kerala
സംസ്ഥാനത്ത് ഇന്നും നാളെയും താപനില 4 ഡിഗ്രി വരെ ഉയർന്നേക്കും; അഞ്ച് ജില്ലകളിൽ ജാഗ്രതാ നിര്ദ്ദേശം
ഔദ്യോഗികമായി സംസ്ഥാനത്തെ ഈ വർഷത്തെ ഏറ്റവും ഉയർന്ന ചൂട് ഇന്നലെ പാലക്കാടും, കരിപ്പൂർ വിമാനതാവളത്തിലും രേഖപെടുത്തി.

സംസ്ഥാനത്ത് ചൂട് വർദ്ധിച്ചു വരുന്ന സാഹചര്യത്തിൽ പൊതുജനങ്ങൾക്കായി സംസ്ഥാന ദുരന്ത നിവാരണ അതോറിറ്റി ജാഗ്രതാ നിർദേശങ്ങൾ.പുറപ്പെടുവിച്ചു. പൊതുജനങ്ങള് പകൽ 11 മുതല് 3 വരെയുള്ള സമയത്ത് നേരിട്ട് ശരീരത്തിൽ കൂടുതൽ സമയം തുടർച്ചയായി സൂര്യപ്രകാശം എല്ക്കുന്നത് ഒഴിവാക്കണമെന്ന് നിർദേശം നൽകിയിട്ടുണ്ട്.
ഇന്നും നാളെയും തൃശൂർ, പാലക്കാട്, കണ്ണൂർ ജില്ലകളിൽ ഉയർന്ന താപനില 39 °C വരെ ഉയരാൻ സാധ്യതയുണ്ടെന്ന് മുന്നറിയിപ്പുണ്ട്. കോട്ടയം, കോഴിക്കോട് ജില്ലകളിൽ 37°C വരെയും താപനില ഉയരാൻ സാധ്യതയെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി.രാജ്യത്തും സംസ്ഥാനത്തും ഇന്നലെ റെക്കോർഡ് ചൂട് രേഖപ്പെടുത്തിയിരുന്നു.ഔദ്യോഗികമായി സംസ്ഥാനത്തെ ഈ വർഷത്തെ ഏറ്റവും ഉയർന്ന ചൂട് ഇന്നലെ പാലക്കാടും, കരിപ്പൂർ വിമാനതാവളത്തിലും രേഖപെടുത്തി.
kerala
തൃശൂരിലെ വോട്ടുകൊള്ള; സുരേഷ് ഗോപിയും ബിജെപിയും പ്രതികരിക്കാന് ബാധ്യസ്ഥരാണ്; വി.ഡി സതീശന്
സുരേഷ് ഗോപിയുടെ മൗനം, പ്രതിരോധിക്കാന് ഒന്നുമില്ലാത്തതുകൊണ്ടാണ്. ആരോപണം യഥാര്ത്ഥമല്ലെന്ന് സുരേഷ് ഗോപിക്ക് ബോധ്യമുണ്ടെങ്കില് പ്രതികരിക്കണം.

തൃശൂരിലെ വോട്ടുകൊള്ളയില് സുരേഷ് ഗോപിയും ബിജെപിയും പ്രതികരിക്കാന് ബാധ്യസ്ഥരാണെന്ന് പ്രതിപക്ഷ നേതാവ് വി.ഡി സതീശന്. സുരേഷ് ഗോപിയുടെ മൗനം, പ്രതിരോധിക്കാന് ഒന്നുമില്ലാത്തതുകൊണ്ടാണ്. ആരോപണം യഥാര്ത്ഥമല്ലെന്ന് സുരേഷ് ഗോപിക്ക് ബോധ്യമുണ്ടെങ്കില് പ്രതികരിക്കണം. എല്ലാ സഹായവും ഉദ്യോഗസ്ഥ തലത്തിലാണ് ലഭിച്ചതെന്നും സതീശന് വിമര്ശിച്ചു.
കഴിഞ്ഞ പൊതു തെരഞ്ഞെടുപ്പില് ഉത്തര്പ്രദേശ്, മഹാരാഷ്ട്ര, കര്ണാടക അടക്കമുള്ള നിരവധി സംസ്ഥാനങ്ങളില് ബിജെപി തെരഞ്ഞെടുപ്പ് വോട്ടര് പട്ടികയില് കൃത്രിമം നടത്തി. ഇത് രാഹുല് ഗാന്ധി വോട്ടര് പട്ടിക ക്രമക്കേടിന് കുറിച്ച് പറഞ്ഞത് മുതല് ഉണ്ടായി വന്ന വാര്ത്തയല്ല. അന്ന് തന്നെ തൃശൂര് ഡിസിസി പ്രസിഡന്റും എല്ഡിഎഫ് സ്ഥാനാര്ഥി സുനില് കുമാറും ഇത് സംബന്ധിച്ച് പരാതി നല്കിയിട്ടുണ്ട്.
വോട്ടര് പട്ടികയില് പേര് വന്നു കഴിഞ്ഞാല് വോട്ട് ചെയ്യാന് അനുവദിക്കുകയല്ലാതെ വേറെ വഴിയില്ല എന്നാണ് അന്ന് കളക്ടര്ക്ക് പരാതി നല്കിയപ്പോള് പറഞ്ഞത്. രാഹുല് ഗാന്ധി ഈ വിഷയം പുറത്തു കൊണ്ട് വന്നപ്പോള് രാജ്യം മുഴുവന് ചര്ച്ചയായപ്പോള് തൃശൂരിലെ വിഷയവും വന്നു. തീര്ച്ചയായിട്ടും അവിടെ വിജയിച്ച എംപി എന്ന നിലക്ക് സുരേഷ് ഗോപിക്കും അദ്ദേഹത്തിന്റെ പാര്ട്ടിക്കും അതിനകത്ത് ഉത്തരം പറയാനുള്ള പൂര്ണ ബാധ്യതയുണ്ട്.- വി.ഡി സതീശന് പറഞ്ഞു.
kerala
1.286 കിലോ കഞ്ചാവുമായി കെഎസ്ആര്ടിസി കണ്ടക്ടര് പിടിയില്
ഒരു മാസത്തെ നിരീക്ഷണത്തിനുശേഷമാണ് ഇയാളെ പിടികൂടാന് സാധിച്ചത്.

1.286 കിലോ കഞ്ചാവുമായി കെഎസ്ആര്ടിസി കണ്ടക്ടര് പിടിയില്. ലഹരി വില്പന നടത്തുന്നുവെന്ന രഹസ്യവിവരം ലഭിച്ചതിനെ തുടര്ന്ന് നടത്തിയ പരിശോധനയിലാണ് മാവേലിക്കര ഭരണിക്കാവ് പള്ളിക്കല് മുറി സ്വദേശി ജിതിന് കൃഷ്ണ (35) പിടിയിലായത്. ഒരു മാസത്തെ നിരീക്ഷണത്തിനുശേഷമാണ് ഇയാളെ പിടികൂടാന് സാധിച്ചത്. 2010 മുതല് ഇയാള് ഹരിപ്പാട് ഡിപ്പോയിലെ കണ്ടക്ടറാണ്.
ബുധനാഴ്ച പുലര്ച്ചെ മാവേലിക്കര മൂന്നാംകുറ്റിക്ക് സമീപമുള്ള ആലിന്ചുവട് ജംക്ഷനില് നിന്നാണ് ഇയാളെ പിടിക്കൂടിയത്. ഇയാളില്നിന്ന് 1.286 കിലോ കഞ്ചാവ് പിടിച്ചെടുത്തു. ആലപ്പുഴ എക്സൈസ് സ്പെഷ്യല് സ്ക്വാഡ് സര്ക്കിള് ഇന്സ്പെക്ടര് എ. സെബാസ്റ്റ്യന്റെ നേതൃത്വത്തിലുള്ള സംഘമാണ് അറസ്റ്റ് നടത്തിയത്. പ്രതിയെ മാവേലിക്കര മജിസ്ട്രേറ്റ് കോടതി റിമാന്ഡ് ചെയ്തു.
kerala
തദ്ദേശ തിരഞ്ഞെടുപ്പ് വോട്ടര് പട്ടികയിലും ക്രമക്കേട്; ആയിരത്തിധികം വോട്ട് ഇരട്ടിപ്പുകള് ഫീല്ഡ് വെരിഫിക്കേഷന് നടത്തി വോട്ടര് പട്ടിക ശുദ്ധീകരിക്കണം; മുസ്ലിം ലീഗ്
ഒരു വോട്ടര് ഐ.ഡിയില് ആറ് വോട്ടര്മാര്. ഒരു വീട് നമ്പറില് മൂന്നൂറിലധികം വോട്ടര്മാര്, വീട് നമ്പര് ഇല്ലാതെയും വോട്ടുകള്, ഫീല്ഡ് വെരിഫിക്കേഷന് നടത്തി വോട്ടര് പട്ടിക ശുദ്ധീകരിക്കണം

കോഴിക്കോട്: തദ്ദേശ തിരഞ്ഞെടുപ്പുമായി ബന്ധപ്പെട്ട് പ്രസിദ്ധീകരിച്ച കോഴിക്കോട് കോര്പ്പറേഷനിലെ വോട്ടര് പട്ടിക ക്രമക്കേടുകള് നിറഞ്ഞത്. ഓരോ വോട്ടര്മാര്ക്കും ഐ.ഡി കാര്ഡ് നമ്പര് വിത്യസ്ഥമായിരിക്കും. സംസ്ഥാന തിരഞ്ഞെടുപ്പ് കമ്മീഷന്റെ വെബ്സൈറ്റില് നിന്നും ലഭിക്കുന്ന എന്നാല് കോഴിക്കോട് കോര്പ്പറേഷന് വോട്ടര് പട്ടികയില് ഒരു ഐ.ഡി കാര്ഡ് നമ്പറില് തന്നെ ആറ് വോട്ടര്മാരുടെ വിവരങ്ങള് ലഭിക്കും. ഇങ്ങനെ ആറ് വോട്ടര്മാര് ഉള്ള നാല് ഐ.ഡി കാര്ഡ് നമ്പറുകള് പട്ടികയിലുണ്ട്. ഇതുപോലെ 5 വോട്ടര്മാര് വീതമുള്ള 4 ഐ.ഡി കാര്ഡ് നമ്പറുകളും, 4 വോട്ടര്മാര് വീതമുള്ള 3 ഐ.ഡി കാര്ഡ് നമ്പറുകളും, 3 വോട്ടര്മാര് വീതമുള്ള 20 ഐ.ഡി കാര്ഡ് നമ്പറുകളും, 2 വോട്ടര്മാര് വീതമുള്ള 599 ഐ.ഡി കാര്ഡ് നമ്പറുകളും പട്ടികയിലുണ്ട്. ഇതില് 90 ശതമാനത്തിലേറെ വിത്യസ്ഥ ബൂത്തുകളിലും, ഡിവിഷനുകളിലുമാണ്,
പട്ടികയില് വോട്ടറുടെ പേര്, രക്ഷിതാവിന്റെ പേര്, വീട്ടുപേര് എന്നിവ ഒരു അക്ഷരം പോലും മാറ്റമില്ലാതെ രണ്ട് തവണ ആവര്ത്തിച്ച് വരു വോട്ടുകള് 1408 എണ്ണമാണ്. വോട്ട് ഇരട്ടിപ്പിന്റെ വലിയ ഉദാഹരണമാണ് ഇത്. ഒരേ ഡിവിഷനില് ഒരേ ബൂത്തില് 480 വോട്ടുകളാണ് ആവര്ത്തിച്ച് വന്നത്. ഒരേ ഡിവിഷനില് തന്നെ 752 വോട്ടുകള് ആവര്ത്തിച്ച് വന്നപ്പോള് 656 വോട്ടുകള് വിത്യസ്ഥ ഡിവിഷനിലായാണ് ആവര്ത്തിച്ച് വന്നത്. ചെറിയ അക്ഷര വിത്യാസങ്ങള് പരിഗണിച്ചാല് ഇതിന്റെ പത്തിരട്ടി വോട്ട് ഇരട്ടിപ്പ് പട്ടികയില് കാണാന് സാധിക്കും
ഒരു വീട് നമ്പറില് തന്നെ മൂന്നൂറിലധികം വോട്ടര്മാര് ഉള്ള വാര്ഡുകളും ഉണ്ട്. ഒരു വീട് നമ്പറില് ഉള്ള വോട്ടര്മാര് തന്നെ രണ്ടും, മുന്നും ഡിവിഷനില് ആയ കൗതുകകരമായ കാര്യവും പട്ടികയില് ഉണ്ട്. മാറാട് ഡിവിഷനില് ഉള്പ്പെട്ട 49/49 എന്ന വീട്ട് നമ്പറില് 327 വോട്ടര്മാരാണ് ഉള്ളത്. എന്നാല് ഇവര് 7 ബൂത്തുകളിലായാണ് ഉള്ളത്. പൂത്തൂര് ഡിവിഷനില് 4/500 എന്ന വീട്ട് നമ്പറില് 320 വോട്ടര്മാരാണ് ഉള്ളത്. ഇവര് 5 ബൂത്തുകളിലായാണ് ഉള്ളത്. പൂത്തൂര് ഡിവിഷനില് തന്നെ 4/400 എന്ന വീട് നമ്പറില് 248 വോട്ടര്മാരുണ്ട്. 03/418 എന്ന നമ്പറില് 196 വോട്ടര്മാരാണ് ഉള്ളത്. ഇതില് 11 എണ്ണം കൊമ്മേരി ഡിവഷനിലും, 185 എണ്ണം കുറ്റിയില് താഴം ഡിവിഷനിലുമാണ്. 5/0 എന്ന വീട്ട് നമ്പറിലെ 192 വോട്ടര്മാരില് 149 എണ്ണം മൊകവൂര് ഡിവിഷനിലും 43 എണ്ണം കുണ്ടുപറമ്പ് ഡിവിഷനിലുമാണ്. 50/50 എന്ന വീട് നമ്പറിലെ 103 വോട്ടര്മാരില് 26 എണ്ണം മാറാട് ഡിവിഷനിലും, 72 എണ്ണം നടുവട്ടം ഡിവിഷനിലും, 5 എണ്ണം മാത്തോട്ടം ഡിവിഷനിലുമാണ്. 0 എന്ന വീട്ടു നമ്പറില് വിവിധ ഡിവിഷനുകളിലായി ഉള്ളത് 1088 വോട്ടുകളാണ്. അതും വിത്യസ്ഥ ബൂത്തുകളിലായിട്ടാണ് ഉള്ളത്.
നിലവില് പ്രസിദ്ധീകരിച്ച് പട്ടികയില് അതിര്ത്തി മാറി വന്നത് നൂറ് കണക്കണിന് വോ്ട്ടുകളാണ്. ചില ഡിവിഷനുകളില് അഞ്ഞൂറില് അധികം വോട്ടുകള് അതിര്ത്തിക്ക് പുറത്ത് നിന്നും വന്നിട്ടുണ്ട്. ഒരു വീട്ടിലെ വോട്ടുകള് തന്നെ വിത്യസ്ഥ ഡിവിഷനുകളിലും, ബൂത്തുകളിലുമായി പരന്ന് കിടക്കുന്നു. ഇത് കൊണ്ട് തന്നെ വോട്ടര് പ്ട്ടിക കൃത്യമായി മനസ്സിലാക്കാന് സാധിക്കുന്നില്ല. ഇതിനിടയിലാണ് ഇങ്ങനെ പതിനായിരത്തോളം വോ്ട്ട് ഇരട്ടിപ്പിന്റെ സാധ്യതയും കണ്ടെത്തിയത്. 2020 ല് കോഴിക്കോട് കോര്പ്പറേഷനിലെ 12 ഡിവിഷനില് യു.ഡി.എഫ് പരാജയപ്പെട്ടത് 500 ല് താഴെ വോട്ടിനാണ്. അതിര്ത്തി മാറ്റി വന്ന വോട്ടര്മാരേടും, വ്യാജ വോട്ടര്മാരുടെയും പിന്ബലത്തില് അധികാരം നിലനിര്ത്താനാണ് സി.പി.എം ശ്രമിക്കുന്നത്. ഒരോ ഡിവഷനിലേയും വീടുകള് സന്ദര്ശിച്ച് ഫീല്ഡ് വെരിഫിക്കേഷന് നടത്തി വോട്ടര് പട്ടിക ശുദ്ധീകരിച്ചാല് മാത്രമേ ഇതിന് പരിഹാരം കാണാന് കഴിയൂ
എം.എ റസാഖ് മാസ്റ്റര്, (പ്രസിഡന്റ്. മുസ് ലിം ലീഗ് കോഴിക്കോട് ജില്ലാ കമ്മിറ്റി), ടി.ടി ഇസ്മായില് (ജനറല് സെക്രട്ടറി, മുസ് ലിം ലീഗ് കോഴിക്കോട് ജില്ലാ കമ്മിറ്റി) എന്നിവര് പത്ര സമ്മേളനത്തില് പങ്കെടുത്തു.
-
Cricket2 days ago
‘അഞ്ച് ടെസ്റ്റുകള്ക്കായി ബുംറയ്ക്ക് ഐപിഎല് വിശ്രമം നല്കാമായിരുന്നു’: മുന് ഇന്ത്യന് ക്യാപ്റ്റന്
-
kerala2 days ago
മോര്ച്ചറിയില് സൂക്ഷിച്ച ഗര്ഭിണിയുടെ മൃതദേഹം കാന്റീന് ജീവനക്കാരനെ അടക്കം കാണിച്ചു; ജീവനക്കാരന് സസ്പെന്ഷന്
-
News3 days ago
ഗസ്സയില് പാരച്യൂട്ട് വഴി വിതരണം ചെയ്ത ഭക്ഷണപാക്കറ്റ് തലയില് വീണ് പതിനഞ്ചുകാരന് മരിച്ചു
-
kerala3 days ago
14കാരന് നിര്ബന്ധിച്ച് ലഹരി നല്കി; അമ്മൂമ്മയുടെ ആണ് സുഹൃത്ത് പിടിയില്
-
kerala3 days ago
ആത്മഹത്യ ശ്രമത്തിനിടെ കുഞ്ഞ് മരിച്ചസംഭവം; അമ്മയ്ക്കെതിരെ കേസെടുത്തു
-
Film2 days ago
‘ഓണത്തിനൊരുങ്ങി ‘ലോക ചാപ്റ്റര് വണ്: ചന്ദ്ര’, കല്യാണിയും നസ്ലനും സൂപ്പര്ഹീറോ ആവേശത്തില്’
-
india2 days ago
സ്വാതന്ത്ര്യദിനം മുസ്ലിം യൂത്ത് ലീഗ് ജനാധിപത്യ സംരക്ഷണ ദിനമായി ആചരിക്കും
-
india3 days ago
‘വോട്ട് ചോറി’ പ്രതിഷേധം: 300 ഐഎന്ഡിഐഎ എംപിമാര് നാളെ തെരഞ്ഞെടുപ്പ് കമ്മീഷന് ഓഫീസിലേക്ക് മാര്ച്ച് നടത്തും