EDUCATION
എസ്എസ്എല്സി യുഎഇയില് മികച്ച വിജയം 518ല് 514പേരും വിജയിച്ചു; 73 പേര്ക്ക് ഫുള് എപ്ലസ്

റസാഖ് ഒരുമനയൂര്
അബുദാബി: എസ്എസ്എല്സി പരീക്ഷാഫലം പുറത്തുവന്നപ്പോള് ഗള്ഫ് നാടുകളിലെ ഏകകേന്ദ്രമായ യുഎഇയിലെ വിദ്യാര്ത്ഥികള് മികച്ച വിജയം കൈവരിച്ചു. പരീക്ഷയെഴുതിയ 518പേരില് 514 പേരും വിജയിച്ചു. 14 പേര്ക്ക് വിജയത്തിന്റെ ആശ്വാസം എത്തിപ്പിടിക്കാനായില്ല.
ഏറ്റവുംകൂടുതല് കുട്ടികള് പരീക്ഷയെഴുതിയ ഖ്യാതി ഇത്തവണയും അബുദാബി മോഡല് സ്കൂളിന് തന്നെയായിരുന്നു. 135 പേരാണ് ഇവിടെ എസ്എസ് എല്സി പരീക്ഷയെഴുതിയത്. പരീക്ഷയെഴുതിയ മുഴുവന് കുട്ടികളും മികച്ച വിജയം നേടി. 39പേര് എല്ലാവിഷയങ്ങളിലും ഫുള് എപ്ലസ് നേടി സ്കൂളിന് അഭിമാനമായിമാറി.
ന്യൂഇന്ത്യന് മോഡല് സ്കൂള് ദുബൈയില് പരീക്ഷയെഴുതിയ 105 പേരില് 104 പേരും വിജയിച്ചു. ഇതില് 12 പേര് മുഴുവന് വിഷയങ്ങളിലും എപ്ലസ് നേടി. ഗള്ഫ് മോഡല് സ്കൂള് ദുബൈ 71 പേര് പരീക്ഷയെഴുതിയെങ്കിലും 62 പേരാണ് വിജയിച്ചത്.
ന്യൂഇന്ത്യന് മോഡല് സ്കൂള് ഷാര്ജയില് പരീക്ഷയെഴുതിയ 49പേരും വിജയിച്ചു. 9പേര് ഫുള് എപ്ലസ് നേടി. ന്യൂഇന്ത്യന് മോഡല് സ്കൂള് അല്ഐന് പരീക്ഷയെഴുതിയ 27 പേരില് 25 പേര് വിജയിച്ചു. രണ്ടുപേര് ഫുള് പ്ലസ് നേടി.
ന്യൂ ഇന്ത്യന് ഹൈസ്കൂള് റാസല്ഖൈമ പരീക്ഷയെഴുതിയ 43 പേരും വിജയിച്ചുവെങ്കിലും ആര്ക്കും ഫുള് എപ്ലസ് നേടാനായില്ല. ദ് ഇംഗ്ലീഷ് സകൂള് ഉമ്മുല്ഖുവൈന് 22 പേര് പരീക്ഷയെഴുതി മുഴുവന്പേരും വിജയിച്ചു.
ഇന്ത്യന് സ്കൂള് ഫുജൈറ പരീക്ഷയെഴുതിയ 66 പേരില് 64 പേര് വിജയിച്ചു. നാലുപേര് ഫുള്എപ്ലസ് കരസ്ഥമാക്കി.
EDUCATION
പ്ലസ് വൺ പ്രവേശനം: ഇന്നു കൂടി അപേക്ഷിക്കാം; ട്രയല് അലോട്ട്മെന്റ് 24ന്

തിരുവനന്തപുരം: സംസ്ഥാനത്ത് പ്ലസ് വൺ പ്രവേശനത്തിന് ഇന്നു കൂടി അപേക്ഷിക്കാം. ഹയർ സെക്കൻഡറി/വിഎച്ച്എസ്ഇ പ്രവേശനത്തിന്റെ അപേക്ഷ സമർപ്പണം ഇന്ന് (മെയ് 20) വൈകിട്ട് അഞ്ചിന് അവസാനിക്കും. മോഡൽ റെസിഡൻഷ്യൽ സ്കൂളുകളിലേയ്ക്കുള്ള അപേക്ഷാ സമർപ്പണത്തിനുള്ള സമയപരിധിയും ഇന്നുവരെയാണ്.
പൊതുവിദ്യാഭ്യാസ വകുപ്പിന്റെ ഹയര്സെക്കന്ഡറി പ്രവേശന വെബ്സൈറ്റായ https;//hscap.kerala.gov.in/ ലെ CREATE CANDIDATE LOGIN – SWS ലിങ്കിലൂടെ വിദ്യാര്ഥികള്ക്ക് കാന്ഡിഡേറ്റ് ലോഗിന് സൃഷ്ടിക്കാം. ഈ ലോഗിനിലൂടെയാണ് അപേക്ഷ സമര്പ്പണവും തുടര്ന്നുള്ള പ്രവേശന നടപടികളും.
EDUCATION
ബി.ടെക് ലാറ്ററല് എന്ട്രി 22 വരെ അപേക്ഷിക്കാം

തിരുവനന്തപുരം: സംസ്ഥാനത്തിലെ സര്ക്കാര്/സ്വാശ്രയ കോളേജുകളിലേക്ക് 2024-25 അദ്ധ്യായന വര്ഷത്തെ ബി.ടെക് ലാറ്ററല് (റെഗുലര് ആന്ഡ് വര്ക്കിംഗ് പ്രൊഫഷണല്സ്) കോഴ്സിലേക്കുള്ള പ്രവേശനത്തിന് വെബ്സൈറ്റ് വഴി ഓണ്ലൈനായി മേയ് 20 വരെ അപേക്ഷാ ഫീസ് അടയ്ക്കാം. മേയ് 22 വരെ ഓണ്ലൈനായി അപേക്ഷകള് സമര്പ്പിക്കാം.
അപേക്ഷകര് 3 വര്ഷം/2 വര്ഷം (ലാറ്ററല് എന്ട്രി) ദൈര്ഘ്യമുള്ള എന്ജിനിയറിങ് ടെക്നോളജി ഡിപ്ലോമ അല്ലെങ്കില് സംസ്ഥാന സാങ്കേതിക വിദ്യാഭ്യാസ ബോര്ഡ്/ഇന്ത്യാ ഗവണ്മെന്റിന് കീഴിലുള്ള സ്ഥാപനങ്ങള്/ AICTE അംഗീകൃത സ്ഥാപനങ്ങളില് നിന്ന് നേടിയ 3 വര്ഷ ഡി.വോക്ക്, അല്ലെങ്കില് 10+2 തലത്തില് മാത്തമാറ്റിക്സ് ഒരു വിഷയമായി പഠിച്ച്, യു.ജി.സി. അംഗീകൃത സര്വ്വകലാശാലയില് നിന്നും നേടിയ ബി.എസ്.സി ബിരുദം നേടിയവരായിരിക്കണം.
വര്ക്കിംഗ് പ്രൊഫെഷനലുകള്ക്കു ബി.ടെക് കോഴ്സിലെ പ്രവേശനത്തിന് ലാറ്ററല് എന്ട്രി പ്രവേശന പരീക്ഷയില് യോഗ്യത നേടേണ്ടത് നിര്ബന്ധമാണ്. വിശദവിവരങ്ങള്ക്ക് www.lbscentre.kerala.gov.in, 04712324396, 256032.
EDUCATION
കേരള സര്വകലാശാലയില് ഗുരുതര വീഴ്ച; ഉത്തരക്കടലാസുകള് നഷ്ടപ്പെട്ടു
5 കോളജുകളിലെ വിദ്യാർഥികളുടെ ഉത്തരക്കടലാസുകൾ നഷ്ടപ്പെട്ടവയിലുണ്ട്.

കേരള സർവകലാശാലയിൽ എംബിഎ വിദ്യാർഥികളുടെ ഉത്തരക്കടലാസുകൾ കാണാതായി. മൂല്യനിർണം നടത്താൻ ഒരു അധ്യാപകനു നൽകിയ ‘പ്രൊജക്ട് ഫിനാൻസ്’ എന്ന വിഷയത്തിന്റെ 71 ഉത്തരക്കടലാസുകളാണ് നഷ്ടമായത്. 5 കോളജുകളിലെ വിദ്യാർഥികളുടെ ഉത്തരക്കടലാസുകൾ നഷ്ടപ്പെട്ടവയിലുണ്ട്.
വിവരം പുറത്തുവിടാതെ വീണ്ടും പരീക്ഷ നടത്താൻ സർവകലാശാല തീരുമാനിച്ചു. ഇതിനുള്ള അറിയിപ്പ് വിദ്യാർഥികൾക്കു ലഭിച്ചപ്പോൾ നടത്തിയ അന്വേഷണത്തിലാണ് സംഭവം പുറത്തു വന്നത്. എംബിഎ അവസാന സെമസ്റ്ററിലെ 71 വിദ്യാർഥികൾക്കാണ് പ്രത്യേക പരീക്ഷ നടത്തുന്നത്.
എംബിഎ വിദ്യാർഥികളുടെ അവസാന സെമസ്റ്റർ പരീക്ഷയുടെ ഉത്തരക്കടലാസുകളാണ് നഷ്ടമായതെന്നാണ് വിവരം. രണ്ട് വർഷത്തിനുള്ളിൽ പൂർത്തിയാക്കേണ്ട കോഴ്സിന്റഎ ഫല പ്രഖ്യാപനം രണ്ടര വർഷമായിട്ടും നടത്തിയിരുന്നില്ല.
പരീക്ഷാ ഫലം വൈകുന്നതിന്റെ കാരണം സർവകലാശാല വിശദീകരിച്ചിരുന്നില്ല. അതിനിടെയാണ് ഏപ്രിൽ ഏഴിനു വീണ്ടും പരീക്ഷ നടത്തുന്നുവെന്നു കാണിച്ചു വെള്ളിയാഴ്ച ഉച്ചയോടെ വിദ്യാർഥികൾക്ക് അറിയിപ്പു ലഭിച്ചത്.
മൂല്യനിർണയം കഴിഞ്ഞ് ഉത്തരക്കടലാസ് നഷ്ടപ്പെട്ടു പോയി എന്നു അധ്യാപകൻ സർവകലാശാലയെ അറിയിച്ചുവെന്നാണ് വിവരം. ഇക്കാര്യം സിൻഡിക്കേറ്റിൽ റിപ്പോർട്ടു ചെയ്തു. സിൻഡിക്കേറ്റ് തീരുമാനത്തിന്റെ അടിസ്ഥാനത്തിലാണ് വീണ്ടും പരീക്ഷ നടത്താൻ നിശ്ചയിച്ചത്.
-
kerala1 day ago
സഊദി ഗവ. അതിഥിയായി സാദിഖലി തങ്ങള് ഹജ്ജിന്
-
india3 days ago
മുസ്ലിം വാദ്യാര്ഥിനികള്ക്ക് പ്രവേശനം നിഷേധിച്ചു; നാഗ്പൂരില് സ്കൂള് അധികൃതര്ക്കെതിരെ കേസെടുത്ത് പൊലീസ്
-
kerala2 days ago
കണ്ണൂരിൽ യുവാവിനെ വീട്ടിൽ കയറി വെട്ടിക്കൊന്നു
-
kerala3 days ago
ദേശീയപാത തകർന്നിടിഞ്ഞ സംഭവം ഏറെ ആശങ്കാജനകം: സമദാനി
-
Health2 days ago
ഹോങ്കോങ്ങിലും സിംഗപ്പൂരിലും കൊവിഡ് വ്യാപനം കൂടുന്നു
-
india2 days ago
ഉത്തര്പ്രദേശില് ട്രാക്കുകളില് മരത്തടി കെട്ടിവച്ചു ട്രയിനുകള് അട്ടിമറിക്കാന് ശ്രമം
-
kerala2 days ago
റെഡ് അലര്ട്ട്; വയനാട്ടില് വിനോദ സഞ്ചാര കേന്ദ്രങ്ങളില് നിയന്ത്രണം ഏര്പ്പെടുത്തി
-
Cricket2 days ago
പ്രതികൂല കാലാവസ്ഥ; ആര്സിബി-എസ്ആര്എച്ച് മത്സരം ബെംഗളൂരു ചിന്നസ്വാമി സ്റ്റേഡിയത്തില് നിന്ന് ലഖ്നൗവിലേക്ക് മാറ്റി