കെഎസ്ആര്‍ടിസി ബസില്‍ വച്ച് സഹയാത്രക്കാരിയോട് അപമര്യാദയായി പെരുമാറിയ കോമഡി താരം അറസ്റ്റില്‍. ടിവി സ്റ്റേജ് കോമഡി താരം ബിനു ബി കമാലാണ് അറസ്റ്റിലായത്. തിരുവനന്തപുരത്തു നിന്നും നിലമേലിലേക്ക് പോകുന്ന ബസ്സില്‍ വച്ചാണ് ഇയാള്‍ വിദ്യാര്‍ത്ഥിനിയോട് മോശമായി പെരുമാറിയത്.
യാത്രയ്ക്കിടെ വിദ്യാര്‍ത്ഥിയെ കടന്നുപിടിച്ച് മോഷമായി പെരുമാറിയെന്നാണ് പരാതി. വട്ടപ്പാറ ഭാഗത്ത് വെച്ച് വൈകിട്ടാണ് സംഭവം. ശല്യം സഹിക്കാന്‍ വയ്യാതെ പെണ്‍കുട്ടി ബഹളം വെയ്ക്കുകയായിരുന്നു. കൊല്ലം കടക്കല്‍ സ്വദേശിനിയാണ് പരാതിക്കാരി.
പെണ്‍കുട്ടി ബഹളം വെച്ചതിന് പിന്നാലെ ഇയാള്‍ ബസ്സില്‍നിന്ന് ഓടി രക്ഷപ്പെടുകയായിരുന്നു. പിന്നീട് പൊലീസാണ് ഇദ്ദേഹത്തെ പിടികൂടിയത്.