india
ഡല്ഹി ഹൈക്കോടതി ജഡ്ജിയുടെ ഔദ്യോഗിക വസതിയില് തീപിടിത്തം; തീയണയ്ക്കാനെത്തിയ ഫയര്ഫോഴ്സ് കെട്ടുകണക്കിന് പണം കണ്ടെത്തി
യശ്വന്ത് വര്മയെ അലഹബാദ് ഹൈക്കോടതിയിലേക്ക് മാറ്റാന് സുപ്രീംകോടതി ചീഫ് ജസ്റ്റിസ് സഞ്ജീവ് ഖന്ന സുപ്രീംകോടതി കൊളീജിയത്തിന് നിര്ദേശം നല്കി.

ഡല്ഹി ഹൈക്കോടതി ജഡ്ജി യശ്വന്ത് വര്മയുടെ ഔദ്യോഗിക വസതിയില് നിന്ന് കണക്കില്ലാത്ത കെട്ടുകണക്കിന് പണം കണ്ടെത്തി. ജഡ്ജിയുടെ വസതിയിലുണ്ടായ തീപിടിത്തത്തെ തുടര്ന്ന് അണയ്ക്കാനെത്തിയ ഫയര്ഫോഴ്സ് അംഗങ്ങളാണ് പണം കണ്ടെത്തിയത്. തുടര്ന്ന് യശ്വന്ത് വര്മയെ അലഹബാദ് ഹൈക്കോടതിയിലേക്ക് മാറ്റാന് സുപ്രീംകോടതി ചീഫ് ജസ്റ്റിസ് സഞ്ജീവ് ഖന്ന സുപ്രീംകോടതി കൊളീജിയത്തിന് നിര്ദേശം നല്കി.
അതേസമയം തീപിടിത്തമുണ്ടായപ്പോള് ജഡ്ജി വീട്ടിലുണ്ടായിരുന്നില്ല. ബന്ധുക്കാളാണ് അഗ്നിരക്ഷാ സേനയെയും പൊലീസിനെയും വിവരമറിയിച്ചത്. തീയണച്ചതിന് ശേഷമാണ് മുറിയില് നിന്ന് കണക്കില്പ്പെടാത്ത പണം കണ്ടെത്തിയത്. തുടര്ന്ന് ലോക്കല് പൊലീസ് ഉന്നത ഉദ്യോഗസ്ഥരെ വിവരം അറിയിക്കുകയും പിന്നാലെ ഉയര്ന്ന ഉദ്യോഗസ്ഥര് സുപ്രീംകോടതി ചീഫ് ജസ്റ്റിസിനെ വിവരം അറിയിക്കുകയും അദ്ദേഹം കൊളീജിയം യോഗം വിളിക്കുകയുമായിരുന്നു.
ജസ്റ്റിസ് യശ്വന്ത് വര്മയെ ഉടന് സ്ഥലം മാറ്റണമെന്ന് കൊളീജിയം തീരുമാനമെടുത്തു. തുടര്ന്ന് അലഹബാദ് ഹൈക്കോടതിയിലേക്ക് സ്ഥലം മാറ്റുകയായിരുന്നു.
india
വോട്ട് ചോരി; അന്വേഷണം ആവശ്യപ്പെട്ട് സുപ്രീംകോടതിയില് ഹരജി
സുപ്രീംകോടതി മേല്നോട്ടത്തില് പ്രത്യേക സംഘം അന്വേഷിക്കണമെന്നും വ്യാജ കൂട്ടിച്ചേര്ക്കല് ഒഴിവാക്കാന് തിരഞ്ഞെടുപ്പ് കമ്മീഷന് മാര്ഗനിര്ദ്ദേശങ്ങള് നല്കണമെന്നും ഹര്ജിയില് പറയുന്നു.

രാഹുല് ഗാന്ധിയുടെ വോട്ട് ചോരി വെളിപ്പെടുത്തലില് അന്വേഷണം ആവശ്യപ്പെട്ട് സുപ്രീംകോടതിയില് പൊതു താല്പര്യ ഹര്ജി. സുപ്രീംകോടതി മേല്നോട്ടത്തില് പ്രത്യേക സംഘം അന്വേഷിക്കണമെന്നും വ്യാജ കൂട്ടിച്ചേര്ക്കല് ഒഴിവാക്കാന് തിരഞ്ഞെടുപ്പ് കമ്മീഷന് മാര്ഗനിര്ദ്ദേശങ്ങള് നല്കണമെന്നും ഹര്ജിയില് പറയുന്നു.
അഭിഭാഷകന് രോഹിത് പാണ്ഡെയാണ് ഹര്ജി സമര്പ്പിച്ചത്. 2024 ലെ ലോക്സഭാ തെരഞ്ഞെടുപ്പില് ബെംഗളൂരു സെന്ട്രല് മണ്ഡലത്തില് വോട്ടര് പട്ടികയില് കൃത്രിമം നടന്നതായുള്ള രാഹുല് ഗാന്ധിയുടെ വെളിപ്പെടുത്തലില് അന്വേഷിണം വേണമെന്നാണ് ഹര്ജിയിലെ ആവശ്യം. വോട്ടര് പട്ടിക തയ്യാറാക്കല്, പരിപാലനം, പ്രസിദ്ധീകരണം എന്നിവയില് സുതാര്യത, ഉത്തരവാദിത്തം, സത്യസന്ധത എന്നിവ ഉറപ്പാക്കുന്നതിന് ഇന്ത്യന് തിരഞ്ഞെടുപ്പ് കമ്മീഷന് മാര്ഗ്ഗനിര്ദ്ദേശങ്ങള് തയ്യാറാക്കി പുറപ്പെടുവിക്കണമെന്നും ഹര്ജിക്കാരന് ആവശ്യപ്പെട്ടു.
പ്രതിപക്ഷ നേതാവ് ഉന്നയിച്ച ആരോപണങ്ങള് സ്വതന്ത്രമായി പരിശോധിച്ചതായും ഇതിന് ആവശ്യമായ പ്രാഥമിക തെളിവുകള് കണ്ടെത്തിയതായും ഹര്ജിയില് പറയുന്നു. അതിനാല് പൊതുതാല്പ്പര്യം മുന്നിര്ത്തി കോടതിയുടെ അടിയന്തര ഇടപെടല് ആവശ്യമാണെന്നും ഹര്ജിക്കാരന് അവകാശപ്പെടുന്നു.
india
20കാരിയെ കൊലപ്പെടുത്തി; മൃതദേഹം കത്തിച്ച് റോഡില് ഉപേക്ഷിച്ചു
ര്ണാടകയിലെ ചിത്രദുര്ഗയില് 20കാരിയെ ആണ്സുഹൃത്ത് കൊലപ്പെടുത്തി മൃതദേഹം കത്തിച്ച് റോഡില് ഉപേക്ഷിച്ചു.

കര്ണാടകയിലെ ചിത്രദുര്ഗയില് 20കാരിയെ ആണ്സുഹൃത്ത് കൊലപ്പെടുത്തി മൃതദേഹം കത്തിച്ച് റോഡില് ഉപേക്ഷിച്ചു. രണ്ടാം വര്ഷ ഡിഗ്രി വിദ്യാര്ഥിയെയാണ് കൊല്ലപ്പെട്ടുത്തിയത്.
യുവതി പീഡനത്തിനിരയായെന്ന് സംശയമുണ്ടെന്നും ആണ്സുഹൃത്ത് ചേതന് കുറ്റം സമ്മതിച്ചതായും പൊലീസ് അറിയിച്ചു. ചിത്രദുര്ഗലിലെ ഗൊനുരുവില് റോഡിനോട് ചേര്ന്ന തരിശുഭൂമിയില് നിന്നാണ് 20 കാരിയുടെ പാതി പൊള്ളലേറ്റ മൃതദേഹം പൊലീസ് കണ്ടെത്തിയത്.
രണ്ട് ദിവസമായി മകളെ കാണാനില്ലെന്ന മാതാപിതാക്കളുടെ പരാതിയില് ചിത്രദുര്ഗ പൊലീസ് അന്വേഷണത്തിലായിരുന്നു. ഫോണ്രേഖകള് പരിശോധിക്കുന്നിടെ ആണ്സുഹൃത്ത് ചേതനെയാണ് അവസാനമായി യുവതി വിളിച്ചതെന്ന് മനസിലാക്കി ചേതനെ കസ്റ്റഡിയിലെടുത്തു. പിന്നാലെ ചേതന് കുറ്റം സമ്മതിച്ചതായി പൊലീസ് വ്യക്തമാക്കി.
യുവതിയുമായി പ്രണയത്തിലായിരുന്നുവെന്നും യുവതിയ്ക്ക് മറ്റൊരാളുമായി അടുപ്പമുണ്ടായിരുന്നുവെന്ന സംശയത്തെ തുടര്ന്നായിരുന്നു കൊലപാതകമെന്നും പ്രതി പറയുന്നു. ഇയാള് കാന്സര് രോഗിയാണ്. തലയ്ക്കടിച്ച് കൊലപ്പെടുത്തിയശേഷമാണ് മൃതദേഹം കത്തിച്ചത്. കുട്ടിയുടെ ബന്ധുക്കളും വിവിധ സംഘടനകളും ആശുപത്രിയിലും ഗൊനുരുവിലും പ്രതിഷേധിച്ചു.
india
ഡല്ഹിയില് കെട്ടിടം തകര്ന്നു വീണ് 3 പേര് മരിച്ചു
ഡല്ഹിയില് കെട്ടിടം തകര്ന്നു വീണു, 3 പേര് മരിച്ചു.

ഡല്ഹിയില് കെട്ടിടം തകര്ന്നു വീണു, 3 പേര് മരിച്ചു. ദരിയാ ഗഞ്ചില് ആണ് സംഭവം നടന്നത്. രണ്ട് നിലകളുമുള്ള കെട്ടിടം ആണ് തകര്ന്നുവീണത്. പരിക്കേറ്റ 3 പേരെ രക്ഷപ്പെടുത്തി, ആശുപത്രിയില് പ്രവേശിപ്പിച്ചു.
4 ഫയര് എഞ്ചിനുകള് എത്തിയാണ് രക്ഷ പ്രവര്ത്തനം പൂര്ത്തിയാക്കിയതെന്ന് ഡല്ഹി ഫയര് ഫോഴ്സ് അറിയിച്ചു. കെട്ടിടത്തിന്റെ ബലക്ഷയമാണ് തകര്ന്ന് വീഴാന് കാരണമെന്നാണ് പ്രാഥമിക റിപ്പോര്ട്ട്.
ഉച്ചയ്ക്ക് 12.14 ന് സംഭവം നടന്നത്, തുടര്ന്ന് നാല് ഫയര് ടെന്ഡറുകള് സ്ഥലത്തേക്ക് എത്തി. രണ്ട് നിലകളുമുള്ള കെട്ടിടമാണ് തകര്ന്നുവീണത് എന്ന് ഡല്ഹി ഫയര് സര്വീസസ് (ഡിഎഫ്എസ്) ഉദ്യോഗസ്ഥന് പറഞ്ഞു.
അവശിഷ്ടങ്ങള്ക്കിടയില് നിന്ന് മൂന്ന് പേരെ രക്ഷപ്പെടുത്തി ആശുപത്രിയില് പ്രവേശിപ്പിച്ചു. അവസാന റിപ്പോര്ട്ടുകള് വരുന്നത് വരെ രക്ഷാപ്രവര്ത്തനങ്ങള് നടന്നുകൊണ്ടിരിക്കുകയായിരുന്നു. തകര്ച്ചയുടെ കാരണം ഇതുവരെ കണ്ടെത്താനായിട്ടില്ലെന്നാണ് ഉദ്യോഗസ്ഥര് പറയുന്നത്.
ജൂലൈ 12 ന് ഡല്ഹിയിലെ വെല്ക്കം പരിസരത്ത് അനധികൃതമായി നിര്മ്മിച്ച നാല് നില കെട്ടിടം തകര്ന്ന് ഒരു കുടുംബത്തിലെ ആറ് പേര് മരിച്ചതിന് ഒരു മാസത്തിന് ശേഷമാണ് ഈ ദൗര്ഭാഗ്യകരമായ സംഭവം നടക്കുന്നത്.
-
Film2 days ago
പൂര്ണ ആരോഗ്യത്തോടെ മമ്മൂട്ടി തിരിച്ചു വരുന്നു; ഫെയ്സ്ബുക്ക് പോസ്റ്റിലൂടെ പങ്കുവെച്ച് ജോര്ജും ആന്റോ ജോസഫും
-
kerala3 days ago
റാപ്പര് വേടനെതിരെ കൂടുതല് ലൈംഗികാതിക്രമ പരാതികള്
-
crime3 days ago
ഭര്ത്താവിന്റെ മൃതദേഹം വീപ്പയില് കണ്ടെത്തി; ഭാര്യയും മൂന്ന് മക്കളെയും കാണാനില്ല
-
main stories2 days ago
ഗസ്സ വെടിനിര്ത്തല് ധാരണകള് ഹമാസ് അംഗീകരിച്ചതായി റിപ്പോര്ട്ട്
-
News3 days ago
ഏഷ്യാ കപ്പ്: സഞ്ജുവിന്റെ സ്ഥാനം ഉറപ്പാകുമോ? നയിക്കാന് സൂര്യ എത്തുമോ?; ടീമിന്റെ പ്രഖ്യാപനം നാളെ
-
india3 days ago
കേന്ദ്ര സര്ക്കാരിന്റെ കളിപ്പാവയായി തെരഞ്ഞെടുപ്പ് കമ്മീഷന് മാറി; ഇന്ഡ്യ സഖ്യം
-
kerala3 days ago
ബലാത്സംഗ കേസ്; റാപ്പര് വേടന്റെ മുന്കൂര് ജാമ്യപേക്ഷ കോടതി ഇന്ന് പരിഗണിക്കും
-
Film2 days ago
17ാമത് IDSFFK: ഗാസയുടെ മുറിവുകളും പ്രതിരോധവും പകര്ത്തുന്ന ‘ഫ്രം ഗ്രൗണ്ട് സീറോ’ ഉദ്ഘാടന ചിത്രം