ബുള്‍ഡോസര്‍ രാജില്‍ യുപി സര്‍ക്കാരിന് സുപ്രിംകോടതിയുടെ രൂക്ഷവിമര്‍ശനം. നിയമനടപടികള്‍ പാലിക്കാതെ എങ്ങനെ ഒരാളുടെ വീട് തകര്‍ക്കുക എന്ന് കോടതി ചോദിച്ചു. നഷ്ടപരിഹാരമായി 25 ലക്ഷം രൂപ നല്‍കാനും സുപ്രിംകോടതി ആവശ്യപ്പെട്ടു.

അനധികൃത നിര്‍മാണമെന്ന് ആരോപിച്ച് റോഡ് വികസനത്തിന്റെ പേരില്‍ വീടുകള്‍ പൊളിച്ച നടപടിക്കെതിരായ ഹരജിയിലാണ് സുപ്രിംകോടതിയുടെ വിമര്‍ശനം. ഒരു മാസത്തിനകം ഉത്തരവ് നടപ്പാക്കാനും കോടതി ആവശ്യപ്പെട്ടു.

നോട്ടീസ് നല്‍കാതെ ഒരാളുടെ വീട്ടില്‍ പ്രവേശിക്കാനും നിയമനടപടികള്‍ പാലിക്കാതെ അത് പൊളിച്ചുകളയാനും എന്ത് അധികാരമാണുള്ളതെന്ന് ചീഫ് ജസ്റ്റിസ് ഡി.വൈ ചന്ദ്രചൂഢ് അടങ്ങുന്ന ബെഞ്ച് ചോദിച്ചു. കുറ്റക്കാരായവര്‍ക്കെതിരെ ക്രിമിനല്‍ നിയമനടപടികള്‍ സ്വീകരിക്കണമെന്നും കോടതി പറഞ്ഞു.

മുന്നറിയിപ്പ് നല്‍കാതെ ഹൈവേ കയ്യേറിയെന്നാരോപിച്ച്് വീട് പൊളിച്ചെന്ന് ഹരജിക്കാരന്‍ പറഞ്ഞിരുന്നു. റോഡ് നിര്‍മാണത്തിലെ ക്രമക്കേടുകള്‍ മാധ്യമങ്ങളെ അറിയിച്ചതിന്റെ പേരില്‍ തന്റെ വീട് പൊളിച്ചുവെന്ന് ഹരജിക്കാരന്‍ ആരോപിച്ചിരുന്നു.

ഹരജി പരിഗണിക്കുന്നത് നീട്ടിവെക്കണമെന്ന യുപി സര്‍ക്കാര്‍ ആവസ്യപ്പെട്ടിരുന്നു. എന്നാല്‍ ആവശ്യം കോടതി പരിഗണിച്ചില്ല. എല്ലാ രേഖകളും ഇതിനകം സമര്‍പ്പിച്ചതിനാല്‍ കേസ് മാറ്റിവെക്കേണ്ട സാഹചര്യമില്ലെന്ന് കോടതി വ്യക്തമാക്കി.

മതബോധനം നടത്തുമ്പോള്‍ തന്നെ മദ്രസകളുടെ അടിസ്ഥാന ലക്ഷ്യം വിദ്യാഭ്യാസമാണെന്ന് നിരീക്ഷിച്ച്, ഉത്തര്‍ പ്രദേശിലെ മദ്രസാ വിദ്യാഭ്യാസ ബോര്‍ഡ് നിയമം സുപ്രീം കോടതി ശരിവെക്കുമ്പോള്‍ രാജ്യത്തെ മദ്രസാ സംവിധാനങ്ങളുടെ പ്രസക്തിക്ക് അടിവരയിട്ടിരിക്കുകയാണ് പരമോന്നത നീതിപീഠം. 2004ലെ മദ്രസാ വിദ്യാഭ്യാസ ബോര്‍ഡ് നിയമം ഭരണഘടനാ വിരുദ്ധമെന്ന് പ്രഖ്യാപിച്ച് റദ്ദാക്കിയ അലഹാബാദ് ഹൈക്കോടതി വിധി റദ്ദാക്കിക്കൊണ്ടാണ് ചിഫ് ജെസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ചിന്റെ ചരിത്രപരമായ വിധി വിദ്യാഭ്യാസ നിലവാരം നിയന്ത്രിക്കുകയും പരീക്ഷ നടത്തുകയും സര്‍ട്ടിഫിക്കറ്റുകള്‍ നല്‍കുകയും ചെയ്യുന്ന നിയന്ത്രണ സ്വഭാവം യു.പിയിലെ മദ്രസാ നിയമത്തിനുണ്ടെന്നും ഈ സംവിധാനം ന്യൂനപക്ഷ താല്‍പര്യങ്ങള്‍ സംരക്ഷിക്കുന്നുണ്ടെന്നുമുള്ള സുപ്രീം കോടതി വിധി കീഴ്ക്കോടതിക്ക് മാത്രമല്ല, മദ്രസാ സംവിധാനങ്ങള്‍ക്കെതിരായ നിരന്തര നിക്കങ്ങള്‍ക്ക് നേതൃത്വം നല്‍കിക്കൊണ്ടിരിക്കുന്ന തല്‍പരകക്ഷികള്‍ക്കുകൂടിയുള്ള കനത്ത പ്രഹരമാണ്.

യു.പി മദ്രസാ വിദ്യാഭ്യാസ ബോര്‍ഡിന്റെ നിയമങ്ങള്‍ ഭരണഘടനാ വിരുദ്ധമാണെന്നും മൗലികാവകാശങ്ങളുടെ ലംഘനമാണെന്നും ചൂണ്ടിക്കാട്ടി എ സ്. റാത്തോഡ് എന്നയാള്‍ നല്‍കിയ ഹര്‍ജിയിലായിരുന്നു അലഹബാദ് ഹൈക്കോടതി ലക്നൗ ബെഞ്ചിന്റെ അസാധാരണമായ വിധി. മദ്രസകള്‍ മതനിരപേക്ഷതക്ക് എതിരാണെന്ന് വിധിച്ചകോടതി മദ്രസാ വിദ്യാര്‍ത്ഥികളെ ഔപചാരിക സ്‌കൂള്‍ സംവിധാനത്തിലേക്ക് ചേര്‍ക്കാനും ഉത്തരവിട്ടിരുന്നു. വിഷയം കോടതിയുടെ പരിഗണനയിലിരിക്കെ എരി തീയില്‍ എണ്ണ എന്ന കണക്കെ മദ്രസകളെ നിയന്ത്രിക്കാനും സര്‍ക്കാര്‍ സഹായം അവസാനിപ്പിക്കാനും ആവശ്യപ്പെട്ട് വിവിധ സംസ്ഥാനങ്ങള്‍ക്ക് കേന്ദ്ര ബാലാവകാശ കമ്മിഷന്‍ കത്തയക്കുകയും ചെയ്തിരുന്നു. കോടതിയുടെ ശക്തമായ വിമര്‍ശനത്തെത്തുടര്‍ന്ന് കമ്മിഷനും തിരുമാനം മരവിപ്പിക്കേണ്ടി വന്നിരുന്നു. മദ്രസകളുടെ കാര്യത്തില്‍ മാത്രം എന്താണ് കമ്മിഷന് അമിത ഉത്സാഹമെന്നും മറ്റുമത പഠന സ്ഥാപനങ്ങളുടെ കാര്യത്തിലും സമാന നടപടി സ്വീകരിച്ചിട്ടുണ്ടോ എന്നുമായിരുന്നു അന്ന് കോടതി ചോദിച്ചത്.

പരമോന്നത നീതിപീഠത്തിന്റെ വിധിപ്രസ്താവം അലഹബാദ് ഹൈക്കോടതിക്കുമാത്രമല്ല കാലാകാലങ്ങളായി മദ്രസകളെ ഉന്നംവെച്ചുകൊണ്ടിരിക്കുന്ന സംഘപരിവാര്‍ ശക്തികള്‍ക്കുകൂടിയുള്ള മുന്നറിയിപ്പാണ്. വിദ്യാര്‍ത്ഥികളുടെ ഭാവിയോ വിദ്യാഭ്യാസ രീതിയോ ഒന്നുമല്ല, മദ്രസാ വിദ്യാഭ്യാസത്തോടുള്ള അടങ്ങാത്ത വിദ്വേഷം മാത്രമാണ് ഇത്തരം നിക്കങ്ങളുടെയെല്ലാം പിന്നിലെന്നത് പകല്‍പോലെ തെളിഞ്ഞ യാഥാര്‍ത്ഥ്യങ്ങളാണ്. ബാലാവകാശ കമ്മിഷന്റെയും മറ്റു അധികാരകേന്ദ്രങ്ങളുടെയും നീക്കങ്ങള്‍ സദുദ്ദേശപരമാണെങ്കില്‍ മദ്രസകള്‍ക്ക് ഭൗതികമായും അക്കാദമികപരമായും കൂടുതല്‍ സൗകര്യങ്ങള്‍ ലഭ്യമാക്കാനുള്ള സാഹചര്യങ്ങള്‍ ഒരുക്കുകയാണ് ഇവര്‍ ചെയ്യേണ്ടത്. കാരണം വിദ്യാഭ്യാസം അവകാശ നിയമം നിലവിലുള്ള ഒരു രാജ്യത്ത് ലക്ഷക്കണക്കായ വിദ്യാര്‍ത്ഥികള്‍ പള്ളിക്കുടങ്ങളുടെ പടി പോലും കാണാതെ തെരുവിലൂടെ അലയുമ്പോള്‍ അവരില്‍ പലര്‍ക്കും മതവിദ്യയോടൊപ്പം സ്‌കൂള്‍ വിദ്യാഭ്യാസം നല്‍കി സര്‍ക്കാറിന്റെ ഭരണഘടനമായ ഉത്തരവാദിത്ത നിര്‍വഹണത്തിന് സഹായം നല്‍കിക്കൊണ്ടിരിക്കുകയാണ് ഇത്തരം സ്ഥാപനങ്ങള്‍, ആ യാഥാര്‍ത്ഥ്യത്തെ ഉള്‍ക്കൊള്ളുന്നതിന് പകരം കൃത്യമായ ഇടവേളകളില്‍ രാഷ്ട്രിയമായും നിയമപരമായുമുള്ള നീക്കങ്ങളിലൂടെ മദ്രസകള്‍ക്കെതിരെ ഉറഞ്ഞുതുള്ളുകയാണ് ഇക്കൂട്ടര്‍ ചെയ്തുകൊണ്ടരിക്കുന്നത്.

സംഘ്പരിവാരത്തിന്റെ വര്‍ഗീയ ധ്രുവീകരണ ശ്രമങ്ങളെ ചെറുത്തുതോല്‍പ്പിക്കാന്‍ മദ്രസാ സംവിധാനങ്ങള്‍ക്ക് കഴിയും എന്നതുമാത്രമാണ് ഈ വിദ്വേഷ പ്രചരണത്തിന്റെ ലക്ഷ്യം. സ്‌നേഹത്തിന്റെയും സ ഹിഷ്ണുതയുടെയും സമഭാവനയുടെയുമെല്ലാം നന്മനിറഞ്ഞ പാഠങ്ങള്‍ ചെറുപ്രായത്തില്‍തന്നെ സായത്തമാക്കപ്പെടുന്നു എന്നതോടൊപ്പം സ്‌കൂള്‍ വിദ്യാഭ്യാസം നേടാനായി ഇതര സമുദായത്തിലെ കുട്ടികള്‍ മദ്രസയിലെത്തുന്നതിലൂടെ ഒരുമയുടെയും ഉള്‍ക്കൊള്ളലിന്റെയും സംസ്‌കാരങ്ങള്‍ അവര്‍ക്കിടയില്‍ കൈമാറ്റംചെയ്യപ്പെടുന്നു എന്നതും സംഘപരിവാരത്തെ ആശങ്കയുടെ മുള്‍മുനയില്‍ നിര്‍ത്തുകയാണ്. വെറുപ്പിന്റെയും വിദ്വേഷത്തിന്റെയും ഇടങ്ങളില്‍ മാത്രമേ തങ്ങള്‍ക്ക് നിലനില്‍പുള്ളൂ എന്ന വ്യക്തമായ ബോധ്യമുള്ള അവര്‍ അത്തരത്തിലുള്ള സാമൂഹ്യ സാഹചര്യങ്ങള്‍ സൃഷ്ടിക്കപ്പെടുന്നതിന് മദ്രസകളെ ഇല്ലായ്മചെയ്യേണ്ടത് പ്രഖ്യാപിത നിലപാടായി സ്വീകരിച്ചിരിക്കുകയാണ്. ലക്ഷക്കണക്കായ മദ്രസകള്‍ പ്രവര്‍ത്തിക്കുന്ന രാജ്യത്ത് ഏതെങ്കിലുമൊരു മദ്രസയില്‍ എന്തെങ്കിലുമൊരു അനിഷ്ട സംഭവമുണ്ടായാല്‍ അതിനെ സാമാന്യവല്‍ക്കരിക്കാനും അതിന്റെ പേരില്‍ മദ്രസകള്‍ അടച്ചുപൂട്ടണമെന്ന് പ്രസ്താവനയിറക്കാനും അത്യാവേശം കാണിക്കുന്നത് ഇതിന്റെ ഭാഗമാണ്. ഈ ഗൂഢാലോചനയെ തിരിച്ചറിയുകയും പൊ ളിച്ചടുക്കുകയും ചെയ്തു എന്ന നിലയില്‍ ചിഫ് ജസ്റ്റിസ് തന്നെ അധ്യക്ഷനായ ബെഞ്ച് പുറപ്പെടുവിപ്പിച്ച വിധി ചരിത്രപരമാണെന്ന് നിസംശയം പറയാനാകും.

സൂറത്തിലെ വജ്ര തൊഴിലാളികളുടെ പ്രശ്‌നത്തിൽ പരിഹാരം കാണാൻ സർക്കാരിനോട് ആവശ്യപ്പെട്ട് കോൺഗ്രസ്. സൂറത്തിൽ കഴിഞ്ഞ 18 മാസത്തിനുള്ളിൽ 71 വജ്ര തൊഴിലാളികൾ ആത്മഹത്യ ചെയ്ത പ്രശ്നം കോൺഗ്രസ് സർക്കാരിന് മുന്നിൽ എടുത്തുപറയുകയും വിപണിയിലെ ചാഞ്ചാട്ടത്തിൽ നിന്ന് അവരെ സംരക്ഷിക്കാൻ സാമ്പത്തിക സഹായം നൽകണമെന്ന് സർക്കാരിനോട് അഭ്യർത്ഥിക്കുകയും ചെയ്തു.

തൊഴിൽ നഷ്ടവും ഫാക്ടറി അടച്ചുപൂട്ടലും സൂറത്തിലെ വജ്രത്തൊഴിലാളികളെ ആത്മഹത്യയിലേക്ക് തള്ളിവിടുന്നുവെന്നും അതിൻ്റെ ഫലമായി 18 മാസത്തിനിടെ 71 ആത്മഹത്യകൾ ഉണ്ടായെന്നും കോൺഗ്രസ് ജനറൽ സെക്രട്ടറി ജയറാം രമേശ് ഒരു മാധ്യമ റിപ്പോർട്ട് ഉദ്ധരിച്ച് എക്സ് പോസ്റ്റിൽ പറഞ്ഞു.

‘കഴിഞ്ഞ 18 മാസത്തിനുള്ളിൽ, കുറഞ്ഞത് 71 വജ്ര തൊഴിലാളികൾ സൂറത്തിൽ ജീവനൊടുക്കി. ലോകത്തിലെ ഏറ്റവും വലിയ വജ്രവ്യാപാര കേന്ദ്രങ്ങളിലൊന്നായ സൂറത്തിന് ഒരു നീണ്ട ചരിത്രമുണ്ട്. അത് നശിക്കാതിരിക്കാൻ സർക്കാർ ശ്രദ്ധ ചെലുത്തണം.

ഈ വജ്രത്തൊഴിലാളികൾ സ്ഥിരവും രജിസ്റ്റർ ചെയ്തതുമായ ജീവനക്കാരല്ല, അതിനാൽ അവരെക്കുറിച്ചുള്ള വിവരങ്ങളോ അവരുടെ ക്ഷേമത്തിനായി പ്രത്യേക പദ്ധതികളോ സർക്കാരിന് ഇല്ല. ഈ തൊഴിലാളികളെ ഉടൻ തന്നെ രജിസ്റ്റർ ചെയ്യുകയും അവർക്കായി സാമ്പത്തിക സഹായങ്ങൾ നൽകുകയും വേണം,’ ജയറാം രമേശ് പറഞ്ഞു.

സൂറത്തിൽ കഴിഞ്ഞ 18 മാസത്തിനിടെ 71 വജ്ര തൊഴിലാളികൾ ആത്മഹത്യ ചെയ്തുവെന്ന് ഡയമണ്ട് വർക്കേഴ്സ് യൂണിയൻ ഗുജറാത്ത് (DWUG) അറിയിച്ചു. ഇതിൽ 45 കേസുകൾ കഴിഞ്ഞ ഒരു വർഷത്തിനിടെ റിപ്പോർട്ട് ചെയ്യപ്പെട്ടതും 31 എണ്ണം കഴിഞ്ഞ ആറ് മാസത്തിനിടെ റിപ്പോർട്ട് ചെയ്യപ്പെട്ടതുമാണ്. സാമ്പത്തിക അസ്ഥിരതയും തൊഴിലില്ലായ്മയുമാണ് സൂറത്തിലെ ആത്മഹത്യകളുടെ പ്രധാന കാരണങ്ങൾ.

‘ഈ ആത്മഹത്യകൾ വർധിച്ചപ്പോൾ തൊഴിലാളികൾക്കും അവരുടെ കുടുംബങ്ങൾക്കും സാമ്പത്തിക സഹായം നൽകണമെന്ന് ആവശ്യപ്പെട്ട് ഞങ്ങൾ ഗുജറാത്ത് തൊഴിൽ മന്ത്രിക്ക് കത്തയച്ചു. എന്നാൽ സർക്കാർ അനങ്ങിയില്ല,’ ഡയമണ്ട് വർക്കേഴ്സ് യൂണിയൻ ഗുജറാത്ത് വൈസ് പ്രസിഡൻ്റ് ഭവേഷ് ടാങ്ക് പറഞ്ഞു.

ഡയമണ്ട് വർക്കേഴ്സ് യൂണിയൻ ഗുജറാത്ത് പറയുന്നതനുസരിച്ച്, സൂറത്തിൽ എട്ട് മുതൽ പത്ത് ലക്ഷം വരെ വജ്ര തൊഴിലാളികളും ഗുജറാത്തിൽ മൊത്തത്തിൽ 25 ലക്ഷത്തോളം തൊഴിലാളികളുമുണ്ട്. ഈ തൊഴിലാളികളിൽ ഭൂരിഭാഗവും ശമ്പളപ്പട്ടികയിൽ സ്ഥിരമോ രജിസ്റ്റർ ചെയ്തതോ ആയ ജീവനക്കാരല്ല.