കണ്ണൂര്‍ കാക്കയങ്ങാടില്‍ പന്നിക്കെണിയില്‍ കുടുങ്ങിയ പുലിയെ മയക്കുവെടി വെച്ച് പിടികൂടി. വയനാട്ടില്‍ നിന്നെത്തിയ പ്രത്യേക സംഘമാണ് പുലിയെ മയക്കുവെടി വെച്ച് കൂട്ടിലാക്കി സ്ഥലത്ത് നിന്ന് മാറ്റിയത്. പുലിയെ എവിടെ തുറന്നുവിടുമെന്ന് കാര്യം വനംവകുപ്പ് വ്യക്തമാക്കണമെന്നാവശ്യപ്പെട്ട് നാട്ടുകാര്‍ പ്രദേശത്ത് പ്രതിഷേധിച്ചിരുന്നു. പുലിയെ ജനവാസ മേഖയില്‍ തുറന്നുവിടുമോ എന്ന ഭയമാണ് നാട്ടുകാര്‍ക്കുള്ളത്.

രണ്ടുതവണയോളം മയക്കുവെടി വെച്ചതിന് ശേഷമാണ് പുലി മയങ്ങിയത്. പുലിയെ ആറളം ആര്‍ആര്‍ടി കേന്ദ്രത്തിലേക്കാണ് മാറ്റിയിരിക്കുന്നത്. ഇന്ന് രാവിലെയായിരുന്നു ഇരിട്ടി കാക്കയങ്ങാട് -പാലാ റോഡിലെ വീട്ടുപറമ്പില്‍ സ്ഥാപിച്ച പന്നിക്കെണിയില്‍ പുലി കുടുങ്ങിയത്.

പറവൂര്‍: കൊല്ലാനും കൊല്ലിക്കാനും ഞങ്ങള്‍ക്ക് അവകാശമുണ്ടെന്ന് ആവര്‍ത്തിക്കുന്ന അപരിഷ്‌കൃതരുടെ കൂട്ടമാണ് സി.പി.എം. പെരിയയില്‍ രണ്ട് കുട്ടികളെ കൊന്ന ക്രിമിനലുകളെ ജയിലിന് മുന്നില്‍ അഭിവാദ്യം ചെയ്യുന്ന പാര്‍ട്ടിയാണ് സി.പി.എം. എന്തൊരു പാര്‍ട്ടിയാണിത്? കൊന്നവനെ സംരക്ഷിക്കാന്‍ നമ്മുടെ നികുതി പണം ചെലവാക്കുന്ന പാര്‍ട്ടിയാണ് കേരളം ഭരിക്കുന്നതെന്നും പ്രതിപക്ഷ നേതാവ് വിഡി സതീശന്‍ പറഞ്ഞു.

രണ്ട് കുട്ടികളെ വെട്ടിക്കൊന്നതിന് കോടതി ഇരട്ട ജീവപര്യന്തം ശിക്ഷിച്ച പ്രതികളെയാണ് ജയിലിന് മുന്നില്‍ സ്വീകരിച്ചത്. പി. ജയരാജനെ ജയില്‍ ഉപദേശക സമിതിയില്‍ നിന്ന് ഉടന്‍ പുറത്താക്കണമെന്നും അദ്ദേഹം ആവശ്യപ്പെട്ടു. ക്രിമിനലുകളെ സംരക്ഷിക്കാന്‍ സിപിഎമ്മിന് നാണമില്ലേ ? ഇവര്‍ ഏത് യുഗത്തിലാണ്ജീവിക്കുന്നത്? ഈ നൂറ്റാണ്ടിലാണോ ഇവര്‍ ജീവിക്കുന്നത്? സി.പി.എം കേരളത്തിന് അപമാനമാണെന്നും അദ്ദേഹം കുറ്റപ്പെടുത്തി.

കൊലയാളികള്‍ക്ക് പാര്‍ട്ടി എല്ലാ സൗകര്യങ്ങളും ചെയ്തു കൊടുക്കുന്നു. വി.ഐ.പി ട്രീറ്റ്‌മെന്റാണ് പ്രതികള്‍ക്ക് നല്‍കുന്നത്. ജയില്‍മുറി കൂടി എ.സിയാക്കി കൊടുക്കൂ. ഇതിനൊക്കെ ജനം മറുപടി ചോദിക്കുമെന്നും വി ഡി സതീശന്‍ പറഞ്ഞു.

കോഴിക്കോട്: ഇത്ര പ്രതികാര ഭ്രാന്ത് ഉള്ള സര്‍ക്കാരിനെ കേരളത്തിലെ ജനാധിപത്യ വിശ്വാസികള്‍ ഇതുവരെ കണ്ടിട്ടില്ലെന്ന് മുസ്‌ലിം ലീഗ് സംസ്ഥാന സെക്രട്ടറി കെ.എം ഷാജി. പി.വി അന്‍വര്‍ എംഎല്‍എയുടെ അറസ്റ്റില്‍ പ്രതികരിക്കുകയായിരുന്നു അദ്ധേഹം. മാന്യമായ രീതിയില്‍ ഒരു അറസ്റ്റ് ഒരു ജനപ്രധിനിധിക്ക് ആവശ്യമാണ്. എന്തിന് വേണ്ടിയാണ് അറസ്റ്റ് എന്ന കാര്യം നമ്മള്‍ ചര്‍ച്ച ചെയ്യാന്‍ മറന്നു പോകരുത്. ഒരു ആദിവാസി യുവാവിനെ ആന ചവിട്ടി കൊന്നപ്പോള്‍ ആണ് പ്രതികരിച്ചത്. നാട്ടില്‍ ഇറങ്ങിയാല്‍ സിപിഎം കൊല്ലും കാട് കയറിയാല്‍ ആന കൊല്ലും അതാണ് അവസ്ഥ. പൊതുമുതല്‍ നശിപ്പിക്കുകയാണെങ്കില്‍ ആദ്യം ആരെയാണ് അറസ്റ്റ് ചെയ്യേണ്ടതെന്നും ഷാജി ചോദിച്ചു.

അന്‍വര്‍ സിപിഎനൊപ്പം നിന്നപ്പോള്‍ വലിയ പ്രശ്‌നം ഉണ്ടായിരുന്നില്ല. അയാള്‍ പാര്‍ട്ടിയില്‍ നിന്ന് ഇറങ്ങിയപ്പോള്‍ ആണ് പ്രശ്‌നം. ഒന്നുകില്‍ ഇടതുപക്ഷത്തിന് വിധേയപ്പെടുക, അല്ലെങ്കില്‍ വീട്ടില്‍ പേരക്കുട്ടിയെ തൊട്ടിലാട്ടി കുത്തിരീക്കുക എന്നല്ലാതെ വായ തുറക്കാന്‍ പാടില്ല എന്നു പറയുന്ന ഒരു തരം അപകടകരമായ ജനാധിപത്യവിരുദ്ധമായ സമീപനമാണ് സിപിഎം ഇവിടെ കാണിച്ചുകൊണ്ടിരിക്കുന്നത്. അന്‍വര്‍ നടത്തിയ ജനാധിപത്യ പ്രവര്‍ത്തനങ്ങളെ മുസ്‌ലിം ലീഗ് പിന്തുണയ്ക്കുന്നു. അന്‍വറിന്റെ രാഷ്ട്രീയ മാറ്റങ്ങള്‍ അല്ല, ഭരണകൂടം അന്‍വറിനോട് കാണിച്ച ക്രൂരതകള്‍ ആണ് ചര്‍ച്ച ചെയ്യേണ്ടത്.

അപകടകരമായ കമ്മ്യൂണിസ്റ്റ് രാജ് നമ്മുടെ നാട്ടില്‍ നടപ്പിലാക്കുന്നു. ഒരു ഇടതുപക്ഷ സര്‍ക്കാരില്‍ നിന്ന് ഒരിക്കലും പ്രതീക്ഷിക്കാത്തത്. അന്‍വറിന് ലഭ്യമാകേണ്ട എല്ലാ ജനാധിപത്യ അവകാശങ്ങള്‍ക്കും ഒപ്പം ലീഗ് ഉണ്ട്. അന്‍വര്‍ ഉയര്‍ത്തിയ പ്രശ്‌നങ്ങളുടെ കൂടെ തങ്ങളുണ്ടെന്നും ഷാജി കൂട്ടിച്ചേര്‍ത്തു.