Art
മധ്യപ്രദേശുകാരി അർഷിദ നയിച്ച കൊണ്ടോട്ടി ഇ എം ഇ എയുടെ ഒപ്പനക്ക് എ ഗ്രേഡ്
മലയാളത്തിന്റെയും ഒപ്പനയുടെയും തനിമ പൂർണ്ണമായി നിലനിർത്തിക്കൊണ്ട് ഉച്ചാരണശുദ്ധിയോടെ മണവാട്ടിയുടെ തോഴി മാർക്കൊപ്പം ചേർന്ന് ഒപ്പന പാട്ടിന് ഈണമിട്ടപ്പോൾ നിറഞ്ഞ കൈയടിയോടെയാണ് കാണികൾ സ്വീകരിച്ചത്.

കൊല്ലം: ഹയർസെക്കൻഡറി വിഭാഗം ഒപ്പന മത്സരത്തിൽ മലപ്പുറം ജില്ലയിൽ നിന്നെത്തി എ ഗ്രേഡ് നേടിയ കൊണ്ടോട്ടി ഇഎംഇഎ ഹയർ സെക്കൻഡറി സ്കൂൾ ടീമിനെ നയിച്ചത് മധ്യപ്രദേശുകാരി അർഷിദ അലി. മലയാളത്തിന്റെയും ഒപ്പനയുടെയും തനിമ പൂർണ്ണമായി നിലനിർത്തിക്കൊണ്ട് ഉച്ചാരണശുദ്ധിയോടെ മണവാട്ടിയുടെ തോഴി മാർക്കൊപ്പം ചേർന്ന് ഒപ്പന പാട്ടിന് ഈണമിട്ടപ്പോൾ നിറഞ്ഞ കൈയടിയോടെയാണ് കാണികൾ സ്വീകരിച്ചത്.
പ്ലസ്ടു ഹിമാനിറ്റീസ് ജേണലിസം ബാച്ചിൽ വിദ്യാർഥിനിയാണ് മധ്യപ്രദേശ് ഭോപ്പാൽ സ്വദേശിനി അർഷിദ. സ്റ്റേജിൽ കളിക്കുന്നവർക്ക് പാട്ടുപാടി നൽകുന്ന 3 പേരിൽ ഒരാൾ അർഷിദയായിരു ന്നു. അദീബയും ഫാത്തിമ നഹ്നയുമായിരുന്നു മറ്റുള്ളവർ. ഒപ്പന മത്സരത്തിൽ നൂറിൽ 60 മാർക്കും ഒപ്പനപ്പാട്ടിനാണ്. ആ മാർക്ക് മുഴുവനായി പിടിച്ചെടുക്കാനുള്ള ദൗത്യമാണ് സ്കൂൾ അധികൃതർഷിതയെയും സംഘത്തെയും ഏൽപ്പിച്ചത്.
പരിശീലകൻ മുനീർ പള്ളിക്കൽ തന്നെ രചന നടത്തി ചിട്ടപ്പെടുത്തിയ “രാഗങ്ങൾ അതി മിക പദവിയിലായ് റങ്കിൽ റഹ്മത്തിൻ ഇതളുകൾ പൊഴിയുവതായ്…” എന്നു തുടങ്ങുന്ന പാട്ടായിരുന്നു അവർ പാടിയത്.
15 വർഷം മുൻപാണ് അർഷിദയുടെ പിതാവ് കുർബാൻ അലി പടവിന്റെ ജോലിക്കാരനായി കേരളത്തിലെത്തിയത്. പിന്നീട് അർഷിദയുടെ ജ്യേഷ്ഠൻ റാഷിദ് അലിയെ ചികിത്സയുടെ ഭാഗമായി കേരളത്തിലേക്കു കൊണ്ടുവന്നു. പിന്നാലെ അർഷിദയുമെത്തി.ഹുദാ ഹനാൻ, ഹംദ മഠത്തിൽ, നിഹാല, നേഹ, നദ, ആയിഷ നൗഫ, ഫാത്തിമ റിസ എന്നിവരാണ് ടീമിലെ മറ്റ് അംഗങ്ങൾ.
Art
നൃത്തകലകളില് തിളങ്ങി കലോത്സവത്തിന്റെ ഒന്നാം ദിനം
ഭരതനാട്യം, കുച്ചിപ്പുടി, മോഹിനിയാട്ടം, സംഘനൃത്തം, ഒപ്പന തുടങ്ങി വൈവിധ്യമാര്ന്ന കലാരൂപങ്ങളാണ് വിവിധ വേദികളിലായി അരങ്ങേറിയത്.

63 -ാമത് കേരള സ്കൂള് കലോത്സവത്തിന്റെ ഒന്നാം ദിനത്തില് കാണികളെ ആവേശഭരിതരാക്കി വിവിധ നൃത്തമത്സരങ്ങള്. ഭരതനാട്യം, കുച്ചിപ്പുടി, മോഹിനിയാട്ടം, സംഘനൃത്തം, ഒപ്പന തുടങ്ങി വൈവിധ്യമാര്ന്ന കലാരൂപങ്ങളാണ് വിവിധ വേദികളിലായി അരങ്ങേറിയത്.
ആദ്യമത്സരമായ മോഹിനിയാട്ടം പ്രധാന വേദിയായ എം ടി നിളയില് (സെന്ട്രല് സ്റ്റേഡിയം) രാവിലെ പതിനൊന്ന് മണിക്ക് ആരംഭിച്ചു. 14 ജില്ലകളില് നിന്നും അപ്പീല് ഉള്പ്പടെ 23 മത്സരാര്ത്ഥികളാണ് പങ്കെടുത്തത്. നിറഞ്ഞ സദസിനു മുന്നിലാണ് മോഹിനികള് ആടിത്തിമിര്ത്തത്.
വഴുതക്കാട് ഗവ. വിമണ്സ് കോളേജിലെ പെരിയാര് വേദിയിലെ എച്ച് എസ് എസ് വിഭാഗം പെണ്കുട്ടികളുടെ ഭരതനാട്യ മത്സരത്തില് 5 ക്ലസ്റ്ററിലായി 11 അപ്പീലുകള് ഉള്പ്പടെ 25 വിദ്യാര്ത്ഥിനികളാണ് അരങ്ങിലെത്തിയത്. അഭിനേത്രിയും നര്ത്തകിയുമായ ശ്രുതി ജയന്, നര്ത്തകിമാരായ സാബവി ജഗദീഷ് , രേഷ്മ ജി എന്നിവരായിരുന്നു വിധികര്ത്താക്കള്. നിറഞ്ഞ സദസ്സിലെ വാശിയേറിയ മത്സരത്തില് ഓരോ മത്സരാര്ത്ഥികളും ഒന്നിനൊന്ന് മികച്ച പ്രകടനമാണ് കാഴ്ച്ച വെച്ചത്.
കോട്ടണ്ഹില് ഗേള്സ് ഹയര് സെക്കന്ററി സ്കൂളിലെ കല്ലടയാര് വേദിയില് ഹയര് സെക്കന്ററി വിഭാഗം കഥകളി (ഗ്രൂപ്പ്) മത്സരം അരങ്ങേറി.10 ഗ്രൂപ്പുകളാണ് മത്സരത്തില് പങ്കെടുത്തത്. നിറഞ്ഞ സദസിന് മുന്നില് ഓരോ ഗ്രൂപ്പുകളും വിസ്മയിപ്പിക്കുന്ന പ്രകടനങ്ങള് കാഴ്ചവെച്ചു. കഥകളി വേഷങ്ങളില് വിദ്യാര്ത്ഥികള് നിറഞ്ഞാടിയപ്പോള് പ്രേക്ഷകരുടെ പ്രോത്സാഹനം മത്സരാര്ത്ഥികള്ക്ക് കൂടുതല് ഊര്ജം പകര്ന്നു. പച്ച,മിനുക്ക് എന്നീ കഥകളി വേഷങ്ങളില് പ്രതിഭ തെളിയിച്ച കോട്ടക്കല് സി.എം.ഉണ്ണികൃഷ്ണന്, കലാമണ്ഡലം ചിനോഷ് ബാലന്, കലാമണ്ഡലം വൈശാഖ് എന്നിവരായിരുന്നു മത്സരത്തിന്റെ വിധികര്ത്താക്കള്.
ടാഗോര് തിയേറ്ററിലെ പമ്പയാര് വേദിയില് നടന്ന ഹൈ സ്കൂള് വിഭാഗം പെണ്കുട്ടികളുടെ കുച്ചിപ്പുടി മത്സരം കാണികള്ക്ക് വേറിട്ട അനുഭവമാണ് സമ്മാനിച്ചത്. വിവിധ ക്ലസ്റ്ററുകളിലായി 23 വിദ്യാര്ത്ഥിനികളാണ് മത്സരത്തില് പങ്കെടുത്തത്. ഓരോ മത്സരാര്ത്ഥികളും ഗംഭീരമായ പ്രകടനമാണ് കാഴ്ച്ചവെച്ചത്. പ്രശസ്ത കുച്ചിപ്പുടി കലാകാരി മധുരിമ നാര്ള, രേഖ സതീഷ്, രേഷ്മ യു രാജു എന്നിവരായിരുന്നു മത്സരത്തിന്റെ വിധികര്ത്താക്കള്.
വ്യത്യസ്തവും വാശിയേറിയതുമായ സംഘനൃത്ത വിഭാഗം കാണികള്ക്ക് കൗതുകമേകി. എം.ടി നിള സെന്ട്രല് സ്റ്റേഡിയത്തില് സംഘടിപ്പിച്ച സംഘ നൃത്തത്തില് 4 ക്ലസ്റ്ററുകളിലായി 24 ടീമുകള് പങ്കെടുത്തു. ചടുലവും വ്യത്യസ്തവുമായ അവതരണത്തിലൂടെ എല്ലാ ടീമുകളും ശ്രദ്ധ പിടിച്ചുപറ്റി. ഓരോ ടീമുകളും വിവിധ കഥകളെയയും സമകാലിക പ്രസക്തിയുള്ള വിഷയങ്ങളേയുമാണ് നൃത്തത്തിലൂടെ അവതരിപ്പിച്ചത്. വൈശാലി കല്ലിങ്ങല്, കലാമണ്ഡലം ഗിരിജ രാമദാസ്, കലാമണ്ഡലം ബിന്ദു മോഹനന് എന്നിവരായിരുന്നു വിധികര്ത്താക്കള്.
ടാഗോര് തീയേറ്ററിലെ പമ്പയാര് വേദിയില് നടന്ന ഹൈസ്കൂള് വിഭാഗത്തിന്റെ മാര്ഗംകളി മത്സരം മത്സരാര്ത്ഥികളിലും കാണികളിലും ആവേശമുണര്ത്തി. 15 ടീമുകളെ നാല് ക്ലസ്റ്ററുകളായി തിരിച്ച് നടത്തിയ മത്സരത്തില് പ്രശസ്ത കലാകാരന്മായ ഫ്രാന്സിസ് വടക്കന്, സ്റ്റീന രാജ്, പ്രൊഫസര് വി. ലിസി മാത്യു എന്നിവര് വിധികര്ത്താക്കളായി.
രണ്ടാം വേദിയായ ‘പെരിയാറില് ‘ ഹയര് സെക്കന്ഡറി വിഭാഗം പെണ്കുട്ടികളുടെ ഒപ്പന മത്സരത്തില് 4 ക്ലസ്റ്ററുകളിലായി 22 ഗ്രൂപ്പുകള് മത്സരത്തില് പങ്കെടുത്തു. റഹ്മാന് വാഴക്കാട് , ഒ.എം. കരുവാരകുണ്ട്, മുനീറ എന്നിവരായിരുന്നു മത്സരത്തിന്റെ വിധികര്ത്താക്കള്.
Art
അവതരണത്തിൽ തനിമ നിലനിര്ത്തി മല്സരാര്ഥികള്; അറബിക് കലോത്സവത്തിന് തുടക്കമായി
അറബിക് കലോത്സവത്തിന്റെ പൊലിമയില് 63-ാമത് സംസ്ഥാന സ്കൂള് കലോത്സവത്തിന്റെ ആദ്യ ദിനം

തിരുവനന്തപുരം തൈക്കാട് മോഡല് സ്കൂളിലെ കടലുണ്ടിപ്പുഴ വേദിയില് ഖുറാന് പാരായണം, മുഷര എന്നീ ഇനങ്ങളാണ് അരങ്ങേറിയത്. 14 ജില്ലകളില് നിന്ന് 14 കുട്ടികളാണ് ഖുറാന് പാരായണ മത്സരത്തില് പങ്കെടുത്തത്. വിദ്യാര്ത്ഥികളെ 4 ക്ലസ്റ്ററുകളായി തിരിച്ചാണ് മത്സരം. ഖുറാന് പാരായണ വിദഗ്ദ്ധരായ അല് ഹാഫിസ് മുഹമ്മദ് ഉനൈസ് അബ്രറി, ഡോ. മുഹമ്മദ് ഇസ്മായില്, ഷിബഹുദ്ദീന് മൗലവി എന്നിവരാണ് മത്സരത്തിന്റെ വിധികര്ത്താക്കളായത്. മത്സരാര്ത്ഥികള്ക്ക് മികച്ച പ്രോല്സാഹനമാണ് പ്രേക്ഷകര് നല്കിയത്.
വേദി പതിനാറായ ചാലിയാറില് ഹൈസ്കൂള് വിഭാഗം പെണ്കുട്ടികളുടെയും ആണ്കുട്ടികളുടെയും അറബിക് ഗാനമത്സരം അരങ്ങേറി. അറബിക് ശീലുകളുമായി മല്സരാര്ഥികള് ഏറ്റുമുട്ടിയപ്പോള് കാണികളുടെ പ്രോത്സാഹനവും പിന്തുണയും അവര്ക്ക് പ്രചോദനമേകി. ശിശുക്ഷേമ സമിതി ഹാളില് ഉച്ചയ്ക്ക് 1:45 ന് തുടങ്ങിയ അറബിക്ക് ഗാനമത്സരം മൂന്ന് ക്ലസ്റ്ററുകള് പിന്നിട്ട് 4 മണിയോടെയാണ് സമാപിച്ചത്. വിധിനിര്ണയത്തിന്ന് എത്തിയത് പ്രൊഫസര് ഡോ. അബ്ദു പദിയില് ,റഹ്മാന് വാഴക്കാട്,അബ്ദുല്ലാഹ് കരുവാരക്കുണ്ട് എന്നിവരാണ് .
തൈക്കാട് മോഡല് എച്ച് എസ് എസിലെ കടലുണ്ടിപുഴ വേദിയില് മുഷര മത്സരം നടന്നു.13 കുട്ടികളാണ് മത്സരിച്ചത്. ഖുറാനിലെ അക്ഷരശ്ലോകങ്ങളെല്ലാം മത്സരാര്ത്ഥികള് വളരെ അക്ഷരസ്ഫുടതയോടെ ചൊല്ലി അവതരിപ്പിച്ചു. ഖുറാന് വിദഗ്ദ്ധരായ അല് ഹഫീസ് മുഹമ്മദ് ഉനൈസ് അബ്രറി, പി എ അഷറഫ് മണ്ണാന്ചേരി, ഡോ കെ ഷേഖ് മുഹമ്മദ് എന്നിവരായിരുന്നു വിധികര്ത്താക്കള്.
വേദി പതിനാറായ ചാലിയാറില് കാണികളെ വിസ്മയിപ്പിച്ച അറബിക് മോണോ ആക്ട് പ്രകടനങ്ങള് അരങ്ങേറി. 14 ജില്ലകളെയും പ്രതിനിധീകരിച്ച് വന്ന കലാകാരന്മാര് അവരുടെ കലാമികവ് വേദിയില് പ്രകടിപ്പിച്ചപ്പോള് കാണികളില് നിന്നും മികച്ച പ്രോത്സാഹനമാണ് ലഭിച്ചത്. നാല് ക്ലസ്റ്ററുകളിലായി നടത്തപ്പെട്ട അറബിക്ക് മോണോ ആക്ട് മത്സരം വൈകുന്നേരം 4 മണിക്ക് ആരംഭിക്കുകയും ആറുമണിയോടുകൂടി സമാപിക്കുകയും ചെയ്തു. ഡോക്ടര് ജെ ബദറുദ്ദീന് ആശാന്റെയ്യത്ത്, ഫൈസല് കെ, ഡോക്ടര് അബ്ദുല് മജീദ് അടങ്ങിയ മൂന്ന അംഗ വിധി നിര്ണയ പാനലാണ് വിജയികളെ പ്രഖ്യാപിച്ചത്. സമകാലിക വിഷയങ്ങള് പ്രമേയമാക്കിയാണ് കലാകാരന്മാര് മോണോ ആക്ടുകള് ചിട്ടപ്പെടുത്തിയത്.

48-ാമത് വയലാര് അവാര്ഡ് അശോകന് ചരുവിലിന്. കാട്ടൂര്കടവ് എന്ന നോവലിനാണ് പുരസ്കാരം ലഭിച്ചത്. സമീപകാലത്ത് ഏറ്റവും ചര്ച്ചചെയ്യപ്പെട്ട നോവലുകളിലൊന്നാണ് കാട്ടൂര്കടവ് നോവല്. കേരളത്തിന്റെ രാഷ്ട്രീയമനസ്സ് ഉള്ക്കൊള്ളുന്നതാണ് നോവലെന്ന് ജൂറി വിലയിരുത്തി.
ബെന്യാമിന്, കെഎസ് രവികുമാര്, ഗ്രേസി എന്നിവരടങ്ങിയ ജൂറിയാണ് അവാര്ഡ് നിശ്ചയിച്ചത്. മുന്നൂറിലേറെ ഗ്രന്ഥങ്ങളാണ് നാമനിര്ദേശ പ്രകാരം ലഭിച്ചത്. ഇതില് നിന്നും ഒരേ പോയിന്റ് ലഭിച്ച ആറു കൃതികളാണ് അന്തിമഘട്ടത്തില് പുരസ്കാര നിര്ണയത്തിനായി ജൂറിക്ക് മുമ്പാകെ വന്നത്.
1957ല് തൃശ്ശൂര് ജില്ലയിലെ കാട്ടൂരിലാണ് അശോകന് ചരുവിലിന്റെ ജനനം. രജിസ്ട്രേഷന് വകുപ്പ് ഉദ്യോഗസ്ഥനായിരുന്ന അശോകന് കേരള പബ്ലിക് സര്വ്വീസ് കമ്മീഷനില് അംഗമായിരുന്നു.
കേരള സാഹിത്യ അക്കാദമി അവാര്ഡ്, ചെറുകാട് അവാര്ഡ്, ഇടശ്ശേരി പുരസ്കാരം, മുട്ടത്തുവര്ക്കി പുരസ്കാരം തുടങ്ങിയവ ലഭിച്ചിട്ടുണ്ട്.
-
kerala2 days ago
സഊദി ഗവ. അതിഥിയായി സാദിഖലി തങ്ങള് ഹജ്ജിന്
-
kerala3 days ago
ആശാ വര്ക്കര്മാരുടെ സമരം; നൂറാം ദിവസത്തില് 100 പന്തം കൊളുത്തി പ്രതിഷേധം
-
india2 days ago
ഐഎസ്ഐ ഏജന്റുമായി രഹസ്യ ചാറ്റ്; ഓപ്പറേഷന് സിന്ദൂറിന്റെ നിര്ണ്ണായക വിവരങ്ങള് കൈമാറി’; ജ്യോതി മല്ഹോത്രയ്ക്കെതിരെ ഗുരുതര കണ്ടെത്തല്
-
kerala2 days ago
പിണറായിയുടെ കൂറ്റന് ഫ്ളക്സിന് 15 കോടി; ധൂര്ത്ത് കൊണ്ട് ആറാടി സര്ക്കാര് വാര്ഷികാഘോഷം
-
india2 days ago
വഖഫ് പ്രക്ഷോഭം; തെലങ്കാനയിലെ വാറങ്കലില് വഖഫ് ഭേദഗതി നിയമത്തിനെതിരെ അണിനിരന്ന് ആയിരങ്ങള്
-
kerala2 days ago
ചാവക്കാടും ആറുവരി പാതയില് വിള്ളല് രൂപപ്പെട്ടു
-
kerala2 days ago
ദേശീയപാത തകര്ച്ച: ഗഡ്കരിയെ നേരില് കണ്ട് ഇ.ടി. മുഹമ്മദ് ബഷീര് എം.പി
-
kerala2 days ago
റാപ്പ് സംഗീതത്തിന് പട്ടിക ജാതി പട്ടിക വര്ഗ വിഭാഗവുമായി പുലബന്ധമില്ല; വേടനെതിരെ വിവാദ പ്രസ്താവനയുമായി കെ.പി ശശികല