തണ്ണീർ മത്തൻ ദിനങ്ങൾ, സൂപ്പർ ശരണ്യ എന്നീ സൂപ്പർ ഹിറ്റുകൾക്കും പ്രേമലു എന്ന ബ്ലോക്ക്ബസ്റ്ററിനും ശേഷം ഗിരീഷ് എ.ഡി.- നസ്‌ലൻ ടീമൊന്നിച്ച ‘ഐ ആം കാതലൻ’ സിനിമയുടെ ട്രെയ്‌ലർ പുറത്തിറങ്ങി. നവംബർ 7ന് ചിത്രം റിലീസ് ചെയ്യും. ഈ വർഷം ഫെബ്രുവരിയിൽ റിലീസ് ചെയ്ത ഇവരുടെ ‘പ്രേമലു’ മലയാളത്തിലെ നൂറ് കോടി ക്ലബിൽ ഇടം പിടിച്ച സിനിമകളിൽ ഒന്നായി മാറിയിരുന്നു.

പുതിയ കാലത്തിന്റെ കഥയാണ് ചിത്രം പറയുക എന്നാണ് സൂചനകള്‍. ശരണ്‍ വേലായുധനാണ് ചിത്രത്തിന്റെ ഛായാഗ്രാഹണം. ഐ ആം കാതലനില്‍ നസ്‌ലെനൊപ്പം കഥാപാത്രങ്ങളായി ലിജോമോള്‍ ജോസ്, ദിലീഷ് പോത്തന്‍, അന്‍ഷിമ അനില്‍കുമാര്‍ വിനീത് വാസുദേവന്‍, സജിന്‍ ചെറുകയില്‍, വിനീത് വിശ്വം, അര്‍ഷാദ് അലി, ഷിന്‍സ് ഷാന്‍, ശരണ്‍ പണിക്കര്‍, അര്‍ജുന്‍ കെ, സനത്ത് ശിവരാജ് എന്നിവര്‍ എത്തുകമ്പോള്‍ തിരക്കഥ സജിന്‍ ചെറുകയിലും നിര്‍മാണം ഗോകുലും ഗോപാലനും ഡോ. പോള്‍ വര്‍ഗീസും കൃഷ്ണമൂര്‍ത്തിയും ചേര്‍ന്ന് നിര്‍മിക്കുന്നത്.

കലാസംവിധാനം – വിവേക് കളത്തിൽ, വസ്ത്രാലങ്കാരം – ധന്യ ബാലകൃഷ്ണൻ , മേക്കപ്പ് – സിനൂപ് രാജ്, വരികൾ- സുഹൈൽ കോയ, പ്രൊഡക്ഷൻ കൺട്രോളർ – മനോജ് പൂങ്കുന്നം, ഫിനാൻസ് കൺട്രോളർ – അനിൽ ആമ്പല്ലൂർ, മാർക്കറ്റിങ്ങ് & ഡിസ്ട്രിബ്യുഷൻ ഡ്രീം ബിഗ് ഫിലിംസ്, ഡിജിറ്റൽ പ്രൊമോഷൻ- ഒബ്സ്ക്യൂറ, പിആർ ഒ – ശബരി.

പ്രാര്‍ഥനയ്ക്കു ശേഷം ക്ഷേത്രത്തില്‍ നിന്നും പ്രസാദവും വാങ്ങിയിറങ്ങുന്ന ചിത്രം പങ്കുവെച്ചിരിക്കുകയാണ്  ഗായിക അമൃത സുരേഷ്. കൂപ്പ് കൈ ഇമോജി വെച്ചിട്ടാണ് ചിത്രം പോസ്റ്റ് ചെയ്തിരിക്കുന്നത്. സ്‌നേഹവും പ്രാര്‍ഥനകളും’ എന്ന തലക്കെട്ടോടു കൂടി മറ്റൊരു ചിത്രവും താരം ഇന്‍സ്റ്റഗ്രാമില്‍ പോസ്റ്റ് ചെയ്തിട്ടുണ്ട്. എന്നാല്‍ ചിത്രത്തിന് താഴെ നിരവധിപേരാണ് കമന്റുകളുമായി എത്തിയിരിക്കുന്നത്.

‘ഈ ചിരി ഇനി ഒരിക്കലും മായാതെ ദൈവം കാക്കട്ടെ’, ‘ഒരു ആശ്വാസത്തിനു വകുപ്പുണ്ടെന്നല്ലേ അശരീരി കേട്ടത്’, ‘ജീവിതം സന്തോഷം ആയി മുന്നോട്ട് പോകുക മോളെ’ തുടങ്ങിയ കമന്റുകള്‍ പ്രേക്ഷകര്‍ ചേര്‍ത്തിരിക്കുന്നു. എന്നാല്‍ മുന്‍ ഭര്‍ത്താവിന്റെ പുതിയ വിവാഹവുമായി ചേര്‍ത്തു വായ്ക്കാവുന്ന കമന്റുകളും ചില പ്രേക്ഷകര്‍ ചിത്രത്തിനടിയില്‍ നല്‍കിയിട്ടുണ്ട്.

മുന്‍ഭര്‍ത്താവിന്റെ പേരില്‍ അമൃത നല്‍കിയ പരാതിയെ തുടര്‍ന്ന് വന്‍ വിവാദങ്ങള്‍ കഴിഞ്ഞ ദിവസങ്ങളില്‍ നടന്നിരുന്നു.

ടിജെ ജ്ഞാനവേല്‍ സംവിധാനം ചെയ്ത ‘വേട്ടയ്യന്‍’ ചിത്രം ഒ.ടി.ടിയില്‍ എത്തുന്നു. രജനികാന്ത് കേന്ദ്രകഥാപാത്രമായി എത്തിയ വേട്ടയ്യന് പ്രതീക്ഷിച്ച അത്ര കയ്യടി കിട്ടിയില്ല. ഒക്ടോബര്‍ 10 നാണ് ചിത്രം തിയേറ്ററുകളില്‍ എത്തിയത്. എന്നാല്‍ ബോക്‌സോഫീസില്‍ വിജയം നേടിയില്ല.

നവംബര്‍ ഏഴ് മുതല്‍ ചിത്രം ആമസോണ്‍ പ്രൈം വിഡിയോയില്‍ സ്ട്രീമിങ് ആരംഭിക്കുമെന്നാണ് റിപ്പോര്‍ട്ട്. ഔദ്യോഗക പ്രഖ്യാപനം ഇതുവരെയുണ്ടായിട്ടില്ല.

രജനികാന്ത്, മഞ്ജുവാര്യര്‍, അമിതാഭ് ബച്ചന്‍, ഫഹദ് ഫാസില്‍, റാണ തുടങ്ങിയ വന്‍ താരനിരയാണ് ചിത്രത്തിലുള്ളത്. ഏകദേശം 300 കോടി രൂപ ബജറ്റിലാണ് ചിത്രം എടുത്തിട്ടുള്ളത്. എന്നാല്‍ 235.25 കോടി രുപ മാത്രമാണ് ബോക്‌സോഫീസില്‍ നിന്ന് നേടാനായത്.

ലൈക്ക പ്രൊഡക്ഷന്‍സിന്റെ ബാനറില്‍ സുഭാസ്‌കരന്‍ അല്ലിരാജയാണ് ചിത്രം നിര്‍മ്മിച്ചത്. ശ്രീ ഗോകുലം മൂവീസാണ കേരളത്തില്‍ എത്തിച്ചത്്. അനിരുദ്ധ് രവിചന്ദറാണ് ചിത്രത്തിന്റെ സംഗീതം നിര്‍വ്വഹിച്ചിരിക്കുന്നത്.