india
‘ശമ്പളം നല്കിയില്ല’ ; ജീവനക്കാര് ഐഫോണ് നിര്മാണ പ്ലാന്റ് അടിച്ചുതകര്ത്തു
രണ്ട് മാസത്തിലേറെയായി വിസ്ട്രോണ് കോര്പ്പ് പലര്ക്കും വേതനം നല്കിയിട്ടില്ലെന്നും ജോലി അധികമാണെന്നും ജീവനക്കാര് പറഞ്ഞു

ശമ്പളം നല്കാത്തതില് പ്രതിഷേധിച്ച് കര്ണാടകയിലെ കോലാര് ജില്ലയിലെ ഐഫോണ് നിര്മാണ പ്ലാന്റ് ജീവനക്കാര് അടിച്ചുതകര്ത്തു. ഐഫോണ് നിര്മിക്കാന് ആപ്പിള് കരാര് നല്കിയ തായ്വാന് കമ്പനിയായ വിസ്ട്രോണിന്റെ പ്ലാന്റാണ് ശനിയാഴ്ച ഒരുസംഘം അസംതൃപ്തരായ ജീവനക്കാര് ആക്രമിച്ചത്. രണ്ട് മാസത്തിലേറെയായി വിസ്ട്രോണ് കോര്പ്പ് പലര്ക്കും വേതനം നല്കിയിട്ടില്ലെന്നും ജോലി അധികമാണെന്നും ജീവനക്കാര് പറഞ്ഞു.
കോലാറിലെ പ്ലാന്റിന് പുറത്ത് ആയിരത്തിലധികം ജീവനക്കാരാണ് ഒത്തുകൂടി ആക്രമിച്ചത്. ശമ്പളം നല്കാത്തതിന്റെ പേരില് നേരത്തെ മാനേജ്മെന്റിനെതിരെ പ്രതിഷേധിക്കുകയും ചെയ്തു. ഫാക്ടറി തൊഴിലാളികളെ അമിതമായി ജോലി ചെയ്യിപ്പിക്കുന്നതായും ഫാക്ടറീസ് നിയമപ്രകാരമുള്ള മാനദണ്ഡങ്ങള് ലംഘിക്കുന്നതായും ജീവനക്കാര് ആരോപിച്ചു.
പുലര്ച്ചെ ജോലി കഴിഞ്ഞിറങ്ങിയ ജീവനക്കാര് ഒത്തുകൂടിയാണ് കെട്ടിടത്തിന് നേരെ കല്ലെറിഞ്ഞത്. കമ്പനിയുടെ രണ്ട് വാഹനങ്ങള്ക്ക് തീയിട്ടു. അക്രമം വ്യാപകമായതോടെ പൊലീസെത്തി ലാത്തി ചാര്ജ് നടത്തുകയായിരുന്നു. രാവിലെ ജീവനക്കാര് ഷിഫ്റ്റ് മാറുന്നതിനിടെയാണ് സംഭവം നടന്നതെന്ന് കോലാര് എസ്പി കാര്ത്തിക് റെഡ്ഡി പറഞ്ഞു. പ്ലാന്റില് നിന്ന് ലഭിച്ച സിസിടിവി ദൃശ്യങ്ങള് ശേഖരിച്ച് അക്രമം നടത്തിയവര്ക്കെതിരെ കേസെടുക്കുമെന്ന് പൊലീസ് അറിയിച്ചു.
കൃത്യസമയത്ത് വേതനം നല്കണമെന്ന് ആവശ്യപ്പെട്ട് ജീവനക്കാര് മാനേജ്മെന്റിന് നിരവധി തവണ നിവേദനം നല്കിയതായി ജീവനക്കാര് ആരോപിച്ചു. പ്രതിമാസം 12,000 രൂപ ശമ്പളത്തിനാണ് ജോലി ചെയ്യുന്നത്. ഫാക്ടറീസ് ആക്റ്റ് അനുസരിച്ച്, ജോലി സമയം പ്രതിദിനം 8 മണിക്കൂര് ആണ്. എന്നാല് കമ്പനി തങ്ങളെ 12 മണിക്കൂര് ജോലിചെയ്യിപ്പിക്കുന്നുണ്ടെന്ന് ജീവനക്കാര് ആരോപിച്ചു.
india
സ്പേസ് എക്സ് സ്റ്റാര്ഷിപ്പിന്റെ പരീക്ഷണ വിക്ഷേപണം വീണ്ടും പരാജയം
ഇന്ത്യന് മഹാ സമുദ്രത്തില് തകര്ന്ന് വീണു.

സ്പേസ് എക്സ് സ്റ്റാര്ഷിപ്പിന്റെ ഒമ്പതാമത്തെ പരീക്ഷണ വിക്ഷേപണവും പരാജയപ്പെട്ടു. പേലോഡ് വാതില് തുറക്കാത്തതിനാല് ഡമ്മി ഉപഗ്രഹങ്ങള് വിക്ഷേപിക്കാന് സാധിച്ചില്ല. ഇതോടെ ലക്ഷ്യ സ്ഥാനത്തേക്ക് എത്തുന്നതിനു മുമ്പേ സ്റ്റാര്ഷിപ്പ് തകര്ന്നുവീണെന്ന് സ്പേസ് എക്സ് അറിയിച്ചു.
സ്റ്റാര്ഷിപ്പ് പതിച്ചത് ഇന്ത്യന് മഹാസമുദ്രത്തിലാണെന്നും കൃത്യ സ്ഥാനം അറിയില്ലെന്നും സ്പേസ് എക്സ് അറിയിച്ചു. ലാന്ഡിങ്ങിന് മുമ്പ് നിയന്ത്രണം നഷ്ടപ്പെടുകയാണെന്നും ഇന്ധന ചോര്ച്ചയാണ് കാരണമെന്നാണ് പ്രാഥമിക നിഗമനമെന്നും സ്പേസ് എക്സ് വ്യക്തമാക്കി. അതേസമയം വിക്ഷേപണം സുഗമമായിരുന്നുവെന്നും സ്പേസ് എക്സ് പറഞ്ഞു.
ഇന്ന് പുലര്ച്ചെ ഇന്ത്യന് സമയം അഞ്ച് മണിക്കായിരുന്നു സൗത്ത് ടെക്സസിലെ ബോക്കാ ചിക്കയിലുള്ള സ്റ്റാര്ബേസില് നിന്ന് സ്റ്റാര്ഷിപ്പ് വിക്ഷേപിച്ചത്. ജനുവരിയില് നടന്ന ഏഴാം സ്റ്റാര്ഷിപ്പ് വിക്ഷേപണ പരീക്ഷണവും മാര്ച്ച് ആറിന് നടന്ന എട്ടാം പരീക്ഷണവും സ്പേസ് എക്സിന് വിജയിപ്പിക്കാനായിരുന്നില്ല. അവസാനം നടന്ന പരീക്ഷണത്തില് സ്റ്റാര്ഷിപ്പിന്റെ അവശിഷ്ടങ്ങള് ബഹാമാസ്, ടര്ക്സ്-കൈകോസ് ദ്വീപുകള്ക്കും മുകളില് പ്രത്യക്ഷപ്പെട്ടത് വലിയ ഭീതി പരത്തിയിരുന്നു.
india
മംഗലാപുരത്ത് മുസ്ലിം യുവാവിനെ വെട്ടിക്കൊന്നു, ഒപ്പം വെട്ടേറ്റ സുഹൃത്ത് ഗുരുതരാവസ്ഥയിൽ
കൊല്ലപ്പെട്ട ഇംതിയാസ് പള്ളിക്കമ്മറ്റി സെക്രട്ടറി

ദക്ഷിണ കന്നടയിൽ അജ്ഞാതർ മുസ്ലിം യുവാവിനെ വെട്ടിക്കൊന്നു. ബന്ത്വാൾ താലൂക്കിലെ കംബോഡിയിലാണ് സംഭവം നടന്നത്. അക്രമത്തിൽ പ്രാദേശിക പള്ളിക്കമ്മറ്റി സെക്രെട്ടറിയും സജീവ സുന്നി സംഘടനാ പ്രവർത്തകനും കൂടിയായ ഇംതിയാസ് കൊല്ലപ്പെടുകയും സുഹൃത്തായ റഹീമിന് ഗുരുതരമായി പരിക്കേൽക്കുകയും ചെയ്തു.
ചൊവ്വാഴ്ച്ച വൈകീട്ടാണ് തന്റെ പിക്കപ്പിന് സമീപം ജോലി ചെയ്യുകയായിരുന്ന റഹീമിനെയും ഇംതിയാസിനേയും വാളുകളുമായി വന്ന അക്രമി സംഘം വെട്ടുകയായിരുന്നു.
ആഴ്ച്ചകൾക്ക് മുമ്പ് മുൻ ബജ്രംഗ്ദൾ നേതാവായിരുന്ന സുഹാസ് ഷെട്ടി കൊല്ലപ്പെട്ടതുമായി പുതിയ സംഭവത്തിന് ബന്ധമുണ്ടോയെന്ന് അഭ്യുഹങ്ങളുടെങ്കിലും പോലീസ് ഒന്നും സ്ഥിതീകരിച്ചിട്ടില്ല.
മനസികാസ്വാസ്ഥ്യമുള്ള മലയാളിയായ അഷ്റഫ് എന്ന മുസ്ലിം യുവാവിനെ ബജ്രംഗ്ദൾ പ്രവർത്തകർ അടങ്ങുന്ന സംഘം പാകിസ്ഥാൻ സിന്ദാബാദ് വിളിച്ചു എന്ന് വ്യാജാരോപണം ഉന്നയിച്ച് തല്ലിക്കൊന്നതിന് പിന്നാലെയായിരുന്നു സുഹാസ് ഷെട്ടിയുടെ കൊലപാതകം അരങ്ങേറിയത്.
india
‘സൂര്യനസ്തമിക്കുംമുമ്പ് ജയിലില് നിന്ന് മോചിപ്പിക്കണം’;ഓപ്പറേഷന് സിന്ദൂറിനെ വിമര്ശിച്ച കേസില് മുസ്ലിം വിദ്യാര്ത്ഥിനിയെ ജയിലിടച്ചതില് രൂക്ഷ വിമര്ശനവുമായി ബോംബെ ഹൈക്കോടതി
വിദ്യാര്ത്ഥിനിയെ പുറത്താക്കിയ കോളേജിനെതിരെയും വിമര്ശനം.

മഹാരാഷ്ട്രയിലെ പൂനെയില് രണ്ടാം വര്ഷ വിദ്യാര്ത്ഥിനിയായ ഖദീജ ശൈഖിനെയാണ് മെയ് 7ന് ഓപ്പറേഷന് സിന്ദൂറിനെ സോഷ്യല് മീഡിയയില് വിമര്ശിച്ചെന്ന പേരില് അറസ്റ്റ് ചെയ്യുന്നത്.
പൂനെ പോലീസിന് പുറമെ തീവ്രവാദ വിരുദ്ധ സ്ക്വാഡ്, എന്ഐഎ എന്നിവരും കേസ് അന്വേഷണത്തിലുണ്ടായിരുന്നു.
എന്നാല് ബോംബെ ഹൈകോടതി രൂക്ഷ വിമര്ശനമാണ് ഇന്ന് കേസില് വിധിയില് ഉന്നയിച്ചത്. പോസ്റ്റ് രണ്ട് മണിക്കൂറില് പിന്വലിക്കുകയും ഖേദപ്രകടനം നടത്തുകയും ചെയ്തിട്ടും അറസ്റ്റ് ചെയ്ത പോലീസ് നടപടിയെ കോടതി വിമര്ശിച്ചു.
ഖദീജ ശൈഖിനെ പുറത്താക്കിയ കോളേജിനെതിരെ കോടതി കടുത്ത ഭാഷയിലാണ് പ്രതികരിച്ചത്. രണ്ട് പരീക്ഷകള് വിദ്യാര്ത്ഥിനിക്ക് നഷ്ടമായതില് ”നിങ്ങള് ഒരു വിദ്യാര്ത്ഥിനിയുടെ ജീവിതമാണ് നശിപ്പിക്കുന്നത്” എന്നാണ് കോടതി വിമര്ശനം.
”ദേശീയ താല്പര്യം” എന്ന് മറുപടി പറഞ്ഞ കോളേജിനോട് ”എന്ത് ദേശീയ താല്പര്യം” എന്നാണ് കോടതി ചോദിച്ചത്.
-
kerala3 days ago
വെഞ്ഞാറമൂട് കൂട്ടക്കൊല; അഫാന്റെ നില ഗുരുതരമായി തുടരുന്നു
-
kerala3 days ago
വെഞ്ഞാറമൂട് കൂട്ടക്കൊലക്കേസ്; ജയിലില് തൂങ്ങിമരിക്കാന് ശ്രമം; പ്രതി അഫാന്റെ നില അതീവഗുരുതരം
-
kerala3 days ago
നിലമ്പൂര് ഉപതെരഞ്ഞെടുപ്പ്; യുഡിഎഫ് സുസജ്ജം, സ്ഥാനാര്ഥിയെ ഉടന് പ്രഖ്യാപിക്കും: സണ്ണി ജോസഫ്
-
News3 days ago
എം.ഇ.എസ് മമ്പാട് കോളേജ് അലുംനി ജിദ്ദ ചാപ്റ്റർ മെമ്പർഷിപ്പ് ക്യാമ്പയിൻ ആരംഭിച്ചു
-
kerala3 days ago
കപ്പലപകടം; കടലില് എണ്ണ പടരുന്നു; 13 കണ്ടെയ്നറുകളില് അപകടകരമായ വസ്തുക്കള്
-
kerala3 days ago
കൊച്ചി പുറംകടലില് മുങ്ങിയ കപ്പലിലെ നൂറോളം കണ്ടെയ്നറുകള് കടലില് വീണെന്ന് വിലയിരുത്തല്
-
kerala3 days ago
മലപ്പുറം കാക്കഞ്ചേരിയില് ദേശീയപാതയില് വിള്ളല് രൂപപ്പെട്ടു; ഗതാഗതം താത്കാലികമായി നിര്ത്തിവെച്ചു
-
india3 days ago
പ്രസവാവധി ഭരണഘടനാപരമായ അവകാശമാണ; സുപ്രീം കോടതി വിധി