മലപ്പുറം കെ.എസ്.ആർ.ടി.സി ബസ് ടെർമിനൽ കം ഷോപ്പിങ് കോംപ്ലക്സ് നിർമ്മാണം പൂർത്തീകരിക്കുന്നതിനായി എം.എൽ.എയുടെ 2022-23 വർഷത്തെ മണ്ഡലം ആസ്തി വികസന ഫണ്ടിൽ നിന്നും അനുവദിച്ച രണ്ട് കോടി രൂപയുടെ പ്രവൃത്തികൾ ഇന്ന് (ആഗസ്റ്റ് 31 ന് വ്യാഴാഴ്ച) രാവിലെ 9.30 ന് ആരംഭിക്കുമെന്ന് പി. ഉബൈദുള്ള എം.എൽ.എ അറിയിച്ചു.
നിർമ്മാണ പ്രവൃത്തികൾ ആരംഭിക്കുന്നത് സംബന്ധിച്ച കാര്യങ്ങൾ ചർച്ച ചെയ്യാൻ മുൻസിപ്പൽ ഗസ്റ്റ് ഹൗസിൽ കഴിഞ്ഞ 24 ന് ബന്ധപ്പെട്ടവരുടെ യോഗം എം.എൽ.എ വിളിച്ചു ചേർത്തിരുന്നു.
മലപ്പുറം കെ.എസ്.ആർ.ടി.സി ബസ് ടെർമിനൽ കം ഷോപ്പിങ് കോംപ്ലക്സിന്റെ നിർമ്മാണ പ്രവൃത്തികള്‍ 2016 ജനുവരിയിൽ ആരംഭിച്ചെങ്കിലും ആദ്യഘട്ടമായി അനുവദിച്ച 7.90 കോടി ചെലവഴിച്ച് ഗ്രൗണ്ട് ഫ്ലോർ ഉൾപ്പെടെ നാലു നില കെട്ടിടത്തിന്റെയും ബസ് ബേയുടെയും പ്രവൃത്തികൾ മാത്രമാണ് ഇതു വരെ പൂർത്തീകരിക്കാനായത്. നാലു നിലകളിലുള്ള പ്രൊജക്ടിന്റെ തുടർ
പദ്ധതി പാതിവഴിയിൽ മുടങ്ങിക്കിടക്കുന്ന സാഹചര്യമായിരുന്നു. യാർഡിന്റെയും ബാക്കിയുള്ള കെട്ടിട നിർമാണ പ്രവൃത്തികളും എത്രയും വേഗം പൂർത്തീകരിക്കുമെന്ന് എം.എൽ എ അറിയിച്ചു.