Football
മലപ്പുറം അതിഗംഭീരം
ആതിഥേയരെന്ന ആനുകൂ ല്യവുമായി നെഹ്‌റു സ്റ്റേഡിയത്തിലിറങ്ങിയ ഫോഴ്‌സ് കൊച്ചി എഫ്.സിയെ മലപ്പുറംപട തകര്‍ത്തുവിട്ടത് എതിരില്ലാത്ത രണ്ട് ഗോളുകള്‍ക്ക്
മലപ്പുറത്തിന്റെ ‘പവര്‍ ഗ്രൂപ്പി’ന് മുന്നില്‍ കൊച്ചിയുടെ പടയാളി കള്‍ക്ക്പിടിച്ചുനില്‍ക്കാനായില്ല. സൂപ്പര്‍ ലീഗ് കേരളയുടെ പ്രഥമ സീസണിലെ ആദ്യ ജയം മലപ്പു റം എഫ്‌സി സ്വന്തം പേരില്‍ കുറിച്ചു. ആതിഥേയരെന്ന ആനുകൂ ല്യവുമായി നെഹ്‌റു സ്റ്റേഡിയത്തിലിറങ്ങിയ ഫോഴ്‌സ് കൊച്ചി എഫ്.സിയെ മലപ്പുറംപട തകര്‍ത്തുവിട്ടത് എതിരില്ലാത്ത രണ്ട് ഗോളുകള്‍ക്ക്. നാലാം മിനിറ്റില്‍ സ്പാനിഷ് സ്‌ട്രൈക്കര്‍ പെഡ്രോ മാന്‍സിയും, 40-ാം മിനിറ്റില്‍ ഫസലുറഹ്മാന്‍ കൊച്ചിയുടെ വലയില്‍ നിറയൊഴിച്ചു. ഒപ്പമെ ത്താന്‍ നിരവധി അവസരങ്ങള്‍ കൊച്ചിക്കുണ്ടായി, നിര്‍ഭാഗ്യവും ഗോളി മിഥുന്റെ മികവും അവര്‍ ക്ക് മുന്നിലെ വിലങ്ങായി.
വര്‍ണാഭമായ കലാപരിപാടികളോടെയാ യിരുന്നു സീസണ്‍ തുടക്കം. 9ന് മഞ്ചേരി പയ്യനാട് സ്റ്റേഡിയത്തില്‍ തൃശൂര്‍ എഫ്സിയും കണ്ണൂര്‍ വാരിയേഴ്‌സ് എഫ്സിയും തമ്മിലാണ് ലീഗിലെ രണ്ടാം മത്സരം. 4-3-3 ശൈലിയിലാണ് മലപ്പു റത്തെ പരിശീലകന്‍ ജോണ്‍ ഗ്രിഗറി ആദ്യ അങ്കത്തിനിറക്കിയത്. ക്യാപ്റ്റന്‍ അനസ് എടത്തൊടിക യ്ക്കായിരുന്നു പ്രതിരോധ നിരയുടെയും ചുമതല. സ്പാനിഷ് താരം റൂബെന്‍ ഗാര്‍സ, ഗുര്‍ജിന്ദര്‍ കുമാര്‍, നന്ദുകൃഷ്ണ പി എന്നി വരും പ്രതിരോധക്കോട്ട കെട്ടി. സ്പാനിഷ് താരങ്ങളായ ജോസെ ബബെയറ്റിയ, അയ്‌തൊര്‍ അല്‍ ദലൂര്‍ എന്നിവര്‍ക്കൊപ്പം യുവ താരം അജയ് കൃഷ്ണനും മധ്യനിരയില്‍ അണിനിരന്നു. മുന്നില്‍ നിന്ന് കളിനയിക്കാന്‍ പെഡ്രോ മാന്‍സി,റിസ്ഖാന്‍ അലി,ഫസലുറഹ്മാന്‍ എന്നിവര്‍.
ഗോള്‍വലക്ക് കീഴില്‍ മിഥുന് വി. അണ്ടര്‍ 23 താരം സാല്‍ അനസിനെ ഏകസ് ടൈക്കറാക്കിയാണ് ഫോഴ്സ കൊച്ചി സ്വന്തം തട്ടകത്തില്‍ ആദ്യ മത്സരത്തിനിറങ്ങിയത്. മധ്യനിര യില്‍ തുണീഷ്യന്‍ താരം സൈദ് മുഹമ്മദ് നിദാലിനൊപ്പം മലയാളി താരങ്ങളായ നിജോ ഗില്‍ബെര്‍ട്ട്, ആസിഫ് കോട്ടയില്‍, അര്‍ജുന്‍ ജ യരാജ്, ബ്രസീല്‍ താരം റാഫേല്‍ അഗസ്റ്റോ എന്നിവര്‍. നാലാം മി നിറ്റിലെ ആദ്യ ആക്രമണത്തില്‍ തന്നെ മലപ്പുറം ഗോള്‍ നേടി. മധ്യ നിരയില്‍ ഇടതുവിങിലേക്ക് പ ന്തെത്തി. കോര്‍ണറിന് തൊട്ടുസമീപത്ത് നിന്ന് ഫസലുറഹ്മാന്‍ പന്ത് ഉജ്വലമായി പെനാല്‍റ്റി ബോക്‌സിലേക്കിറക്കി. കാത്തുനിന്ന പെഡ്രോമാന്‍സി തല കൊണ്ട് ചെത്തിയിട്ട പന്ത് ഗ്രൗണ്ടില്‍ പതിച്ച് നേരെ വലയിലേക്ക്. ഫോഴ്‌സയുടെ സമനില നീക്കത്തിനിടെ മികവുറ്റൊരു ടീം ഗോളില്‍ മലപ്പുറം ലീഡുയര്‍ത്തി. 40-ാം മിനിറ്റില്‍ അയ്‌തൊര്‍ അല്‍ദലൂറിനെ സാല്‍ അ നസ് വീഴ്ത്തി, റഫറി മലപ്പുറത്തിന് ഫ്രീക്കിക്ക് നല്‍കി.
അവര്‍ തന്ത്രമൊരുക്കി, നേരിട്ടുള്ള കിക്കിന് പകരം അല്‍ദലൂര്‍ റൂബന്‍ ഗാര്‍സക്ക് പന്ത് മറിച്ചു. ബോക്‌സില്‍ പെഡ്രോയെ ലക്ഷ്യമാക്കി റൂബന്റെ പന്തെത്തി, പെഡ്രോ ഹെഡറിലൂടെ ഗോളിന് വഴിയൊരുക്കി, ഇരച്ചെത്തിയ ഫസലുറഹ്മാന്‍ പന്ത് കൃത്യം കാല്‍കൊരുത്ത് വലയിലെത്തിച്ചു. ആദ്യപകുതിക്ക് പിരിയും മുമ്പ്ഫ്രികിക്കിലൂടെ തന്നെ അക്കൗണ്ട് തുറക്കാന്‍ കൊച്ചിക്ക് മറ്റൊരു അവസരം കൂടി വന്നു. കൊച്ചിയുടെ ആദ്യ ശ്രമം സേവ് ചെയ്ത് മിഥുന് പന്ത് കയ്യിലൊതുക്കാനായില്ല, ക്ലോസ് റേഞ്ചില്‍ പന്ത് ലഭിച്ച ദിരി ഒംറാന്‍ വലകുലുക്കുമെന്ന് എല്ലാവരും കരുതി, പക്ഷേ ടുണീഷ്യക്കാരന് ഉ
ന്നംതെറ്റി.
Football
സൂപ്പര്‍ ലീഗ് കേരള; തൃശൂര്‍ മാജിക് എഫ്‌സിക്ക് തുടര്‍ച്ചയായ മൂന്നാം ജയം
ലീഗില്‍ കൊച്ചിയുടെ തുടര്‍ച്ചയായ നാലാം തോല്‍വിയാണിത്.
സൂപ്പര്‍ ലീഗ് കേരളയില്‍ തൃശൂര്‍ മാജിക് എഫ്‌സിക്ക് തുടര്‍ച്ചയായ മൂന്നാം ജയം. മഹാരാജാസ് സ്റ്റേഡിയത്തില്‍ വെച്ച് നടന്ന മത്സരത്തില്‍ ഫോഴ്സ കൊച്ചി എഫ്‌സിക്കെതിരെ ഒരു ഗോള്‍ നേടി തൃശൂര്‍ മാജിക് എഫ്‌സി അങ്കം വിജയിക്കുകയായിരുന്നു. പകരക്കാരനായി എത്തിയ അഫ്‌സലാണ് ഗോള്‍ നേടിയത്. ലീഗില്‍ കൊച്ചിയുടെ തുടര്‍ച്ചയായ നാലാം തോല്‍വിയാണിത്. അതേസമയം നാല് റൗണ്ട് മത്സരം പൂര്‍ത്തിയായപ്പോള്‍ തൃശൂര്‍ ഒമ്പത് പോയിന്റുമായി ഒന്നാം സ്ഥാനത്തും കൊച്ചി അവസാനസ്ഥാനത്തുമാണ്.
തൃശൂരിന്റെ ലെനി റോഡ്രിഗസിന്റെ പത്താം മിനിറ്റിലെ ഷോട്ട് കൊച്ചിയുടെ അണ്ടര്‍ 23 ഗോള്‍ കീപ്പര്‍ മുഹമ്മദ് മുര്‍ഷിദ് കോര്‍ണര്‍ വഴങ്ങി രക്ഷിച്ചു. പതിനഞ്ചാം മിനിറ്റ് തികയും മുന്‍പ് കൊച്ചിയുടെ സ്പാനിഷ് താരം റാമോണ്‍ ഗാര്‍ഷ്യ പരിക്കേറ്റ് പുറത്തിറങ്ങി. പകരക്കാരനായി മലയാളി താരം ഗിഫ്റ്റി ഗ്രേഷ്യസ് എത്തിയതോടെ താരത്തിന്റെ 25ാം മിനിറ്റില്‍ താഴ്ന്നുവന്ന ഷോട്ട് തൃശൂര്‍ ഗോളി കമാലുദ്ധീന്‍ തടുത്തു. 32ാം മിനിറ്റില്‍ ഫ്രീകിക്കിന് പിന്നാലെ ലഭിച്ച പന്ത് ലെനി റോഡ്രിഗസ് പോസ്റ്റിലേക്ക് തൊടുത്തു വിട്ടെങ്കിലും കൊച്ചി കീപ്പര്‍ മുര്‍ഷിദ് ക്രോസ് ബാറിന് മുകളിലൂടെ തട്ടി. മാര്‍ക്കസ് ജോസഫിന്റെ ക്ലോസ് റെയിഞ്ച് ഹെഡ്ഡറും മുര്‍ഷിദ് തടുത്തു.
എന്നാല്‍ ഇവാന്‍ മാര്‍ക്കോവിച്ചിനെ പിന്‍വലിച്ച തൃശൂര്‍ ഉമാശങ്കറിനെ രണ്ടാം പകുതിയുടെ തുടക്കത്തില്‍ കൊണ്ടുവന്നു. 51ാം മിനിറ്റില്‍ എസ് കെ ഫയാസ് വലതുവിങില്‍ നിന്ന് നല്‍കിയ ക്രോസിന് മാര്‍ക്കസ് ജോസഫ് തലവെച്ചെങ്കിലും ക്രോസ് ബാറിന് മുകളിലൂടെ പുറത്തേക്ക് പോയി. സജീഷിനെ പിന്‍വലിച്ച കൊച്ചി നിജോ ഗില്‍ബര്‍ട്ടിനും എസ്‌കെ ഫായാസിന് പകരം തൃശൂര്‍ ഫൈസല്‍ അലിക്കും അവസരം നല്‍കി. 80ാം മിനിറ്റില്‍ കൊച്ചിയുടെ മുഷറഫിനെ ഫൗള്‍ ചെയ്ത ബിബിന്‍ അജയന് മഞ്ഞക്കാര്‍ഡ് ലഭിച്ചു.
എന്നാല്‍ 90ാം മിനിറ്റില്‍ തൃശൂര്‍ വിജയഗോള്‍ നേടുകയായിരുന്നു. 1-0 ന് തൃശൂര്‍ മാജിക് എഫ്‌സിക്ക് മിന്നും വിജയം നേടാനായി.
Football
പ്രീമിയര്‍ ലീഗ് 2025-26: 2-1ന് ചെല്‍സിയെ തകര്‍ത്ത് സണ്ടര്‍ലാന്‍ഡ്
ശനിയാഴ്ച പ്രീമിയര്‍ ലീഗില്‍ ചെംസ്ഡിന്‍ തല്‍ബിയുടെ സ്റ്റോപ്പേജ് ടൈം വിജയിയുടെ മികവില്‍ പുതുതായി പ്രമോട്ടുചെയ്ത സണ്ടര്‍ലാന്‍ഡ് ചെല്‍സിയെ 2-1ന് തോല്‍പിച്ചു.
ലോക ചാമ്പ്യന്മാരായ ചെല്‍സിയെ ഇഞ്ചുറി ടൈം ഗോളില്‍ വീഴ്ത്തി സണ്ടര്‍ലന്‍ഡ്. ശനിയാഴ്ച പ്രീമിയര്‍ ലീഗില്‍ ചെംസ്ഡിന്‍ തല്‍ബിയുടെ സ്റ്റോപ്പേജ് ടൈം വിജയിയുടെ മികവില്‍ പുതുതായി പ്രമോട്ടുചെയ്ത സണ്ടര്‍ലാന്‍ഡ് ചെല്‍സിയെ 2-1ന് തോല്‍പിച്ചു.
ഒമ്പത് വര്‍ഷത്തിനിടെ ഇതാദ്യമായാണ് ബ്ലാക്ക് ക്യാറ്റ്സ് ലീഗില്‍ ബ്ലൂസിനെ തോല്‍പ്പിക്കുന്നത്. 2016 മെയ് 7നായിരുന്നു സണ്ടര്‍ലാന്‍ഡ് അവസാനമായി പ്രീമിയര്‍ ലീഗില്‍ ചെല്‍സിയെ തോല്‍പ്പിച്ചത്.
സ്റ്റേഡിയം ഓഫ് ലൈറ്റില്‍ നടന്ന ആ മത്സരം 3-2ന് സണ്ടര്‍ലാന്‍ഡിന് അനുകൂലമായി അവസാനിച്ചു. ഡീഗോ കോസ്റ്റയും നെമാഞ്ച മാറ്റിച്ചുമാണ് സന്ദര്‍ശകര്‍ക്കായി ഗോള്‍ നേടിയത്.
ഈ വിജയത്തോടെ ചെല്‍സിസിന്റെ ഹോം ഗ്രൗണ്ടില്‍ സണ്ടര്‍ലാന്‍ഡിന്റെ 14 വര്‍ഷത്തെ വിജയിക്കാത്ത പരമ്പരയും അവസാനിക്കുന്നു. 2014 ഏപ്രില്‍ 19 നാണ് ബ്ലാക്ക് ക്യാറ്റ്സ് അവസാനമായി സ്റ്റാംഫോര്‍ഡ് ബ്രിഡ്ജില്‍ വിജയിച്ചത്. കോണര്‍ വിക്കാമിന്റെയും ബോറിനിയുടെയും ഗോളുകള്‍ക്ക് സണ്ടര്‍ലാന്‍ഡ് 2-1 ന് ആ മത്സരം ജയിച്ചു. സാമുവല്‍ എറ്റൂയാണ് ചെല്‍സിക്കായി ഗോള്‍ നേടിയത്.
ഈ വിജയത്തോടെ സണ്ടര്‍ലാന്‍ഡ് പ്രീമിയര്‍ ലീഗ് സ്റ്റാന്‍ഡിംഗില്‍ രണ്ടാം സ്ഥാനത്തേക്ക് കുതിച്ചു, ലീഡര്‍ ആഴ്‌സണലിന് രണ്ട് പോയിന്റ് മാത്രം.
Football
ബംഗ്ലാദേശിനെതിരെ തോറ്റാലും പുറത്താകില്ല; ലോകകപ്പ് സെമിയില്‍ ഇന്ത്യ ഉറപ്പ്
വനിത ഏകദിന ക്രിക്കറ്റ് ലോകകപ്പില്‍ ന്യൂസിലാന്‍ഡിനെതിരെ 53 റണ്‍സിന്റെ തകര്‍പ്പന്‍ ജയം നേടി ഇന്ത്യന്‍ വനിത ടീം സെമിഫൈനല്‍ പ്രവേശനം ഉറപ്പിച്ചു.
മുംബൈ: വനിത ഏകദിന ക്രിക്കറ്റ് ലോകകപ്പില്‍ ന്യൂസിലാന്‍ഡിനെതിരെ 53 റണ്‍സിന്റെ തകര്‍പ്പന്‍ ജയം നേടി ഇന്ത്യന്‍ വനിത ടീം സെമിഫൈനല്‍ പ്രവേശനം ഉറപ്പിച്ചു. നിലവില്‍ നാലാം സ്ഥാനത്തുള്ള ഇന്ത്യയ്ക്ക് ആറ് പോയിന്റ്. ന്യൂസിലാന്‍ഡിനും ശ്രീലങ്കയ്ക്കും നാല് പോയിന്റ് വീതമുണ്ടെങ്കിലും നെറ്റ് റണ്‍റേറ്റില്‍ ഇന്ത്യക്ക് വ്യക്തമായ മുന്‍തൂക്കമുണ്ട്. അതിനാല്‍ അവസാന ലീഗ് മത്സരത്തില്‍ ബംഗ്ലാദേശിനോട് തോറ്റാലും സെമി സ്ഥാപനത്തിന് ഭീഷണി ഇല്ല. നവി മുംബൈയിലെ ഡി.വൈ. പാട്ടീല്‍ സ്റ്റേഡിയത്തിലാണ് വ്യാഴാഴ്്ച ഇന്ത്യ വിജയം കരസ്ഥമാക്കിയത്. ഓപ്പണര്‍മാരായ സ്മൃതി മന്ദാന (109)യും പ്രതിക റാവല്‍ (122)ഉം ചേര്‍ന്ന് ഇരട്ട സെഞ്ച്വറിയോടെ ഇന്ത്യയെ ഭേദപ്പെട്ട നിലയിലാക്കി. ജെമിമ റോഡ്രിഗഡ് 55 പന്തില്‍ 76 റണ്‍സ് നേടി പുറത്താകാതെ നിന്നു. ഇന്ത്യ 49 ഓവറില്‍ മൂന്ന് വിക്കറ്റ് നഷ്ടത്തില്‍ 340 റണ്‍സ് നേടി. മഴ കാരണം ന്യൂസിലാഡിന്റെ ലക്ഷ്യം 44 ഓവറില്‍ 325 റണ്‍സായി ചുരുക്കിയെങ്കിലും കീവീസ്് എട്ടുവിക്കറ്റിന് 271 റണ്‍സില്‍ നില്‍ക്കുകയായിരുന്നു. ന്യൂസിലാന്‍ഡ് നിരയില്‍ ബ്രൂക്ക് ഹാലിഡേ (81), ഇസ്സി ഗാഡെ (65 നോട്ടൗട്ട്), അമേലിയ കെര്‍ (45), ജോര്‍ജിയ പ്ലിമ്മര്‍ (30) എന്നിവരാണ് പ്രതിരോധം നടത്തിയവര്‍. മത്സരത്തില്‍ സെഞ്ച്വറി നേടിയ വൈസ് ക്യാപ്റ്റന്‍ സ്മൃതി മന്ദാന ഒരു കലണ്ടര്‍ ലോക റെക്കോഡും സ്വന്തമാക്കി വനിത ഏകദിനത്തില്‍ ഒരു കലണ്ടര്‍ വര്‍ഷത്തില്‍ ഏറ്റവും കൂടുതല്‍ സിക്സുകള്‍ നേടിയ താരമായി. ദക്ഷിണാഫ്രിക്കയുടെ ലിസെല്ലെ ലീയുടെ 28 സിക്സുകളുടെ റെക്കോഡ് മറികടന്ന് മന്ദാന 30 സിക്സുകളുമായി മുന്നിലെത്തി. മന്ദാനയുടെ 14-ാം ഏകദിന സെഞ്ച്വറിയാണ് ഇത്. വനിത ഏകദിന ക്രിക്കറ്റില്‍ ഏറ്റവും കൂടുതല്‍ സെഞ്ച്വറി നേടിയ താരമായ ഓസ്ട്രേലിയയുടെ മെഗ് ലാന്നിങ്ങ് (15)ന് പിന്നാലെ മന്ദാന രണ്ടാമതെത്തി. ഈ വര്‍ഷം മന്ദാനയുടെ അഞ്ചാം സെഞ്ച്വറിയാണിത്. ഇന്ത്യയുടെ അവസാന ലീഗ് മത്സരം ഞായറാഴ്ച ബംഗ്ലാദേശിനെതിരെയായിരിക്കും.
-
More3 days agoസുഡാനിലെ ആശുപത്രിയിൽ കൂട്ടക്കൊല: 460 മരണം, ഡോക്ടർമാരെയും നഴ്സുമാരെയും തട്ടിക്കൊണ്ടുപോയി
-
india2 days ago‘ഇന്ത്യ സഖ്യത്തിലെ മൂന്ന് കുരങ്ങന്മാര്’; അധിക്ഷേപ പരാമര്ശവുമായി യോഗി
-
More3 days agoവെടിനിര്ത്തല് കരാര് ലംഘിച്ച് ഇസ്രാഈല് കൂട്ടക്കുരുതി; ഫലസ്തീനികള്ക്ക് നേരെ വ്യാപക അതിക്രമം
-
kerala3 days agoകണ്ണൂര്‍ പയ്യാമ്പലം ബീച്ചില് തിരയില്പ്പെട്ട് മൂന്ന് മെഡിക്കല് വിദ്യാര്ത്ഥികള് മരിച്ചു
-
kerala2 days agoമുസ്ലിംലീഗിന്റെ കൂടെനിന്ന പാരമ്പര്യമാണ് നീലഗിരിക്കുള്ളത്, വിളിപ്പാടകലെ ഞങ്ങളുണ്ടാകും; പി.കെ ബഷീര് എം.എല്.എ
-
News3 days agoസുഡാനില് അതിഭീകര സാഹചര്യം: അടിയന്തര വെടിനിര്ത്തല് ആവശ്യപ്പെട്ട് ജര്മനി, ജോര്ദാന്, ബ്രിട്ടന്
-
News3 days agoടി20 ക്രിക്കറ്റില്‍ നിന്ന് വിരമിക്കല് പ്രഖ്യാപിച്ച് കെയ്ന് വില്യംസണ്
-
kerala2 days agoഅഹമ്മദ് കുട്ടി മുസ്ലിയാര് കട്ടിപ്പാറ അന്തരിച്ചു