സംസ്ഥാന ഹജ്ജ് കമ്മിറ്റിക്ക് കീഴില്‍ 2025 ലേക്കുള്ള ഹജ്ജ് അപേക്ഷാ സമര്‍പ്പണം തുടങ്ങി. സെപ്റ്റംബര്‍ 9 വരെ അപേക്ഷിക്കാം. അപേക്ഷ സമര്‍പ്പിക്കുന്നതിനുള്ള മാര്‍ഗനിര്‍ദേശങ്ങള്‍ പാലിച്ചാണ് അപേക്ഷിക്കേണ്ടത്. നറുക്കെടുപ്പ് സെപ്റ്റംബര്‍ മൂന്നാംവാരം നടക്കും.
65 വയസിന് മുകളിലുള്ളവര്‍ക്കും, മെഹ്റമില്ലാത്ത 45 വയസിന് മുകളില്‍ പ്രായമുള്ള സ്ത്രീകള്‍ ഒരുമിച്ച് നല്‍കുന്ന അപേക്ഷകളിലും നറുക്കെടുപ്പില്ലാതെ അവസരം നല്‍കും. അപേക്ഷകന് 2026 ജനുവരി വരേ കാലാവധിയുള്ള മെഷീന്‍ റീഡബിള്‍ പാസ്പോര്‍ട്ട് നിര്‍ബന്ധമാണ്.
ഓണ്‍ലൈന്‍ വഴിയാണ് ഹജ്ജിന് പോകാന്‍ അപേക്ഷിക്കേണ്ടത്. കേന്ദ്ര ഹജ്ജ് കമ്മിറ്റിയുടെ hajcommittee.gov.in/ വെബ്സൈറ്റിലും കേരള സംസ്ഥാന ഹജ്ജ് കമ്മിറ്റിയുടെ keralahajcommittee.org/ വെബ്സൈറ്റിലും ലിങ്ക് ലഭ്യമാണ്. ‘Hajsuvidha’ എന്ന മൊബൈല്‍ ആപ് വഴിയും അപേക്ഷ സമര്‍പ്പിക്കാനാകും.