gulf
ഇന്ത്യന്‍ ഹാജിമാരുടെ ആദ്യ സംഘത്തിന് മദീനയില്‍ ഊഷ്മള സ്വീകരണം
ഇക്കൊല്ലത്തെ വിശുദ്ധ ഹജ്ജ് കര്‍മ്മം നിര്‍വഹിക്കാന്‍ മദീനയിലെത്തിയ ഇന്ത്യയില്‍ നിന്നുള്ള ആദ്യ തീര്‍ത്ഥാടക സംഘത്തിന് ഊഷ്മള സ്വീകരണം
അഷ്റഫ് വേങ്ങാട്ട്
റിയാദ് : ഇക്കൊല്ലത്തെ വിശുദ്ധ ഹജ്ജ് കര്‍മ്മം നിര്‍വഹിക്കാന്‍ മദീനയിലെത്തിയ ഇന്ത്യയില്‍ നിന്നുള്ള ആദ്യ തീര്‍ത്ഥാടക സംഘത്തിന് ഊഷ്മള സ്വീകരണം. തല്‍ബിയത്തിന്റെ മാസ്മരിക ധ്വനികളുമായി പ്രവാചക നഗരിയിലറങ്ങിയ തീര്‍ത്ഥാടകരെ അംബാസഡര്‍ ഉള്‍പ്പടെ ഇന്ത്യന്‍ മിഷനും കെഎംസിസി ഉള്‍പ്പടെയുള്ള സന്നദ്ധ സംഘടന ഭാരവാഹികളും ചേര്‍ന്നാണ് സ്വീകരിച്ചത്.. കൊല്‍ക്കത്തയില്‍ നിന്നുള്ള 256 ഹാജിമാരുമായി എയര്‍ ഇന്ത്യയുടെ 5451വിമാനമാണ് ഇന്നലെ ഉച്ചക്ക് രണ്ടരയോടെ മദീനയിലെ പ്രിന്‍സ് മുഹമ്മദ് ബിന്‍ അബ്ദുല്‍ അസീസ് വിമാന താവളത്തില്‍ എത്തിയത്. ഇതോടെ ഇക്കൊല്ലത്തെ ഹജ്ജിനുള്ള ഇന്ത്യന്‍ തീര്‍ത്ഥാടകരുടെ വരവിന് തുടക്കമായി. കൊല്‍ക്കത്തയെ കൂടാതെ ലക്‌നൗ, ജയ്പൂര്‍ എന്നിവടങ്ങളില്‍ നിന്നുള്ള തീര്‍ത്ഥാടകരും ഇന്നലെ മദീനയിലെത്തി.
ഇന്ത്യന്‍ അംബാസഡര്‍ ഡോ. സുഹൈല്‍ അജാസ്ഖാന്‍, ഇന്ത്യന്‍ കോണ്‍സല്‍ ജനറല്‍ മുഹമ്മദ് ഷാഹിദ് ആലം, മദീന ഹജ്ജ് മിഷന്‍ ഇന്‍ചാര്‍ജ് സയ്യിദ് തബീഷ് എന്നിവരും സഊദി കെഎംസിസി ഹജ്ജ് സെല്‍ നേതാക്കളായ അഹമ്മദ് പാളയാട്ട്, കുഞ്ഞിമോന്‍ കാക്കിയ, വി പി മുസ്തഫ, നാസര്‍ കിന്‍സാറ,ശരീഫ് കാസര്‍ഗോഡ്, സൈദ് മൂന്നിയൂര്‍, ഗഫൂര്‍ പട്ടാമ്പി, ജലീല്‍ മദീന, വി പി മുസ്തഫ, അഷ്റഫ് അഴിഞ്ഞിലം, നഫ്സല്‍ മാസ്റ്റര്‍ തുടങ്ങി ഹജ്ജ് സെല്‍ നേതാക്കളും ചേര്‍ന്ന് സ്വീകരിച്ചു. കെഎംസിസിയുടെ വെല്‍ക്കം കിറ്റുകള്‍ തീര്‍ത്ഥാടകര്‍ക്ക് വിതരണം ചെയ്തു.
മദീന കെഎംസിസി സെന്‍ട്രല്‍ കമ്മിറ്റി നേതാക്കളായ ജലീല്‍ കുറ്റ്യാടി, അഷ്റഫ് തില്ലങ്കേരി, ഇബ്രാഹിം ഫൈസി, ഫസലുറഹ്മാന്‍ പുറങ്ങ് തുടങ്ങിയവരും ഇന്ത്യന്‍ സംഘത്തെ സ്വീകരിക്കാനെത്തിയിരുന്നു.ഹജ്ജ് സേവന രംഗത്ത് പ്രവര്‍ത്തിക്കുന്ന മറ്റു സംഘടനാ പ്രതിനിധികളും വിമാനത്താവളത്തിലെത്തിയിരുന്നു. താമസ സ്ഥലത്തെത്തിയ തീര്‍ഥടകരെ മദീന കെഎംസിസി വനിതാ വിഭാഗവും കുട്ടികളുമടക്കം ഊഷ്മള സ്വീകരണം നല്‍കി.
കേന്ദ്ര ഹജ്ജ് കമ്മിറ്റി മുഖേന ഒന്നേമുക്കാല്‍ ലക്ഷം തീര്‍ത്ഥാടകരാണ് ഇക്കൊല്ലം ഹജ്ജ് കര്‍മ്മത്തിനായി ഇന്ത്യയില്‍ നിന്നെത്തുന്നത്. ഇതില്‍ അമ്പത്തി അയ്യായിരം പേര്‍ പ്രവാചക നഗരിയിലാണ് വിമാനമിറങ്ങുക. ബാക്കി വരുന്ന ഒരു ലക്ഷത്തി ഇരുപതിനായിരം പേര്‍ ജിദ്ദ വിമാനത്താവളം വഴി മക്കയിലെത്തും. കേരളത്തില്‍ നിന്നുള്ള ഹാജിമാരും ഇത്തവണ ജിദ്ദയിലാണെത്തുന്നത്. കൊല്‍ക്കത്ത, ലക്‌നൗ, ജയ്പൂര്‍ എന്നിവടങ്ങളില്‍ നിന്നായി 1494 ഹാജിമാരാണ് ഇന്ന് മദീനയിലെത്തുന്നത്.മദീനയിലെത്തുന്ന ആദ്യ സംഘ ഹാജിമാര്‍ക്ക് മസ്ജിദുനബവ്വിക്ക് സമീപമുള്ള മര്‍ക്കസ്സിയയിലാണ് താമസ സൗകര്യമെരുക്കിയിരിക്കുന്നത് മദീനയിലെ എട്ട് ദിവസത്തെ താമസത്തിന് ശേഷം ആദ്യ തീര്‍ഥാടക സംഘങ്ങള്‍ മക്കയിലേക്ക് തിരിക്കും പിന്നീട് ഹജ്ജ് കര്‍മ്മങ്ങള്‍ക്ക് ശേഷം ജിദ്ധവിമാനതാവളം വഴി നാട്ടിലേക്ക് തിരിക്കും.
gulf
ആഗോള റോഡ് സുരക്ഷാ വാരത്തില്‍ അബുദാബി ഗതാഗത വിഭാഗം പങ്കാളികളായി
കോര്‍ണിഷില്‍, കാല്‍നടയാത്രക്കാര്‍, സൈക്ലിസ്റ്റുകള്‍, ഇ-സ്‌കൂട്ടര്‍ ഉപയോക്താക്കള്‍ എന്നിവരുമായി സുരക്ഷാ സംഘങ്ങള്‍ ഇടപെട്ട് ഉത്തരവാദിത്തമുള്ള റോഡ് ഉപയോഗമെന്ന ബോധവല്‍ക്കരണം നടത്തി.
gulf
ഫുജൈറ-കണ്ണൂര്‍ സര്‍വീസ് ആരംഭിച്ച് ഇന്‍ഡിഗോ; മെയ് 15 മുതല്‍
യാത്രക്കാര്‍ക്ക് അടുത്ത എമിറേറ്റുകളില്‍ നിന്ന് സൗജന്യ ബസ് സര്‍വീസും ഒരുക്കിയിട്ടുണ്ട്.
ഫുജൈറയില്‍നിന്ന് കണ്ണൂരിലേക്ക് നേരിട്ട് പ്രതിദിന സര്‍വീസ് ആരംഭിച്ച് ഇന്‍ഡിഗോ. യുഎഇയില്‍ ഇന്‍ഡിഗോയുടെ അഞ്ചാമത്തെ ഡസ്റ്റിനേഷനാണ് ഫുജൈറ. യാത്രക്കാര്‍ക്ക് അടുത്ത എമിറേറ്റുകളില്‍ നിന്ന് സൗജന്യ ബസ് സര്‍വീസും ഒരുക്കിയിട്ടുണ്ട്.
ഇന്‍ഡിഗോയുടെ കണ്ണൂരിലേക്കുള്ള പ്രതിദിന വിമാന സര്‍വീസ് മെയ് 15 മുതല്‍ ആരംഭിക്കും. തൊട്ടടുത്ത ദിവസം മുംബൈയിലേക്കുള്ള സര്‍വീസിനും തുടക്കമാകും. 8899 രൂപ മുതലാണ് നിരക്ക്. അതേസമയം ദുബൈ, ഷാര്‍ജ, അജ്മാന്‍ എമിറേറ്റുകളില്‍ നിന്ന് ബുക്ക് ചെയ്യുന്ന യാത്രക്കാര്‍ക്ക് ഫുജൈറയിലേക്ക് സൗജന്യ ബസ് സര്‍വീസ് സേവനവും എയര്‍ലൈന്‍സ് വാഗ്ദാനം ചെയ്യുന്നു.
പുതിയ സര്‍വീസ്, പ്രകൃതി മനോഹരമായ ഫുജൈറയിലേക്ക് കൂടുതല്‍ വിദേശ ടൂറിസ്റ്റുകളെ ആകര്‍ഷിക്കാന്‍ സഹായിക്കുമെന്ന് ഇന്‍ഡിഗോ ഗ്ലോബല്‍ സെയില്‍സ് മേധാവി വിനയ് മല്‍ഹോത്ര പറഞ്ഞു.
gulf
ആലപ്പുഴ സ്വദേശി ജുബൈലിൽ മരണപെട്ടു
. ജുബൈലിലെ പൊതുപ്രവർത്തകനായ മണ്ണഞ്ചേരി ഹംസയുടെ ഭാര്യാപിതാവാണ്.
ജുബൈൽ : ഉംറ നിർവഹിച്ചു തിരികെ എത്തിയ മലയാളി മരണപെട്ടു. ആലപ്പുഴ മണ്ണഞ്ചേരി കുന്നപ്പള്ളി മാപ്പിളതയ്യിൽ അബ്ദുൽ സലാം (65 വയസ്സ്) ആണ് മരണപ്പെട്ടത്. കേരള മുസ്ലിം ജമാഅത്ത് കുന്നപ്പള്ളി യൂണിറ്റ് അംഗമാണ്.
ഉംറ വിസയിൽ ജുബൈലിൽ എത്തിയശേഷം മകളോടെപ്പം ഉംറ നിർവഹിച്ച്‌, വെള്ളിയാഴ്ച്ച കാലത്ത് തിരികെ എത്തിയ ശേഷം
ശ്വാസതടസ്സത്തെ തുടർന്ന് ആശുപത്രിയിലെത്തിച്ചു. ഉടനെതന്നെ മരണം സംഭവിക്കുകയായിരുന്നു. ജുബൈലിലെ പൊതുപ്രവർത്തകനായ മണ്ണഞ്ചേരി ഹംസയുടെ ഭാര്യാപിതാവാണ്.
നിയമ നടപടികൾ പൂർത്തിയാക്കി മയ്യിത്ത് ജുബൈലിൽ മറവ് ചെയ്യുന്നതിന് ആവശ്യമായ സഹായങ്ങളുമായി പ്രവാസി വെൽഫെയർ ജുബൈൽ ജനസേവന വിഭാഗം കൺവീനർ സലിം ആലപ്പുഴ, ഐ സി എഫ് ജുബൈൽ പ്രസിഡന്റ് അബ്ദുൽ ജബ്ബാർ പൊന്നാട്, പൊതു പ്രവർത്തകൻ നൗഫൽ പനാക്കൽ മണ്ണഞ്ചേരി എന്നവർ രംഗത്തുണ്ട്
-
kerala2 days agoസഊദി ഗവ. അതിഥിയായി സാദിഖലി തങ്ങള് ഹജ്ജിന്
-
kerala3 days agoഷഹബാസ് വധക്കേസ്; പ്രതികളായ വിദ്യാര്‍ത്ഥികളുടെ പരീക്ഷാഫലം തടഞ്ഞുവെച്ചത് ചോദ്യംചെയ്ത് ഹൈക്കോടതി
-
kerala3 days agoആശാ വര്ക്കര്മാരുടെ സമരം; നൂറാം ദിവസത്തില് 100 പന്തം കൊളുത്തി പ്രതിഷേധം
-
film3 days agoവീണ്ടും റാപ്പര് വേടന് സിനിമയില് പാടുന്നു, നരിവേട്ടയിലെ ‘വാടാ വേടാ..’ ഗാനം പുറത്തിറങ്ങി
-
india2 days agoഐഎസ്ഐ ഏജന്റുമായി രഹസ്യ ചാറ്റ്; ഓപ്പറേഷന് സിന്ദൂറിന്റെ നിര്ണ്ണായക വിവരങ്ങള് കൈമാറി’; ജ്യോതി മല്ഹോത്രയ്ക്കെതിരെ ഗുരുതര കണ്ടെത്തല്
-
kerala2 days agoപിണറായിയുടെ കൂറ്റന് ഫ്ളക്സിന് 15 കോടി; ധൂര്ത്ത് കൊണ്ട് ആറാടി സര്ക്കാര് വാര്ഷികാഘോഷം
-
india2 days agoവഖഫ് പ്രക്ഷോഭം; തെലങ്കാനയിലെ വാറങ്കലില് വഖഫ് ഭേദഗതി നിയമത്തിനെതിരെ അണിനിരന്ന് ആയിരങ്ങള്
-
kerala2 days agoചാവക്കാടും ആറുവരി പാതയില് വിള്ളല് രൂപപ്പെട്ടു