News

ലൈവില്‍ ആത്മഹത്യക്ക് ശ്രമിച്ച മുംബൈക്കാരനെ രക്ഷിച്ചത് ഫെയ്‌സ്ബുക്ക് ഓഫീസ് കോള്‍

കോള്‍ ലഭിച്ച് 20 മിനിറ്റിനുള്ളില്‍ ആത്മഹത്യക്ക് ശ്രമിച്ചയാളെ കണ്ടെത്താന്‍ പൊലീസിന് കഴിഞ്ഞു

Published

4 years ago

January 5, 2021

ഫെയ്‌സ്ബുക്ക് ലൈവില്‍ ആത്മഹത്യക്ക് ശ്രമിച്ച മുംബൈ സ്വദേശിയെ രക്ഷിച്ചത് അയര്‍ലന്‍ഡില്‍ നിന്ന് മുംബൈയിലേക്കു വിളിച്ച കോള്‍. മുംബൈയില്‍ നിന്നുള്ള 23 കാരന്‍ ലൈവില്‍ ആത്മഹത്യക്ക് ശ്രമിക്കുന്നത് അയര്‍ലന്‍ഡിലെ ഫെയ്‌സ്ബുക്ക് ഓഫിസ് അധികൃതര്‍ നേരത്തെ കണ്ടെത്തുകയും സംഭവം മുംബൈ പൊലീസിനെ അറിയിക്കുകയുമായിരുന്നു. കഴുത്തില്‍ മുറിവേല്‍പ്പിച്ചാണ് ആത്മഹത്യക്ക് ശ്രമിച്ചത്.

ഞായറാഴ്ച രാത്രിയാണ് സംഭവം. യുവാവ് ആത്മഹത്യ ചെയ്യുന്ന വിവരം ഫെയ്‌സ്ബുക്കിന്റെ സാങ്കേതിക വിദ്യ വഴി അറിയുകയും ഓഫീസ് അധികൃതര്‍ പെട്ടെന്ന് തന്നെ പൊലീസിനെ അറിയിക്കുകയുമായിരുന്നു. വിളിച്ച് 50 മിനിറ്റിനുള്ളില്‍ പൊലീസ് വീട്ടിലെത്തി യുവാവിനെ രക്ഷിച്ചു.

ഞായറാഴ്ച രാത്രി 8.10 ഓടെയാണ് മുംബൈയില്‍ നിന്നുള്ള ഒരാള്‍ ആത്മഹത്യയ്ക്ക് ശ്രമിക്കുന്നതെന്നും ഫെയ്‌സ്ബുക്കില്‍ തത്സമയം സംപ്രേഷണം ചെയ്യുന്നതെന്നും മുംബൈ പൊലീസ് സൈബര്‍ ഡിസിപി രശ്മി കരണ്ടിക്കറിന് അയര്‍ലന്‍ഡിലെ ഫെയ്‌സ്ബുക്ക് ആസ്ഥാനത്ത് നിന്ന് കോള്‍ ലഭിച്ചത്.

കോള്‍ ലഭിച്ച് 20 മിനിറ്റിനുള്ളില്‍ ആത്മഹത്യക്ക് ശ്രമിച്ചയാളെ കണ്ടെത്താന്‍ പൊലീസിന് കഴിഞ്ഞു.

kerala

പ്രിയങ്ക ഗാന്ധിയുടെ ലീഡ് കാല്‍ലക്ഷവും കടന്ന് കുതിക്കുന്നു

ഒരു ഘട്ടത്തിലും ഇടതുമുന്നണി സ്ഥാനാര്‍ത്ഥി സത്യന്‍ മൊകേരിയ്‌ക്കോ, ബിജെപി സ്ഥാനാര്‍ത്ഥി നവ്യ ഹരിദാസിനോ പ്രിയങ്കയുടെ ഒപ്പമെത്താന്‍ സാധിച്ചില്ല.

Published

1 min ago

November 23, 2024

webdesk13

വയനാട് ലോക്‌സഭ മണ്ഡലത്തില്‍ വോട്ടെണ്ണലിന്റെ തുടക്കം മുതലേ യുഡിഎഫ് സ്ഥാനാര്‍ത്ഥി പ്രിയങ്കാ ഗാന്ധി മുന്നേറ്റം തുടരുകയാണ്. ഒരു ഘട്ടത്തിലും ഇടതുമുന്നണി സ്ഥാനാര്‍ത്ഥി സത്യന്‍ മൊകേരിയ്‌ക്കോ, ബിജെപി സ്ഥാനാര്‍ത്ഥി നവ്യ ഹരിദാസിനോ പ്രിയങ്കയുടെ ഒപ്പമെത്താന്‍ സാധിച്ചില്ല. ആദ്യ റൗണ്ട് പൂര്‍ത്തിയാപ്പോഴേക്കും പ്രിയങ്കയുടെ ലീഡ് 23,000 കടന്നു.

kerala

പാലക്കാട്‌ ജയം സുനിശ്ചിതം; മതേതരത്വം വിജയിക്കുമെന്നും രാഹുൽ മാങ്കൂട്ടത്തിൽ

പാലക്കാട് നഗരസഭയില്‍ ഇക്കുറി ബിജെപിക്ക് ആധിപത്യമുണ്ടാക്കാന്‍ സാധിക്കില്ലെന്നും അദ്ദേഹം മാധ്യമങ്ങളോട് പറഞ്ഞു.

Published

12 mins ago

November 23, 2024

webdesk13

പാലക്കാട്ട് ശുഭകരമായ ഫലമുണ്ടാകുമെന്ന് യുഡിഎഫ് സ്ഥാനാര്‍ഥി രാഹുല്‍ മാങ്കൂട്ടത്തില്‍. അന്തിമ വിജയം മതേതരത്വത്തിന്‍റേതാകും. പാലക്കാട് നഗരസഭയില്‍ ഇക്കുറി ബിജെപിക്ക് ആധിപത്യമുണ്ടാക്കാന്‍ സാധിക്കില്ലെന്നും അദ്ദേഹം മാധ്യമങ്ങളോട് പറഞ്ഞു.

മതേതര മുന്നണിയുടെ മുന്നേറ്റം പഞ്ചായത്തുകളിലടക്കം പ്രകടമാകും. പന്ത്രണ്ടായിരം മുതല്‍ പതിനയ്യായിരം വരെ വോട്ടുകളുടെ ഭൂരിപക്ഷം ലഭിക്കുമെന്ന് വി. കെ ശ്രീകണ്ഠൻ പറഞ്ഞു.

ആകെ 184 ബൂത്തുകളാണ് പാലക്കാട്ടുള്ളത്. വിക്ടോറിയ കോളജ് ഓഡിറ്റോറിയത്തിലാണ് വോട്ടെണ്ണല്‍.

kerala

വോട്ടെണ്ണി തുടങ്ങി; വയനാട്ടില്‍ പ്രിയങ്ക മുന്നില്‍

തപാൽ വോട്ടുകൾ എണ്ണിത്തുടങ്ങിയപ്പോൾ പാലക്കാട് 95 വോട്ടിന് കൃഷ്ണകുമാറും ചേലക്കരയിൽ 118 വോട്ടിന് യു.ആർ. പ്രദീപും മുന്നിട്ടുനിൽക്കുന്നു.

Published

21 mins ago

November 23, 2024

webdesk13

വയനാട് ലോക്സഭ സീറ്റിലേക്കും പാലക്കാട്, ചേലക്കര നിയമസഭ സീറ്റുകളിലേക്കും നടന്ന ഉപതെരഞ്ഞെടുപ്പിലെ വേട്ടെണ്ണൽ തുടങ്ങി. വയനാട്ടിൽ ഇ.വി.എം എണ്ണിത്തുടങ്ങിയപ്പോൾ 3898 വോട്ടിന് പ്രിയങ്കയാണ് മുന്നിൽ. തപാൽ വോട്ടുകൾ എണ്ണിത്തുടങ്ങിയപ്പോൾ പാലക്കാട് 95 വോട്ടിന് കൃഷ്ണകുമാറും ചേലക്കരയിൽ 118 വോട്ടിന് യു.ആർ. പ്രദീപും മുന്നിട്ടുനിൽക്കുന്നു.

10 മണിയോടെ ആദ്യ ഫല സൂചനകൾ പുറത്തുവരും. മഹാരാഷ്ട്ര, ഝാർഖണ്ഡ് നിയമസഭ തെരഞ്ഞെടുപ്പുകളുടെയും കേരളം ഉൾപ്പെടെ 15 സംസ്ഥാനങ്ങളിലെ 48 നിയമസഭ സീറ്റുകളിലേക്കും രണ്ട് ലോക്സഭ സീറ്റുകളിലേക്കും നടന്ന ഉപതെരഞ്ഞെടുപ്പുകളുടെയും വോട്ടെണ്ണലാണ് ഇന്ന് നടക്കുന്നത്.