര്‍ന്നിട്ടുള്ള വര്‍ഗീയബാന്ധവത്തിന്റെ ബഹിസ്ഫുരണമായി മാത്രമേ കാണാന്‍ കഴിയൂ. കേരളത്തിന്റെ സാമുദായിക സൗഹാര്‍ദ്ദത്തിന്റെ കടക്കല്‍ കത്തിവെക്കാനും, വിവിധ വിഷയങ്ങളുയര്‍ത്തിപ്പിടിച്ച് വര്‍ഗീയ ധ്രുവീകരണത്തിനുള്ള വ്യാപകമായ ശ്രമങ്ങളും സംഘ്പരിവാര്‍ ശക്തികളുടെ നേത്യത്വത്തില്‍ നടന്നുകൊണ്ടിരിക്കുമ്പോള്‍ അതിന് അനുഗുണമായ നീക്കങ്ങളാണ് ഇടതു സര്‍ക്കാറിന്റെയും മുഖ്യമന്ത്രി പിണറായി വിജയന്റെയും ഭാഗത്തുനിന്ന് നിരന്തരം ഉണ്ടായിക്കൊണ്ടിരിക്കുന്നത്. ത്യശൂര്‍പൂരം കലങ്ങിയതിലും ആര്‍.എസ്.എസ് ബാന്ധവത്തിന്റെ പേരില്‍ സംശയത്തിന്റെ നിഴലില്‍ നില്‍ക്കുന്ന ഉന്നത ഉദ്യോഗസ്ഥരോടുള്ള അനുഭാവ പൂര്‍ണമായ സമീപനത്തിലും മുനമ്പം വിഷയം അപരിഹാര്യമായി അനന്തമായിനീട്ടിക്കൊണ്ടുപോകുന്നതിലുമെല്ലാം ഈ സഹായ ഹസ്തത്തിന്റെ ലാഞ്ചനകളാണ് നിറഞ്ഞുനില്‍ക്കുന്നത്.

രാജ്യത്തെ ഇതര ദേശങ്ങളില്‍ നിന്ന് വിഭിന്നമായി കേരളത്തെ സാമുദായിക സൗഹാര്‍ദ്ദത്തിന്റെയും പരസ്പര വിശ്വാസത്തിന്റെയും ഈറ്റില്ലമാക്കിമാറ്റുന്നതില്‍ അതിനിര്‍ണായകമായ പങ്കുവഹിച്ചിട്ടുള്ള പാണക്കാട് കുടുംബത്തെയും മഹിതമായ ആ തറവാടിന്റെ വര്‍ത്ത മാനകാല നായകന്‍ സയ്യിദ് സാദിഖലി ശിഹാബ്തങ്ങളെയും അനിതരസാധാരണമായ രീതിയില്‍ ലക്ഷ്യംവെക്കുന്നതിലൂടെ ഈ നാട് തകര്‍ന്നുകാണാനുള്ള സംഘ്പരിവാര്‍ താല്‍പര്യങ്ങള്‍ക്ക് കനത്തൊരു കൈത്താങ്ങാണ് പിണറായി വിജയന്‍ നല്‍കിയിരിക്കുന്നത്. ജാതിമത ഭേദമന്യേ ഒരാള്‍ക്കു മുന്നിലും ഒരിക്കലും കൊട്ടിയടക്കപ്പെടാതെ, മനുഷ്യന്റെ പ്രയാസങ്ങളിലേക്കും വേദനകളിലേക്കും തുറന്നുവെച്ച് കവാടമാണ് കൊടപ്പനക്കല്‍ തറവാട്. ആര്‍ക്കും എപ്പോഴും കടന്നുവരാവുന്ന, സങ്കടങ്ങള്‍ പങ്കുവെക്കാവുന്ന വേദനകള്‍ ഇറക്കിവെക്കാവുന്ന ആ കോലായയെ ലോകം അല്‍ഭുതത്തോടെയാണ് നോക്കിക്കാണുന്നത്. അസാധ്യമെന്ന് കരുതിയ പലതും ആ തിരുമുറ്റത്തു വെച്ച് സാധ്യമാവുന്നത് കണ്ട് സമുദായവും സമൂഹവും പലതവണ അമ്പരന്നുനിന്നിട്ടുണ്ട്. ആശയപരമായി വിയോജിക്കുന്നവര്‍പോലും മാനവികതയുടെ ഈ മഹാത്മ്യ ത്തില്‍ പങ്കാളികളാകുന്നതിനും അത് പാടിപ്പുകഴ്ത്തുന്നതിനും ഒരു മടിയും മറയും പ്രകടിപ്പിക്കാറില്ല.

വെറുപ്പിന്റെയും വിദ്വേഷത്തിന്റെയും മാര്‍ഗംവിട്ട് സ്‌നേഹത്തിന്റെ കടയില്‍ അംഗത്വമെടുത്ത സന്ദീപ് വാര്യറും സാക്ഷ്യപ്പെടുത്തിയത് ഈ യാഥാര്‍ത്ഥ്യമാണ്. ബി.ജെ.പിയോടൊപ്പമായിരുന്നപ്പോള്‍ പോലും ഈ മുറ്റത്തെ അല്‍ഭുതത്തോടെയാണ് താന്‍ നോക്കിക്കണ്ടിരുന്നതെന്ന അദ്ദേഹത്തിന്റെ വാക്കുകള്‍ അര്‍ത്ഥമാക്കുന്നത് മറ്റൊന്നല്ല. ഈ സാഹചര്യത്തില്‍ ദേശീയതലത്തില്‍ തന്നെ ശ്രദ്ധിക്കപ്പെടുന്ന രീതിയില്‍, ബി.ജെ.പിയുടെ ഉന്നതാധികാര സമിതി അംഗമായിരുന്നൊരാള്‍ ഒരു നിബന്ധനകളുടെയും പുറത്തല്ലാതെ മ തേതരപക്ഷത്തേക്ക് കടന്നുവരികയും കൊടപ്പനക്കല്‍ തറവാട്ടിലെത്തി ആശിര്‍വാദങ്ങളേറ്റുവാങ്ങുകയും ചെയ്യുമ്പോള്‍ കേരളത്തിന്റെ മുഖ്യമന്ത്രിക്ക് അസ്വസ്ഥതയും അസഹിഷ്ണുതയുമുണ്ടാകുന്നുവെങ്കില്‍ അത് സംഘപരിവാര്‍ ബാന്ധവത്തിന്റെ അനുരണനമല്ലാതെ മറ്റെന്താണ്. മുഖ്യമന്ത്രിയും കൂട്ടരും നാഴികക്കു നാല്‍പ്പതുവട്ടം വിളിച്ചു പറയുന്ന മതനിരപേക്ഷതയോട് ആത്മാര്‍ത്ഥതയുടെ ഒരു തരിമ്പെങ്കിലുമുണ്ടെങ്കില്‍ ഈ നിലപാടുമാറ്റത്തെ സ്വാഗതം ചെയ്യുകയും കൂടിക്കാഴ്ച്ചയില്‍ സന്തോഷം പ്രകടിപ്പിക്കുകയുമല്ലേ വേണ്ടത്.

ബാബരി മസ്ജിദ് ധ്വംസനാനന്തരമുള്ള സ്‌തോഭജനകമായ രാഷ്ട്രീയ സാഹചര്യത്തെയാണ് സാദിഖലി തങ്ങളെ വിമര്‍ശിക്കാന്‍ പിണറായി ഉപയോഗിച്ചതെന്നതും യാദൃശ്ചികമായി കാണാനാകില്ല. സംഘ്പരിവാര്‍ ആഗ്രഹിച്ചതുപോലെ രാജ്യമൊന്നടങ്കം വര്‍ഗീയകലാപങ്ങളാല്‍ വെന്തുരുകിയപ്പോള്‍ കേരളം സമാധാനത്തിന്റെ തുരുത്തായി മാറിയത് പാണക്കാട് സയ്യിദ് മുഹമ്മദലി ശിഹാബ് തങ്ങളെടുത്ത ധീരോദാത്തമായ നിലപാടൊന്നുകൊണ്ടുമാത്രമായിരുന്നുവെന്നതിന് സാക്ഷി കലര്‍പ്പില്ലാത്ത ചരിത്രമാണ്. വൈകാരിക വിക്ഷോഭങ്ങളുടെ മഹാപ്രവാഹങ്ങള്‍ക്കുമുന്നില്‍ സമാധാനത്തിന്റെ സന്ദേശവുമായി ഒരവദൂതനെപോലെ നി ലയുറപ്പിക്കുമ്പോള്‍ രാഷ്ട്രിയമായ ലാഭനഷ്ടങ്ങളുടെ കണക്കുപുസ്‌കങ്ങളിലേക്കല്ല തങ്ങള്‍ നോക്കിയത്. മറിച്ച് ഈ നാടിന്റെ സമാധാനാന്തരീക്ഷത്തിന്റെ സംരക്ഷണത്തിലേക്കാണ്. മനസാക്ഷി മരവിച്ചുപോയിട്ടില്ലാത്ത, ഹ്യദയം കല്ലായിപ്പോയിട്ടില്ലാത്ത ഏതൊരാളുടെയും കാതുകള്‍ കോരിത്തരിക്കുകയും കണ്ണുകള്‍ ഈറനണിഞ്ഞുപോവുകയും ചെയ്യുന്ന സമ്മോഹനമായ ഈ ചരിത്രമുഹൂര്‍ത്തത്തെ കേവല രാഷ്ട്രീയ നേട്ടത്തിനുവേണ്ടി അവമതിക്കാന്‍ ശ്രമിക്കുന്നതിലൂടെ പിണറായി വിജയന്‍ സ്വയം ചെറുതാവുകയാണ് ചെയ്യുന്നത്. പറഞ്ഞുറപ്പിച്ചുപോയ ധാരണകള്‍ക്കുവേണ്ടി മുഖ്യമന്ത്രിക്ക് മനസാക്ഷിയെ തന്നെ പണയപ്പെടുത്തേ ണ്ടിവരുന്നുണ്ടാവാം. എന്നാല്‍ ഈ നാടിന്റെ അസ്തിവാരമിളക്കുന്ന പ്രവര്‍ത്തനങ്ങള്‍ അതിനുവേണ്ടിയുണ്ടാകരുതെന്ന് മാത്രമേ അദ്ദേഹത്തെ ഓര്‍മപ്പെടുത്താനുള്ളൂ.