kerala

കാണം വിറ്റേ മതിയാകൂ ഇത്തവണ ഓണമുണ്ണാന്‍

അരി വില കിലോക്ക് 50 എത്തിനില്‍ക്കുമ്പോഴാണ് ഇത്തവണ ഓണസദ്യ ഒരുക്കുന്നത്. പച്ചമുളക് മുതല്‍ ക്യാരറ്റ് വരെ എല്ലാ പച്ചക്കറികള്‍ക്കും പൊള്ളുന്ന വിലയാണ്.

Published

2 years ago

September 6, 2022

Test User

കാണം വിറ്റും ഓണം ഉണ്ണണം എന്ന ചൊല്ല് ഇത്തവണ മലയാളിയെ സംബന്ധിച്ചിടത്തോളം അന്വര്‍ത്ഥമാവുകയാണ്. നിത്യോപയോഗ സാധനങ്ങള്‍ക്കും പച്ചക്കറിക്കും ഗ്യാസിനും എന്ന് വേണ്ട മനുഷ്യന് ആവശ്യമുള്ള മുഴുവന്‍ സാധനങ്ങള്‍ക്കും പൊള്ളുന്ന വിലയാണ്. ഓണത്തിന് രണ്ടു ദിവസം ബാക്കി നില്‍ക്കെ പച്ചക്കറികള്‍ക്കും വില കുതിച്ചുയര്‍ന്നതോടെ ഇത്തവണ ഓണത്തിന്റെ ശോഭയ്ക്ക് മങ്ങലേല്‍ക്കുമെന്നതില്‍ സംശയമില്ല. പ്രകൃതിദുരന്തവും മറ്റു മൂലം അയല്‍ സംസ്ഥാനങ്ങളില്‍ നിന്ന് പച്ചക്കറി വരവ് ഗണ്യമായി കുറഞ്ഞതോടെ മുമ്പെങ്ങും ഇല്ലാത്ത വിലവര്‍ധനയാണ് ഇത്തവണ ഉണ്ടായിരിക്കുന്നത്.

അരി വില കിലോക്ക് 50 എത്തിനില്‍ക്കുമ്പോഴാണ് ഇത്തവണ ഓണസദ്യ ഒരുക്കുന്നത്. പച്ചമുളക് മുതല്‍ ക്യാരറ്റ് വരെ എല്ലാ പച്ചക്കറികള്‍ക്കും പൊള്ളുന്ന വിലയാണ്. തക്കാളി, മുരിങ്ങക്ക, കിഴങ്ങ്, ഇഞ്ചി, പച്ചക്കായ, കാബേജ്, വെളുത്തുള്ളി, ബീന്‍സ്, വള്ളിപ്പയര്‍, വഴുതന, വെള്ളരി, വെണ്ട തുടങ്ങി എല്ലാ പച്ചക്കറികള്‍ക്കും വില വര്‍ധിച്ചു. 15 രൂപ മുതല്‍ 70 രൂപ വരെ വിലവര്‍ധന ഉണ്ടായി. ഉത്രാടത്തോടെ ഇനിയും വില കൂടുമെന്നല്ലാതെ കുറയുന്ന കാര്യം ആലോചിക്കുകയേ വേണ്ട എന്നാണ് വിപണിയില്‍ നിന്ന് ഉള്ള വിവരം.ഒരു കിലൊ ക്യാരറ്റിന് മൊത്ത വിപണിയില്‍ 100 രൂപയാണ് വില.ചില്ലറ വില്‍പനക്കാര്‍ 120 വരെ വാങ്ങുന്നുണ്ട്്.മുരിങ്ങക്കയും കിലോക്ക് നൂറ് കടന്നിരിക്കയാണ്.

ഒരാഴ്ച മുമ്പ് ഒരു കിലോ തക്കാളിക്ക് 20 രൂപയായിരുന്നത് ഇപ്പോള്‍ 50 രൂപയായി. സവാളയും 25ല്‍ നിന്ന് 60ല്‍ എത്തി. ചുവന്നുള്ളി കിലോക്ക് 85 രൂപയാണ്. കഴിഞ്ഞയാഴ്ച 50 രൂപയുണ്ടായിരുന്ന ഇഞ്ചിക്ക് 75രൂപയായി വര്‍ധിച്ചു. പച്ചക്കായ 70, വെളുത്തുള്ളി 50, ബീന്‍സ് 50, വെണ്ടയ്ക്ക 60 പാവയ്ക്ക 70 മത്തങ്ങ 40 വെള്ളരി 50 പച്ചമുളക് 60 എന്നിങ്ങനെയാണ് പച്ചക്കറികള്‍ക്ക് വില.

അരിവിലയിലും വര്‍ദ്ധന ഉണ്ടായിട്ടുണ്ട്. കഴിഞ്ഞയാഴ്ച 46 രൂപ കിലോക്ക് ഉണ്ടായിരുന്ന ജയന്തി അരിക്ക്് 51ആയി.വില കുറവുണ്ടായിരുന്ന ക്രാന്തി ഉണ്ടയരിക്ക് 42 രൂപ ഇപ്പോള്‍ കൊടുക്കണം. ഉഴുന്നിന് കിലോക്ക് 122 രൂപയും പരിപ്പിന് 120 രൂപയുമാണ് വില.
പഞ്ചസാര കിലോക്ക് അഞ്ചു രൂപ വര്‍ദ്ധിച്ച നാല്പതിലെത്തിയപ്പോള്‍ ശര്‍ക്കര പത്തു രൂപ വര്‍ദ്ധിച്ച് കിലോക്ക് 55 രൂപയില്‍ എത്തി.
പാചകവാതക വിലകൂടി വര്‍ധിച്ചതോടെ ഓണത്തിന് കാര്യമായ അധ്വാനം അടുക്കളയില്‍ ഉണ്ടാകില്ലെന്നിടത്തേക്കാണ് കാര്യങ്ങള്‍ നീങ്ങുന്നത്. 14.2 കിലോ ഭാരമുള്ള സിലിണ്ടറിന് 1060 രൂപയാണ് ഇപ്പോഴത്തെ വില.

വന്‍ വിലവര്‍ധനയായതോടെ അത്യാവശ്യ വിഭവങ്ങളില്‍ ഓണം ഒതുക്കി നിര്‍ത്താന്‍ ആണ് വീട്ടമ്മമാര്‍ തീരുമാനിക്കുന്നത്. ശര്‍ക്കര വരട്ടിയും ഉപ്പേരിയും അടക്കമുള്ളവ പുറമേനിന്ന് വാങ്ങാമെന്ന് വച്ചാലും അതിനും പൊള്ളുന്ന വിലയാണ്. ഓണം അടുത്തതോടെ കാറ്ററിംഗ് വിഭാഗവും സദ്യക്ക് വില വര്‍ദ്ധിപ്പിച്ചു. സാധാരണ സദ്യക്ക് 200 നു മേല്‍ വരെ ചാര്‍ജ് ചെയ്യുകയാണ് കാറ്ററിങ് കമ്പനികള്‍.നേരത്തെ 160 രൂപയ്ക്ക് സദ്യ നല്‍കാമെന്ന് ഏറ്റിരുന്ന പല കാറ്ററിംഗ് കമ്പനികളും ഒരാഴ്ചയ്ക്കിടെ പച്ചക്കറിക്ക് അടക്കം ഉണ്ടായ വന്‍വില വര്‍ദ്ധനയോടെ പ്രതിസന്ധിയില്‍ ആയിരിക്കുകയാണ്.

kerala

സ്കൂളുകൾക്ക് അവധി

കലോത്സവത്തിന് ബസുകൾ വിട്ടുനൽകിയ സ്കൂളുകൾക്കും അവധി ബാധകമാണ്.

Published

5 hours ago

January 5, 2025

webdesk17

സംസ്ഥാന സ്കൂൾ കലോത്സവത്തോട് അനുബന്ധിച്ച് മത്സരവേദികളായും താമസസൗകര്യത്തിനുമായി തിരഞ്ഞെടുത്ത സ്കൂളുകൾക്ക് ജനുവരി 8 വരെ പൊതുവിദ്യാഭ്യാസ വകുപ്പ് അവധി പ്രഖ്യാപിച്ചു.

കലോത്സവത്തിന് ബസുകൾ വിട്ടുനൽകിയ സ്കൂളുകൾക്കും അവധി ബാധകമാണ്.

kerala

വല്യച്ഛന്റെയും അച്ഛന്റെയും ശിക്ഷണത്തിൽ ചുവട് വെച്ച് നീരജ് കൃഷ്ണ

ആലുവ വിദ്യാധിരാജ വിദ്യാഭവൻ ഹയർ സെക്കൻഡറി സ്കൂളിലെ പതിനൊന്നാം ക്ലാസ്സ് വിദ്യാർഥിയാണ് നീരജ് കൃഷ്ണ.

Published

6 hours ago

January 5, 2025

webdesk17

സ്കൂൾ കലോത്സവത്തിൽ രണ്ടാം തവണയും ചാക്യാർകൂത്ത് മത്സരത്തിൽ എ ഗ്രേഡ് കരസ്ഥമാക്കിയ ആലുവ സ്വദേശി നീരജ് കൃഷ്ണ പരിശീലനം നേടിയത് അച്ഛൻ്റെയും വല്ല്യച്ഛൻ്റെയും ശിക്ഷണത്തിൽ.
ആലുവ വിദ്യാധിരാജ വിദ്യാഭവൻ ഹയർ സെക്കൻഡറി സ്കൂളിലെ പതിനൊന്നാം ക്ലാസ്സ് വിദ്യാർഥിയാണ് നീരജ് കൃഷ്ണ. അച്ഛൻ ഹരികൃഷ്ണൻ ആണ് നീരജിന്റെ മിഴാവ് വാദ്യാൻ. വല്യച്ഛനായ ഇടനാട് രാജൻ നമ്പ്യാർ നീരജിന്റെ ഗുരുവും കൂടെയാണ്. വല്യച്ഛനോടോപ്പം ക്ഷേത്രങ്ങളിൽ ചാക്യാർകൂത്ത് സമർപ്പണങ്ങൾ കാണാൻ പോയിപ്പോയി ആണ് ചാക്യാർ കൂത്തിൽ പരിശീലനം നേടിയത്.
നാല് മാസത്തോളം മുടങ്ങാതെ ഉള്ള പരിശീലനമാണ് നീരജിനെ എ ഗ്രേഡിന് തുണച്ചത്. കഴിഞ്ഞ എറണാകുളം ജില്ലാതല കലോത്സവത്തിൽ ചെണ്ടമേളത്തിലും, പഞ്ചവാദ്യത്തിലും രണ്ടാം സ്ഥാനം നേടിയിരുന്നു നീരജ് കൃഷ്ണ.

kerala

നാലാം വയസ്സിൽ മൊട്ടിട്ട പൈലറ്റ് മോഹം പൂവണിയിച്ച് മുഹമ്മദ് അഫ്നാൻ

മാനവിക വിഷയങ്ങൾ പഠിച്ചാലും മാനത്ത് പറക്കാം

Published

6 hours ago

January 5, 2025

webdesk17

റഹൂഫ് കൂട്ടിലങ്ങാടി

മലപ്പുറം: ഏഴ് മണിക്കൂർ വിമാനം പറത്തിയ 19 കാരി ജുമാനയുടെ വൈറലായ പൈലറ്റ് പരിശീലന വാർത്തക്ക് പിന്നാലെ മലപ്പുറത്ത് നിന്ന് ഇതാ 200 മണിക്കൂറിലധികം വിമാനം പറത്തൽ പൂർത്തിയാക്കി ഇൻ്റർനാഷണൽ കൊമേഴ്സ്യൽ പൈലറ്റ് ലൈസൻസ് കരസ്ഥമാക്കി നാടിന് അഭിമാനമായി മാറിയ മലപ്പുറം ഹാജിയാർ പള്ളി സ്വദേശി മുഹമ്മദ് അഫ്നാൻ.

പൈലറ്റ് പരിശീലനത്തിന് ചേരാൻ പ്ലസ് ടു വിന് സയൻസ് പഠിച്ചിരിക്കണമെന്ന നിബന്ധന പാലിക്കാൻ ഹ്യൂമാനിറ്റീസ് പഠനം കഴിഞ്ഞ് സ്വന്തമായി സയൻസ് പഠിച്ചെടുത്താണ് ഈ മിടുക്കൻ ഉയർന്ന ഈ നേട്ടം കൊയ്തത്. നാലാം വയസ് മുതൽ അഫ്നാൻ്റെ മനസിൽ മൊട്ടിട്ട മോഹമായിരുന്നു പൈലറ്റാവുക എന്നത്. കഠിനമായ പരിശ്രമത്തിലുടെ ഇരുപത്തൊന്നാം വയസിൽ ആഗ്രഹം പൂവണിഞ്ഞ സന്തോഷത്തിലാണ് അഫ്നാൻ .

സാധാരണ കുടുംബത്തിൽ പിറന്ന് പൊതുവിദ്യാലയത്തിൽ പഠിച്ച് ഉന്നതമായ നേട്ടം കൈവരിച്ചതിന് പിന്നിൽ കഠിനാധ്വാനവും മാതാപിതാക്കളുടെ ശക്തമായ പിന്തുണയുമാണ് തുണയായ തെന്ന് അഫ്നാൻ പറയുന്നു.

മലപ്പുറം ഹാജിയാർ പള്ളിയിലെ മൊത്ത വിതരണ കമ്പനിയിലെ സെയിൽമാനായ വടക്കേവീട്ടിൽ അൻവറിൻ്റെയും വീട്ടമ്മയായ സാജിതയുടെയും രണ്ട് മക്കളിൽ മൂത്ത മകനായ അഫ്നാൻ നാലാം ക്ലാസ് വരെ മലപ്പുറം വലിയങ്ങാടി പുതിയ മാളിയേക്കൽ എൽ.പി.സ്കൂളിലും ഏഴാം ക്ലാസ് വരെ പാണക്കാട് എം.യു. എ.യു.പി.എ സിലും മേൽമുറി എം.എം.ഇ.ടി.എച്ച്.എസിൽ ഹൈസ്കൂൾ പഠനവും പൂർത്തിയാക്കി മങ്കട പള്ളിപ്പുറം ഗവ.ഹയർ സെക്കണ്ടറി സ്കൂളിൽ നിന്ന് ഹ്യൂമാനിറ്റീസിൽ ഫുൾ എപ്ലസ് നേടി.

ഹൈസ്കൂൾ പഠനകാലത്ത് ക്രിക്കറ്റ് ഫുട്ബോൾ കളിക്കാരനായിരുന്ന അഫ്നാൻ സ്കൂളിലെ ക്രിക്കറ്റ് ടീമിൻ്റെ ക്വാപ്റ്റനും എൻ.സി.സിയിൽ രാജ്യ പുരസ്ക്കാർ ജേതാവും, ഹയർ സെക്കണ്ടറിയിൽ എൻ.എസ്.എസ് ക്ലാപ്റ്റനുമായിരുന്നു. മലപ്പുറം ബോയ്സ് ഹൈസ്കൂൾ പ്ലസ് ടു വിദ്യാർത്ഥിനിയായ ഹംന ഏക സഹോദരിയാണ്.

കൃത്യമായ ഗൈഡൻസിൻ്റെ കുറവ് കൊണ്ടാകാം പൈലറ്റ് പരിശീലന കോഴ്സിന് സയൻസ് പഠിക്കണമെന്ന് പ്ലസ് ടു പഠനത്തിൻ്റെ പാതി സമയത്താണ് അറിയുന്നത്. തുടർന്നാണ് 2021ൽ കോഴിക്കോട് കാപ്റ്റൻസ് വിൻഡോ അക്കാഡമിയിൽ ബേസിക് പൈലറ്റ് കോഴ്സിന് ചേർന്നത്. ഇതിൻ്റെ കൂടെ തന്നെ നാഷണൽ ഓപ്പൺ സ്കൂൾ വഴി സയൻസ് കൂടി എഴുതിയെടുക്കുകയായിരുന്നു. പ്രാരംഭ പൈലറ്റ് കോഴ്സ് പൂർത്തീകരിച്ച ശേഷം 2023 ജൂലായ് മുതൽ സൗത്ത് ആഫ്രിക്കയിലെ ജോഹന്നാസ് ബർഗിൽ ഇൻവേർഷൻ ഫ്ലൈറ്റ് അക്കാഡമിയിൽ പറക്കൽ പരിശീലനത്തിന് ചേർന്നു.2024 ജൂലായിൽ 200 മണിക്കൂർ വിമാനം പറത്തൽ പരിശീലനം പൂർത്തിയാക്കി ഇന്ത്യയിലെത്തി പഞ്ചാബിലെ പാട്യാല ഇന്ത്യൻ ഏവിയേഷൻ ഫ്ലയിംഗ് ക്ലബിൽ ചേർന്ന് ഇന്ത്യയിലെ ലൈസൻസും നേടി.

ഇപ്പോൾ എയർ ഇന്ത്യയിൽ നിയമനം പ്രതീക്ഷിച്ചിരിക്കുകയാണ് അഫ്നാൻ പുതുവർഷത്തിൽ തൻ്റെ അധ്യാപകരെ കാണാൻ മങ്കട പള്ളിപ്പുറം ഹയർ സെക്കണ്ടറി സ്കൂളിലെത്തിയ അഫ്നാന് സ്കൂൾ കരിയർ ക്ലബിൻ്റെ നേതൃത്വത്തിൽ സ്വീകരണം നൽകി. വിദ്യാർത്ഥികളുമായി തൻ്റെ വിജയഗാഥയെ കുറിച്ച് അഫ്നാൻ ഏറെ നേരം സംവദിച്ചു.