സി.പി.എമ്മും പോലീസും ഒരുമിച്ചാണ് കെ.വിദ്യയെ ഒളിപ്പിച്ചതെന്ന് പ്രതിപക്ഷ നേതാവ് വിഡി സതീശന്‍. രണ്ടാഴ്ചക്കാലം വിദ്യ പോലീസിന്റെ കണ്‍മുന്നില്‍ ഉണ്ടായിരുന്നെങ്കിലും അറസ്റ്റിലേക്ക് കടക്കാതെ പാര്‍ട്ടിയും പോലീസും വിദ്യയെ സംരക്ഷിച്ചു.
പ്രതിപക്ഷത്തിന്റെ പോരാട്ടവും സമ്മര്‍ദവും പൊതുസമൂഹത്തിന്റെ പ്രതികരണവുമാണ് വിദ്യയെ പുറത്ത് കൊണ്ടുവരാന്‍ കാരണമായത്. വ്യാജരേഖയും വ്യാജ സര്‍ട്ടിഫിക്കറ്റുമുണ്ടാക്കി ഉന്നത വിദ്യാഭ്യാസരംഗം മലീമസമാക്കിയ എസ്.എഫ്.ഐ നേതാക്കള്‍ക്ക് ശിക്ഷ ഉറപ്പാക്കും വരെ പ്രതിപക്ഷത്തിന്റെ പോരാട്ടം തുടരുമെന്ന് അദ്ദേഹം കൂട്ടിച്ചേര്‍ത്തു.