gulf
മലപ്പുറത്തിന്റെ മഹിമയുമായി അബുദാബിയില്‍ മലപ്പുറം ഫെസ്റ്റ് 17ന് ആരംഭിക്കും
മാലോക മനസ്സില്‍ മഹിതമായി രേഖപ്പെടുത്തിയ മലപ്പുറത്തിന്റെ മഹത്വവും മനുഷ്യത്വവും അബുദാബിയുടെ മണ്ണില്‍ ഒരു നേര്‍കാഴ്ചയുടെ വിരുന്നായി അരങ്ങൊരുങ്ങുന്നു.
അബുദാബി: മാലോക മനസ്സില്‍ മഹിതമായി രേഖപ്പെടുത്തിയ മലപ്പുറത്തിന്റെ മഹത്വവും മനുഷ്യത്വവും അബുദാബിയുടെ മണ്ണില്‍ ഒരു നേര്‍കാഴ്ചയുടെ വിരുന്നായി അരങ്ങൊരുങ്ങുന്നു.ഈ മാസം 17,18 തിയ്യതികളില്‍ അബുദാബി ഇന്ത്യന്‍ ഇസ്ലാമിക് സെന്ററില്‍ മലപ്പുറം ജില്ലാ കെഎംസിസിയാണ് മലപ്പുറത്തിന്റെ മനോഹരമായ കാഴ്ചകളും അനുഭവങ്ങളും ‘മഹിതം മലപ്പുറം’ എന്ന പേരില്‍ ഒരുക്കുന്നത്.
മലപ്പുറം ജില്ലയുടെ മഹിതമായ മത മൈത്രിയും, മാനുഷിക മൂല്യങ്ങളുടെ മഹത്വവും പാരമ്പര്യവും കലാ-സാംസ്‌കാരിക പൈതൃകവുമെല്ലാം അരങ്ങൊരുക്കിയാണ് വൈവിധ്യമാര്‍ന്ന പരിപാടികളോടെ ആഘോഷം സംഘടിപ്പിക്കുന്നത്.
സമ്പന്നമായ സാംസ്‌കാരിക വൈവിധ്യവും, തനതായ മലപ്പുറത്തിന്റെ രുചി കൂട്ടുകളും, കായിക മികവുമെല്ലാം ഇവിടെ നേരില്‍ കണ്ടാസ്വദിക്കാന്‍ കഴിയും.
ജൂണ്‍ 17ന് ശനിയാഴ്ച വൈകീട്ട് നാലു മുതല്‍ പതിനൊന്നുവരെയും 18 ന് രാവിലെ 9 മുതല്‍ രാത്രി പതിനൊന്ന് വരെയുമായിരിക്കും മലപ്പുറം ഫെസ്റ്റ് നടക്കുകയെന്ന് ഭാരാവാഹികള്‍ വാര്‍ത്താ സമ്മേളനത്തില്‍ അറിയിച്ചു.വൈവിധ്യങ്ങള്‍ ആഘോഷിക്കാനും കലാപരമായ ഉദ്യമങ്ങളെ പ്രോത്സാഹിപ്പിക്കാനും സാംസ്‌കാരിക സംരക്ഷണം പ്രോത്സാഹിപ്പിക്കാനുമുള്ള അവസരം കൂടിയാണ്. പ്രവാസലോകത്ത് ഇതുവരെ ഉണ്ടായതില്‍ ന്ിന്നും തികച്ചും വ്യത്യസ്ഥവും അതിവിപുലവുമായ വിധത്തിലാണ് മലപ്പുറം ഫെസ്റ്റ് നടക്കുകയെന്ന് ഭാരവാഹികള്‍ വ്യക്തമാക്കി.
നൂറിലേറെ കലാകാരന്മാര്‍ അണിനിരക്കുന്ന വൈവിധ്യമാര്‍ന്ന കലാ-സാംസ്‌കാരിക പരിപാടികള്‍ മേളയുടെമാറ്റുകൂട്ടും. കൂടാതെ പ്രശസ്ത കലാകാരന്‍ ശ്രീ മധുലാല്‍ കൊയിലാണ്ടിയുടെ കലാപ്രകടനവും ഉണ്ടായിരിക്കും. വിനോദത്തോടൊപ്പം വിജ്ഞാനവും സമ്മാനിക്കുന്ന വിവിധ സ്റ്റാളുകളും കേരളീയതയുടെ നിത്യക്കാഴ്ചകളായ തട്ടുകടകളും നഗരങ്ങളിലെയും ഗ്രാമങ്ങളിലെയും മനോഹരകാഴ്ചകളും മേളയില്‍ പ്രധാന ആകര്‍ഷണങ്ങളായിരിക്കും.
അബുദാബി സംസ്ഥാന കെഎംസിസിയിലെ ഏറ്റവും വലിയ ജില്ലാ കമ്മിറ്റിയായ മലപ്പുറം ജില്ലാ കമ്മിറ്റിക്ക് 16 മണ്ഡലങ്ങളിലായി പതിനായിരത്തോളം അംഗങ്ങളുണ്ട്.വാര്‍ത്താ സമ്മേളനത്തില്‍ സംസ്ഥാന കെഎംസിസി പ്രസിഡണ്ട് ഷുക്കൂറലി കല്ലുങ്കല്‍, മലപ്പുറം ജില്ലാ കെഎംസിസി ഉപദേശകസമിതിയംഗം ടികെ അബ്ദുല്‍ സലാം, മലപ്പുറം ജില്ലാ പ്രസിഡന്റ് അസീസ് കാളിയാടന്‍, ജനറല്‍ സെക്രട്ടറി ഹംസക്കോയ കെ കെ, ട്രഷറര്‍ അഷ്‌റഫ് അലി പുതുക്കുടി, ഫെസറ്റ് ജനറല്‍ കണ്‍വീനര്‍ നൗഷാദ് തൃപ്രങ്ങോട്, പ്രായോജകരായ ബുര്‍ജീല്‍ ഹോള്‍ഡിങ്‌സ് പ്രതിനിധി ഡോ: നവീന്‍ ഹൂദ് അലി (ഡയറക്ടര്‍ ഓപ്പറേഷന്‍സ് എല്‍എല്‍എച്ച് ആന്റ് മിഡിയോര്‍ ഹോസ്പിറ്റല്‍) മുഹമ്മദ് ശരീഫ് (മാനേജിങ് ഡയറക്ടര്‍ ടോബ്സ് ആന്റ് താസ ഓണ്‍ലൈന്‍ സര്‍വീസ്) എന്നിവര്‍ സംബന്ധിച്ചു.
gulf
ആഗോള റോഡ് സുരക്ഷാ വാരത്തില്‍ അബുദാബി ഗതാഗത വിഭാഗം പങ്കാളികളായി
കോര്‍ണിഷില്‍, കാല്‍നടയാത്രക്കാര്‍, സൈക്ലിസ്റ്റുകള്‍, ഇ-സ്‌കൂട്ടര്‍ ഉപയോക്താക്കള്‍ എന്നിവരുമായി സുരക്ഷാ സംഘങ്ങള്‍ ഇടപെട്ട് ഉത്തരവാദിത്തമുള്ള റോഡ് ഉപയോഗമെന്ന ബോധവല്‍ക്കരണം നടത്തി.
gulf
ഫുജൈറ-കണ്ണൂര്‍ സര്‍വീസ് ആരംഭിച്ച് ഇന്‍ഡിഗോ; മെയ് 15 മുതല്‍
യാത്രക്കാര്‍ക്ക് അടുത്ത എമിറേറ്റുകളില്‍ നിന്ന് സൗജന്യ ബസ് സര്‍വീസും ഒരുക്കിയിട്ടുണ്ട്.
ഫുജൈറയില്‍നിന്ന് കണ്ണൂരിലേക്ക് നേരിട്ട് പ്രതിദിന സര്‍വീസ് ആരംഭിച്ച് ഇന്‍ഡിഗോ. യുഎഇയില്‍ ഇന്‍ഡിഗോയുടെ അഞ്ചാമത്തെ ഡസ്റ്റിനേഷനാണ് ഫുജൈറ. യാത്രക്കാര്‍ക്ക് അടുത്ത എമിറേറ്റുകളില്‍ നിന്ന് സൗജന്യ ബസ് സര്‍വീസും ഒരുക്കിയിട്ടുണ്ട്.
ഇന്‍ഡിഗോയുടെ കണ്ണൂരിലേക്കുള്ള പ്രതിദിന വിമാന സര്‍വീസ് മെയ് 15 മുതല്‍ ആരംഭിക്കും. തൊട്ടടുത്ത ദിവസം മുംബൈയിലേക്കുള്ള സര്‍വീസിനും തുടക്കമാകും. 8899 രൂപ മുതലാണ് നിരക്ക്. അതേസമയം ദുബൈ, ഷാര്‍ജ, അജ്മാന്‍ എമിറേറ്റുകളില്‍ നിന്ന് ബുക്ക് ചെയ്യുന്ന യാത്രക്കാര്‍ക്ക് ഫുജൈറയിലേക്ക് സൗജന്യ ബസ് സര്‍വീസ് സേവനവും എയര്‍ലൈന്‍സ് വാഗ്ദാനം ചെയ്യുന്നു.
പുതിയ സര്‍വീസ്, പ്രകൃതി മനോഹരമായ ഫുജൈറയിലേക്ക് കൂടുതല്‍ വിദേശ ടൂറിസ്റ്റുകളെ ആകര്‍ഷിക്കാന്‍ സഹായിക്കുമെന്ന് ഇന്‍ഡിഗോ ഗ്ലോബല്‍ സെയില്‍സ് മേധാവി വിനയ് മല്‍ഹോത്ര പറഞ്ഞു.
gulf
ആലപ്പുഴ സ്വദേശി ജുബൈലിൽ മരണപെട്ടു
. ജുബൈലിലെ പൊതുപ്രവർത്തകനായ മണ്ണഞ്ചേരി ഹംസയുടെ ഭാര്യാപിതാവാണ്.
ജുബൈൽ : ഉംറ നിർവഹിച്ചു തിരികെ എത്തിയ മലയാളി മരണപെട്ടു. ആലപ്പുഴ മണ്ണഞ്ചേരി കുന്നപ്പള്ളി മാപ്പിളതയ്യിൽ അബ്ദുൽ സലാം (65 വയസ്സ്) ആണ് മരണപ്പെട്ടത്. കേരള മുസ്ലിം ജമാഅത്ത് കുന്നപ്പള്ളി യൂണിറ്റ് അംഗമാണ്.
ഉംറ വിസയിൽ ജുബൈലിൽ എത്തിയശേഷം മകളോടെപ്പം ഉംറ നിർവഹിച്ച്‌, വെള്ളിയാഴ്ച്ച കാലത്ത് തിരികെ എത്തിയ ശേഷം
ശ്വാസതടസ്സത്തെ തുടർന്ന് ആശുപത്രിയിലെത്തിച്ചു. ഉടനെതന്നെ മരണം സംഭവിക്കുകയായിരുന്നു. ജുബൈലിലെ പൊതുപ്രവർത്തകനായ മണ്ണഞ്ചേരി ഹംസയുടെ ഭാര്യാപിതാവാണ്.
നിയമ നടപടികൾ പൂർത്തിയാക്കി മയ്യിത്ത് ജുബൈലിൽ മറവ് ചെയ്യുന്നതിന് ആവശ്യമായ സഹായങ്ങളുമായി പ്രവാസി വെൽഫെയർ ജുബൈൽ ജനസേവന വിഭാഗം കൺവീനർ സലിം ആലപ്പുഴ, ഐ സി എഫ് ജുബൈൽ പ്രസിഡന്റ് അബ്ദുൽ ജബ്ബാർ പൊന്നാട്, പൊതു പ്രവർത്തകൻ നൗഫൽ പനാക്കൽ മണ്ണഞ്ചേരി എന്നവർ രംഗത്തുണ്ട്
-
india3 days agoപാകിസ്താന് വിവരങ്ങള് ചോര്ത്തി നല്കി; ടാവല് ബ്ലോഗര് ഉള്പ്പെടെ ആറ് പേര് അറസ്റ്റില്
-
kerala3 days agoഇഡി അസിസ്റ്റന്റ് ഡയറക്ടര്‍ പ്രതിയായ കൈക്കൂലി കേസ്; വിശദമായ അന്വേഷണത്തിന് ഒരുങ്ങി വിജിലന്സ്
-
india3 days agoനീറ്റ് പരീക്ഷാഫലം പ്രസിദ്ധീകരിക്കുന്നത് തടഞ്ഞ് മദ്രാസ് ഹൈക്കോടതി
-
kerala2 days agoശശി തരൂരിനെ സര്വ്വകക്ഷി പ്രതിനിധി സംഘത്തിലേക്ക് തെരഞ്ഞെടുത്തതില് രാഷ്ട്രീയം നോക്കേണ്ടതില്ല: മുസ്ലിംലീഗ്
-
kerala3 days agoകോഴിക്കോട് ആയുധങ്ങളുമായി എത്തിയ സംഘം 21കാരനെ വീട്ടില് നിന്നും തട്ടിക്കൊണ്ട് പോയി
-
kerala3 days agoജമ്മു കശ്മീരിലെ പൂഞ്ചില് കുഴിബോംബ് പൊട്ടിത്തെറിച്ച് സൈനികന് പരിക്ക്
-
Film3 days agoആഗോള തലത്തിൽ വമ്പൻ റിലീസിനൊരുങ്ങി ടോവിനോ ചിത്രം ‘നരിവേട്ട’; വിതരണം ചെയ്യാൻ വമ്പൻ ബാനറുകൾ
-
kerala3 days agoമെസ്സിയുടെും സംഘത്തിന്റെയും കേരള സന്ദര്ശനം; വെട്ടിലായി മന്ത്രിയും സ്പോണ്സറും