Video Stories

ഭീകരതയെ വേരോടെ പിഴുതെറിയണം

Published

6 years ago

May 4, 2019

ജയ്‌ഷെ മുഹമ്മദ് തലവന്‍ മസൂദ് അസ്ഹറിനെ ആഗോള ഭീകരനായി പ്രഖ്യാപിച്ച ഐക്യരാഷ്ട്ര രക്ഷാസമിതിയുടെ ധീരനിലപാട് ഭീകരവിരുദ്ധ പോരാട്ടങ്ങള്‍ക്ക് പുതിയ പ്രതീക്ഷ പകരുന്നതാണ്. എതിര്‍വാദങ്ങളുന്നയിക്കാതെ ചൈനയെ മാറ്റിനിര്‍ത്തി മസൂദിനെ ആഗോള ഭീകര പട്ടികയില്‍പെടുത്തിയത് കാലങ്ങളായി രാജ്യം തുടരുന്ന നയതന്ത്ര നീക്കങ്ങളുടെ വിജയംകൂടിയാണ്. യു.പി.എ സര്‍ക്കാര്‍ തുടങ്ങിവച്ച പ്രതിരോധത്തില്‍ ചൈനക്കും മസൂദിനും പത്തിമടക്കാനായതിന്റെ ക്രെഡിറ്റ് തട്ടിയെടുക്കാന്‍ മോദി സര്‍ക്കാര്‍ ‘എട്ടുകാലി മമ്മുഞ്ഞി’ ചമയുന്നത് നാണക്കേടാണ്. ഏറെക്കാലമായി ഇന്ത്യ മുന്നോട്ടുവെച്ച ആവശ്യം നിര്‍ണായക ഘട്ടത്തില്‍ തന്നെ ചൈന തിരിച്ചറിഞ്ഞിത് ശ്ലാഘനീയമാണ്. പ്രത്യേകിച്ച്, ആഗോള ഭീകരവാദത്തിനെതിരെ ലോകരാഷ്ട്രങ്ങള്‍ ഒറ്റക്കെട്ടായി കൈക്കോര്‍ക്കുന്ന സങ്കീര്‍ണമായ സാഹചര്യത്തില്‍. ഇന്ത്യയിലേക്ക് എത്തുന്നതിനു മുമ്പുതന്നെ ഇന്ത്യന്‍ മണ്ണില്‍ ചോര വീഴ്ത്തുന്നതിനുള്ള കണക്കുകൂട്ടലില്‍ വ്യാപൃതനായിരിക്കെ മസൂദിനെ പ്രതിരോധത്തിലാഴ്ത്താനായത് ഭീകരവാദികള്‍ക്കുള്ള മുന്നറിയിപ്പുകൂടിയാണ്. പാര്‍ലമെന്റ് മുതല്‍ പുല്‍വാമ സ്‌ഫോടനം വരെ രാജ്യം ഭീതിയോടെ കേട്ട ഭീകരവാദിയെ പിടിച്ചുകെട്ടും വരെ പതറാത്ത പോരാട്ടമാണ് വേണ്ടത്. ഇവ്വിഷയം പ്രചാരണായുധമാക്കി കേവല രാഷ്ട്രീയ നേട്ടത്തിനുവേണ്ടി ഗിമ്മിക്കു കളിക്കാനാണ് കേന്ദ്ര സര്‍ക്കാറിനു താല്‍പര്യം. ഇതില്‍ നിന്നുതന്നെ ഇക്കാര്യത്തില്‍ മോദി സര്‍ക്കാറിന്റെ ആത്മാര്‍ത്ഥത എത്രമാത്രമാണെന്നു മനസിലാക്കാവുന്നതാണ്.
1968ല്‍ പാകിസ്താനിലെ ബഹാവല്‍പ്പൂരില്‍ ജനിച്ച മസൂദ് അസ്ഹര്‍ മുപ്പതു വയസിനു മുമ്പ് ഇന്ത്യയെ ചുട്ടുചാമ്പലാക്കുമെന്ന വീരവാദമുയര്‍ത്തിയാണ് ഭീകരവാദിയായത്. മനസിലെ സ്വപ്‌നം പൂവണിയിക്കാനായി 1994 ജനുവരിയില്‍ പോര്‍ച്ചുഗീസ് പാസ്‌പോര്‍ട്ടിന്റെ മറവില്‍ ഇന്ത്യയില്‍ കാലുകുത്തുകയും ചെയ്തു. എന്നാല്‍ ഭീകരവാദ പ്രവര്‍ത്തനങ്ങളുടെ പേരില്‍ ഫെബ്രുവരിയില്‍തന്നെ മസൂദ് അസ്ഹര്‍ കശ്മീരില്‍ സൈന്യത്തിന്റെ പിടിയിലായി. കശ്മീര്‍ കേന്ദ്രമായി പ്രവര്‍ത്തിക്കുന്ന ഹര്‍ക്കത്തുല്‍ മുജാഹിദീന്‍ എന്ന നിരോധിത സംഘടനയുടെ പ്രവര്‍ത്തകനായിരുന്ന മസൂദ്, കശ്മീരില്‍ ഭീകര പ്രവര്‍ത്തനം നടത്തുന്നതിന് ആഗോള പദ്ധതിയാണ് തയാറാക്കിയത്. ബ്രിട്ടന്‍, ഗള്‍ഫ്, ആഫ്രിക്കന്‍ രാജ്യങ്ങളില്‍ സന്ദര്‍ശനം നടത്തി മസൂദ് അസ്ഹര്‍ ഇവിടങ്ങളില്‍നിന്ന് ഫണ്ട് ശേഖരിക്കുകയും ചെയ്തിരുന്നു. ബ്രിട്ടനില്‍ നിന്ന് തുടക്കത്തില്‍ 15 ലക്ഷത്തോളം പാകിസ്താന്‍ രൂപ സമാഹരിച്ചെങ്കിലും സഊദി അറേബ്യ ഉള്‍പ്പെടെയുള്ള ഗള്‍ഫ് രാജ്യങ്ങളില്‍ നിന്ന് കാര്യമായ സാമ്പത്തിക സഹായം ലഭിച്ചില്ല എന്നതാണ് പരമാര്‍ത്ഥം. 1992 ഒക്ടോബറിലാണ് ബ്രിട്ടനിലെത്തിയത്. പിന്നീട് ആഗോളതലത്തില്‍ തലയെടുപ്പുള്ള ഭീകരവാദിയായി പരിണമിക്കുന്നതാണ് മസൂദിന്റെ ജീവചരിത്രം. 2000ല്‍ ജെയ്‌ഷെ മുഹമ്മദ് എന്ന ഭീകര സംഘടനക്ക് രൂപം നല്‍കി ഇന്ത്യക്കെതിരെയുള്ള പോരാട്ടത്തിന് മൂര്‍ച്ച കൂട്ടുകയും ചെയ്തു. പിന്നീട് ഓരോ വര്‍ഷം കഴിയുംതോറും ജെയ്‌ഷെ മുഹമ്മദ് ഇന്ത്യക്ക് ഭീഷണി വിതച്ചുകൊണ്ടിരിക്കുകയായിരുന്നു. മസൂദ് അസ്ഹര്‍ എന്ന ഭീകരനും അദ്ദേഹത്തിന്റെ സംഘടനകളും ഇന്ത്യന്‍ സുരക്ഷാസേനകള്‍ക്ക് നിരന്തരം തലവേദനയുണ്ടാക്കുന്നത് വാര്‍ത്തകളില്‍ നിറയുന്ന കാലമാണ് തൊണ്ണൂറുകള്‍. അവിടം മുതല്‍ ഇവിടം വരെയുള്ള കാലഘട്ടങ്ങളില്‍ ഇത് ശക്തമായതല്ലാതെ തെല്ലും വീര്യം കുറഞ്ഞിട്ടില്ലെന്നു പുല്‍വാമ ഭീകരാക്രമണം തെളിയിക്കുന്നുണ്ട്.
2001ലാണ് ജെയ്‌ഷെ മുഹമ്മദ് ഇന്ത്യയില്‍ ആദ്യത്തെ ഭീകരാക്രമണം നടത്തുന്നത്. അതേ വര്‍ഷം രണ്ടു ഭീകരാക്രമണങ്ങള്‍ക്കാണ് രാജ്യം സാക്ഷ്യം വഹിച്ചത്. രണ്ടു ചോരപ്പുഴകളും ചെന്നു ചേരുന്നത് മസൂദ് അസ്ഹറിന്റെ മടിത്തട്ടിലേക്കു തന്നെയായിരുന്നു. ഒക്ടോബറില്‍ കശ്മീര്‍ നിയമസഭക്കു നേരെയും ഡിസംബറില്‍ ഇന്ത്യന്‍ പാര്‍ലമെന്റിനു നേരെയും നടത്തിയ ആക്രമണങ്ങള്‍ ചരിത്രത്തിനു മറക്കാനാവില്ല. പിന്നീട് 2002ല്‍ അമേരിക്കന്‍ മാധ്യമ പ്രവര്‍ത്തകനായ ഡാനിയല്‍ പേളിനെ അസ്ഹറിന്റെ അനുയായികള്‍ തട്ടിക്കൊണ്ടുപോയി അമേരിക്കയുടെ നോട്ടപ്പുള്ളിയാവുകയും അതോടെ ലോകത്തിന്റെ മുമ്പില്‍ വില്ലാളി വീരനായ ഭീകവാദിയായി മുദ്രചാര്‍ത്തപ്പെടുകയും ചെയ്തു. 2008ല്‍ മുംബൈ ഭീകരാക്രമണത്തിലൂടെയും 2016ലെ പത്താന്‍കോട്ട് ആക്രമണത്തിലൂടെയും ഇന്ത്യയെ വിറപ്പിക്കാന്‍ അസ്ഹറിനു കഴിഞ്ഞു എന്നത് അദ്ദേഹത്തിന്റെ വളര്‍ച്ചയും പാകിസ്താന്റെ പിന്തുണയും വ്യക്തമാക്കുന്നതാണ്. എന്നാല്‍ മസൂദിനെതിരെ ഒരു ചെറുവിരലനക്കാന്‍ പോലും പാകിസ്താന്‍ കൂട്ടാക്കിയില്ല എന്നതാണ് ഖേദകരമായ വസ്തുത. ഇക്കാരണത്താല്‍ തന്നെ പല സമയങ്ങളിലും പാകിസ്താനോട് ഇന്ത്യക്ക് പ്രകോപനമായി പെരുമാറേണ്ടിവരികയും ചെയ്തിട്ടുണ്ട്. ഇന്ത്യ-പാക് ബന്ധം വഷളാക്കുന്നതിലെ മുഖ്യ സൂത്രധാരനാണ് മസൂദ് അസ്ഹര്‍ എന്ന് പറയുന്നതില്‍ തെല്ലും അതിശയോക്തിയില്ലെന്നര്‍ത്ഥം. അസ്ഹറിനെതിരെ ആഗോള തലത്തില്‍ നടപടിയെടുക്കണമെന്ന ആവശ്യവുമായി ഇന്ത്യ നിരന്തരം മുന്നോട്ടുവരാനുള്ള പ്രധാന കാരണങ്ങളിലൊന്നും ഇതുതന്നെയാണ്. പാകിസ്താനൊപ്പം ചൈനയും ചേര്‍ന്ന് പാലും തേനും നല്‍കിയതാണ് ഇന്ത്യക്കെതിരെ ഉഗ്രരൂപം പൂണ്ട് ഉറഞ്ഞുതുള്ളാന്‍ ധൈര്യമായത് എന്നത് ഇതോടൊപ്പം ചേര്‍ത്തു വായിക്കേണ്ടതാണ്. യു.എന്നില്‍ ഇതുസംബന്ധമായി ചൂടേറിയ ചര്‍ച്ച നടക്കുമ്പോഴെല്ലാം പാകിസ്താനൊപ്പംചേര്‍ന്ന് എതിര്‍വാദങ്ങളുന്നയിക്കുകയായിരുന്നു ഇത്രയും കാലം ചൈന. നാലു തവണയാണ് മസൂദ് അസ്ഹറിനെതിരായ നീക്കങ്ങളെ ചൈന എതിര്‍ത്തത്. എന്നാല്‍ ഇന്ത്യയുടെയും അമേരിക്ക, ബ്രിട്ടന്‍, ഫ്രാന്‍സ് എന്നീ രാജ്യങ്ങളുടെയും ശക്തമായ സമ്മര്‍ദങ്ങള്‍ ചൈനയെ നിലപാട് മാറ്റാന്‍ നിര്‍ബന്ധിതമാക്കിയിരിക്കുകയാണ്.
യു.എന്‍ രക്ഷാസമിതിയുടെ അല്‍ഖാഇദ ഉപരോധ സമിതിയാണ് മസൂദിനെ ആഗോള ഭീകരനായി പ്രഖ്യാപിച്ചത്. ഇതോടെ മസൂദിന്റെ സ്വത്ത് മരവിപ്പിക്കുകയും വിദേശ യാത്രകള്‍ വിലക്കുകയും ചെയ്യുകയാണ്. മസൂദിന്റെ ആയുധക്കടത്തിനും യു.എന്‍ വിലക്കുവച്ചിരിക്കുകയാണ്. 2017 നവംബര്‍ 27ന് പാകിസ്താനിലെ ഒകാറ ജില്ലയില്‍ ചേര്‍ന്ന ജെയ്‌ഷെയുടെ സമ്മേളനത്തില്‍ ഇന്ത്യ-പാക് ബന്ധം മെച്ചപ്പെട്ടാലും ഇന്ത്യക്കെതിരായ വിശുദ്ധ യുദ്ധം തുടരുമെന്നായിരുന്നു ജെയ്‌ഷെ മുഹമ്മദിന്റെ പ്രതിജ്ഞ. ഇന്ത്യ-പാകിസ്താന്‍ സൗഹൃദമോ ഉഭയകക്ഷി വ്യാപാരമോ ‘ജിഹാദി’ന് അന്ത്യം കുറിക്കില്ല എന്നതായിരുന്നു ജെയ്‌ഷെ മുഹമ്മദിന്റെ പ്രഖ്യാപനം. നൂറുകണക്കിന് യുവാക്കള്‍ ഇതനായി ജീവത്യാഗം ചെയ്യാന്‍ കാത്തിരിക്കുകയാണെന്നും മസൂദ് അസ്ഹര്‍ വീമ്പു പറഞ്ഞിരുന്നു. പിന്നീട് 2018 ഫെബ്രുവരിയില്‍ ജെയ്‌ഷെയുടെ യോഗത്തിനു ശേഷം ജമ്മുകശ്മീരിലെ സുഞ്ജുവന്‍ സേനാതാവളത്തില്‍ ചാവേറാക്രമണം നടത്തിയ ജെയ്‌ഷെ അഞ്ചു ഉദ്യോഗസ്ഥരെ വധിച്ച് മുന്നറിയിപ്പ് നല്‍കുകയും ചെയ്തിരുന്നു. അതിനുശേഷമാണ് പുല്‍വാമയിലെ ഭീകരവാദത്തിന് പദ്ധതിയിട്ടത്. പുല്‍വാമയില്‍ 40 സൈനികര്‍ കൊല്ലപ്പെട്ട ഭീകരാക്രമണത്തിന്റെ ഉത്തരവാദിത്തം ജെയ്‌ഷെ മുഹമ്മദ് ഏറ്റെടുത്തിരുന്നു. ഇന്ത്യയോടൊപ്പം ലോകരാഷ്ട്രങ്ങള്‍ നെഞ്ചുറപ്പോടെ നിലയുറപ്പിച്ചാല്‍ പാകിസ്താന്റെയും പാകിസ്താന്‍ സ്‌പോണ്‍സര്‍ ചെയ്യുന്ന ആഗോള ഭീകരവാദത്തെയും തുടച്ചുനീക്കാനാവും. ഇതിനായുള്ള പുതുപുലരിക്ക് പ്രതീക്ഷ പകരുന്നതാണ് മസൂദ് അസ്ഹറിനെ ആഗോള ഭീകരനാക്കിയുള്ള ഐക്യരാഷ്ട്ര രക്ഷാസമിതിയുടെ പ്രഖ്യാപനം.

Video Stories

ലൈംഗികാതിക്രമക്കേസ്; മുകേഷ് എംഎല്‍എക്കെതിരെ കുറ്റപത്രം സമര്‍പ്പിച്ചു

നടന്‍ ഇടവേള ബാബുവിനും എതിരെയും കുറ്റപത്രം സമര്‍പ്പിച്ചിട്ടുണ്ട്.

Published

6 mins ago

December 23, 2024

webdesk18

തിരുവനന്തപുരം: ലൈംഗികാതിക്രമക്കേസില്‍ മുകേഷ് എംഎല്‍എക്കും നടന്‍ ഇടവേള ബാബുവിനും എതിരെ കുറ്റപത്രം സമര്‍പ്പിച്ചു. തൃശ്ശൂര്‍ വടക്കാഞ്ചേരി പൊലീസ് സ്റ്റേഷനില്‍ രജിസ്റ്റര്‍ ചെയ്തിട്ടുള്ള ലൈംഗികാതിക്രമ കേസിലാണ് മുകേഷിനെതിരെ കുറ്റപത്രം സമര്‍പ്പിച്ചത്. ജി പൂങ്കുഴലിയുടെ നേതൃത്വത്തിലുള്ള പ്രത്യേക അന്വേഷണ സംഘമാണ് കുറ്റപത്രം സമര്‍പ്പിച്ചത്. എറണാകുളം നോര്‍ത്ത് പൊലീസ് സ്റ്റേഷനില്‍ രജിസ്റ്റര്‍ ചെയ്ത കേസിലാണ് ഇടവേള ബാബുവനെതിരെ കുറ്റപത്രം സമര്‍പ്പിച്ചത്.

മുപ്പത് സാക്ഷികളാണ് മുകേഷിനെതിരെ സമര്‍പ്പിച്ച കുറ്റപത്രത്തില്‍ ഉള്ളത്. ഹേമ കമ്മിറ്റി റിപ്പോര്‍ട്ട് പുറത്തുവന്നതിന് പിന്നാലെയാണ് മുകേഷിനെതിരെ നടി ലൈംഗികാരോപണം ഉന്നയിച്ചത്. ആലുവ സ്വദേശിയായ യുവതിയുടെ പരാതിയില്‍ എറണാകുളം മരട് പൊലീസ് സ്റ്റേഷനിലും മുകേഷിനെതിരെ കേസ് നിലനില്‍ക്കുന്നുണ്ട്. ‘അമ്മ’യില്‍ അംഗത്വം വാഗ്ദാനം ചെയ്ത് പീഡിപ്പിച്ചുവെന്നാണ് ഇടവേള ബാബുവിനെതിരായ പരാതി. ഇടവേള ബാബുവിനെതിരെ കോഴിക്കോട് നടക്കാവ് പൊലീസ് കേസെടുത്തിരുന്നു.

Video Stories

ലൈസന്‍സ് ലഭിക്കാന്‍ ‘ഇമ്മിണി വിയര്‍ക്കും’, പുതിയ ഡ്രൈവര്‍മാര്‍ക്ക് രണ്ടുവര്‍ഷത്തെ പ്രൊബേഷന്‍ കാലയളവ് ഏര്‍പ്പെടുത്താന്‍ എംവിഡി

ഒന്നിലധികം തവണ ഗതാഗത കുറ്റകൃത്യങ്ങളില്‍ പിടിക്കപ്പെട്ടാല്‍ ഡ്രൈവിങ് ലൈസന്‍സ് റദ്ദ് ചെയ്യും. പിന്നീട് ആദ്യം മുതല്‍ ലേണേഴ്സ് മുതല്‍ ലൈസന്‍സ് ലഭിക്കാന്‍ മുഴുവന്‍ പ്രക്രിയയും നടത്തേണ്ടി വരും

Published

2 hours ago

December 23, 2024

webdesk18

കൊച്ചി: അടുത്ത വര്‍ഷം മുതല്‍ ഡ്രൈവിങ് ലൈസസന്‍സ് ലഭിക്കാന്‍ കൂടുതല്‍ നിയന്ത്രണങ്ങള്‍. റോഡപകടങ്ങള്‍ കുറയ്ക്കാന്‍ മോട്ടോര്‍ വാഹന വകുപ്പ് പുതിയ ഡ്രൈവര്‍മാര്‍ക്ക് രണ്ടുവര്‍ഷത്തെ പ്രൊബേഷന്‍ കാലയളവ് ഏര്‍പ്പെടുത്തും. ഒന്നിലധികം തവണ ഗതാഗത കുറ്റകൃത്യങ്ങളില്‍ പിടിക്കപ്പെട്ടാല്‍ ഡ്രൈവിങ് ലൈസന്‍സ് റദ്ദ് ചെയ്യും. പിന്നീട് ആദ്യം മുതല്‍ ലേണേഴ്സ് മുതല്‍ ലൈസന്‍സ് ലഭിക്കാന്‍ മുഴുവന്‍ പ്രക്രിയയും നടത്തേണ്ടി വരും.

സംസ്ഥാനത്തെ റോഡ് അപകടങ്ങളില്‍ 70 ശതമാനവും ലൈസന്‍സ് ലഭിച്ചതിന്റെ ആദ്യമൂന്ന് വര്‍ഷങ്ങളിലാണ് സംഭവിക്കുന്നതെന്നു പഠനത്തില്‍ കണ്ടെത്തിയിരുന്നു. ഇതിന്റെ അടിസ്ഥാനത്തിലാണ് മോട്ടോര്‍ വാഹനവകുപ്പിന്റെ പുതിയ നടപടി.

ഒന്നിലധികം തവണ ഗതാഗത കുറ്റകൃത്യങ്ങളില്‍ പിടിക്കപ്പെട്ടാല്‍ പിഴ ചുമത്തുന്നതിന് പുറമേ നെഗറ്റീവ് പോയിന്റുകള്‍ ലഭിക്കും. പുതിയ ലൈസന്‍സ് ഉടമകളെ പോയിന്റ് അടിസ്ഥാനമാക്കിയുള്ള സംവിധാനത്തിലൂടെ വിലയിരുത്തുമെന്നും അദ്ദേഹം പറഞ്ഞു. സിഗ്നല്‍ മറികടക്കുകയോ സീറ്റ് ബെല്‍റ്റ് ധരിക്കാതിരിക്കുകയോ പോലുള്ള ഗതാഗത കുറ്റകൃത്യത്തിന് പിടിക്കപ്പെട്ടാല്‍, പുതിയ ലൈസന്‍സ് ഉടമയ്ക്ക് രണ്ട് നെഗറ്റീവ് പോയിന്റുകള്‍ നല്‍കും. ആറ് തവണ നെഗറ്റീവ് പോയിന്റ് ലഭിച്ചാല്‍ അവരുടെ ലൈസന്‍സ് റദ്ദാക്കും. തുടര്‍ന്ന് ലേണേഴ്‌സ് ലൈസന്‍സില്‍ തുടങ്ങി മുഴുവന്‍ പ്രക്രിയയും അവര്‍ വീണ്ടും നടത്തേണ്ടിവരുമെന്നും അദ്ദേഹം പറഞ്ഞു.

കുറ്റകൃത്യത്തിന്റെ ഗൗരവം അനുസരിച്ച് നല്‍കുന്ന നെഗറ്റീവ് പോയിന്റുകള്‍ വര്‍ധിക്കും. ലേണേഴ്‌സ് ലൈസന്‍സിന്റെ കാര്യത്തില്‍, പുതിയ ലൈസന്‍സുള്ളവര്‍ പ്രൊബേഷന്‍ കാലയളവിന്റെ ഒന്നും രണ്ടും വര്‍ഷങ്ങളില്‍ അവരുടെ വാഹനങ്ങള്‍ക്ക് പ്രൊബേഷന്‍ ഒന്നാം വര്‍ഷമെന്നും പ്രൊബേഷന്‍ രണ്ടാം വര്‍ഷമെന്നും കാലയളവ് ഏര്‍പ്പെടുത്തും.

അപകടങ്ങളോ ഗതാഗത നിയമലംഘനങ്ങളോ ഇല്ലാതെ ഒരു വര്‍ഷം പൂര്‍ത്തിയാക്കിയാല്‍ പുതിയ ലൈസന്‍സ് ലഭിച്ചവര്‍ക്ക് ആറ് പോയിന്റുകള്‍ ലഭിക്കും, ’12 പോയിന്റുകള്‍ കൂടി നേടിയാല്‍ അവര്‍ക്ക് ഡ്രൈവിംഗ് ലൈസന്‍സ് ലഭിക്കും. അടുത്ത മൂന്ന് മാസത്തിനുള്ളില്‍ ഈ നിയമം അവതരിപ്പിക്കുമെന്നും അദ്ദേഹം പറഞ്ഞു.

kerala

വര്‍ഗീയ രാഘവാ, ഇത് കേരളമാണ്…

വയനാട്ടില്‍ പറഞ്ഞത് ഇന്നലെ എഫ്ബി പോസ്റ്റിലുടെ അദ്ദേഹം ആവര്‍ത്തിച്ചിരിക്കുന്നു.

Published

6 hours ago

December 23, 2024

webdesk13

വയനാട്ടിലെ രാഹുല്‍ ഗാന്ധിയുടെയും പ്രിയങ്കാ ഗാന്ധിയുടെയും ചരിത്ര വിജയങ്ങള്‍ വര്‍ഗീയവാദികളുടെ പിന്തുണയോടെയാണെന്ന സി.പി.എം പോളിറ്റ്ബ്യൂറോ അംഗം എ. വിജയരാഘവന്റെ വിടുവായിത്തം സംസ്ഥാനത്ത് സി.പി.എം ആളിക്കത്തിക്കാന്‍ ശ്രമിച്ചുകൊണ്ടിരിക്കുന്ന വര്‍ ഗീയ ധ്രുവീകരണത്തിന്റെ ഒടുവിലത്തെ സൂചനയാണ്. വയനാട്ടില്‍ പറഞ്ഞത് ഇന്നലെ എഫ്ബി പോസ്റ്റിലുടെ അദ്ദേഹം ആവര്‍ത്തിച്ചിരിക്കുന്നു.

പാര്‍ട്ടിയുടെയും മുന്നണിയുടെയും ഉന്നതപദവികളില്‍ വിരാചിക്കുന്ന ആളാണെങ്കിലും തന്റെ നാവിന് ഒരു കടിഞ്ഞാണുമില്ലെന്ന് ഇത്തരം പ്രസ്താവനകള്‍ക്കൊണ്ട് വിജയരാഘവന്‍ പല തവണ തെ ളിയിച്ചിട്ടുണ്ട്. ഈ വികട സരസ്വതി പൊതു സമൂഹത്തില്‍ പാര്‍ട്ടിക്കുണ്ടാക്കിയത് കടുത്ത അപകീര്‍ത്തിയാണെങ്കില്‍, തിരഞ്ഞെടുപ്പ് മുഖങ്ങളില്‍ അത് താങ്ങാനാകാത്ത ആഘാ തങ്ങളായിരുന്നു. തിരുവനന്തപുരം വഞ്ചിയൂരില്‍ നടുറോഡില്‍വെച്ച് ഏരിയാ സമ്മേളനം നടത്തിയതിനെ ന്യായീകരിച്ച് സൃഷ്ടിച്ച അവമതിപ്പ് അതിലൊന്ന് മാത്രമാണ്. എന്നാല്‍ വയനാട്ടില്‍ പാര്‍ട്ടി ജില്ലാ സമ്മേളനത്തിന്റെ പ്രതിനിധി സമ്മേളനം ഉദ്ഘാടനം ചെയ്ത് രാഹുല്‍ ഗാന്ധിക്കും പ്രിയങ്കാ ഗാന്ധിക്കുമെതിരെ അദ്ദേഹം നടത്തിയിട്ടുള്ള പ്രസ്താവന ഈ വിടുവായത്തങ്ങളില്‍ ഉള്‍പ്പെടുത്താന്‍ നിലവിലെ രാഷ്ട്രീയ സാഹചര്യങ്ങള്‍ സമ്മതിക്കുന്നില്ല എന്നതാണ് വാസ്തവം. ഇന്ത്യയുടെ രാഷ്ട്രീയ ഭൂപടത്തില്‍ സി.പി.എമ്മിനും കേരളത്തില്‍ ബി.ജെ.പിക്കും നിലനില്‍പിനായി രൂപപ്പെടുത്തിയെടുത്ത സി.ജെ.പി എന്ന രാഷ്ട്രീയ ഗൂഢാലോചനയില്‍ വാര്‍ത്തെടുക്കപ്പെടുന്ന ഗൂഢതന്ത്രങ്ങളുടെ പരിണിതഫലമായാണ് ഇതിനെ കാണേണ്ടത്. തദ്ദേശ, നിയമസഭാ തിരഞ്ഞെടുപ്പുകള്‍ വിളിപ്പാടകലെയെത്തിനില്‍ക്കുമ്പോള്‍ കേരളത്തിലെ ഭരണകക്ഷിയായ ഇടതുപക്ഷവും സി.പി.എമ്മും അനുഭവിക്കുന്നത് കനത്ത രാഷ്ട്രീയ ശൂന്യതയാണ്.

വിവിധ തലങ്ങളിലേക്ക് നടന്നിട്ടുള്ള ഉപതിരഞ്ഞെടുപ്പുകള്‍ ഈ യാഥാര്‍ത്ഥ്യം അവരെ ബോ ധ്യപ്പെടുത്തിയിട്ടുണ്ട്. സംസ്ഥാന ഭരണം അഴിമതിയിലും സ്വജനപക്ഷപാദത്തിലും പിടിപ്പുകേടിലും മുങ്ങിത്താഴുമ്പോള്‍ ചെപ്പടി വിദ്യകള്‍കൊണ്ട് രക്ഷപ്പെടാമെന്നതായിരുന്നു സി.പി.എമ്മിന്റെ നാളിതുവരെയുള്ള ധാരണ. കോ വിഡാനന്തരമുണ്ടായ സാമൂഹ്യ സാഹചര്യങ്ങള്‍ തുടര്‍ഭരണം സമ്മാനിച്ചപ്പോള്‍ അത് എന്തും ചെയ്യാനുള്ള അനുമതിയായിക്കണ്ട പാര്‍ട്ടി, അധികാരത്തിന്റെ ആലസ്യത്തില്‍ നിന്നുണരുമ്പോഴേക്കും തിരിച്ചുവരനാകാത്ത വിധം ജന ങ്ങളില്‍ നിന്ന് ഒറ്റപ്പെട്ടുപോയിരുന്നു. അതിന്റെ പ്രതിഫലനമാണ് ലോക്‌സഭാ തിരഞ്ഞെടുപ്പില്‍ സംസ്ഥാനത്ത് ദൃശ്യ മായത്. തങ്ങളുടെ ട്രപ്പീസുകളി ജനം തിരിച്ചറിഞ്ഞതോടെ ഇന്ത്യയില്‍ അവശേഷിക്കുന്ന ഏക കനല്‍തരി അണഞ്ഞു പോകാതിരിക്കാന്‍ കടുത്ത ധ്രുവീകരണത്തിന്റെ രാഷ്ട്രീയത്തിലേക്ക് അവര്‍ തിരിഞ്ഞിരിക്കുകയാണ്. അത്യന്തം അപകടകരമായ ഈ നീക്കത്തിന് ബി.ജെ.പിയെ തന്നെ ഒപ്പം ചേര്‍ത്തുനിര്‍ത്തിയതിന്റെ ഭാഗമാണ് മതേതരപക്ഷത്തിനും അതിന്റെ നായകര്‍ക്കുമെതിരെയുള്ള ഈ കടന്നാക മണം. പാര്‍ലെമന്റിന്റെ ശീതകാല സമ്മേളനത്തിലുണ്ടായ പ്രക്ഷുബ്ധമായ സാഹചര്യങ്ങള്‍ ഇന്ത്യാ സഖ്യത്തിന്‌ന വേന്മേഷം നല്‍കിയിരിക്കുകയാണ്. സഖ്യത്തിന്റെ നേതൃത്വവുമായി ബന്ധപ്പെട്ടുണ്ടായ അസ്വാരസ്യം ബി.ജെ.പിക്കെതിരായ ഒറ്റക്കെട്ടായ പോരാട്ടത്തിലൂടെ അവസാനിക്കു മ്പോള്‍ സി.പി.എമ്മിന്റെ പുതിയ നീക്കങ്ങള്‍ ബി.ജെ.പിക്ക് പ്രതീക്ഷ നല്‍കിയിരിക്കുന്നു എന്ന് പറയാതിരിക്കാനാവില്ല. വിജയരാഘവന്‍ വസ്തുതകളുടെ ഒരു പിന്‍ബലവുമില്ലാതെ നടത്തിയ അതീവ ഗുരുതരമായ പ്രസ്താവന ഗോദി മീഡിയകള്‍ ഏറ്റെടുത്തത് ഈ ഗൂഢാലോചനയുടെ തെളിവാണ്. കേരളപ്പിറവിക്ക് ശേഷമുള്ള ഏറ്റവും വലിയ ഭൂരിപക്ഷങ്ങളാണ് രാഹുലിനും പ്രിയങ്കക്കും വയനാട് സമ്മാനിച്ചിരിക്കുന്നത്. ആ ഹിമാലയന്‍ ഭൂരിപക്ഷങ്ങള്‍ക്ക് വര്‍ഗീയതയുടെ നിറംപകരുന്നതിലൂടെ ഒരു ജനതയെ ഒന്നാകെയാണ് വിജയരാഘവന്‍ അവഹേളിച്ചിരിക്കുന്നത്.

സി.പി.എം ഒരുക്കിയ ചൂണ്ടയില്‍ കൊത്താത്തതിന്റെ പേരില്‍ മുസ്ലിം ന്യൂനപക്ഷത്തോടും മുസ്‌ലിം ലീഗിനോടും അടങ്ങാത്ത വിരോധമാണ് ഇപ്പോള്‍ അവര്‍ വെച്ചുപുലര്‍ത്തുന്നത്. സമുദായത്തിന്റെ പൊതുവായ വികാരത്തിന് തുരങ്കംവെക്കാനു ള്ള വഴിവിട്ട പലനീക്കങ്ങളും നടത്തി നോക്കിയെങ്കിലും എല്ലാ നീര്‍ക്കുമിളകളായി ഒടുങ്ങുകയായിരുന്നു. ലീഗിനെ പ്രശംസയുടെ കൊടുമുടിയില്‍ നിര്‍ത്തിയ അതേ നാക്കുകൊണ്ട് ഇപ്പോള്‍ തീവ്രവാദത്തിന്റെ മുദ്രകുത്താന്‍ ശ്രമിക്കുമ്പോള്‍ ആ പാര്‍ട്ടിക്ക് സ്വയം വിഡ്ഢിവേഷം കെട്ടേണ്ടിവരികയാണ്. ഏതായാലും കോണ്‍ഗ്രസ് മുക്തകേരളത്തിനും ഭാരതത്തിനുമുള്ള ഈ ഒക്കച്ചങ്ങാത്തം വെച്ചുപൊറുപ്പിക്കില്ലെന്ന് കേരളം നിരന്തരം ബോധ്യപ്പെടുത്തിക്കൊണ്ടിരിക്കു കയാണ്. വര്‍ഗീയത വിളമ്പുന്ന വര്‍ഗീയ വിജയരാഘവാ, ഇത് കേരളമാണ്….