EDUCATION

ഒന്നാം ക്ലാസ് പ്രവേശനത്തിന് 6 വയസാകണമെന്ന കേന്ദ്ര നിർദേശം കേരളം വീണ്ടും തള്ളി

Published

10 months ago

February 28, 2024

ഒന്നാം ക്ലാസ് പ്രവേശനം അഞ്ച് വയസിൽ വേണമെന്നാണ് സംസ്ഥാനത്തിന്റെ നിലപാടെന്ന് മന്ത്രി വി ശിവൻകുട്ടി. അഞ്ച് വയസിൽ ഒന്നാം ക്ലാസ് പ്രവേശനത്തിന് കുട്ടികൾ പ്രാപ്തരാകുകയാണെന്നും മന്ത്രി പറഞ്ഞു. ഒന്നാം ക്ലാസ് പ്രവേശനത്തിന് ആറ് വയസ് വേണമെന്ന് കേന്ദ്രം നിർദേശം നൽകിയിരുന്നുവെങ്കിലും കേരളം ഇത് തള്ളി. കഴിഞ്ഞ വർഷവും കേന്ദ്രത്തിന്റെ നിർദേശം കേരളം തള്ളിയിരുന്നു.

എസ്എസ്എൽസി, ഹയർ സെക്കൻഡറി പരീക്ഷക്കുള്ള ഒരുക്കങ്ങൾ പൂർത്തിയായതായും മന്ത്രി അറിയിച്ചു. 4,27,105 കുട്ടികളാണ് ഇത്തവണ എസ് എസ് എൽ സി പരീക്ഷ എഴുതുന്നത്. 2971 പരീക്ഷാ കേന്ദ്രങ്ങളാണ് സംസ്ഥാനത്ത് ഇതിനായി തയ്യാറാക്കിയിരിക്കുന്നതെന്നും മന്ത്രി പറഞ്ഞു

536 കുട്ടികൾ ഗൾഫിലും 285 പേർ ലക്ഷദ്വീപിലും പരീക്ഷ എഴുതും. ഹയർ സെക്കൻഡറി തലത്തിൽ 4,14,151 പ്ലസ് വണ്ണിലും 4,41,213 പേർ പ്ലസ് ടുവിലും പരീക്ഷ എഴുതുന്നുമ്ട്. 27,000 അധ്യാപകരെയാണ് പരീക്ഷാ ഡ്യൂട്ടിക്കായി നിയമിച്ചിട്ടുള്ളത്. മൂല്യനിർണയം ഏപ്രിൽ ഒന്നിന് തുടങ്ങും. മേയ് രണ്ടാംവാരം ഫലം പ്രഖ്യാപിക്കുമെന്നും മന്ത്രി അറിയിച്ചു.

Up Next

എസ്എസ്എല്‍സി പരീക്ഷ മാർച്ച് 4ന്; എഴുതുന്നത് 4,27,105 വിദ്യാര്‍ഥികള്‍; 2,971 പരീക്ഷാകേന്ദ്രങ്ങള്‍

Don't Miss

വെറ്ററിനറി സര്‍വകലാശാലയിലെ വിദ്യാര്‍ഥിയുടെ മരണം: ആറുപ്രതികള്‍ കസ്റ്റഡിയില്‍; എസ്.എഫ്.ഐ നേതാക്കളടക്കം 12 പ്രതികള്‍ ഒളിവില്‍

Click to comment

EDUCATION

പ്ലസ് വണ്‍ കണക്ക് പരീക്ഷയുടെ ചോദ്യങ്ങള്‍ തലേദിവസം വാട്‌സാപ്പ് ചാനലില്‍

കെമിസ്ട്രി, ഇംഗ്ലീഷ് പരീക്ഷകളിലും ഇത് ആവര്‍ത്തിച്ചെന്ന് കുട്ടികളും അധ്യാപകരും പറയുന്നു.

Published

2 weeks ago

December 13, 2024

webdesk13

ഇന്നലെ നടന്ന പ്ലസ് വണ്‍ കണക്ക് പരീക്ഷയുടെ 40 മാര്‍ക്കിന്റെ ചോദ്യങ്ങള്‍ അതേപടിയും നേരിയ വ്യത്യാസം വരുത്തിയും ഓണ്‍ലൈന്‍ വാട്‌സാപ്പ് ചാനലില്‍. പ്രവചിക്കപ്പെടുന്ന ചോദ്യങ്ങള്‍ എന്ന പരിചയപ്പെടുത്തലോടെയാണ് ബുധനാഴ്ച പുലര്‍ച്ചെ ചാനല്‍ പുറത്തുവിട്ടത്.

ചോദ്യ പേപ്പറിലെ ഒന്ന്, രണ്ട്, നാല്, അഞ്ച്, 10, 12, 13, 14, 15 ചോദ്യങ്ങള്‍ അതേപടിയും ഏഴ്, 19 ചോദ്യങ്ങള്‍ നേരിയ വ്യത്യാസത്തോടെയും ചാനലില്‍ വന്നിരുന്നു. ബുധനാഴ്ച ചാനല്‍ കണ്ട വിദ്യാര്‍ഥികള്‍ക്ക് പരീക്ഷ നന്നായി എഴുതാന്‍ കഴിഞ്ഞു. മറ്റുള്ളവര്‍ക്ക് പരീക്ഷ കഠിനമായിരുന്നു.

കെമിസ്ട്രി, ഇംഗ്ലീഷ് പരീക്ഷകളിലും ഇത് ആവര്‍ത്തിച്ചെന്ന് കുട്ടികളും അധ്യാപകരും പറയുന്നു. ചോദ്യങ്ങള്‍ തയ്യാറാക്കുന്നവരില്‍ ചിലരും ഓണ്‍ലൈന്‍ ക്ലാസ് നടത്തുന്നവരും തമ്മിലുള്ള അനധികൃത ഇടപെടല്‍മൂലം ചോദ്യങ്ങള്‍ ചോരുന്നത് പതിവാണെന്ന് അധ്യാപകരും വിദ്യാര്‍ഥികളും രക്ഷിതാക്കളും പരാതി ഉന്നയിക്കുന്നുണ്ട്.

EDUCATION

ദേശീയതലത്തിൽ തുടർച്ചയായി മികച്ച റാങ്കുകൾ നേടി ‘ഇലാൻസ്’ വിദ്യാർത്ഥികൾ

Published

1 month ago

November 12, 2024

webdesk14

അസോസിയേഷൻ ഓഫ് ചാർട്ടേഡ് സർട്ടിഫൈഡ് അക്കൗണ്ട്സ് (എസിസിഎ) പരീക്ഷയിൽ ദേശീയതലത്തിൽ തുടർച്ചയായി മികച്ച റാങ്കുകൾ കരസ്ഥമാക്കി കോഴിക്കോട്ടെ പ്രമുഖ കോമേഴ്സ് പരിശീലന കേന്ദ്രമായ ‘ഇലാൻസ്’. ഇക്കഴിഞ്ഞ സെപ്തംബറിൽ നടന്ന എ.സി.സി.എ പരീക്ഷയിലാണ് ഇവിടെയുള്ള വിദ്യാർത്ഥികൾ ഒന്നും രണ്ടും ആൾ ഇന്ത്യാ റാങ്കുകൾ നേടിയിരിക്കുന്നത്.

നാദാപുരം തൂണേരിയിലെ പികെ. മുഹമ്മദ് ഹനീഫ-സമീറ ദമ്പതികളുടെ മകളായ പി കെ ഫാത്തിമത്ത് സൈഫ എ.സി.സി.എ പെർഫോമൻസ് മാനേജ്മെന്‍റിൽ ഒന്നാം റാങ്കും കോഴിക്കോട് കോവൂർ സ്വദേശിയും പി ടി ജോണി- ജെസ്സി ആൻഡ്രൂസ് ദമ്പതികളുടെ മകനുമായ ആഡ്രൂസ് ജോണി അഡ്വാൻസ്ഡ് ഓഡിറ്റ് ആന്‍റ് അഷ്വറൻസിൽ രണ്ടാം റാങ്കും നേടിയാണ് ദേശീയതലത്തിൽ മലയാളികളുടെ അഭിമാനമായി മാറിയിരിക്കുന്നത്.

2024 മാർച്ചിലും 2023 ഡിസംബറിലും നടന്ന പരീക്ഷകളിലും ഇവിടത്തെ വിദ്യാർത്ഥികൾ 1000 പ്ലസ് പാസ് വിജയത്തിന് അർഹരായിരുന്നു. കഴിഞ്ഞ അഞ്ച് വർഷത്തിനിടെ നടന്ന ACCA പരീക്ഷകളിൽ 34 വേൾഡ് റാങ്കുകളും 62 നാഷണൽ റാങ്കുകളും നേടിയ ‘ഇലാൻസ്’ നേരത്തെതന്നെ ഒമ്പത് വിഷയങ്ങളിൽ അഞ്ചിലും അഖിലേന്ത്യാതലത്തിൽ റാങ്കുകൾ കരസ്ഥമാക്കിയിരുന്നു.

കഴിഞ്ഞതവണ ഫിനാൻഷ്യൽ മാനേജ്മെന്‍റിൽ 200-പ്ലസ്, ടാക്സേഷൻ, ഫിനൻഷ്യൽ റിപ്പോർട്ടിംഗ്, അഡ്വാൻസ്ഡ് ഫിനാൻഷ്യൽ മാനേജ്മെന്‍റ് എന്നി വിഷയങ്ങളിൽ 100-പ്ലസ് വിജയം നേടിയ ഇലാൻസ് 2023ൽ അഖിലേന്ത്യതലത്തിൽ ഒമ്പത് വിഷയങ്ങളിൽ അഞ്ചെണ്ണത്തിലും ഒന്നാംറാങ്കുകൾ നേടിയിരുന്നു. ലോകത്തിലെ ഏറ്റവും മികച്ചതും ഗുണനിലവാരമുള്ള പഠനകേന്ദ്രങ്ങൾക്ക് ACCA നൽകിവരുന്നതും, ഇന്ത്യയിൽ അപൂർവ്വം ഇൻസ്റ്റിറ്റ്യൂട്ടുകൾക്ക് മാത്രം ലഭിച്ചതുമായ ‘പ്ലാറ്റിനം അപ്രൂവൽ’ കരസ്ഥമാക്കിയ ഈ സ്ഥാപനത്തിന് നിലവിൽ കോഴിക്കോട്, കൊച്ചി, മുംബൈ, ന്യൂഡൽഹി, യു.എ.ഇ എന്നിവിടങ്ങളിൽ കാമ്പസുകളുണ്ട്.

കൊമേഴ്സ് പരിശീലന രംഗത്ത് ഏറ്റവും പുതിയ സാങ്കേതികവിദ്യയായ ആർട്ടിഫിഷ്യൽ ഇന്‍റലിജൻസിന്‍റെകൂടി സഹായത്തോടെ നടപ്പാക്കിയ പുത്തൻ ആശയങ്ങളായ പദ്ധതികളൊടൊപ്പം ഒന്നര പതിറ്റാണ്ട് കാലത്തെ അധ്യാപന പരിചയമുള്ളവരും ACCA വേൾഡ് റാങ്ക് ഹോൾഡർമാരുമാരായ ഫാക്കൽട്ടികളും വിദ്യാർത്ഥികളുടെയും കഠിനാദ്ധ്വാനവും ചേർന്ന് ലഭ്യമാക്കിയതാണ് ഈ നേട്ടങ്ങളെന്ന് ‘ഇലാൻസ്’ സി ഇ ഒ പി വി ജിഷ്ണു പറഞ്ഞു.

റാങ്ക് ജേതാക്കളായ ഫാത്തിമത്ത് സൈഫയെയും ആഡ്രൂസ് ജോണിയെയും അഭിനന്ദിക്കുന്നതിനായി കോഴിക്കോട് കാമ്പസിൽ നടന്ന ചടങ്ങിൽ ‘ഇലാൻസ്’ ഓപ്പറേഷണൽ മേധാവി കെ എസ് മിഥുൻ അധ്യക്ഷതവഹിച്ചു. ഫാക്കൽട്ടികളായ അക്ഷയ് ലാൽ, അരുൺ കുമാർ, അലൻ ബിജു എന്നിവർ അനുമോദന പ്രസംഗം നടത്തി. റാങ്ക് ജേതാക്കൾക്ക് പുറമെ രക്ഷകർത്താകളും സംസാരിച്ചു. അശ്വൻ വി സംഗീത് സ്വാഗതവും രാഹുൽ എൻ കെ നന്ദിയും പറഞ്ഞു.

EDUCATION

മലയാള സര്‍വ്വകലാശാലയില്‍ പിഎച്ച്ഡി റാങ്ക് ലിസ്റ്റില്‍ അട്ടിമറി

മുസ്‌ലിം സംവരണ സീറ്റില്‍ ജനറല്‍ വിഭാഗത്തിന് അഡ്മിഷണ്‍ നല്‍കി.

Published

2 months ago

November 4, 2024

webdesk13

തിരൂര്‍ തുഞ്ചത്ത് എഴുത്തച്ചന്‍ മലയാള സര്‍വ്വകലാശാലയില്‍ പിഎച്ച്ഡി റാങ്ക് ലിസ്റ്റ് അട്ടിമറിച്ചതായി പരാതി. മുസ്‌ലിം സംവരണ സീറ്റില്‍ ജനറല്‍ വിഭാഗത്തിന് അഡ്മിഷണ്‍ നല്‍കി. സര്‍വ്വകലാശാല സാഹിത്യരചനാ പിച്ച്ഡി വിഭാഗത്തിലാണ് അട്ടിമറി നടന്നതായി പരാതി ഉയര്‍ന്നിരിക്കുന്നത്. പി.എസ്.സി റിസര്‍വേഷന്‍ ചാര്‍ട്ട് പ്രകാരം 16ാം സീറ്റിലെ മുസ്‌ലിം സംവരണമാണ് അട്ടിമറിച്ചതായി ആരോപണം ഉയര്‍ന്നത്.

ഈ സീറ്റില്‍ ജനറല്‍ വിഭാഗത്തിന് അഡ്മിഷന്‍ നല്‍കിയതായാണ് വിവരാവകാശ രേഖകള്‍ വ്യക്തമാക്കുന്നത്. ഏഴുപേര്‍ പങ്കെടുത്ത അഭിമുഖത്തില്‍ നേരത്തേ പ്രവേശനം നല്‍കാന്‍ തീരുമാനിച്ച നാല് പേര്‍ക്ക് മാര്‍ക്ക് നല്‍കുകയും ബാക്കി മൂന്ന് പേര്‍ക്ക് മാര്‍ക്കുകളൊന്നും നല്‍കാതെ മാര്‍ക്ക് ലിസ്റ്റില്‍ യോഗ്യതയില്ലെന്ന് കാണിക്കുകയാണ് ചെയ്തതെന്നാണ് പരാതി. മലയാള സര്‍വകലാശാലയില്‍ ഇത് തുടര്‍ക്കഥയായി മാറിയിരിക്കുകയാണ്.