Connect with us

india

75-ാം വയസില്‍ മോദി വിരമിച്ചില്ലെങ്കില്‍ മറ്റു വഴികളിലൂടെ അധികാരം നഷ്ടപ്പെടും: ബി.ജെ.പി നേതാവ്‌ സുബ്രഹ്മണ്യന്‍ സ്വാമി

വരുന്ന സെപ്തംബര്‍ 17നാണ് പ്രധാനമന്ത്രിയുടെ 74-ാം ജന്‍മദിനം. 2025ല്‍ 75 തികയും.

Published

on

മുന്‍ കേന്ദ്രമന്ത്രിയും ബിജെ.പി നേതാവുമായ സുബ്രഹ്മണ്യന്‍ സ്വാമിയുടെ കണ്ണിലെ കരടാണ് പ്രധാനമന്ത്രി നരേന്ദ്ര മോദി. പ്രധാനമന്ത്രിക്കെതിരെ നിരന്തരം വിമര്‍ശനങ്ങളുയര്‍ത്തുക സ്വാമിയുടെ പതിവാണ്. ഇപ്പോഴിതാ മോദിയുടെ 74-ാം പിറന്നാളിനു മുന്നോടിയായി വീണ്ടും പ്രധാനമന്ത്രിയെ കടന്നാക്രമിച്ചിരിക്കുകയാണ് സുബ്രഹ്മണ്യന്‍ സ്വാമി. 75-ാം വയസില്‍ മോദി വിരമിച്ചില്ലെങ്കില്‍ അദ്ദേഹത്തിന് മറ്റു മാര്‍ഗങ്ങളിലൂടെ കസേര നഷ്ടപ്പെടുമെന്ന് സ്വാമി മുന്നറിയിപ്പ് നല്‍കി. വരുന്ന സെപ്തംബര്‍ 17നാണ് പ്രധാനമന്ത്രിയുടെ 74-ാം ജന്‍മദിനം. 2025ല്‍ 75 തികയും.

‘ആര്‍.എസ്.എസ് പ്രചാരകന്റെ സംസ്‌കാരത്തോട് പ്രതിബദ്ധതയുള്ള മോദി തന്റെ 75-ാം ജന്മദിനത്തിന് ശേഷം സെപ്തംബര്‍ 17-ന് വിരമിക്കല്‍ പ്രഖ്യാപിച്ചില്ലെങ്കില്‍, മറ്റ് വഴികളിലൂടെ അദ്ദേഹത്തിന് പ്രധാനമന്ത്രി കസേര നഷ്ടപ്പെടും.’ സ്വാമി എക്‌സില്‍ കുറിച്ചു. മോദിയുടെ കടുത്ത വിമര്‍ശകനായ സ്വാമി കഴിഞ്ഞയാഴ്ച ജിഡിപിയുടെ കാര്യത്തില്‍ കേന്ദ്രത്തെ വിമര്‍ശിച്ചിരുന്നു. ജിഡിപി വളര്‍ച്ചയെക്കുറിച്ചുള്ള മോദി സര്‍ക്കാരിന്റെ അവകാശവാദം പൊതുജനങ്ങളോടുള്ള വഞ്ചനയാണെന്നാണ് സ്വാമി പറഞ്ഞത്.

75 വയസായാല്‍ വിരമിക്കണമെന്നാണ് ബി.ജെ.പിയിലെ അലിഖിത നയം. 2014ല്‍ മോദി അധികാരത്തിലെത്തിയപ്പോള്‍ നടപ്പാക്കിയ നയമാണിത്. 2014-ലെ തെരഞ്ഞെടുപ്പില്‍ പല മുതിര്‍ന്ന നേതാക്കള്‍ക്കും സീറ്റ് കിട്ടിയിരുന്നില്ല. എല്‍.കെ. അഡ്വാനിയും സുമിത്ര മഹാജനും ആനന്ദി ബെന്നും മുരളി മനോഹര്‍ ജോഷി വരെ ഈ മാനദണ്ഡപ്രകാരം മാറി. ഈ പ്രായത്തിനു മുകളിലുള്ളവര്‍ തെരഞ്ഞെടുപ്പുകളില്‍ മത്സരിക്കേണ്ടെന്നും ഭരണഘടനാപദവി കൈകാര്യം ചെയ്യേണ്ടതില്ലെന്നുമുള്ളത് പാര്‍ട്ടി നയമായി സ്വീകരിച്ചിട്ടുണ്ടെന്ന് അമിത്ഷാ നേരത്തെ പരസ്യമായി സമ്മതിച്ചിരുന്നു. അതുകൊണ്ട് തന്നെ 75 വയസായാല്‍ മോദി വിരമിക്കുമോ എന്ന ചോദ്യം കുറച്ചുനാളുകളായി പ്രതിപക്ഷം ഉയര്‍ത്തുന്നുണ്ട്.

ലോക്‌സഭാ തെരഞ്ഞെടുപ്പ് വേളയില്‍ ഡല്‍ഹി മുഖ്യമന്ത്രി അരവിന്ദ് കെജ്‌രിവാളും മോദിയുടെ വിരമിക്കലുമായി ബന്ധപ്പെട്ട് രംഗത്തെത്തിയിരുന്നു. ”സെപ്തംബര്‍ 17 ന് മോദിക്ക് 75 വയസ് തികയുകയാണ്. പാര്‍ട്ടിയിലെ നേതാക്കള്‍ 75 വര്‍ഷത്തിന് ശേഷം വിരമിക്കുമെന്ന് അദ്ദേഹം ചട്ടം സ്ഥാപിച്ചിരുന്നു. എല്‍ കെ അദ്വാനി, മുരളി മനോഹര്‍ ജോഷി, സുമിത്ര മഹാജന്‍, യശ്വന്ത് സിന്‍ഹ എന്നിവര്‍ ഇതുപ്രകാരം വിരമിച്ചു, ഇപ്പോള്‍ പ്രധാനമന്ത്രി മോദി സെപ്റ്റംബര്‍ 17 ന് വിരമിക്കാന്‍ പോകുന്നു” എന്നാണ് കെജ്‌രിവാള്‍ പറഞ്ഞത്.

ഇതിനെതിരെ ബി.ജെ.പി നേതാക്കള്‍ രംഗത്തെത്തിയിരുന്നു. മോദി രാജി വയ്ക്കില്ലെന്നും കാലാവധി പൂര്‍ത്തിയാക്കുമെന്നായിരുന്നു നേതാക്കളുടെ വാദം. ”ബി.ജെ.പി ഭരണഘടനയില്‍ 75 വയസ് എന്ന പരിധിയില്ല, ഇക്കാര്യത്തില്‍ പാര്‍ട്ടിക്ക് ആശയക്കുഴപ്പമില്ല. നരേന്ദ്രമോദി തന്നെ തുടരും” എന്ന് അമിത് ഷായും മറുപടി നല്‍കി.

Continue Reading
Advertisement
Click to comment

Leave a Reply

Your email address will not be published. Required fields are marked *

india

ബുനിയന്‍ മര്‍സൂസ്; ഇന്ത്യക്കെതിരെ പാകിസ്ഥാന്‍ സൈനിക നടപടി ആരംഭിച്ചു

‘ബുനിയന്‍ മര്‍സൂസ്’ ഓപ്പറേഷന്റെ ഭാഗമായി ഇന്ത്യന്‍ സൈനിക സൈറ്റുകള്‍ക്കെതിരെ ആക്രമണം ആരംഭിച്ചതായി പാകിസ്ഥാന്‍ സൈന്യം അറിയിച്ചു.

Published

on

മൂന്ന് പാകിസ്ഥാന്‍ വ്യോമതാവളങ്ങള്‍ ഇന്ത്യന്‍ ‘എയര്‍-ടു-സര്‍ഫേസ് മിസൈലുകള്‍’ ലക്ഷ്യമിട്ടതിനെത്തുടര്‍ന്ന് ‘ബുനിയന്‍ മര്‍സൂസ്’ ഓപ്പറേഷന്റെ ഭാഗമായി ഇന്ത്യന്‍ സൈനിക സൈറ്റുകള്‍ക്കെതിരെ ആക്രമണം ആരംഭിച്ചതായി പാകിസ്ഥാന്‍ സൈന്യം അറിയിച്ചു.
ഏറ്റവും പുതിയ ആക്രമണങ്ങളെത്തുടര്‍ന്ന് ശനിയാഴ്ച പ്രാദേശിക സമയം പുലര്‍ച്ചെ 3:15 മുതല്‍ (22:15 GMT) ഉച്ചവരെ (07:00 GMT) തങ്ങളുടെ വ്യോമാതിര്‍ത്തി അടച്ചതായി പാകിസ്ഥാന്‍ സിവില്‍ ഏവിയേഷന്‍ അറിയിച്ചു.
26 സ്ഥലങ്ങളില്‍ ഡ്രോണുകള്‍ കണ്ടതായും അവ ‘ട്രാക്ക് ചെയ്യുകയും ഇടപഴകുകയും ചെയ്യുന്നു’ എന്ന് ഇന്ത്യന്‍ സൈന്യം പറഞ്ഞതിനാല്‍ ഇന്ത്യന്‍ അധീന കശ്മീരിലും ഇന്ത്യയുടെ പഞ്ചാബ് സംസ്ഥാനത്തും ഉടനീളം സ്‌ഫോടനങ്ങളും വ്യോമാക്രമണ സൈറണുകളും കേള്‍ക്കുന്നു.

പഞ്ചാബ് സംസ്ഥാനത്തെ ഫിറോസ്പൂരില്‍ ഡ്രോണ്‍ ആക്രമണത്തില്‍ മൂന്ന് പേര്‍ക്ക് പരിക്കേറ്റതായി റിപ്പോര്‍ട്ട്.
പാക്കിസ്ഥാനിലെയും പാക് അധീന കശ്മീരിലെയും തീവ്രവാദ ക്യാമ്പുകള്‍ ലക്ഷ്യമിട്ട് ബുധനാഴ്ച ഇന്ത്യ മിസൈലുകള്‍ വിക്ഷേപിച്ചതിന് ശേഷം ഇതുവരെ ഏകദേശം 50 പേര്‍ കൊല്ലപ്പെട്ടതായി റിപ്പോര്‍ട്ട് ചെയ്തിട്ടുണ്ട്.

Continue Reading

india

ഇന്ത്യ-പാകിസ്ഥാന്‍ സംഘര്‍ഷം; പാകിസ്ഥാന്‍ സൈനിക മേധാവിയുമായി സംസാരിച്ച് യുഎസ്

ഇന്ത്യയുമായി ക്രിയാത്മക ചര്‍ച്ചകള്‍ ആരംഭിക്കുന്നതിന് മുന്‍കൈ എടുക്കാന്‍ യുഎസ്

Published

on

വിദേശകാര്യ സെക്രട്ടറി മാര്‍ക്കോ റൂബിയോ പാകിസ്ഥാന്‍ സൈനിക മേധാവി അസിം മുനീറുമായി സംസാരിക്കുകയും
ഇന്ത്യ-പാകിസ്ഥാന്‍ സംഘര്‍ഷങ്ങള്‍ ഒഴിവാക്കാന്‍ ഇന്ത്യയുമായി ക്രിയാത്മക ചര്‍ച്ചകള്‍ ആരംഭിക്കുന്നതിന് യുഎസ് സഹായം വാഗ്ദാനം ചെയ്യുകയും ചെയ്തു.

റൂബിയോ ‘ഇരു പാര്‍ട്ടികളോടും തീവ്രത കുറയ്ക്കാനുള്ള വഴികള്‍ കണ്ടെത്താന്‍ പ്രേരിപ്പിക്കുന്നത് തുടര്‍ന്നു,’ വക്താവ് ടാമി ബ്രൂസ് പുറത്തിറക്കിയ പ്രസ്താവനയില്‍ പറഞ്ഞു.

ഭാവിയിലെ സംഘര്‍ഷങ്ങള്‍ ഒഴിവാക്കുന്നതിനായി ക്രിയാത്മക ചര്‍ച്ചകള്‍ ആരംഭിക്കുന്നതിന് റൂബിയോ യുഎസ് സഹായം വാഗ്ദാനം ചെയ്തു,” പ്രസ്താവനയില്‍ പറയുന്നു.

ഏപ്രില്‍ 22-ന് അതിര്‍ത്തി കടന്നുള്ള പഹല്‍ഗാം ആക്രമണത്തിന് മറുപടിയായി പാകിസ്ഥാന്‍, പാക് അധിനിവേശ കശ്മീരിലെ (PoK) തീവ്രവാദ ലോഞ്ച്പാഡുകള്‍ ലക്ഷ്യമിട്ട് ഇന്ത്യന്‍ സായുധ സേന ബുധനാഴ്ച കൃത്യമായ ആക്രമണം നടത്തിയതിന് ശേഷം ഇന്ത്യയും പാകിസ്ഥാനും തമ്മിലുള്ള സംഘര്‍ഷം വര്‍ദ്ധിച്ചു.

ജമ്മു കശ്മീര്‍ മുതല്‍ ഗുജറാത്ത് വരെയുള്ള ഇന്ത്യയിലെ 26 സ്ഥലങ്ങള്‍ ലക്ഷ്യമിട്ട് പാകിസ്ഥാന്‍ വെള്ളിയാഴ്ച രണ്ടാം രാത്രി ഡ്രോണ്‍ ആക്രമണം നടത്തി, വിമാനത്താവളങ്ങളും വ്യോമതാവളങ്ങളും ഉള്‍പ്പെടെ സുപ്രധാന സ്ഥാപനങ്ങള്‍ ആക്രമിക്കാനുള്ള പാകിസ്ഥാന്റെ ശ്രമങ്ങള്‍ വിജയകരമായി പരാജയപ്പെടുത്തിയതായി പ്രതിരോധ മന്ത്രാലയം അറിയിച്ചു.

Continue Reading

india

രജൗരിയില്‍ പാകിസ്ഥാന്‍ ഷെല്ലാക്രമണത്തില്‍ മുതിര്‍ന്ന സര്‍ക്കാര്‍ ഉദ്യോഗസ്ഥന്‍ കൊല്ലപ്പെട്ടു

പാക് ഷെല്ലാക്രമണത്തില്‍ മുതിര്‍ന്ന സര്‍ക്കാര്‍ ഉദ്യോഗസ്ഥന്‍, രണ്ട് വയസ്സുള്ള പെണ്‍കുട്ടി, 55 വയസ്സുള്ള ഒരു സ്ത്രീ എന്നിവരടക്കം അഞ്ച് പേര്‍ കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്തു.

Published

on

ശനിയാഴ്ച പുലര്‍ച്ചെ രജൗരി, പൂഞ്ച്, ജമ്മു ജില്ലകളില്‍ നടന്ന പാക് ഷെല്ലാക്രമണത്തില്‍ മുതിര്‍ന്ന സര്‍ക്കാര്‍ ഉദ്യോഗസ്ഥന്‍, രണ്ട് വയസ്സുള്ള പെണ്‍കുട്ടി, 55 വയസ്സുള്ള ഒരു സ്ത്രീ എന്നിവരടക്കം അഞ്ച് പേര്‍ കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്തു.

ജമ്മു കശ്മീര്‍ ബ്യൂറോക്രാറ്റും രജൗറിയിലെ അഡീഷണല്‍ ഡിസ്ട്രിക്റ്റ് ഡെവലപ്‌മെന്റ് കമ്മീഷണറുമായ രാജ് കുമാര്‍ ഥാപ്പയാണ് ജമ്മു കശ്മീരിലെ രജൗരിയില്‍ പാകിസ്ഥാന്‍ സൈന്യത്തിന്റെ ഷെല്ലാക്രമണത്തില്‍ കൊല്ലപ്പെട്ടത്.

കൊല്ലപ്പെട്ട മറ്റുള്ളവരെ തിരിച്ചറിഞ്ഞിട്ടുണ്ട്
രണ്ട് വയസുകാരി ഐഷ നൂര്‍, മൊഹമ്മദ് ഷോഹിബ് (35), റാഷിദ ബി എന്ന 55 കാരിയായ സ്ത്രീ, ബിദിപൂര്‍ ജട്ട ഗ്രാമത്തിലെ താമസക്കാരനായ ഷോകി എന്ന അശോക് കുമാര്‍.

പൂഞ്ച് ജില്ലയിലെ മെന്‍ധാര്‍ സെക്ടറിലെ കാങ്ഗ്ര-ഗല്‍ഹൂട്ട ഗ്രാമത്തിലെ വീട്ടില്‍ മോര്‍ട്ടാര്‍ ഷെല്‍ അടിച്ച് റാഷിദ ബിക്ക് ജീവന്‍ നഷ്ടപ്പെട്ടതായി മാധ്യമങ്ങള്‍ റിപ്പോര്‍ട്ട് ചെയ്തു.

വീട്ടില്‍ ഷെല്‍ അടിച്ചതിനെ തുടര്‍ന്ന് ഗുരുതരമായി പരിക്കേറ്റ താപ്പയെ ആശുപത്രിയിലേക്ക് മാറ്റുകയും അവിടെ വെച്ച് മരണത്തിന് കീഴടങ്ങുകയും ചെയ്തു.

‘രാജൗരിയില്‍ നിന്നുള്ള വിനാശകരമായ വാര്‍ത്ത. ജമ്മു കശ്മീര്‍ അഡ്മിനിസ്ട്രേഷന്‍ സര്‍വീസസിലെ സമര്‍പ്പിതനായ ഒരു ഉദ്യോഗസ്ഥനെയാണ് ഞങ്ങള്‍ക്ക് നഷ്ടമായത്. ഇന്നലെ അദ്ദേഹം ഉപമുഖ്യമന്ത്രിയെ അനുഗമിച്ച് ജില്ലയില്‍ ഞാന്‍ നടത്തിയ ഓണ്‍ലൈന്‍ മീറ്റിംഗില്‍ പങ്കെടുത്തു. ഇന്ന് രജൗരി നഗരത്തെ ലക്ഷ്യമിട്ട് ഉദ്യോഗസ്ഥന്റെ വസതിക്ക് നേരെ പാക് ഷെല്ലാക്രമണം ഉണ്ടായി, ഞങ്ങളുടെ അഡീഷണല്‍ ജില്ലാ വികസന കമ്മീഷണര്‍ ഷ് രാജ് കുമാര്‍ താപ്പയെ കൊലപ്പെടുത്തി. മുഖ്യമന്ത്രി ഒമര്‍ അബ്ദുള്ള എക്സില്‍ പോസ്റ്റ് ചെയ്തു.

പാകിസ്ഥാന്‍ ഷെല്ലാക്രമണത്തില്‍ ഇതുവരെ കുട്ടികളടക്കം 20 ഓളം സാധാരണക്കാര്‍ കൊല്ലപ്പെട്ടു.

പാക് സൈന്യം രാത്രിയില്‍ നടത്തിയ ഷെല്ലാക്രമണത്തില്‍ രജൗരി, പൂഞ്ച്, ഉറി എന്നിവിടങ്ങളിലെ നിരവധി പാര്‍പ്പിട വീടുകളും മറ്റ് കെട്ടിടങ്ങളും തകര്‍ന്നതായി പ്രദേശവാസികള്‍ പറയുന്നു.

ഒരു ദിവസം മുമ്പ്, ആന്ധ്രാപ്രദേശിലെ ശ്രീ സത്യസായി ജില്ലയില്‍ നിന്നുള്ള സൈനികന്‍ എം. മുരളി നായിക് (23) അതിര്‍ത്തി കടന്നുള്ള വെടിവയ്പില്‍ വെടിയേറ്റ് ആശുപത്രിയിലേക്ക് കൊണ്ടുപോകുന്നതിനിടെ മരിച്ചു.

വെള്ളിയാഴ്ച വൈകുന്നേരം, ശ്രീനഗറിലെ എയര്‍പോര്‍ട്ട് ഏരിയ, സാംബ, ജമ്മു സിറ്റി, ജമ്മു കശ്മീരിലെ ബാരാമുള്ള, പഞ്ചാബിലെ പത്താന്‍കോട്ട്, ഫിറോസ്പൂര്‍, രാജസ്ഥാനിലെ ബാര്‍മര്‍ എന്നിവിടങ്ങളില്‍ വെള്ളിയാഴ്ച സ്‌ഫോടന ശബ്ദം കേട്ടു.

പാകിസ്ഥാന്‍ വെടിനിര്‍ത്തല്‍ കരാര്‍ ലംഘിക്കുകയാണെന്നും ഇന്ത്യന്‍ സായുധ സേന ശക്തമായി തിരിച്ചടിക്കുന്നുണ്ടെന്നും ഇന്ത്യന്‍ പ്രതിരോധ ഉദ്യോഗസ്ഥര്‍ പറഞ്ഞു.

Continue Reading

Trending