സെക്രട്ടേറിയറ്റിൽ സീലിംഗ് ഇളകി വീണ് അഡീഷണൽ സെക്രട്ടറിക്ക് പരുക്ക്. സഹകരണ വകുപ്പ് അഡീഷണൽ സെക്രട്ടറി അജി ഫിലിപ്പിനാണ് പരുക്കേറ്റത്. പഴയ നിയമസഭ മന്ദിരത്തിന്‍റെ മുകളിൽ പ്രവർത്തിക്കുന്ന കെട്ടിടത്തിന്‍റെ ഫാൾസ് സീലിംഗ് അടർന്ന് വീണാണ് അപകടമുണ്ടായത്. അലൂമിനിയം സീലിംഗ് ട്യൂബ് ലൈറ്റ് ഉൾപ്പെടെ തകർന്ന് വീഴുകയായിരുന്നു.

ഉച്ചയ്ക്ക് 2ന് ആയിരുന്നു സംഭവം. ഓഫീസിൽ ജോലി ചെയ്യുകയായിരുന്ന അഡീഷണൽ സെക്രട്ടറിയുടെ തലക്ക് മുകളിലേക്കാണ് സീലിംഗ് പതിച്ചത്. ഉടൻ തന്നെ അജി ഫിലിപ്പിനെ ജനറൽ ആശുപത്രിയിൽ പ്രവേശിപ്പിച്ചു. സഹകരണ വകുപ്പിന്‍റെ അഡീഷണൽ സെക്രട്ടറിയുടെ ഓഫീസും നിയമ വകുപ്പിന്‍റെ ചെറിയ ഭാഗവുമാണ് അപകട സ്ഥലത്ത് പ്രവർത്തിക്കുന്നത്.

ലോക്സഭയിൽ പ്രതിപക്ഷ നേതാവായി 100 ദിനങ്ങൾ തികച്ച് കോൺഗ്രസ് നേതാവ് രാഹുൽ ഗാന്ധി. ഒരു പതിറ്റാണ്ടായി ഒഴിഞ്ഞുകിടന്ന ലോക്‌സഭയുടെ പ്രതിപക്ഷ നേതാവ് സ്ഥാനത്തേക്ക് രാഹുൽ ഗാന്ധി ചുമതലയേറ്റത് ജൂൺ 24നാണ്. സർക്കാർ 100 ദിനങ്ങൾ ആഘോഷിക്കുകയും നിരവധി നേട്ടങ്ങൾ പട്ടികപ്പെടുത്തുകയും ചെയ്തതിന് പിന്നാലെയാണ് കോൺഗ്രസിൻ്റെ പ്രഖ്യാപനം.

‘ഇന്ത്യൻ രാഷ്ട്രീയത്തിൻ്റെ ഹൃദയത്തിലേക്ക് സ്നേഹം, ബഹുമാനം, വിനയം എന്നിവയുടെ മൂല്യങ്ങൾ പുനഃസ്ഥാപിക്കുക’ എന്നതാണ് തൻ്റെ ദൗത്യമെന്ന് പറഞ്ഞുകൊണ്ട് തന്റെ എല്ലാ സമൂഹ മാധ്യമ അക്കൗണ്ടുകളിലും രാഹുൽ ഗാന്ധി വീഡിയോ പങ്കുവെക്കുകയും ചെയ്തു. ‘കൂടുതൽ നീതിയും അനുകമ്പയും സാമ്പത്തികമായി സമ്പന്നവുമായ ഒരു ഇന്ത്യ കെട്ടിപ്പടുക്കാൻ ഞങ്ങൾ ഒരുമിച്ച് പ്രവർത്തിക്കുമ്പോൾ രാജ്യത്തോടുള്ള പ്രതിബദ്ധതയാണ് എന്നെ നയിക്കുന്നത്,’ അദ്ദേഹം കൂട്ടിച്ചേർത്തു.

ലാറ്ററൽ എൻട്രി നയം, റിയൽ എസ്റ്റേറ്റ് വിൽപ്പനയിൽ നിന്നുള്ള ഇൻഡെക്സേഷൻ ആനുകൂല്യങ്ങൾ നീക്കം ചെയ്യുക, അല്ലെങ്കിൽ ബ്രോഡ്കാസ്റ്റ് ബില്ലിൻ്റെ കരട് തുടങ്ങിയ സുപ്രധാന തീരുമാനങ്ങൾ പിൻവലിക്കാൻ രാഹുൽ ഗാന്ധിയുടെ നേതൃത്വത്തിൽ കോൺഗ്രസ് സർക്കാരിനെ നിർബന്ധിച്ചതായി കോൺഗ്രസ് വക്താവ് പവൻ ഖേര പറഞ്ഞു. പലപ്പോഴും പാർലമെൻ്റിൽ എത്താത്ത പാർശ്വവൽക്കരിക്കപ്പെട്ട സമുദായങ്ങളുടെ ശബ്ദം വർധിപ്പിക്കാൻ രാഹുൽ ഗാന്ധി പ്രവർത്തിച്ചിട്ടുണ്ടെന്നും ഖേര പറഞ്ഞു.

‘നമ്മുടെ മന്ത്രിമാരുടെ വലിയ ബംഗ്ലാവുകളിൽ ആശങ്കകളുമായി എത്തുന്ന ആളുകൾക്ക് രാഹുൽ ഗാന്ധി ശബ്ദം നൽകി. അധികാരത്തിൻ്റെ ഇടനാഴികളിൽ തങ്ങളെത്തന്നെ കേൾക്കാൻ പാടുപെടുന്നവരുടെ ശബ്ദം ഉയർത്തേണ്ടത് എത്ര അനിവാര്യമാണെന്ന് അദ്ദേഹത്തിൻ്റെ പ്രവൃത്തികൾ കാണിക്കുന്നു,’ ഖേര കൂട്ടിച്ചേർത്തു.

രാഹുൽ ഗാന്ധിയുടെ മണിപ്പൂർ സന്ദർശനം , പ്രാദേശിക ജനങ്ങളുമായുള്ള ആശയവിനിമയം, സംസ്ഥാനത്തെ വംശീയ കലാപം പാർലമെൻ്റിൽ ഉന്നയിച്ചത്, 45 ബ്യൂറോക്രാറ്റിക് സ്ഥാനങ്ങളിലേക്കുള്ള ലാറ്ററൽ റിക്രൂട്ട്‌മെൻ്റ് പരസ്യങ്ങളെ രാഹുൽ ഗാന്ധി എതിർത്തത്, നീറ്റ് പരീക്ഷ പേപ്പർ ചോർച്ചയുമായി ബന്ധപ്പെട്ട പ്രവർത്തനങ്ങൾ, ലോക്കോ പൈലറ്റുമാരുടെ മെച്ചപ്പെട്ട തൊഴിൽ സാഹചര്യങ്ങൾക്കായുള്ള രാഹുൽ ഗാന്ധിയുടെ പരാമർശങ്ങൾ തുടങ്ങിയവയെക്കുറിച്ചും ഖേര സംസാരിച്ചു.

ക​ണ്ണൂ​ർ: സി.പി.എമ്മിന് കടുത്ത ഭീഷണിയുയര്‍ത്തി ദലിത് പോരാട്ടങ്ങളിൽ ശ്രദ്ധേയയായ ഓ​ട്ടോ​ഡ്രൈ​വ​ർ ചി​ത്ര​ലേ​ഖ (48) നിര്യാതയായി. പുലർച്ചെ മൂന്നോടെ കണ്ണൂർ കമ്പിലെ ആശുപത്രിയിലായിരുന്നു അന്ത്യം. പാ​ൻ​ക്രി​യാ​സ് കാ​ൻ​സ​റി​നെ തുടർന്ന് ചികിത്സയിലായിരുന്നു. കനത്ത ശ്വാസംമുട്ടലിനെ തുടർന്നാണ് മരിച്ചത്. മൃതദേഹം നാളെ രാവിലെ ഒമ്പതിന് ആശുപത്രിയിൽ നിന്ന് വീട്ടിലെത്തിക്കും. 10 മണിക്ക് പയ്യാമ്പലത്ത് സംസ്കരിക്കും. ശ്രീ​ഷ്‍കാ​ന്താണ് ഭര്‍ത്താവ്. മക്കൾ: മനു, ലേഖ.

പ​യ്യ​ന്നൂ​ർ സ്വ​ദേ​ശി​നി​യാ​യ ചി​ത്ര​ലേ​ഖ, സി.​പി.എ​മ്മു​മാ​യി ഏ​റ്റു​മു​ട്ടി​യാ​ണ് വാ​ർ​ത്ത​ക​ളി​ൽ ഇ​ടം​പി​ടി​ച്ച​ത്. ഏ​താ​നും വ​ർ​ഷ​ങ്ങ​ളാ​യി ക​ണ്ണൂ​ർ കാ​ട്ടാ​മ്പ​ള്ളി​യി​ലാ​ണ് താ​മ​സം. ഇ​വി​ടെ​ പു​തി​യ വീ​ടി​ന് മു​ന്നി​ൽ നി​ർ​ത്തി​യി​ട്ട ഓ​ട്ടോ​റി​ക്ഷ​ക്ക് ക​ഴി​ഞ്ഞ​ വ​ർ​ഷം ആ​ഗ​സ്റ്റ് 25ന് ​പു​ല​ർ​ച്ചെ​യാ​ണ് തീ​യി​ട്ട​ത്. സി.​പി.​എ​മ്മു​കാ​രാ​ണ് തീ​യി​ട്ട​തെ​ന്നാ​യിരുന്നു ആ​രോ​പി​ച്ച​ത്. കേ​സും പ്ര​തി​ഷേ​ധ​വു​മാ​യി മാ​സ​ങ്ങ​ളോ​ളം ക​ഴി​ഞ്ഞു ​വ​രു​ന്ന​തി​നി​ടെ സ​ന്ന​ദ്ധ സം​ഘ​ട​ന​യു​ടെ സ​ഹാ​യം വ​ഴി ഓ​ട്ടോ​റി​ക്ഷ ല​ഭി​ച്ചു. വീ​ണ്ടും നി​ര​ത്തി​ലി​റ​ങ്ങി ആ​ഴ്ച​ക​ൾ​ക്ക​ക​മാ​ണ് രോ​ഗം ബാ​ധി​ച്ച് തു​ട​ങ്ങി​യ​ത്.

2002ൽ ​തീ​യ സ​മു​ദാ​യ​ത്തി​ൽ​പെ​ട്ട ശ്രീ​ഷ്‍കാ​ന്തി​നെ പ്ര​ണ​യി​ച്ചു വി​വാ​ഹം ചെ​യ്ത​തോ​ടെ​യാ​ണ് ജാ​തി​ വി​വേ​ച​ന​ത്തി​നും പീ​ഡ​ന​ത്തി​നും ചിത്ര​ലേ​ഖ ഇ​ര​യാ​യ​ത്. ന​ഴ്​​സാ​യി​രു​ന്ന ഇ​വ​ർ ആ ​ജോ​ലി വി​ട്ട് ഭ​ർ​ത്താ​വി​നൊ​പ്പം ഓ​ട്ടോ​റി​ക്ഷ ഡ്രൈ​വ​റാ​വാ​ൻ തീ​രു​മാ​നി​ച്ചു. വി​വാ​ഹ​ശേ​ഷം വായ്പയെടുത്ത് വാ​ങ്ങി​യ ഓ​ട്ടോ​റി​ക്ഷ​യു​മാ​യി പ​യ്യ​ന്നൂ​രിനടുത്ത് എ​ടാ​ട്ട് ഓ​​ട്ടോ സ്റ്റാ​ന്റിലെ​ത്തി​യ​തോ​ടെ​യാ​ണ് പ്ര​ശ്ന​ങ്ങ​ളു​ടെ തു​ട​ക്കം. ഇ​വി​ടെ​വെ​ച്ച് ജാ​തീ​യ​മാ​യി അ​ധി​ക്ഷേ​പം നേ​രി​ട്ടു. പി​ന്നീ​ട് ഓ​ട്ടോ​റി​ക്ഷ​ക്കു​ നേ​രെ ആ​ക്ര​മ​ണ​മാ​യി. 2005 ഡി​സം​ബ​ർ 30ന് ​ഓ​ട്ടോ​റി​ക്ഷ ക​ത്തി​ച്ചു. അ​ന്ന് മു​ത​ൽ സി.​പി.എ​മ്മി​നെ​തി​രെ പ​ര​സ്യ​മായി രംഗത്തെത്തുകയായിരുന്നു.