GULF

ജിദ്ദ വയനാട് ജില്ലാ കെ.എം.സി.സി.കമ്മിറ്റി ജമാൽ സാഹിബിൻ്റെ പ്രാർത്ഥനാ സദസ്സും, അനുസ്മരണവും നടത്തി

Published

11 months ago

December 23, 2023

പ്രാർത്ഥനക്ക് ഷറഫുദീൻ ബാഖവി ചുങ്കപ്പാറ നേത്യത്തം നൽകി
മുസ്ലിം ലീഗ് വയനാട് ജില്ലാ ജനറൽ സെക്രട്ടറി ടി.മുഹമ്മദ് അനുസ് സ്മരണ പ്രഭാഷണം നടത്തി. ജിദ്ദ വയനാട് ജില്ലാ കെ.എം.സി.സി.പ്രസിഡണ്ട് റസാക്ക് അണക്കായി അദ്ധ്യക്ഷത വഹിച്ചു.

ജിദ്ദ കെ.എം.സി.സി.സെൻട്രൽ കമ്മിറ്റി ആക്ടിങ്ങ് പ്രസിഡണ്ട് റസാക്ക് മാസ്റ്റർ ,സൗദി കെ.എം.സി.സി. നാഷണൽ കമ്മിറ്റി സെക്രട്ടറി നാസർ വെളിയംങ്കോട് ,സുൽത്താൻബത്തേരി മണ്ഡലം മുസ്ലിം ലീഗ് വൈസ് പ്രസിഡണ്ട് കണക്കയിൽ മുഹമ്മദ് ഹാജി ,ജിദ്ദ കെ.എം.സി.സി.സെൻട്രൽ കമ്മിറ്റി വൈസ് പ്രസിഡണ്ട് ലത്തീഫ് വെള്ളമുണ്ട ,ജിദ്ദ കോഴിക്കോട് ജില്ലാ കെ.എം.സി.സി.ജനറൽ സെക്രട്ടറി സൈനുൽ ആബിദീൻ ,ജിദ്ദ വയനാട് ജില്ലാ കെ.എം.സി.സി.കമ്മിറ്റി ചെയർമാൻ ശിഹാബ് പേരാൽ ,ജിദ്ദ കോട്ടക്കൽ മണ്ഡലം കെ.എം.സി.സി.പ്രസിഡണ്ട് നാണി മാസ്റ്റർ ,ജിദ്ദ കൽപ്പറ്റ മണ്ഡലം കെ.എം.സി.സി.കമ്മിറ്റി ജനറൽ സെക്രട്ടറി നൗഷാദ് നെല്ലിയംബം, ജിദ്ദ മാനന്തവാടി മണ്ഡലം കെ.എം.സി .സി.കമ്മിറ്റി ജനറൽ സെക്രട്ടറി കാദർ യൂസഫ് കാരക്കാമല ,കെ. എം.സി.സി.മഹ്ജർ ഏരിയ കമ്മിറ്റി ജനറൽ സെക്രട്ടറി സലീം മുണ്ടേരി ,വയനാട് മുസ്ലിം യത്തീംഖാന ജിദ്ദ ചാപ്റ്റർ പ്രസിഡണ്ട് ഹമീദ് പേരാമ്പ്ര ,ജനറൽ സെക്രട്ടറി മൂസ്സ ചീരാൽ ,കോ ഓഡിനേറ്റർ സുലൈമാൻ അഹ്സനി ,വെങ്ങപ്പള്ളിശംസുൽ ഉലമ ഇസ്ലാമിക്ക് അക്കാദമി ജിദ്ദ ചാപ്റ്റർ ജനറൽ സെക്രട്ടറി ഹർഷൽ പഞ്ചാര ,സൈൻ ജിദ്ദ ചാപ്റ്റർ പ്രതിനിധി സാബിത്ത് എന്നിവർ പ്രസംഗിച്ചു .
ബീരാൻ കുട്ടി കൽപ്പറ്റ ,ഉബൈദ്കണിയാമ്പറ്റ ,സുബൈർ കുഞ്ഞോം, നിസാർ വെങ്ങപ്പള്ളി ,ഷൗക്കത്ത് ചീരാൽ ,ജിദ്ദ മാനന്തവാടി മണ്ഡലം കെ.എം.സി.സി.കമ്മിറ്റി പ്രസിഡണ്ട് അബൂമ്പക്കർ കാട്ടിക്കുളം ,ജിദ്ദസുൽത്താൻ ബത്തേരി മണ്ഡലം കെ.എം.സി.സി.ജനറൽ സെക്രട്ടറി നിഷാബ് പഴൂർ ,വൈസ് പ്രസിഡണ്ട് ഷാഹുൽ ഹമീദ് മാടക്കര ,ടി .ആഷിഖ്നായിക്കട്ടി , വി .പി .അഷ്റഫ് തലപ്പുഴ ,
എന്നിവർ നേത്യത്തം നൽകിജനറൽ സെക്രട്ടറി ശിഹാബ് തോട്ടോളി സ്വാഗതവും ,സെക്രട്ടറി അഷ്റഫ് വേങ്ങൂർ നന്ദിയും പറഞ്ഞു.

GULF

വിസ്താര വിട വാങ്ങി; അബുദാബിയിലേക്ക് വന്നത് വിസ്താര തിരിച്ചുപോയത് എയര്‍ ഇന്ത്യ

വിസ്താരയുടെ അവസാന യാത്രാ വിമാനത്തില്‍ ഒന്നാണ് അബുദാബിയിലെത്തിയത്

Published

19 hours ago

November 14, 2024

webdesk14

റസാഖ് ഒരുമനയൂര്‍

അബുദാബി: പ്രമുഖ എയര്‍ലൈന്‍ കമ്പനിയായ വിസ്താര വിടവാങ്ങി. ഒമ്പത് വര്‍ഷക്കാലം ആകാ ശ യാത്രയില്‍ അനേകങ്ങള്‍ക്ക് മികച്ച സേവനം നല്‍കിയ വിസ്താര 11ന് അര്‍ധരാത്രിയാണ് അവസാന യാത്ര നടത്തിയത്. മുംബൈയില്‍നിന്നും 11ന് തിങ്കളാഴ്ച രാത്രി 11.15ന് അബുദാബിയിലെത്തിയ വിസ്താര എയര്‍വേസ് യുകെ 255 പുലര്‍ച്ചെ 12.15ന് എഐ 2256 എന്ന കോഡില്‍ എയര്‍ ഇന്ത്യയായാണ് മുംബൈയി ലേക്ക് മടങ്ങിയത്. വിസ്താരയുടെ അവസാന യാത്രാ വിമാനത്തില്‍ ഒന്നാണ് അബുദാബിയിലെത്തിയത്. അബുദാബിയിലേക്കുള്ള യാത്രയില്‍ നിറയെ യാത്രക്കാരുണ്ടായിരുന്നു.

എയര്‍ഇന്ത്യ-വിസ്താര ലയനം പൂര്‍ത്തിയായതോടെയാണ് വിസ്താര വിസ്മൃതിയലേക്കാണ്ടത്.

ഈ മാസം 12നോ അതിനുശേഷമോ വിസ്താരയില്‍ ടിക്കറ്റെടുത്തവര്‍ക്ക് എയര്‍ഇന്ത്യയില്‍ യാത്ര ചെയ്യുന്നതിന് സൗകര്യമേര്‍പ്പെടത്തിയിട്ടുണ്ട്. വിസ്താരയുടെ എല്ലാ വിമാനങ്ങളും ഇനി എയര്‍ഇന്ത്യയാണ് പ്രവര്‍ ത്തിപ്പിക്കുക. ഈ വിമാനങ്ങള്‍ സര്‍വ്വീസ് നടത്തുന്ന റൂട്ടുകളിലേക്കുള്ള ബുക്കിംഗുകള്‍ ഇതിനകം മാറ്റിയി ട്ടുണ്ട്. വിസ്താരയും എയര്‍ ഇന്ത്യയും എല്ലാ ഉപഭോക്താക്കള്‍ക്കും ആവശ്യമായ പിന്തുണയും സ്ഥിരമായ ആശയ വിനിമയവും സൗകര്യവും ഉറപ്പാക്കും. ലയനവും അനുബന്ധ സര്‍വ്വീസുകളും സുഗമവും തടസ്സ രഹിതവുമാണെന്ന് വിസ്താരയും എയര്‍ ഇന്ത്യയും വ്യക്തമാക്കി.

2015 ജനുവരി 9നാണ് സിങ്കപ്പൂര്‍ ആസ്ഥാനമായുള്ള വിസ്താര എയര്‍വേയ്‌സ് ഇന്ത്യയിലേക്ക് കടന്നുവന്നത്. 53 എയര്‍ബസ് എ320നിയോ, 10 എയര്‍ബസ് എ321നിയോ, ഏഴ് ബോയിംഗ് 787, ഒമ്പത് ഡ്രീംലൈ നര്‍ എന്നിവയുള്‍പ്പെടെ 70 വിമാനങ്ങളാണ് കഴിഞ്ഞ ദിവസംവരെ വിസ്താരക്കുണ്ടായിരുന്നത്. ലയനം പൂര്‍ത്തിയായതോടെ എയര്‍ ഇന്ത്യയില്‍ സിംഗപ്പൂര്‍ എയര്‍ലൈന്‍സിന് 25.1% ഓഹരിയുണ്ടാകും. നേരത്തെ യുണ്ടാക്കിയ കരാറിന്റെ അടിസ്ഥാനത്തില്‍ വിസ്താരയുടെ ക്രൂ, എയര്‍ക്രാഫ്റ്റ്, എയര്‍ ഓപ്പറേറ്റര്‍ സര്‍ട്ടിഫി ക്കറ്റ് എന്നിവ റ്റാറ്റയുടെ ഉടമസ്ഥതയിലുള്ള എയര്‍ ഇന്ത്യയ്ക്ക് കൈമാറി. നിലവിലെ വിമാനങ്ങള്‍, ഷെഡ്യൂ ള്‍, ഓപ്പറേറ്റിംഗ് ക്രൂ എന്നിവയ്ക്ക് 2025 ആദ്യം വരെ മാറ്റമുണ്ടാകില്ല. ലയനത്തോടെ റ്റാറ്റഗ്രൂപ്പിനുകീഴില്‍ എയര്‍ഇന്ത്യക്ക് 218 വിമാനങ്ങള്‍ സ്വന്തമായുണ്ടാകും.

2013ല്‍ സ്ഥാപിതമായ വിസ്താര 2015ലാണ് ഇന്ത്യയിലെത്തുന്നത്. 2024 ആയപ്പോഴേക്കും വിസ്താര ഇന്ത്യയുടെതായിമാറുകയായിരുന്നു. അതേസമയം എയര്‍ഇന്ത്യയില്‍ 25.1ശതമാനം ഓഹരി വിസ്താരയുടെ യഥാര്‍ത്ഥ ഉടമ സിങ്കപ്പൂര്‍ കമ്പനിയും സ്വന്തമാക്കിയിരിക്കുകയാണ്. 69 വര്‍ഷങ്ങള്‍ക്കുമുമ്പ് റ്റാറ്റ കുടുംബത്തില്‍ പിറന്ന എയര്‍ ഇന്ത്യയെ ഇന്ത്യാ ഗവണ്മെന്റില്‍നിന്നും വിലക്കുവാങ്ങി 2022 ജനുവരിയില്‍ ടാറ്റ ഗ്രൂപ്പിലേക്ക് തിരികെ കൊണ്ടുവന്നു.

GULF

മലപ്പുറം സ്വദേശി ജുബൈലിൽ വാഹനാപകടത്തിൽ മരിച്ചു

Published

2 days ago

November 12, 2024

webdesk14

ജുബൈൽ: മലപ്പുറം അരീക്കോട് സ്വദേശിയായ യുവാവ് ജുബൈലിൽ വാഹനാപകടത്തിൽ മരിച്ചു. അത്താണിക്കൽ സ്വദേശി സഹീദ് ചെറൂത്ത് (40) ആണ് മരിച്ചത്. റോഡരികിൽ വാഹനം നിർത്തി തകരാർ പരിഹരിക്കുന്നതിനിടയിൽ മറ്റൊരു വാഹനം വന്നിടിച്ചായിരുന്നു അപകടം. റാസ്‌ അൽ ഖൈർ നാരിയ-മുനീഫ റോഡിലാണ് അപകടമുണ്ടായത്.

ജുബൈലിലെ ഓയിൽ വർക്ക് ഷോപ്പിൽ ഹെവി ട്രക്ക് ഡ്രൈവർ ആയി ജോലി ചെയ്തു വരികയായിരുന്നു. മൃതദേഹം ജുബൈൽ ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുന്നി. ഔദ്യോഗിക നടപടികൾ പുരോഗമിക്കുകയാണെന്ന് ബന്ധപ്പെട്ടവർ അറിയിച്ചു. കൈത്തായിൽപാറ അബൂബക്കർ മുസ്ലിയാരുടെ മകനാണ്.

GULF

കാല്‍നടക്കാരുടെ അശ്രദ്ധ; നടുറോഡില്‍ ജീവന്‍ പൊലിയുന്നു റോഡ് മുറിച്ചു കടക്കുന്നവര്‍ക്ക് കര്‍ശന നിര്‍ദ്ദേശവുമായി അബുദാബി പൊലീസ്

Published

5 days ago

November 9, 2024

webdesk14

റസാഖ് ഒരുമനയൂര്‍

അബുദാബി: റോഡ് മുറിച്ചു കടക്കുന്നവര്‍ക്ക് കര്‍ശന നിര്‍ദ്ദേശവുമായി അബുദാബി പൊലീസ്. റോഡ് മുറിച്ചു കടക്കുന്നത് അത്യധികം അപകടരമാണെന്നും സീബ്ര ക്രോസ്സിംഗിലൂടെയല്ലാതെ മറുഭാഗത്തേ ക്ക് കടക്കരുതെന്നും പൊലീസ് വ്യക്തമാക്കി. കാല്‍നടക്കാര്‍ക്കുവേണ്ടിയുള്ള മേല്‍പാലങ്ങള്‍, അണ്ടര്‍പാസ്സു കള്‍, ട്രാഫിക് സിഗ്നലുകളോട് ചേര്‍ന്നുള്ള സീബ്ര ക്രോസ്സിംഗുകള്‍ എന്നിവ ഉപയോഗപ്പെടുത്തണം. മറ്റി ടങ്ങളില്‍ റോഡ് മുറിച്ചു കടക്കുന്നത് കര്‍ശനമായി വിലക്കിയിട്ടുണ്ട്.

റോഡ് മുറിച്ചുകടക്കുന്നത് റോഡപകടങ്ങളുടെ പ്രധാനകാരണങ്ങളിലൊന്നായാണ് കണക്കാക്കിയി ട്ടുള്ളത്. അതുകൊണ്ടുതന്നെ കാല്‍നടയാത്രക്കാര്‍ കൃത്യമായ ക്രോസിംഗ് നിയമങ്ങള്‍ പാലിക്കണമെന്നും റോഡ് മുറിച്ചു കടക്കുമ്പോള്‍ വാഹനങ്ങളില്ലെന്ന് ഉറപ്പ് വരുത്തണമെന്നും അബുദാബി പൊലീസ് അറിയി പ്പില്‍ പൊതുജനങ്ങളോട് ആവശ്യപ്പെട്ടു. കാല്‍നടയാത്രക്കാരുടെ സുരക്ഷക്ക് മുന്തിയ പരിഗണനയാണ് അധികൃതര്‍ നല്‍കുന്നത്. എന്നാല്‍ ഇക്കാര്യത്തില്‍ എല്ലാവരുടെയും ശ്രദ്ധയുണ്ടാവണം. വിശിഷ്യാ കാല്‍നടക്കാര്‍ തങ്ങളുടെ സുരക്ഷ ഉറപ്പാക്കാന്‍ സീബ്രക്രോസ്സിംഗ് പ്രയോജനപ്പെടുത്തണം.

അതേസമയം കാല്‍നടയാത്രക്കാരുടെ സുരക്ഷ ഉറപ്പാക്കുന്നതിന് വാഹനമോടിക്കുന്നവരും അതീവ ജാഗ്രത പുലര്‍ത്തുകയും വേഗത കുറക്കുകയും ചെയ്യണമെന്ന് പൊലീസ് അഭ്യര്‍ത്ഥിച്ചു. കാല്‍നടയാത്രക്കാ ര്‍ക്കും ഡ്രൈവര്‍മാര്‍ക്കും ഇക്കാര്യത്തില്‍ ഉത്തരവാദിത്തമുണ്ട്. വേഗത്തില്‍ കടന്നുവരുന്ന വാഹനങ്ങള്‍ ക്കിടയിലൂടെയാണ് പലരും മറുവശം കടക്കാന്‍ റോഡിന് കുറുകെ ഓടുന്നത്. അത്യധികം അപകടകരമാ യ ഇത്തരം പ്രവൃത്തികളില്‍നിന്ന് കാല്‍നടക്കാര്‍ പിന്മാറണം.കഴിഞ്ഞദിവസം മുസഫ ഷാബിയയില്‍ റോഡ് മുറിച്ചുകടക്കുന്നതിനിടെ ഏഴാംക്ലാസ്സ് വിദ്യാര്‍ത്ഥി മരണപ്പെട്ടിരുന്നു.

സീബ്രക്രോസ്സിംഗിലൂെയല്ലാതെ റോഡ് മുറിച്ചുകടക്കുന്നവരെ പിടികൂടി പിഴ ചുമത്തുന്നതിനായി അബുദാബിയില്‍ വിവിധ ഭാഗങ്ങളില്‍ വിശിഷ്യാ മുസഫയില്‍ ഉദ്യോഗസ്ഥര്‍ സദാരംഗത്തുണ്ട്. ദിനംപ്രതി നിരവധിപേരെ ഇത്തരത്തില്‍ പിടികൂടി പിഴ ചുമത്തുന്നുണ്ടെങ്കിലും ഉദ്യോഗസ്ഥരുടെ കണ്ണുവെട്ടിച്ചാണ് പലരും റോഡിനുകുറുകെ ഓടുന്നത്. ജീവന്‍ അപകടത്തിലാകുന്ന ഈ പ്രവണത അത്യന്തം ഗൗരവത്തോടെയാണ് അധികൃതര്‍ നോക്കിക്കാണുന്നത്. അബുദാബി പൊലീസ് ഇക്കാര്യത്തില്‍ നിരന്തരം ബോധവല്‍ക്ക രണം നടത്തിക്കൊണ്ടിരിക്കുന്നുണ്ട്.