crime
പോസ്റ്റൽ മാർഗം ലഹരിക്കടത്ത്; കൊച്ചിയില് ഏഴുപേര് അറസ്റ്റില്
ജര്മനിയില് നിന്നും ലഹരി എത്തിച്ചുവെന്നാണ് കണ്ടെത്തല്

കൊച്ചി: ജര്മ്മനിയില് നിന്ന് പോസ്റ്റല് മാര്ഗം ലഹരിക്കടത്തിയ ഏഴുപേര് കൊച്ചിയില് പിടിയില്. എന്സിബിയുടെ കൊച്ചി യൂണിറ്റ് ആണ് പിടികൂടിയത്. ഇവരില് നിന്ന് 326 എല് എസ് ഡി സ്റ്റാമ്പും 8 ഗ്രാം ഹാഷിഷ് ഓയിലും പിടികൂടി. ശരത് പാറക്കല്, ഷാരോണ്, അബിന് ബാബു, അമ്പാടി കെ.പി, ഷാജി, അക്ഷയ് എന്നിവരാണ് അറസ്റ്റിലായത്.
ജര്മനിയില് നിന്നും ലഹരി എത്തിച്ചുവെന്നാണ് കണ്ടെത്തല്. വിവിധ സാധനങ്ങളില് ഒളിപ്പിച്ചും അല്ലാതെയുമാണ് ലഹരിക്കടത്ത് വ്യാപകമാകുന്നത്. അന്യസംസ്ഥാനങ്ങളില് നിന്ന് മാരകമയക്കുമരുന്നുകള് എത്തുന്നുണ്ട്. ഇവരെ റിമാന്ഡ് ചെയ്തിട്ടുണ്ട്. രഹസ്യവിവരത്തിന്റെ അടിസ്ഥാനത്തില് ഏഴുദിവസം നീണ്ടുനിന്ന അന്വേഷണത്തിലൊടുവിലാണ് പ്രതികളെ പിടികൂടിയത്.
crime
ഡിജെ പാര്ട്ടിക്കിടെ ഗുണ്ടാ സംഘത്തിന്റെ ആക്രമം; കൊച്ചിയില് ബാര് ജീവനക്കാരെ മര്ദിച്ചു

കൊച്ചി കടവന്ത്രയില് ബാറില് ഡിജെ പാര്ട്ടിക്കിടെ സംഘര്ഷം. ഗുണ്ടാ സംഘത്തിലെ അംഗങ്ങള് യുവതിയോട് അപമര്യാദയായി പെരുമാറിയത് ചോദ്യം ചെയ്ത ബാര് ജീവനക്കാരെ ഗുണ്ടാസംഘം മര്ദിച്ചു. തീവ്രവാദ കേസില് ജയിലില് കഴിയുന്ന കളമശ്ശേരി ഫിറോസിന്റെ സംഘത്തില്പ്പെട്ടവരാണ് ആക്രമണം കാണിച്ചത്.
ലഹരി കേസില് മുന്പ് പിടിയിലായ കളമശ്ശേരി സ്വദേശികളായ സുനീര് നഹാസ് എന്നിവരാണ് അക്രമണത്തിന് നേതൃത്വം നല്കിയത്. സംഭവ ശേഷം സ്ഥലത്തുനിന്ന് പ്രതികള് രക്ഷപ്പെട്ടിട്ടും മരട് പോലീസ് നടപടിയിടുത്തില്ല. ബാര് ജീവനക്കാര് എറണാകുളം ജനറല് ആശുപത്രിയില് ചികിത്സ തേടി.
crime
അമ്മയോട് കൂടുതല് അടുപ്പം കാണിച്ചതിന് എട്ട് വയസുകാരിയെ ക്രൂരമായി മര്ദിച്ചു; പിതാവ് കസ്റ്റഡിയില്
സംഭവത്തില് ബാലാവകാശ കമ്മീഷനും കേസെടുത്തിട്ടുണ്ട്

കണ്ണൂര്: എട്ടുവയസുകാരിയെ അതിക്രൂരമായി മര്ദിക്കുന്നതായുള്ള ദൃശ്യം സോഷ്യല് മീഡിയയില് ഉള്പ്പെടെ പ്രചരിച്ച സംഭവത്തില് പിതാവ് കസ്റ്റഡിയില്. കണ്ണൂര് ചെറുപുഴ പ്രാപ്പൊയിലില് താമസിക്കുന്ന ജോസ് എന്ന മാമച്ചനെയാണ് പൊലിസ് കസ്റ്റഡിയിലെടുത്തത്. ജോസിനെതിരെ നടപടിയെടുക്കാന് ജില്ലാ പൊലീസ് മേധാവി അനൂജ് പലിവാള് ഐപിഎസ് ചെറുപുഴ പൊലീസിന് നിര്ദേശം നല്കിയതിന് പിന്നാലെയാണ് നടപടി. അടിയന്തരമായി കേസെടുക്കുമെന്ന് കണ്ണൂര് റൂറല് പൊലീസ് കമ്മീഷണര് മാധ്യമങ്ങളോട് പറഞ്ഞു.
സംഭവത്തില് ബാലാവകാശ കമ്മീഷനും കേസെടുത്തിട്ടുണ്ട്. ബാലാവകാശ കമ്മീഷന് ചെയര്പേഴ്സണ് കെ വി മനോജ് പൊലീസില് നിന്നും റിപ്പോര്ട്ട് തേടിയിട്ടുണ്ട്. കുട്ടിയുടെ വീട്ടിലേക്ക് അടിയന്തരമായി എത്താന് ചൈല്ഡ് ലൈന് പ്രവര്ത്തകരോട് ബാലാവകാശ കമ്മീഷന് നിര്ദേശം നല്കി. മകളെ പിതാവ് ക്രൂരമായി മര്ദിക്കുകയും അരിവാളിന് വെട്ടാനോങ്ങുകയും ചെയ്യുന്ന വീഡിയോ ശ്രദ്ധയില്പ്പെട്ടിട്ടും കേസെടുക്കാതിരുന്ന ചെറുപുഴ പൊലീസ് നടപടിക്കെതിരെ വിമര്ശനം ഉയര്ന്നിരുന്നു.
കാസര്കോട് ചിറ്റാരിക്കല് സ്വദേശിയാണ് ജോസ്. കണ്ണൂര് ജില്ലയിലെ മലയോര പ്രദേശമായ ചെറുപുഴയില് വാടക വീടെടുത്ത് താമസിച്ചുവരികയായിരുന്നു. അതേസമയം മാറിത്താമസിക്കുന്ന അമ്മയെ തിരികെ കൊണ്ടുവരാനുള്ള പ്രാങ്ക് വീഡിയോ ആണെന്നാണ് പിതാവിന്റെ വിശദീകരണം. ഇത് വിശ്വസിച്ചായിരുന്നു പൊലീസ് കേസെടുക്കല് നടപടി വൈകിച്ചത്. അകന്നു കഴിയുന്ന ഭാര്യയെ തിരിച്ചുവരാനാണ് കുട്ടികളെ ഉള്പ്പെടുത്തി വീഡിയോ ചെയ്തതെന്നാണ് വിശദീകരണം. എന്നാല് ഇക്കാര്യം പുര്ണമായി വിശ്വസിക്കാന് പൊലീസ് ഉള്പ്പെടെ തയ്യാറായിട്ടില്ല.
എന്നാല് ഇതൊരു പ്രാങ്ക് വീഡിയോ അല്ലെന്ന് വിലയിരുത്തലിലാണ് പൊലീസ് നടപടി. വീഡിയോ പ്രാങ്കാണെങ്കിലും അല്ലെങ്കിലും കര്ശന നടപടി ഉണ്ടാകുമെന്ന് ഡിവൈഎസ്പി ഉള്പ്പെടെ വ്യക്തമാക്കുന്നു. തല്ലരുതെന്ന് കുഞ്ഞ് ആവര്ത്തിച്ച് ആവശ്യപ്പെടുന്നത് വീഡിയോയില് കേള്ക്കാം. പ്രതിയുടെ വിശദമായി ചോദ്യം ചെയ്തതിന് ശേഷം അറസ്റ്റ് രേഖപ്പെടുത്തുമെന്ന് പൊലിസ് അറിയിച്ചു.
crime
മദ്യലഹരിയില് സുഹൃത്ത് യുവാവിനെ കുത്തി കൊലപ്പെടുത്തി; രണ്ടുപേര് അറസ്റ്റില്

പത്തനംതിട്ട: പത്തനംതിട്ട വടശ്ശേരിക്കര പേങ്ങാട്ട് കടവിലെ യുവാവിന്റെ മരണം കൊലപാതകമെന്ന് പൊലീസ്. കൊല്ലപ്പെട്ട ജോബിയുടെ ബന്ധു റെജി, റെജിയുടെ സുഹൃത്ത് വിശാഖ് എന്നിവരെ പൊലീസ് അറസ്റ്റ് ചെയ്തു. മദ്യലഹരിയില് തുടര്ന്ന തര്ക്കം കൊലപാതകത്തില് അവസാനിക്കുകയായിര്ന്നു.
കയ്യില് കത്തിയുമായി റെജിയുടെ വീട്ടില് എത്തിയ വിശാഖ് ജോബിയുടെ കൈത്തണ്ടയില് കുത്തുകയായിരുന്നു. ആക്രമണത്തിന് ശേഷം കത്തി കഴുകി വൃത്തിയാക്കിതിന് ശേഷം സുഹൃത്തിനെ തിരികെ ഏല്പ്പിക്കുകയായിരുന്നു. ഇന്നലെയായിരുന്നു ജോബിയുടെ മൃതദേഹം വടശ്ശേരിക്കരയിലെ വീട്ടില് പരിക്കുകളോടെ കണ്ടെത്തിയത്.
-
kerala1 day ago
കൊച്ചി കപ്പലപകടം: ഷിപ്പിങ് കമ്പനിയുമായുള്ള ചര്ച്ചയ്ക്ക് വിദഗ്ത സമിതിയെ നിയോഗിച്ച് സര്ക്കാര്
-
kerala3 days ago
സി.കെ.സി.ടി.ക്ക് പുതിയ ഭാരവാഹികള്
-
GULF1 day ago
ഇന്ന് നാട്ടിൽ വരാനിരുന്ന പ്രവാസി അബുദാബിയിൽ മരണപ്പെട്ടു
-
GULF3 days ago
ജീവിത നിലവാരത്തിലും സുരക്ഷയിലും സന്തോഷത്തിലും അബുദാബി മുമ്പില്
-
Cricket2 days ago
കിങ്സിനെ തകര്ത്തു; ഐപിഎല് ഫൈനലില് ആര്സിബി
-
Video Stories3 days ago
രാജ്യത്തെ പിടിച്ചുലച്ച പഹല്ഗാം ആക്രമണത്തിന് ഒരു മാസം; ഭീകരകയ്ക്കെതിരായ ഇന്ത്യയുടെ വിട്ട്വീഴ്ച്ചയില്ലാ പോരാട്ടം തുടരുന്നു
-
india3 days ago
ഊട്ടി-ഗൂഡല്ലൂര് പാതയില് ഗതാഗത നിയന്ത്രണം; ബസുകള്ക്കും പ്രാദേശിക വാഹനങ്ങള്ക്കും മാത്രം അനുമതി
-
kerala2 days ago
കുമളിയില് ലോറിക്ക് മുകളില് മരം വീണു; യുവാവിന് ദാരുണാന്ത്യം