റമ്പൂട്ടാൻ തൊണ്ടയിൽ കുടുങ്ങി കുഞ്ഞ് മരിച്ചു. അഞ്ചുമാസം പ്രായമുള്ള കുഞ്ഞിന് ദാരുണാന്ത്യം. തിരുവനന്തപുരം തോട്ടയ്ക്കാട് മംഗ്ലാവിൽ വീട്ടിൽ അനീഷ് – വൃന്ദ ദമ്പതികളുടെ ആൺകുഞ്ഞ് ആദം ആണ് മരിച്ചത്.ഇന്നലെ വൈകുന്നേരമാണ് കുഞ്ഞ് റമ്പൂട്ടാൻ പുറംതോടോടെ വിഴുങ്ങിയത്.

കുഞ്ഞിനെ സ്വകാര്യ ആശുപത്രിയിൽ എത്തിക്കുകയും വിഴുങ്ങിയ റമ്പൂട്ടാൻ പുറത്തെടുക്കുകയും ചെയ്തു. തിരുവനന്തപുരം SAT ആശുപത്രിയിൽ പ്രവേശിപ്പിച്ച് ചികിൽസയിലിരിക്കെ ഇന്ന് രാവിലെ മരണം സംഭവിക്കുകയായിരുന്നു.

കോഴിക്കോട് ജില്ലയിൽ ചില സ്ഥലങ്ങളിൽ ഉത്പാദിപ്പിച്ച മിക്സ്ചറിൽ ടാർട്രാസിൻ ചേർത്തതായി കണ്ടെത്തി. അതത് കടകളിലെ മിക്സ്ചറിന്റെ വിൽപ്പനയും നിർമാണവും ഭക്ഷ്യ സുരക്ഷാ വകുപ്പ് നിരോധിച്ചു. വടകര, പേരാമ്പ്ര, കൊടുവള്ളി, തിരുവമ്പാടി സർക്കിളുകളിൽ നിന്നു ശേഖരിച്ച് പരിശോധനയ്ക്കയച്ച മിക്സ്ചറുകളിലാണ് ടാർട്രാസിൻ സാന്നിധ്യം കണ്ടെത്തിയത്. വിൽപ്പന നടത്തിയവർക്കും നിർമിച്ചവർക്കുമെതിരെ പ്രോസിക്യൂഷൻ നടപടികളുമായി മുന്നോട്ടു പോകും.

ചില ഭക്ഷ്യ വസ്തുക്കളിൽ അനുവദനീയമായ അളവിൽ ടാർട്രാൻസിൻ നിറം ചേർക്കാമെങ്കിലും മിക്സചറിൽ ഇതു ചേർക്കാൻ പാടില്ല. അലർജിക്ക് കാരണമാകും. വടകര ജെടി റോഡിലെ ഹർഷ ചിപ്സ്, പേരാമ്പ്ര കല്ലുംപുറം വേക്ക് ആൻഡ് ബേക്ക് ബേക്കറി, കൊടുവള്ളി കിഴക്കോത്ത് ഹാപ്പി ബേക്സ്, മുക്കം അ​ഗസ്ത്യൻമുഴ ബ്രദേഴ്സ് ബേക്സ് ആൻഡ് ചിപ്സ് എന്നീ സ്ഥാപനങ്ങളിലെ മിക്സ്ചർ വിൽപ്പനയാണ് ഭക്ഷ്യ സുരക്ഷാ അസിസ്റ്റന്റ് കമ്മീഷണർ നിരോധിച്ചത്. ഓമശ്ശേരി പുതൂർ റിയാ ബേക്കറിയുടെ മിക്സ്ചർ ഉത്പാദനവും നിരോധിച്ചിട്ടുണ്ട്. ട

ടാർട്രാസിൻ കൂടുതൽ അലർജി സാധ്യതയുള്ളതാണ്. അതിനാൽ ഇത് പലതരം ഭക്ഷ്യ വസ്തുക്കളിൽ ചേർക്കുന്നതിൽ നിയന്ത്രണമുണ്ട്. മക്സ്ചറുകൾക്ക് മഞ്ഞ നിറം ലഭിക്കുന്നതിാനായാണ് സാധാരണയായി ഈ കൃത്രിമ നിറം ഉപയോ​ഗിക്കുന്നത്. മലയാളികളിൽ പൊതുവെ പലരും കൂടുതലായി കഴിക്കുന്ന ഭക്ഷ്യ വസ്തുവാണ് മിക്സ്ചർ. കച്ചവടക്കാരിൽ പലർക്കും ഇതിനെക്കുറിച്ച് അറിയില്ലെന്നാണ് ഭക്ഷ്യ സുരക്ഷാ അധികൃതർ വ്യക്തമാക്കി.

ക​ണ്ണൂ​ർ: സി.പി.എമ്മിന് കടുത്ത ഭീഷണിയുയര്‍ത്തി ദലിത് പോരാട്ടങ്ങളിൽ ശ്രദ്ധേയയായ ഓ​ട്ടോ​ഡ്രൈ​വ​ർ ചി​ത്ര​ലേ​ഖ (48) നിര്യാതയായി. പുലർച്ചെ മൂന്നോടെ കണ്ണൂർ കമ്പിലെ ആശുപത്രിയിലായിരുന്നു അന്ത്യം. പാ​ൻ​ക്രി​യാ​സ് കാ​ൻ​സ​റി​നെ തുടർന്ന് ചികിത്സയിലായിരുന്നു. കനത്ത ശ്വാസംമുട്ടലിനെ തുടർന്നാണ് മരിച്ചത്. മൃതദേഹം നാളെ രാവിലെ ഒമ്പതിന് ആശുപത്രിയിൽ നിന്ന് വീട്ടിലെത്തിക്കും. 10 മണിക്ക് പയ്യാമ്പലത്ത് സംസ്കരിക്കും. ശ്രീ​ഷ്‍കാ​ന്താണ് ഭര്‍ത്താവ്. മക്കൾ: മനു, ലേഖ.

പ​യ്യ​ന്നൂ​ർ സ്വ​ദേ​ശി​നി​യാ​യ ചി​ത്ര​ലേ​ഖ, സി.​പി.എ​മ്മു​മാ​യി ഏ​റ്റു​മു​ട്ടി​യാ​ണ് വാ​ർ​ത്ത​ക​ളി​ൽ ഇ​ടം​പി​ടി​ച്ച​ത്. ഏ​താ​നും വ​ർ​ഷ​ങ്ങ​ളാ​യി ക​ണ്ണൂ​ർ കാ​ട്ടാ​മ്പ​ള്ളി​യി​ലാ​ണ് താ​മ​സം. ഇ​വി​ടെ​ പു​തി​യ വീ​ടി​ന് മു​ന്നി​ൽ നി​ർ​ത്തി​യി​ട്ട ഓ​ട്ടോ​റി​ക്ഷ​ക്ക് ക​ഴി​ഞ്ഞ​ വ​ർ​ഷം ആ​ഗ​സ്റ്റ് 25ന് ​പു​ല​ർ​ച്ചെ​യാ​ണ് തീ​യി​ട്ട​ത്. സി.​പി.​എ​മ്മു​കാ​രാ​ണ് തീ​യി​ട്ട​തെ​ന്നാ​യിരുന്നു ആ​രോ​പി​ച്ച​ത്. കേ​സും പ്ര​തി​ഷേ​ധ​വു​മാ​യി മാ​സ​ങ്ങ​ളോ​ളം ക​ഴി​ഞ്ഞു ​വ​രു​ന്ന​തി​നി​ടെ സ​ന്ന​ദ്ധ സം​ഘ​ട​ന​യു​ടെ സ​ഹാ​യം വ​ഴി ഓ​ട്ടോ​റി​ക്ഷ ല​ഭി​ച്ചു. വീ​ണ്ടും നി​ര​ത്തി​ലി​റ​ങ്ങി ആ​ഴ്ച​ക​ൾ​ക്ക​ക​മാ​ണ് രോ​ഗം ബാ​ധി​ച്ച് തു​ട​ങ്ങി​യ​ത്.

2002ൽ ​തീ​യ സ​മു​ദാ​യ​ത്തി​ൽ​പെ​ട്ട ശ്രീ​ഷ്‍കാ​ന്തി​നെ പ്ര​ണ​യി​ച്ചു വി​വാ​ഹം ചെ​യ്ത​തോ​ടെ​യാ​ണ് ജാ​തി​ വി​വേ​ച​ന​ത്തി​നും പീ​ഡ​ന​ത്തി​നും ചിത്ര​ലേ​ഖ ഇ​ര​യാ​യ​ത്. ന​ഴ്​​സാ​യി​രു​ന്ന ഇ​വ​ർ ആ ​ജോ​ലി വി​ട്ട് ഭ​ർ​ത്താ​വി​നൊ​പ്പം ഓ​ട്ടോ​റി​ക്ഷ ഡ്രൈ​വ​റാ​വാ​ൻ തീ​രു​മാ​നി​ച്ചു. വി​വാ​ഹ​ശേ​ഷം വായ്പയെടുത്ത് വാ​ങ്ങി​യ ഓ​ട്ടോ​റി​ക്ഷ​യു​മാ​യി പ​യ്യ​ന്നൂ​രിനടുത്ത് എ​ടാ​ട്ട് ഓ​​ട്ടോ സ്റ്റാ​ന്റിലെ​ത്തി​യ​തോ​ടെ​യാ​ണ് പ്ര​ശ്ന​ങ്ങ​ളു​ടെ തു​ട​ക്കം. ഇ​വി​ടെ​വെ​ച്ച് ജാ​തീ​യ​മാ​യി അ​ധി​ക്ഷേ​പം നേ​രി​ട്ടു. പി​ന്നീ​ട് ഓ​ട്ടോ​റി​ക്ഷ​ക്കു​ നേ​രെ ആ​ക്ര​മ​ണ​മാ​യി. 2005 ഡി​സം​ബ​ർ 30ന് ​ഓ​ട്ടോ​റി​ക്ഷ ക​ത്തി​ച്ചു. അ​ന്ന് മു​ത​ൽ സി.​പി.എ​മ്മി​നെ​തി​രെ പ​ര​സ്യ​മായി രംഗത്തെത്തുകയായിരുന്നു.