kerala

പ്രതിസന്ധിയില്‍ ദിശ തെറ്റാതെ നയിച്ച കൊരമ്പയില്‍- ARTICLE

ആ കമ്യൂണിസ്റ്റ് നേതാവിനോട് കാല്‍ നൂറ്റാണ്ടു മുമ്പ് കൊരമ്പയില്‍ അഹമ്മദാജി പറഞ്ഞ വാക്ക് ഇന്നും പ്രസക്തമാണ്. ‘താങ്കള്‍ കമ്യൂണിസ്റ്റായാല്‍ മതി കമ്യൂണലിസ്റ്റാവണ്ട’ എന്നതായിരുന്നു ആ വാക്കുകള്‍.

Published

2 years ago

May 12, 2023

Chandrika Web

അന്‍വര്‍ മുള്ളമ്പാറ

കലുഷിതമായൊരു രാഷ്ട്രീയ കാലഘട്ടത്തിലാണ് കൊരമ്പയില്‍ അഹമ്മദാജി മുസ്‌ലിം ലീഗിന്റെ സംസ്ഥാന ജനറല്‍ സെക്രട്ടറിയായത്. ആന്തരികവും ബാഹ്യവുമായി കാലുഷ്യങ്ങള്‍ നിറഞ്ഞ ആ രാഷ്ട്രീയ പ്രതിസന്ധിഘട്ടത്തില്‍ ശിഹാബ് തങ്ങള്‍ക്കൊപ്പം പാര്‍ട്ടിയെ ദിശ തെറ്റാതെ നയിക്കാനുള്ള ആന്തരിക ബലവും നേതൃപാടവവും അദ്ദേഹത്തിനുണ്ടായിരുന്നു. തൊണ്ണൂറുകളുടെ ആദ്യ പകുതിയില്‍ രാജ്യം വലിയ പ്രതിസന്ധിയില്‍ അകപ്പെട്ട സന്ദര്‍ഭം മുസ്‌ലിം ന്യൂനപക്ഷങ്ങള്‍ അരക്ഷിത ബോധത്താല്‍ പ്രയാസപ്പെട്ട കാലത്ത് വര്‍ഗീയതക്കെതിരെ പ്രതിരോധം തീര്‍ക്കുകയും ന്യൂനപക്ഷ സമൂഹങ്ങള്‍ക്കിടയില്‍ പ്രതീക്ഷയുടേയും ജനാധിപത്യത്തിന്റേയും മുസ്‌ലിംലീഗിന്റെ രാഷ്ടീയ വഴികള്‍ വിശദീകരിക്കുകയും ബോധ്യപ്പെടുത്തുകയും ചെയ്തു. മികച്ച രാഷ്ട്രീയക്കാരനും പാര്‍ലമെന്റേറിയനും ആയിരിക്കെതന്നെ കലാ സാംസ്‌കാരിക രംഗത്തും വിദ്യാഭ്യാസ രംഗത്തും ഒട്ടേറെ സംഭാവനകള്‍ നല്‍കാന്‍ കൊരമ്പയിലിന് സാധിച്ചു. സ്‌പോര്‍ട്‌സ് താരങ്ങളായ വിദ്യാര്‍ത്ഥികള്‍ക്ക് ബിരുദ പരീക്ഷയില്‍ ഗ്രേസ് മാര്‍ക്ക് നല്‍കാറുള്ളതുപോലെ ആര്‍ട്‌സ് താരങ്ങളായ വിദ്യാര്‍ത്ഥികള്‍ക്കും ഗ്രേസ് മാര്‍ക്ക് നല്‍കണമെന്ന് ആവശ്യപ്പെട്ടു കൊരമ്പയില്‍ അഹമ്മദ് ഹാജി നിയമസഭയില്‍ നടത്തിയ പ്രസംഗത്തിനിടയില്‍ പറഞ്ഞു: ‘ഓടുകയും ചാടുകയും ചെയ്യുന്നവര്‍ക്ക് ഇതാവാമെങ്കില്‍ എന്തുകൊണ്ട് ആടുകയും പാടുകയും ചെയ്യുന്നവര്‍ക്ക് ആയിക്കൂടാ’.

കലാസാംസ്‌കാരിക രംഗത്ത് അദ്ദേഹത്തിന്റെ ഒട്ടേറെ സംഭാവനകളുണ്ടായി. മഹാകവി മോയിന്‍കുട്ടി വൈദ്യര്‍ക്ക് ജന്മനാട്ടില്‍ ഉയര്‍ന്ന സ്മാരകം കൊരമ്പയില്‍ അഹമ്മദാജിയുടെ അശ്രാന്ത പരിശ്രമത്തിന്റെ ഫലമാണ്. കലാ സാംസ്‌കാരിക രംഗത്തെ അദ്ദേഹത്തിന്റെ സംഭാവനകള്‍ മുന്‍നിര്‍ത്തി ‘കലാപാലക രത്‌നം’ എന്നൊരു വലിയ ബഹുമതി അദ്ദേഹത്തെ തേടിയെത്തി. കലാരംഗം പോലെ കായിക രംഗത്തും ധാരാളം സംഭാവനകളുണ്ടായിട്ടുണ്ട്. ഫുട്‌ബോള്‍ മൈതാനിയിലെ മികച്ച ഫോര്‍വേഡ് ആയിരുന്ന ‘മഞ്ചേരിയുടെ ബാപ്പുട്ടി’ പില്‍കാലത്ത് കേരള ഫുട്‌ബോള്‍ അസോസിയേഷന്‍ ഉപാധ്യക്ഷനായിരുന്ന 1973ലാണ് കേരളം ആദ്യമായി സന്തോഷ് ട്രോഫി നേടിയത്. നാല്‍പ്പതുകളുടെ തുടക്കത്തില്‍ മുസ്‌ലിം വിദ്യാര്‍ത്ഥി ഫെഡറേഷന്‍ മഞ്ചേരിയിലെ നേതാവായിരുന്ന അദ്ദേഹം അന്‍പതുകളില്‍ കോണ്‍ഗ്രസില്‍ ചേര്‍ന്നു. അറുപതുകളില്‍ രാഷ്ട്രീയ രംഗത്തു നിന്നും പിന്‍വാങ്ങി കലാസാംസ്‌കാരിക രംഗത്ത് സജീവമായി. എഴുപതുകളുടെ ആദ്യത്തില്‍ മഞ്ചേരിയിലെ എം.പി.എ ഹസ്സന്‍കുട്ടി കുരിക്കളുമായുള്ള സൗഹൃദം മുസ്‌ലിം ലീഗ് രാഷ്ട്രീയത്തിലേക്കെത്തിച്ചു. 1977 ല്‍ മങ്കട നിയോജക മണ്ഡലത്തില്‍ നിന്നും, 1980, 1986, 1987 വര്‍ഷങ്ങളില്‍ കുറ്റിപ്പുറം നിയോജക മണ്ഡലത്തില്‍നിന്നും നിയമസഭാംഗമായി. കേരള നിയമസഭാ ഡെപ്യൂട്ടി ലീഡറായും നിയമസഭയില്‍ മുസ്‌ലിംലീഗ് കക്ഷിയുടെ ഡെപ്യൂട്ടി ലീഡറായും സേവനമനുഷ്ഠിച്ചു. 1998 മുതല്‍ 2003 ല്‍ വേര്‍പാടു വരേ രാജ്യസഭാംഗമായിരുന്നു.

ചിട്ടയുള്ളതും സത്യസന്ധതയുള്ളതുമായിരുന്നു ആ ജീവിതം. മുസ്‌ലിംലീഗ് നേതാവ് എന്ന നിലയില്‍ അദ്ദേഹം നടത്തിയിട്ടുള്ള ഇടപെടലുകളും പ്രസ്താവനകളും അവസരോചിതവും അര്‍ത്ഥവത്തായതുമായിരുന്നു. കൃത്യതയും വ്യക്തതയുമുള്ളതായിരുന്നു അദ്ദേഹത്തിന്റെ പ്രസംഗങ്ങള്‍. അക്കാലത്ത് കൊരമ്പയില്‍ അഹമ്മദാജിയുടെ പ്രസ്താവനകളും പ്രസംഗങ്ങളും വിശദീകരണങ്ങളോ വ്യാഖ്യാനങ്ങളോ ആവശ്യമില്ലാത്തവിധം കേള്‍വിക്കാര്‍ക്ക് വ്യക്തമായിരുന്നു. കയ്യടിക്കു വേണ്ടി കാത്തിരിക്കുകയോ, പ്രശംസാവാക്കുകള്‍ക്കായി കാതോര്‍ക്കുകയോ ചെയ്തില്ല. കാര്യങ്ങള്‍ വ്യക്തവും സത്യസന്ധവുമായി പറഞ്ഞു. സംസാരത്തിലും പ്രസംഗത്തിലും അനാവശ്യമായതൊന്നുമുണ്ടാവില്ല, എന്നാല്‍ ആവശ്യമുള്ളതൊന്നും ഒഴിവാക്കിയിട്ടുമുണ്ടാവില്ല.
വിദ്യാഭ്യാസ രംഗത്തെ മുന്നേറ്റത്തിനായി ഒട്ടേറെ സംഭാവനകള്‍ നല്‍കി അദ്ദേഹം. മമ്പാട് കോളജിന്റെ പുരോഗതിയില്‍ അദ്ദേഹത്തിന്റെ പങ്ക് വലുതാണ്. വനിതാ വിദ്യാഭ്യാസത്തിന് ഏറെ പ്രോത്സാഹനം നല്‍കി. മഞ്ചേരി യൂണിറ്റി വിമണ്‍സ് കോളജിന്റെ ശില്‍പിയുമാണ് അദ്ദേഹം. കലാരംഗത്ത് കൊണ്ടോട്ടിയിലെ മോയിന്‍കുട്ടി വൈദ്യര്‍ സ്മാരകം പോലെ വിദ്യാഭ്യസ രംഗത്ത് മഞ്ചേരിയിലെ യൂണിറ്റി വിമന്‍സ് കോളജും അദ്ദേഹത്തിന്റെ സ്വപ്‌നവും കര്‍മവും സമ്മേളിച്ച് രൂപപ്പെട്ടതാണ്. ആ രണ്ടു സ്ഥാപനങ്ങളും കൊരമ്പയില്‍ അഹമ്മദാജിയുടെ സ്മാരകങ്ങള്‍ കൂടിയാണ്. വര്‍ഗീയതയോടും മതവിരുദ്ധതയോടും കര്‍ക്കശമായി ആശയപരമായ എതിര്‍പ്പു പ്രകടിപ്പിച്ച അദ്ദേഹം മതേതര നിലപാടുകള്‍ക്കു വേണ്ടി വിട്ടുവീഴ്ച്ചയില്ലാതെ പോരാടുകയും ചെയ്തു.
കേരളത്തിന്റെ പേരിലിറങ്ങിയ സിനിമ ഏറെ ചര്‍ച്ചകള്‍ക്കും പ്രതിഷേധങ്ങള്‍ക്കും കാരണമായിട്ടുണ്ട്. സാമുദായികമായ സൗഹാര്‍ദ്ദം തകര്‍ക്കാന്‍ ശ്രമിക്കുന്നതാണ് സിനിമ എന്ന ആക്ഷേപം ഉയര്‍ന്നുവന്നു. ആക്ഷേപങ്ങളെ ന്യായീകരിക്കാന്‍ സിനിമാ നിര്‍മാതാക്കള്‍ ഉയര്‍ത്തുന്ന ന്യായവാദങ്ങളില്‍ പ്രധാനം വിശ്രമ ജീവിതത്തിലേക്ക് പ്രവേശിച്ച മുഖ്യമന്ത്രിയായിരുന്ന ഒരു കമ്യൂണിസ്റ്റ് നേതാവിന്റെ അപക്വമായ പ്രസ്താവനയാണ്. ആ കമ്യൂണിസ്റ്റ് നേതാവിനോട് കാല്‍ നൂറ്റാണ്ടു മുമ്പ് കൊരമ്പയില്‍ അഹമ്മദാജി പറഞ്ഞ വാക്ക് ഇന്നും പ്രസക്തമാണ്. ‘താങ്കള്‍ കമ്യൂണിസ്റ്റായാല്‍ മതി കമ്യൂണലിസ്റ്റാവണ്ട’ എന്നതായിരുന്നു ആ വാക്കുകള്‍.

kerala

പ്രശസ്ത സാഹിത്യകാരന്‍ ഓംചേരി എന്‍ എന്‍ പിള്ള അന്തരിച്ചു

101ാം വയസില്‍ ഡല്‍ഹിയില്‍ ആണ് അന്ത്യം

Published

37 mins ago

November 22, 2024

webdesk13

ന്യൂഡല്‍ഹി: പ്രശസ്ത നാടകാചാര്യനും സാഹിത്യകാരനുമായ ഓംചേരി എന്‍ എന്‍ പിള്ള അന്തരിച്ചു.101-ാം വയസില്‍ ഡല്‍ഹിയിലെ സെന്റ് സ്റ്റീഫന്‍സ് ആശുപത്രിയിലാണ് അന്ത്യം. കേന്ദ്ര കേരള സാഹിത്യ അക്കാദമി അവാര്‍ഡുകള്‍ ലഭിച്ചിട്ടുണ്ട്.വാര്‍ധക്യ സഹജമായ അസുഖങ്ങളെ തുടര്‍ന്ന് ആരോഗ്യസ്ഥിതി മോശമായതോടെ ഇന്നലെയാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചത്.ഡല്‍ഹിയിലെ സാംസ്‌കാരിക പ്രവര്‍ത്തനങ്ങളില്‍ അദ്ദേഹം സജീവ സാന്നിധ്യമായിരുന്നു.

കവിതകളിലൂടെ സാഹിത്യ രംഗത്തേക്ക് കടന്നെത്തി.എണ്‍പതിലേറെ നാടകങ്ങള്‍ രചിച്ചിട്ടുണ്ട്. ആള്‍ ഇന്ത്യാ റേഡിയോയിലാണ് അദ്ദേഹം ഔദ്യോഗിക ജീവിതം ആരംഭിക്കുന്നത്. ഈ ജോലിയോടെ അദ്ദേഹം ഡല്‍ഹിയിലേക്ക് പറിച്ചുനടപ്പെട്ടു. 1951ലാണ് അദ്ദേഹം ഡല്‍ഹിയിലെത്തുന്നത്.തുടര്‍ന്ന് ഡല്‍ഹിയിലെ സാംസ്‌കാരിക രംഗത്തെ ഏറ്റവും അറിയപ്പെടുന്ന വ്യക്തിയായി മാറി.

2020ല്‍ ആകസ്മികം എന്ന കൃതിയ്ക്കാണ് എന്‍ എന്‍ പിള്ളയ്ക്ക് കേന്ദ്ര സാഹിത്യ അക്കാദമി പുരസ്‌കാരം ലഭിക്കുന്നത്. കേരള സര്‍ക്കാരിന്റെ കേരളശ്രീ പുരസ്‌കാരത്തിനും അദ്ദേഹം അര്‍ഹനായിട്ടുണ്ട്. 1972ല്‍ പ്രളയമെന്ന കൃതിയ്ക്കും 2010ല്‍ സാഹിത്യ രംഗത്തെ സമഗ്ര സംഭാവനകള്‍ക്കും അദ്ദേഹത്തിന് കേരള സാഹിത്യ അക്കാദമി അവാര്‍ഡ് ലഭിച്ചിട്ടുണ്ട്. 2022ല്‍ സംസ്ഥാനം അദ്ദേഹത്തിന് കേരള പ്രഭ അവാര്‍ഡ് നല്‍കി ആദരിച്ചു.

kerala

സംസ്ഥാനത്ത് ഇടിമിന്നലോടുകൂടിയ ശക്തമായ മഴയ്ക്ക് സാധ്യത

Published

1 hour ago

November 22, 2024

webdesk14

തിരുവനന്തപുരം: ബംഗാൾ ഉൾക്കടലിൽ രൂപപ്പെട്ട ചക്രവാതച്ചുഴി തീവ്ര ന്യൂനമർദ്ദമാകുന്ന സാഹചര്യത്തിൽ സംസ്ഥാനത്ത് ഇടിമിന്നലോടുകൂടിയ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ്. അടുത്ത അഞ്ച് ദിവസം ഇടിമിന്നലോടെയുള്ള ശക്തമായ മഴക്ക് സാധ്യതയുണ്ടെന്നാണ് പ്രവചനം. 26-ന് ശേഷം മഴ കൂടുതൽ സജീവമായേക്കുമെന്നും മുന്നറിയിപ്പിൽ പറയുന്നു.

പ്രത്യേക ജാഗ്രതാ നിർദേശം

22/11/2024 & 23/11/2024: തെക്ക് കിഴക്കൻ ബംഗാൾ ഉൾക്കടലിന്റെ തെക്കൻ ഭാഗങ്ങൾ, ആൻഡമാൻ കടൽ എന്നിവിടങ്ങളിൽ മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
24/11/2024: തെക്ക് കിഴക്കൻ ബംഗാൾ ഉൾക്കടലിന്റെ ഭാഗങ്ങൾ അതിനോട് ചേർന്ന തെക്കു പടിഞ്ഞാറൻ ബംഗാൾ ഉൾക്കടൽ എന്നിവിടങ്ങളിൽ മണിക്കൂറിൽ 45 മുതൽ 55 കിലോമീറ്റർ വരെയും ചില അവസരങ്ങളിൽ മണിക്കൂറിൽ 65 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.

തെക്ക് കിഴക്കൻ ബംഗാൾ ഉൾക്കടലിന്റെ ഭാഗങ്ങൾ അതിനോട് ചേർന്ന തെക്കു പടിഞ്ഞാറൻ ബംഗാൾ ഉൾക്കടൽ, ആൻഡമാൻ കടൽ എന്നിവിടങ്ങളിൽ മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യത.

25 /11/2024: തെക്ക് പടിഞ്ഞാറൻ ബംഗാൾ ഉൾക്കടലിന്റെ ഭാഗങ്ങൾ അതിനോട് ചേർന്ന തെക്കു കിഴക്കൻ ബംഗാൾ ഉൾക്കടലിന്റെ ഭാഗങ്ങൾ എന്നിവിടങ്ങളിൽ മണിക്കൂറിൽ 45 മുതൽ 55 കിലോമീറ്റർ വരെയും ചില അവസരങ്ങളിൽ മണിക്കൂറിൽ 65 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യത.

തെക്കൻ തമിഴ്നാട് തീരം, കന്യാകുമാരി പ്രദേശം, ഗൾഫ് ഓഫ് മാന്നാർ, തെക്കു പടിഞ്ഞാറൻ ബംഗാൾ ഉൾക്കടലിന്റെ ഭാഗങ്ങൾ അതിനോട് ചേർന്ന തെക്കു കിഴക്കൻ ബംഗാൾ ഉൾക്കടലിന്റെ ഭാഗങ്ങൾ, ആൻഡമാൻ കടൽ എന്നിവിടങ്ങളിൽ മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. മേൽപ്പറഞ്ഞ തീയതികളിൽ ഈ പ്രദേശങ്ങളിൽ മത്സ്യബന്ധനത്തിന് പോകാൻ പാടുള്ളതല്ല.

kerala

മന്ത്രിക്ക് തുടരാന്‍ അര്‍ഹതയില്ല

Published

1 hour ago

November 22, 2024

webdesk14

ഭരണഘടന തൊട്ട് സത്യപ്രതിജ്ഞ ചെയ്ത് അധികാരത്തിലേറിയ വ്യക്തി അതേ ഭരണഘടനയെത്തന്നെ അവഹേളിക്കുകവഴി നാടിനോടും ഭരണഘടനയോടും അല്‍പം പോലും സ്‌നേഹവും കൂറുമില്ലെന്ന് തെളിയിക്കുകയാണ് ചെയ്തിരിക്കുന്നത്. അങ്ങനെയൊരാള്‍ മന്ത്രിയായി തുടരുന്നതിലെ ധാര്‍മികത എന്താണ്. പിണറായി സര്‍ക്കാറിലെ ഒരംഗമാണ് ഇങ്ങനെ മന്ത്രിസ്ഥാനത്ത് കടിച്ചുതൂങ്ങിയിരിക്കാന്‍ ശ്രമം നടത്തിക്കൊണ്ടിരിക്കുന്നത്. ഭരണഘടനയോടു വിശ്വസ്തത പുലര്‍ത്തുമെന്നു പ്രതിജ്ഞ ചെയ്ത് സ്ഥാനമേറ്റ സജി ചെറിയാന്റെ എം.എല്‍.എ സ്ഥാനംപോലും ചോദ്യം ചെയ്യപ്പെടുന്ന സാഹചര്യമുള്ളപ്പോഴാണ് മന്ത്രി സ്ഥാനത്ത് തുടരുന്നത് എന്നത് എത്ര വിരോധാഭാസമാണ്. മന്ത്രിയുടെ ചില പരാമര്‍ശങ്ങളില്‍ ഭരണഘടനയോടുള്ള അനാദരവുണ്ടെന്ന് പ്രഥമദൃഷ്ട്യാ സംശയിക്കാമെന്ന് നിരീക്ഷിച്ച കോടതി മന്ത്രിക്കെതിരെ തെളിവില്ലെന്ന പൊലീസ് റിപ്പോര്‍ട്ട് തള്ളുകകൂടി ചെയ്തതോടെ മന്ത്രിക്ക് രാജിയല്ലാതെ മറ്റൊരു വഴിയുമില്ല. ഭരണഘടനയെ ആക്ഷേപിച്ച് പ്രസംഗിച്ചെന്ന കേസില്‍ സജി ചെറിയാനെ കുറ്റവിമുക്തനാക്കിയ പൊലീസ് റിപ്പോര്‍ട്ട് റദ്ദാക്കിയ സിംഗിള്‍ബെഞ്ച്, തുടരന്വേഷണത്തിന് ഉത്തരവിടുകയും ചെയ്തിട്ടുണ്ട്. സംസ്ഥാന ക്രൈംബ്രാഞ്ചിലെ മിടുക്കനായ ഉദ്യോഗസ്ഥനെക്കൊണ്ട് ഡി.ജി.പിയുടെ മേല്‍നോട്ടത്തില്‍ അന്വേഷിക്കണ മെന്നാണ് നിര്‍ദേശം. പ്രസംഗത്തിന്റെ പേരില്‍ മന്ത്രി സജി ചെറിയാന് ക്ലീന്‍ചിറ്റ് നല്‍കിയ സംസ്ഥാന പൊലീസ് നടപടിയെ അതിരൂക്ഷമായി വിമര്‍ശിച്ചാണ് ജസ്റ്റിസ് ബെച്ചു കുര്യന്‍ തോമസിന്റെ ഉത്തരവ്. സംസ്ഥാന പൊലീസ് അന്വേഷണം അപൂര്‍ണമാണെന്നും അത് ശരിയായ വിധത്തില്‍ ഉള്ളതായിരുന്നില്ലെന്നും വസ്തുതകളുടെ കൃത്യവും ശാസ്ത്രീയവുമായ പരിശോധന നടന്നില്ലെന്നും കേസ് അവസാനിപ്പിച്ചത് വേഗത്തിലായെന്നും കോടതി പറഞ്ഞു. വസ്തുതകള്‍ പരിശോധിക്കാതെയുള്ള തികച്ചും അപക്വമായ അന്വേഷണമാണ് നടന്നതെന്നും റിപ്പോര്‍ട്ട് അതേപടി സ്വീകരിച്ച തിരുവല്ല മജിസ്ട്രേറ്റ് കോടതിയുടെ നടപടി ഉചിതമായില്ലെന്നും കോടതി ചൂണ്ടിക്കാട്ടി. റിപ്പോര്‍ട്ട് അംഗീകരിച്ച മജിസ്‌ട്രേറ്റ് കോടതിയുടെ ഉത്തരവ് റദ്ദാക്കിയാണ് ക്രൈംബ്രാഞ്ചിനോട് അന്വേഷിക്കാന്‍ നിര്‍ദേശിച്ചത്.

2022 ല്‍ പത്തനംതിട്ട മല്ലപ്പള്ളിയില്‍ സി.പി.എം ഏരിയാ കമ്മിറ്റിയുടെ പരിപാടിയിലാണ് സജി ചെറിയാന്‍ വിവാദ പ്രസംഗം നടത്തിയത്. പ്രസംഗത്തെതുടര്‍ന്ന് വന്‍ പ്രതിഷേധമുയര്‍ന്നതോടെ ജൂലൈ ആറിന് മന്ത്രിസ്ഥാനം രാജിവച്ചു. രണ്ടാം പിണറായി സര്‍ക്കാര്‍ അധികാരമേറ്റ് ഒരു വര്‍ഷവും 47 ദിവസവും പിന്നിട്ടപ്പോഴായിരുന്നു രാജി. എന്നാല്‍ പൊലീസ് റിപ്പോര്‍ട്ടും നിയമോപദേശവും അനുകൂലമായതോടെ 182 ദിവസത്തിനുശേഷം മന്ത്രി സ്ഥാനത്തേക്ക് തിരിച്ചെത്തുകയായിരുന്നു. സജി ചെറിയാന് അനുകൂലമായി പൊലീസ് നല്‍കിയ റിപ്പോര്‍ട്ട് ഹൈക്കോടതി തള്ളിയതോടെ രാജിവച്ചതിനേക്കാള്‍ ഗുരുതര സാഹചര്യത്തിലേക്കു തന്നെയാണ് കാര്യങ്ങള്‍ എ ത്തിയിരിക്കുന്നത്. അന്ന് രാജി പ്രഖ്യാപനം നടത്തി സജി ചെറിയാന്‍ പറഞ്ഞ കാര്യങ്ങള്‍ ഇപ്പോഴും ഏറെ പ്രസക്തമാണ്. ‘മുഖ്യമന്ത്രി ഇക്കാര്യത്തില്‍ നിയമോപദേശം സ്വീകരിച്ചിരുന്നു. ഞാന്‍ മന്ത്രിയായി ഇരുന്നാല്‍ സ്വതന്ത്ര അന്വേഷണം അല്ലെങ്കില്‍ തീരുമാനം വരുന്നതിനു തടസ്സം വരും. അതുകൊണ്ടു മന്ത്രിയെന്ന നിലയില്‍ തുടരുന്നതു ധാര്‍മികമായി ശരിയല്ല. അതുകൊണ്ട് ഞാന്‍ രാജിവയ്ക്കുന്നു.’ എന്നാണ് സജിചെറിയാന്‍ അന്നു പറഞ്ഞത്. ഇതേ നിലയിലുള്ള അന്വേഷണമാണ് ഹൈക്കോടതി നിര്‍ദേശപ്രകാരം നടക്കാന്‍ പോകുന്നത്. അന്നത്തെ പൊലീസ് റിപ്പോര്‍ട്ട് സ്വീകാര്യമല്ലെന്നും പുനരന്വേഷണം നടത്തണമെന്നുമാണ് ഹൈക്കോടതി പറഞ്ഞിരിക്കുന്നത്. അപ്പോള്‍ മന്ത്രി മുമ്പ് പറഞ്ഞതു പോലെയുള്ള ധാര്‍മിക പ്രശ്‌നം ഇല്ലേ എന്ന ചോദ്യമാണ് ഉയരുന്നത്. പിന്‍വാതിലിലൂടെ സജി ചെറിയാനെ മന്ത്രിയാക്കിയ മുഖ്യമന്ത്രിക്ക് കുടിയുള്ള മറുപടിയാണ് ഹൈക്കോടതി വിധി. സജി ചെറിയാനെ മന്ത്രിസഭയില്‍ തിരിച്ചെടുക്കരുതായിരുന്നു. സത്യസന്ധനായ പൊലീസ് ഉദ്യോഗസ്ഥരെക്കൊണ്ട് കേസ് അന്വേഷിപ്പിക്കണമെന്ന കോടതിയുടെ നിര്‍ദേശവും ഗൗരവതരമാണ്.

പൊലീസിന്റെ കാര്യക്ഷമതയാണ് ഇവിടെ കോടതി സംശയിക്കുന്നത്. മന്ത്രിയായി ഇരുന്നുകൊണ്ട് സജി ചെറിയാന്‍ അന്വേഷണത്തെ സ്വാധീനിച്ചിട്ടുണ്ടെന്നും ഇനിയും അന്വേഷണം പ്രഹസനമായി മാറുമെന്നും രാജിവെച്ചില്ലെങ്കില്‍ മുഖ്യമന്ത്രി സജി ചെറിയാനെ പുറത്താക്കാന്‍ തയ്യാറാകണമെന്നും പ്രതിപക്ഷം ആവശ്യപ്പെട്ടിട്ടുണ്ട്. അന്വേഷണം നടക്കുമ്പോള്‍ സജിചെറിയാന്‍ മന്ത്രിയായിരിക്കുന്നത് ശരിയല്ലെന്നാണ് മുസ്ലിം ലീഗിന്റെ നിലപാട്. മന്ത്രിസഭയില്‍ എത്തിയതുമുതല്‍ വിവാദങ്ങളും സജി ചെറിയാന് ഒപ്പമുണ്ടായിരുന്നു. ദത്തുനല്‍കല്‍ വിവാദത്തിലെ പരാമര്‍ശം, വിദ്യാഭ്യാസ മേഖലയെക്കുറിച്ചും കൃഷിയെക്കുറിച്ചും നടത്തിയ പ്രസംഗങ്ങള്‍, സില്‍വര്‍ലൈന്‍ വിവാദത്തിലെ പരാമര്‍ശം, രഞ്ജിത് പ്രശ്നത്തിലെ നിലപാട് തുടങ്ങി വിവാദങ്ങളുടെ പട്ടിക നീണ്ടു. പലപ്പോഴും മുഖ്യമന്ത്രി പിണറായി വിജയന്റെ പിന്തുണയാണ് സജി ചെറിയാന്റെ രക്ഷക്കെത്തിയത്.