gulf

അബഹ വിമാനത്താവളത്തിലേക്ക് ഹൂതി മിസൈൽ ആക്രമണം; വിമാനത്തിന് തീപിടിച്ചു

സഊദിയിലെ അബഹ വിമാനത്താവളത്തിലേക്ക് ഹൂതികളുടെ ഡ്രോൺ ആക്രമണത്തിൽ വിമാനത്താവളത്തിലുണ്ടായിരുന്ന യാത്ര വിമാനത്തിന് ചെറിയ രീതിയിൽ തീ പിടിച്ചു

Published

4 years ago

February 10, 2021

web desk 1

അഷ്‌റഫ് വേങ്ങാട്ട്

റിയാദ് : സഊദിയിലെ അബഹ വിമാനത്താവളത്തിലേക്ക് ഹൂതികളുടെ ഡ്രോൺ ആക്രമണത്തിൽ വിമാനത്താവളത്തിലുണ്ടായിരുന്ന യാത്ര വിമാനത്തിന് ചെറിയ രീതിയിൽ തീ പിടിച്ചു. ഇന്ന് ഉച്ചക്കാണ് യമനിൽ നിന്ന് ഹൂതികൾ തൊടുത്തുവിട്ട മിസൈൽ എയർപോർട്ടിന്റെ റൺവേയിൽ പതിച്ചതായാണ് വിവരം. ഇവിടെയുണ്ടായിരുന്ന വിമാനത്തിനാണ് നേരിയ രീതിയിൽ തീപിടിച്ചത്. ഭീരുത്വം നിറഞ്ഞ ആക്രമണത്തിൽ വിമാനത്തിന് തീപിടിച്ചതായും സ്ഥിതി നിയന്ത്രണവിധേയമാണെന്നും സഖ്യസേന അറിയിച്ചു. ഈ സമയം തീപിടിച്ച വിമാനത്തിൽ യാത്രക്കാരുണ്ടായിരുന്നില്ല എന്നാണു പ്രാഥമിക വിവരം. ആർക്കും പരിക്കേറ്റതായി റിപ്പോർട്ടില്ല. പൗരന്മാരെയും യാത്രക്കാരെയും സംരക്ഷിക്കാൻ ആവശ്യമായ എല്ലാ നടപടികളും സ്വീകരിച്ചതായും യാത്രക്കാരുടെ നേരെയുള്ള അക്രമങ്ങൾ അന്താരാഷ്ട്ര യുദ്ധ നിയമങ്ങളുടെ ലംഘനമാണെന്നും സഖ്യസേന വക്താവ് കേണൽ തുർക്കി അൽ മാലികി അറിയിച്ചു . നേരത്തെ സഊദി ലക്ഷ്യമാക്കി വന്ന ഹൂതികളുടെ രണ്ട് ഡ്രോണുകൾ സഖ്യ സേന തകർത്തിരുന്നു .

അബഹ എയർ പോർട്ടിനെയും യാത്രക്കാരെയും ലക്‌ഷ്യം വെച്ചാണ് ഹൂതികളുടെ ഹീനമായ ആക്രമണം. യമൻ അതിർത്തിയിൽ നിന്ന് 120 കിലോമീറ്റർ അകലെയാണ് അബഹ വിമാനത്താവളം നിലകൊള്ളുന്നത്. നേരത്തെയും പലതവണ ഹൂതികൾ വിമാനത്താലവളം ലക്ഷ്യം വെച്ച് മിസൈൽ ആക്രമണം നടത്തിയിരുന്നു. 2019 ജൂണിൽ ഹൂതികളുടെ മിസൈൽ എയർ പോർട്ടിന്റെ ടെര്മിനലിനടുത്ത് പതിച്ചിരുന്നു. അന്ന് ഒരാൾ മരണപ്പെടുകയും 47 പേർക്ക് പരിക്കേൽക്കുകയും ചെയ്തിരുന്നു. ഇറാന്റെ സഹായത്തോടെ സഊദിയിലെ നഗരങ്ങൾക്ക് നേരെ നിരവധി തവണ ആക്രമണ ശ്രമങ്ങൾ ഉണ്ടായിരുന്നു . ഇത്തരം ശ്രമങ്ങളെല്ലാം സഖ്യ സേന നേരിട്ട് തകർത്തിരുന്നു.

അബഹ എയർപോർട്ട് ലക്ഷ്യമാക്കിയുള്ള ഹൂതികളുടെ ആക്രമണത്തെ അമേരിക്ക , ഫ്രാൻസ് , ജിസിസി, അറബ് രാജ്യങ്ങൾ എന്നിവർ ശക്തമായി അപലപിച്ചു . ജനങ്ങൾക്ക് നേരെയും യാത്രക്കാർക്ക് നേരെയുമുള്ള ആക്രമണങ്ങളെ നോക്കി നിൽക്കില്ലെന്ന് വ്യക്തമാക്കിയ യു എസ് സ്റ്റേറ്റ് ഡിപ്പാർട്ടമെന്റ് ശക്തമായ സൈനിക നടപടി യമനിലെ നിരപരാധികളായ ജനങ്ങളെ ബാധിക്കുമെന്ന് അറിയിച്ചു . സ്വയം പ്രതിരോധത്തിന് സഊദിക്ക് പിന്തുണ നൽകുമെന്ന് കഴിഞ്ഞ ദിവസം യു എസ വിദേശ മന്ത്രി ആന്റണി ബ്ലിങ്കൻ മുന്നറിയിപ്പ് നൽകിയിരുന്നു. സഊദിയുടെ സുരക്ഷക്ക് വേണ്ടി പ്രതിരോധം തീർക്കാൻ അമേരിക്ക പ്രതിജ്ഞാബദ്ധമാണെന്നും അദ്ദേഹം വ്യക്തമാക്കിയിരുന്നു.

gulf

സ്ട്രീറ്റ് ലൈറ്റ് പോസ്റ്റുകളില്‍ സൈക്കിളുകള്‍ പൂട്ടിയിടരുത്, അപകടരഹിത ഗതാഗതം; ”സുരക്ഷാ പാത 2” അബുദാബി പൊലീസ് ബോധവല്‍ക്കരണം

ട്രാഫിക് സുരക്ഷാ നിയമങ്ങള്‍, ട്രാഫിക് അപകടങ്ങള്‍, അവയുടെ കാരണങ്ങള്‍, ഫലങ്ങള്‍, നഷ്ടങ്ങള്‍ എന്നിവ വ്യക്തമായി ബോധ്യപ്പെടുത്തുന്ന വിധത്തിലാണ് ബോധവല്‍ക്കരണം നടത്തുന്നത്.

Published

3 hours ago

December 25, 2024

webdesk13

അബുദാബി: എല്ലാവരുടെയും സുരക്ഷ ഉറപ്പാക്കുകയെന്ന ലക്ഷ്യത്തോടെ അബുദാബി പോലീസ് സ്വകാര്യ കമ്പനികളിലെ ജീവനക്കാര്‍ക്കായി ബോധവല്‍ക്കരണം ആരംഭിച്ചു. സുരക്ഷാ ബോധവല്‍ക്കരണ വിഭാഗത്തിന്റെ പ്രവര്‍ത്തനങ്ങളുടെ ഭാഗമായാണ് അബുദാബി പൊലീസ് ട്രാഫിക് ആന്റ് സെക്യൂരിറ്റി പ ട്രോള്‍സ് ഡയറക്ടറേറ്റ് ബോധവല്‍ക്കരണം ആരംഭിച്ചിട്ടുള്ളത്. ട്രാഫിക് സുരക്ഷാ നിയമങ്ങള്‍, ട്രാഫിക് അപകടങ്ങള്‍, അവയുടെ കാരണങ്ങള്‍, ഫലങ്ങള്‍, നഷ്ടങ്ങള്‍ എന്നിവ വ്യക്തമായി ബോധ്യപ്പെടുത്തുന്ന വിധത്തിലാണ് ബോധവല്‍ക്കരണം നടത്തുന്നത്.

എല്ലാവരുടെയും സുരക്ഷ ഉറപ്പാക്കുന്നതിന് മികച്ച മുന്‍ഗണനയാണ് നല്‍കുന്നതെന്ന് സെന്‍ട്രല്‍ ഓപ്പറേഷന്‍ സ് സെക്ടറിലെ ട്രാഫിക് ആന്‍ഡ് സെക്യൂരിറ്റി പട്രോള്‍ ഡയറക്ടറേറ്റ് ഡയറക്ടര്‍ ബ്രിഗേഡിയര്‍ മഹ്‌മൂദ് യൂസുഫ് അല്‍ബലൂഷി പറഞ്ഞു. ട്രാഫിക് സുരക്ഷാ സംസ്‌കാരം പ്രചരിപ്പിക്കുന്നതിലും ചില ഡ്രൈവര്‍മാര്‍ ചെയ്യുന്ന തെറ്റായ രീതി മൂലമുണ്ടാകുന്ന അപകടങ്ങളെ ബോധ്യപ്പെടുത്തുന്നതിലും പ്രത്യേകം ശ്രദ്ധ കേന്ദ്രീകരിക്കുന്നതായി ട്രാഫിക് ആന്‍ഡ് സെക്യൂരിറ്റി പട്രോള്‍സ് ഡയറക്ടറേറ്റിലെ ട്രാഫിക് ബോധ വല്‍ക്കര ണ വിഭാഗം മേധാവി ലെഫ്റ്റനന്റ് കേണല്‍ സയീദ് ഖലാഫ് അല്‍ദാഹിരി വിശദീകരിച്ചു.
ഗതാഗത സുരക്ഷാ ചട്ടങ്ങള്‍ നടപ്പിലാക്കുക, ഗതാഗത സംസ്‌കാരം വര്‍ദ്ധിപ്പിക്കുക, മരണത്തിലേ ക്കും ഗുരുതരമായ പരിക്കുകളിലേക്കും നയിക്കുന്ന അപകടങ്ങളുടെ എണ്ണം കുറക്കുക എന്നിവയില്‍ ശ്ര ദ്ധ കേന്ദ്രീകരിച്ചുള്ള റോഡ് സുരക്ഷയാണ് സുരക്ഷാ പാത കാമ്പയിന്‍ 2 ലൂടെ ലക്ഷ്യമിടുന്നത്. ട്രാഫിക് സുരക്ഷാ അവബോധം വര്‍ദ്ധിപ്പിക്കുന്ന നിരവധി നിര്‍ദ്ദേശങ്ങളും ഉപദേശങ്ങളും ഇതോടനുബന്ധിച്ചുള്ള പ്രഭാഷണങ്ങളില്‍ ഉള്‍പ്പെടുത്തിയിട്ടുണ്ട്. ചുവപ്പ് സിഗ്നല്‍ കടക്കുന്നതിന്റെ അപകടങ്ങളെക്കുറിച്ച് ഫസ്റ്റ് അസിസ്റ്റന്റ് യാക്കൂബ് യൂസഫ് അല്‍ഹൊസാനി മുന്നറിയിപ്പ് നല്‍കി.

വാഹനമോടിക്കുന്നതിനിടെ ഇന്റര്‍നെറ്റും സോഷ്യല്‍ മീഡിയയും ഉപയോഗിക്കുന്നതും ഫോണ്‍ ചെയ്യുന്നതും ഫോട്ടോയെടുക്കുന്നതും ഗുരുതരമായ അപകടങ്ങളിലേക്ക് നയിക്കുമെന്ന് പൊലീസ് മുന്നറിയിപ്പ് നല്‍കി. മോട്ടോര്‍ സൈക്കിള്‍ ഉപയോഗിക്കുന്നവര്‍ നിര്‍ബന്ധമായും ഹെല്‍മറ്റ്, കാല്‍മുട്ട് പാഡുകള്‍, റിഫ്‌ളക്ടിംഗ് വസ്ത്രങ്ങള്‍ (ഫോസ്‌ഫോറസെന്റ്) എന്നിവ ഉപയോഗിക്കണം. ബൈക്കിന് വെള്ളനിറമുള്ള ഹെഡ്ലൈറ്റും പിന്‍വശം ചുവന്ന ലൈറ്റും വേണം. അനുവദിക്കപ്പെട്ട പാതകളിലൂടെ മാത്രമെ സൈക്കിള്‍ യാത്രക്കാര്‍ സഞ്ചരിക്കുവാന്‍ പാടുള്ളു. ഹെല്‍മറ്റ്, കൈകള്‍ക്കും കാല്‍മുട്ടുകള്‍ക്കും സംരക്ഷണ കവറുകള്‍ എന്നിവ നിര്‍ബന്ധമാണ്. നിശ്ചയിക്കപ്പെട്ട ഭാരത്തിലധികം വഹിക്കുവാന്‍ പാടുള്ളതല്ല. വാഹനങ്ങളുടെയോ കാല്‍നട യാത്രക്കാരുടെയോ സഞ്ചാരത്തെ തടസ്സപ്പെടുത്തുന്ന തരത്തിലും ട്രാഫിക് സൈന്‍ പോസ്റ്റുകളി ലും സ്ട്രീറ്റ്‌ലൈറ്റ് തൂണുകളിലും സൈക്കിളുകള്‍ പൂട്ടിയിടുന്നത് പൊലീസ് കര്‍ശനമായി വിലക്കിയിട്ടുണ്ട്.

gulf

കാഴ്ചക്കുറവുണ്ടായാല്‍ വാഹനമോടിക്കരുത് മഴ സമയങ്ങളില്‍ വാഹനമോടിക്കുന്നവര്‍ ജാഗ്രത പുലര്‍ത്തണം

മതിയായ സുരക്ഷാ അകലം പാലിക്കണമെന്ന് പൊലീസ് കര്‍ശനമായ നര്‍ദ്ദേശം നല്‍കി.

Published

4 hours ago

December 25, 2024

webdesk13

അബുദാബി: മഴയിലും മോശം കാലാവസ്ഥയിലും വാഹനമോടിക്കുമ്പോള്‍ അതീവ ജാഗ്രത പാലി ക്കണമെന്ന് അബുദാബി പോലീസ് ട്രാഫിക് ആന്‍ഡ് സെക്യൂരിറ്റി പട്രോള്‍സ് ഡയറക്ടറേറ്റ് നിര്‍ദ്ദേശിച്ചു. മഴയിലും മോശം കാലാവസ്ഥയിലും റോഡിലല്ലാതെ മറ്റൊന്നിലും ശ്രദ്ധ തിരിക്കരുത്. മതിയായ സുരക്ഷാ അകലം പാലിക്കണമെന്ന് പൊലീസ് കര്‍ശനമായ നര്‍ദ്ദേശം നല്‍കി.

വാഹനമോടിക്കുന്നവര്‍ വേഗപരിധിയും അപകടങ്ങള്‍ ഇല്ലാതിരിക്കുവാന്‍ നിയമങ്ങളും അതാത് കാലങ്ങളില്‍ പൊലീസ് നല്‍കുന്ന നിര്‍ദ്ദേശങ്ങളും പൂര്‍ണ്ണമായും പാലിക്കണമെന്ന് ട്രാഫിക് ആന്റ് സെക്യൂ രിറ്റി പട്രോള്‍സ് ഡയറക്ടറേറ്റ് ഡയറക്ടര്‍ ബ്രിഗേഡിയര്‍ ജനറല്‍ മഹമൂദ് യൂസഫ് അല്‍ബലൂഷി ആവശ്യ പ്പെട്ടു. റോഡ് വേഗത കുറയ്ക്കുന്നതിനും വാഹനങ്ങളുമായി ഉചിതമായ സുരക്ഷാ അകലം പാലിക്കുന്നതി ലും വിട്ടുവീഴ്ചയുണ്ടാവരുത്.

വാഹനമോടിക്കുമ്പോള്‍ കാഴ്ചക്കുറവ് തോന്നിയാല്‍ സുരക്ഷിതമായ സ്ഥ ലത്ത് നിര്‍ത്തിയിടണം. മഴക്കാലത്ത് വാഹനമോടിക്കുന്നത് വാഹന ഡ്രൈവറുടെ സുരക്ഷ വര്‍ധിപ്പിക്കുന്ന തിന് ആവശ്യ മായ നടപടികള്‍ പാലിക്കേണ്ടതുണ്ടെന്ന് അദ്ദേഹം വിശദീകരിച്ചു. കാറിന്റെ ചില്ലുകളും മു ന്‍വശത്തെ ലൈറ്റുകളും വൃത്തിയായി സൂക്ഷിക്കുകയും വേണം.

gulf

കെ.എം.സി.സി സീതി സാഹിബ് ബീഗം സാഹിബ അവാർഡ് അഡ്വ. ഫാത്തിമ തഹ്ലിയക്ക് സമ്മാനിച്ചു

ഖമീസ് മുശൈത്ത് ടോപാസ് ഓഡിറ്റോറിയത്തിൽ നടന്ന ‘ദ സ്റ്റേറ്റ് മെന്റ്’ സാംസ്കാരിക സംഗമത്തിൽവെച്ച് കെ.എം.സി.സി നാഷനൽ കമ്മിറ്റി ആക്ടിങ് ജനറൽ സെക്രട്ടറി ബഷീർ മൂന്നിയൂർ അവാർഡ് വിതരണം നിർവഹിച്ചു.

Published

1 day ago

December 24, 2024

webdesk13

സാമൂഹിക, രാഷ്ട്രീയ രംഗങ്ങളിലെ മികവുറ്റ പ്രവർത്തനങ്ങൾക്കായി കെ.എം.സി.സി ഖാലിദിയ കമ്മിറ്റി ഏർപ്പെടുത്തിയ സീതി സാഹിബ് ബീഗം സാഹിബ അവാർഡ് അഡ്വ. ഫാത്തിമ തഹ്ലിയക്ക് സമ്മാനിച്ചു. ഖമീസ് മുശൈത്ത് ടോപാസ് ഓഡിറ്റോറിയത്തിൽ നടന്ന ‘ദ സ്റ്റേറ്റ് മെന്റ്’ സാംസ്കാരിക സംഗമത്തിൽവെച്ച് കെ.എം.സി.സി നാഷനൽ കമ്മിറ്റി ആക്ടിങ് ജനറൽ സെക്രട്ടറി ബഷീർ മൂന്നിയൂർ അവാർഡ് വിതരണം നിർവഹിച്ചു.

50,000 രൂപയുടെ ഷിഫ അൽ ഖമീസ് കാഷ് പ്രൈസ് ജലീൽ കാവനൂരും പ്രശസ്തിപത്രം മന്തി അൽ ജസീറ റിജാൽ അൽമ മാനേജർ സുൽഫിക്കർ അലിയും തഹ് ലിയക്ക് സമ്മാനിച്ചു. കെ.എം.സി.സി സെൻട്രൽ കമ്മിറ്റി സീനിയർ വൈസ് പ്രസിഡന്റ് ജലീൽ കാവനൂർ സാംസ്കാരിക സംഗമം ഉദ്ഘാടനം ചെയ്തു.

മജീദ് കൂട്ടിലങ്ങാടി വേദി നിയന്ത്രിച്ചു. മട്ടന്നൂർ മണ്ഡലം യൂത്ത് ലീഗ് ജനറൽ സെക്രട്ടറി ഷബീർ എടയന്നൂർ, കെ.എം.സി.സി സെൻട്രൽ കമ്മിറ്റി നേതാക്കളായ സലീം പന്താരങ്ങാടി, ഉസ്മാൻ കിളിയമണ്ണിൽ, മൊയ്തീൻ കട്ടുപ്പാറ, സാദിഖ് കോഴിക്കോട്, വനിത കെ.എം.സി.സി നേതാക്കളായ സഫ് വാന തസ്നീം, ഷനിജ ഗഫൂർ, ഷീബ അമീർ, ആരിഫ നജീബ്, ഷൈമി റഹ്മാൻ, അൽ ജനൂബ് ഇന്റർ നാഷനൽ സ്കൂൾ പ്രിൻസിപ്പൽ മഅസൂം ഫറോക്ക്, റിയാസ് മേപ്പയൂർ, ലേഖ സജികുമാർ, സുബി റഹീം, ഒ.ഐ.സി.സി ദക്ഷിണ മേഖലാ ജനറൽ സെക്രട്ടറി അഷ്റഫ് കുറ്റിച്ചൽ, സാജിദ് സുഫീൻ, മുഹമ്മദ് പെരുമ്പാവൂർ, റജീബ് ഇസ്മയിൽ (മന്തി അൽ ജസീറ റിജാൽ അൽമ) എന്നിവർ ആശംസ നേർന്നു. കെ.എം.സി.സി സീനിയർ നേതാക്കന്മാരായ ബഷീർ മൂന്നിയൂർ, ജലീൽ കാവനൂർ, മുഹമ്മദ് കുട്ടി മാതാപ്പുഴ, സലിം പന്താരങ്ങാടി എന്നിവർക്കുള്ള ഖാലിദിയ കെ.എം.സി.സിയുടെ സ്നേഹോപഹാരം അഡ്വ. ഫാത്തിമ തഹ് ലിയക്ക് സമ്മാനിച്ചു. ഡോ. തഹിയ, ഉമ്മുഫസൽ, ഡോ. രഹന, ഹർഷ, മഹറൂഫ, ബാസിത്ത് ഇല്ലിക്കൽ (അൽ ജനൂബ് സ്കൂൾ), ഫായിസ് (ക്ലൗഡ്സ് ഓഫ് അബഹ) എന്നിവർ കലാപരിപാടികൾക്ക് നേതൃത്വം നൽകി. നിസാർ കരുവൻതുരുത്തി സ്വാഗതവും ഷഫീഖ് മഞ്ചേരി നന്ദിയും പറഞ്ഞു.