india
ഖാര്ഗെയോ തരൂരോ; കോണ്ഗ്രസ് അധ്യക്ഷനെ ഉച്ചയോടെ അറിയാം
തിങ്കളാഴ്ചയാണ് പുതിയ അധ്യക്ഷനെ കണ്ടെത്തുന്നതിനുള്ള സംഘടനാ വോട്ടെടുപ്പ് നടന്നത്.

ന്യൂഡല്ഹി: കോണ്ഗ്രസ് പാര്ട്ടിയുടെ പുതിയ അധ്യക്ഷന് ആരെന്ന് ഇന്ന് ഉച്ചയോടെ അറിയാം. തരൂര് – ഖാര്ഗെ പോരാട്ടത്തിലെ വിജയിയെ നിര്ണയിക്കുന്ന വോട്ടെണ്ണല് ഡല്ഹിയിലെ എ.ഐ.സി.സി ആസ്ഥാനത്ത് ഇന്ന് രാവിലെ തന്നെ ആരംഭിച്ചിരുന്നു.തിങ്കളാഴ്ചയാണ് പുതിയ അധ്യക്ഷനെ കണ്ടെത്തുന്നതിനുള്ള സംഘടനാ വോട്ടെടുപ്പ് നടന്നത്. 37 സ്ഥലങ്ങളിലായി 67 പോളിങ് ബൂത്തുകളാണ് സജ്ജീകരിച്ചിരുന്നത്. ഇവിടെനിന്നുള്ള ബാലറ്റ് ബോക്സുകള് തിങ്കളാഴ്ച രാത്രി തന്നെ എ.ഐ.സി.സി ആസ്ഥാനത്ത് എത്തിത്തുടങ്ങിയിരുന്നു.
ഇന്നലെ കൂടുതല് സ്ഥലങ്ങളില് നിന്നുള്ള ബാലറ്റ് പെട്ടികള് എത്തി. പാര്ട്ടി ആസ്ഥാനത്ത് പ്രത്യേകം സജ്ജീകരിച്ച സ്ട്രോങ് റൂമിലാണ് മുദ്രവച്ച ബാലറ്റ് ബോക്സുകള് സൂക്ഷിച്ചിരിക്കുന്നത്. തിരഞ്ഞെടുപ്പ് അതോറിറ്റി ചെയര്മാന് മധുസൂദനന് മിസ്ത്രിയുടെ സാന്നിധ്യത്തില് ഇന്ന് കാലത്ത് സ്ട്രോങ് റൂം തുറക്കും. തുടര്ന്ന് പ്രത്യേകം തയ്യാറാക്കിയ കൗണ്ടിങ് ടേബിളുകളില് എത്തിച്ചാണ് വോട്ടെണ്ണുക. ബാലറ്റ് ബോക്സുകള്ക്കൊപ്പം മുതിര്ന്ന നേതാക്കളും ഡല്ഹിയിലേക്ക് ഒഴുകുന്നുണ്ട്. ഖാര്ഗെയും തരൂരും എ.ഐ.സി.സി ആസ്ഥാനത്തെത്തുമെന്നാണ് വിവരം. 22 വര്ഷത്തിനു ശേഷമാണ് കോണ്ഗ്രസ് പാര്ട്ടി സംഘടനാ തിരഞ്ഞെടുപ്പു വഴി പുതിയ അധ്യക്ഷനെ നിശ്ചയിക്കുന്നത്. ജയിക്കുന്നത് ആരായാലും നീണ്ട ഇടവേളക്കു ശേഷം ഗാന്ധി കുടുംബത്തിന് പുറത്തുന്നുള്ള ഒരാള് അധ്യക്ഷ പദവിയില് എത്തുന്നതിനെ സ്വീകരിക്കാനുള്ള ഒരുക്കത്തിലാണ് കോണ്ഗ്രസ് പ്രവര്ത്തകര്.
india
അഹമ്മദാബാദിലെ വിമാന ദുരന്തം; അഗാധമായ ദുഖവും അനുശോചനവും രേഖപ്പെടുത്തുന്നു; ഇന്ത്യൻ യൂണിയൻ മുസ്ലിംലീഗ് ദേശീയ കമ്മിറ്റി
കുടുംബങ്ങൾക്ക് അടിയന്തര സഹായവും പിന്തുണയും ഭരണകൂടം ഉറപ്പ് വരുത്തണമെന്നും മുസ്ലിംലീഗ് ദേശീയ കമ്മിറ്റി അനുശോചന സന്ദേശത്തിൽ പറഞ്ഞു.

അഹമ്മദാബാദിലുണ്ടായ ദാരുണമായ വിമാന ദുരന്തത്തിൽ അഗാധമായ ദുഃഖവും അനുശോചനവും രേഖപ്പെടുത്തുന്നതായി ഇന്ത്യൻ യൂണിയൻ മുസ്ലിംലീഗ് ദേശീയ കമ്മിറ്റി. മരണപ്പെട്ടവരുടെ കുടുംബങ്ങളെ അനുശോചനം അറിയിക്കുന്നു. നഷ്ടത്തിന്റെ വേദന വലുതാണ്. ഈ പ്രയാസകരമായ സാഹചര്യത്തെ നേരിടാനുള്ള ക്ഷമയും ശക്തിയും നിങ്ങൾക്കുണ്ടാവട്ടെ എന്ന് പ്രാർത്ഥിക്കുന്നു. – മുസ്ലിംലീഗ് അനുശോചന സന്ദേശത്തിൽ പറഞ്ഞു.
നിങ്ങളുടെ വേദന ഈ രാജ്യം മുഴുവൻ പങ്കിടുകയാണ്. ദുരന്തം ബാധിച്ച എല്ലാവരോടും ഞങ്ങൾ ഐക്യപ്പെടുന്നു. കുടുംബങ്ങൾക്ക് അടിയന്തര സഹായവും പിന്തുണയും ഭരണകൂടം ഉറപ്പ് വരുത്തണമെന്നും മുസ്ലിംലീഗ് ദേശീയ കമ്മിറ്റി അനുശോചന സന്ദേശത്തിൽ പറഞ്ഞു.
india
വിമാനാപകടം; മരിച്ച രഞ്ജിതയുടെ സഹോദരന് ഡിഎന്എ പരിശോധനയ്ക്കായി ഇന്ന് അഹമ്മദാബാദിലേക്ക്
. പരിശോധനയുടെ ഫലം 72 മണിക്കൂറിനുള്ളില് ലഭിക്കും.

അഹമ്മദാബാദിലെ വിമാന അപകടത്തില് മരിച്ച പത്തനംതിട്ട പുല്ലാട് സ്വദേശിനി രഞ്ജിതയുടെ സഹോദരന് ഡിഎന്എ പരിശോധനയ്ക്കായി ഇന്ന് അഹമ്മദാബാദിലേക്ക് തിരിക്കും. അപകടത്തില് മരിച്ചവരുടെ മൃതദേഹങ്ങള് പൂര്ണമായി കത്തിക്കരിഞ്ഞ സാഹചര്യത്തിലായതിനാല് ഡിഎന്എ പരിശോധന തിരിച്ചറിയാന് അനിവാര്യമായത്.
അഹമ്മദാബാദ് സിവില് ആശുപത്രിയില് അപകടത്തില്പ്പെട്ടവരുടെ ബന്ധുക്കളുടെ ഡിഎന്എ സാമ്പിള് ശേഖരണം ഇന്നലെ തന്നെ ആംഭിച്ചിരുന്നു. പരിശോധനയുടെ ഫലം 72 മണിക്കൂറിനുള്ളില് ലഭിക്കും. ഫലത്തിന്റെ അടിസ്ഥാനത്തിലാകും മൃതദേഹങ്ങള് വിട്ടുകൊടുക്കുന്നത്. 265 പേരാണ് വിമാനാപകടത്തില് മരിച്ചത്. വിമാനയാത്രക്കാരില് 241 പേര് മരിച്ചെന്ന് എയര് ഇന്ത്യ സ്ഥിരീകരിച്ചു. വിമാനത്തിലുണ്ടായിരുന്ന 229 യാത്രക്കാരും 12 ജീവനക്കാരുമാണ് മരിച്ചത്.
india
അഹമ്മദാബാദിലെ വിമാനാപകടം; മരണം 265 ആയി; മരിച്ചവരില് ഹോസ്റ്റലിലെ വിദ്യാര്ഥികള് ഉള്പ്പെടെയുള്ളവര്
വിമാനത്തിലുണ്ടയിരുന്ന 241 പേരും, വിമാനം ഇടിച്ചിറങ്ങിയ ബിജെ കോളേജ് ഹോസ്റ്റലിലെ വിദ്യാര്ഥികള് ഉള്പ്പെടെ വിമാനയാത്രക്കാര് അല്ലാത്ത 24 പേരും അപകടത്തില് മരിച്ചു

അഹമ്മദാബാദിലെ വിമാനാപകടത്തില് മരണസംഖ്യ ഉയരുന്നു. 265 പേരുടെ മരണമാണ് ഇതുവരെ സ്ഥിരീകരിച്ചത്. വിമാനത്തിലുണ്ടയിരുന്ന 241 പേരും, വിമാനം ഇടിച്ചിറങ്ങിയ ബിജെ കോളേജ് ഹോസ്റ്റലിലെ വിദ്യാര്ഥികള് ഉള്പ്പെടെ വിമാനയാത്രക്കാര് അല്ലാത്ത 24 പേരും അപകടത്തില് മരിച്ചു
അപകടത്തില് ഗുരുതരമായി പരിക്കേറ്റ നിരവധി വിദ്യാര്ത്ഥികള് ചികിത്സയിലാണ്. അപകടത്തില്പ്പെട്ട വിമാനത്തില് നിന്ന് ഒരു ബ്ലാക്ക് ബോക്സ് കണ്ടെത്തി. രണ്ടാമത്തെ ബ്ലാക്ക് ബോക്സിനു വേണ്ടിയുള്ള തിരച്ചില് തുടരുകയാണ്. അപകടത്തില് മരിച്ചവരുടെ മൃതദേഹങ്ങള് തിരിച്ചറിയാനുള്ള ഡിഎന്എ പരിശോധന ഇന്ന് ആരംഭിക്കും.
കഴിഞ്ഞ ദിവസം ഉച്ചയോടെയാണ് അഹമ്മദാബാദില് വിമാനം തകര്ന്നുവീണത്. മേഘാനി നഗറിനടുത്തുള്ള ജനവാസ മേഖലയിലാണ് എയര് ഇന്ത്യ വിമാനം അപകടത്തില്പ്പെട്ടത്. സംഭവത്തില് വിമാനത്തിലുള്ള 241 പേര് മരണപ്പെട്ടപ്പോള് ഒരാള് അത്ഭുതകരമായി രക്ഷപ്പെടുകയായിരുന്നു. മരിച്ചവരില് ഗുജറാത്ത് മുന് മുഖ്യമന്ത്രി വിജയ് രൂപാണിയും മലയാളി നഴ്സ് രഞ്ജിത ഗോപകുമാറും ഉള്പ്പെടുന്നു. 169 ഇന്ത്യക്കാര്, 53 ബ്രിട്ടീഷ് പൗരന്മാര്, ഏഴ് പോര്ച്ചുഗീസുകാര്, ഒരു കനേഡിയന് പൗരന് എന്നിവരായിരുന്നു വിമാനത്തിലുണ്ടായിരുന്നത്.
-
kerala3 days ago
ലക്ഷദ്വീപ് സ്കൂള് ഭാഷാ പരിഷ്കരണം; ഉത്തരവ് ഇറക്കിയത് വിശദമായ പഠനം നടത്താതെ, വിമര്ശനവുമായി ഹൈക്കോടതി
-
india3 days ago
കെനിയയില് വാഹനാപകടം; അഞ്ച് വിനോദസഞ്ചാരികള് മരിച്ചു
-
Celebrity2 days ago
‘എന്നെ വേടന് എന്ന് സ്നേഹത്തോടെ ആദ്യം വിളിച്ചത് അവരാണ്’; പേരിന് പിന്നിലെ കഥ പറഞ്ഞ് വേടന്
-
Football2 days ago
പാരഗ്വായെ വീഴ്ത്തി ബ്രസീൽ ലോകകപ്പിന്; അർജന്റീനയ്ക്ക് സമനിലക്കുരുക്ക്
-
film3 days ago
ഒ.ടി.ടി റിലീസിനൊരുങ്ങി ഈ മൂന്ന് ചിത്രങ്ങള് പ്രേക്ഷകരുടെ മുന്നിലേക്ക്
-
kerala3 days ago
തീപിടിച്ച ചരക്കുകപ്പല് ചെരിഞ്ഞു; രക്ഷാദൗത്യം പ്രതിസന്ധിയില്
-
india3 days ago
മൂല്യം 17,000 കോടി രൂപ; ആര്സിബി വില്പ്പനയ്ക്ക്?
-
Health3 days ago
കോവിഡ്: ‘പ്രായമായവരിലും രോഗികളിലും കോവിഡ് ഗുരുതരമാകുന്നു, മാസ്ക് നിർബന്ധം’: ആരോഗ്യമന്ത്രി