സിനിമ മേഖലയില്‍ സ്ത്രീകള്‍ നേരിടുന്ന പ്രശ്‌നങ്ങള്‍ അറിയിക്കുന്നതിനുവേണ്ടി ടോള്‍ ഫ്രീ നമ്പറുമായി ഫെഫ്ക്ക. പരാതി അറിയിക്കുന്നതിനുവേണ്ടിയുള്ള 24 മണിക്കൂര്‍ സേവനം ഇന്ന് മുതല്‍ ആരംഭിക്കും. ഹേമകമ്മിറ്റി റിപ്പോര്‍ട്ടിന് പിന്നാലെയാണ് ഫെഫ്ക്കയുടെ പുതിയ സേവനം. സ്ത്രീകള്‍ മാത്രമായിരിക്കും പരാതി പരിഹാര സെല്‍ കൈകാര്യം ചെയ്യുക.

ലൊക്കേഷനുകളില്‍ സ്ത്രീകള്‍ നേരിടുന്ന പ്രശ്‌നങ്ങള്‍ പരിഹരിക്കുകയാണ് ലക്ഷ്യമെന്ന് ഫെഫ്ക പറഞ്ഞു. സ്ത്രീകള്‍ തന്നെ ആയിരിക്കും പ്രശ്‌നങ്ങള്‍ കേള്‍ക്കുന്നതും പരിഹരിക്കുന്നും. ഇന്ന് വൈകുന്നേരം ടോള്‍ ഫ്രീ നമ്പര്‍ പ്രവര്‍ത്തനം ആരംഭിക്കുമെന്ന് ഫെഫ്ക വ്യക്തമാക്കി. 8590599946 നമ്പറിലെ സേവനം 24 മണിക്കൂറും ലഭ്യമാകും.

ഗുരുതര സ്വഭാവമുള്ള പരാതിയാണെങ്കില്‍ സംഘടന തന്നെ നിയമ നടപടി സ്വീകരിക്കും. ഹേമ കമ്മിറ്റി റിപ്പോര്‍ട്ട് പുറത്തുവന്നതിന് ശേഷം പരാതി അറിയിക്കാനുള്ള ടോള്‍ ഫ്രീ നമ്പര്‍ വേണമെന്ന് ഫെഫ്കയിലെ എല്ലാ യൂണിയനുകളും ആവശ്യപ്പെട്ടിരുന്നു. തുടര്‍ന്നാണ് ഫെഫ്ക പുതിയ സേവനവുമായു മുന്നോട്ട് വന്നത്.

പ്രൊഡക്ഷന്‍ കണ്‍ട്രോളര്‍ ഷാനു ഇസ്മയില്‍ മരിച്ച നിലയില്‍ . കൊച്ചിയിലെ സ്വകാര്യ ഹോട്ടലിലാണ് മൃതദേഹം കണ്ടെത്തിയത്. കഴിഞ്ഞ പത്ത് ദിവസമായി ഷാനു ഇസ്മയില്‍ ഇവിടെയാണ് താമസിക്കുന്നത്. സംഭവത്തില്‍ സെന്‍ട്രല്‍ പൊലീസ് അന്വേഷണം തുടങ്ങി.

സെപ്റ്റംബര്‍ 11 നാണ് ഷാനു ഇസ്മയില്‍ ഹോട്ടലില്‍ റൂം എടുത്തത്. റൂമില്‍ നിന്നും പുറത്തു വരാത്തത് അന്വേഷിച്ചപ്പോഴാണ് ബാത്ത്‌റൂമില്‍ മരിച്ച നിലയില്‍ കണ്ടെത്തിയത്.

തിരുവനന്തപുരം സ്വദേശിയായ നടിയുടെ പരാതിയില്‍ മ്യൂസിയം പൊലീസ് ഷാനുവിനെതിരെ കേസെടുത്തിരുന്നു. സിനിമയില്‍ അവസരം നല്‍കാമെന്നു പറഞ്ഞു ബലാത്സംഗം ചെയ്തു എന്ന പരാതിയിലാണ് കേസ്. 2018 ല്‍ നടന്ന സംഭവത്തിലാണ് മ്യൂസിയം പൊലീസ് കേസെടുത്തിരിക്കുന്നത്.