kerala
ചക്രവാതച്ചുഴി: കേരളത്തില് അതിശക്തമായ മഴയ്ക്ക് സാധ്യത
. നാളെ (ഡിസംബര് 17) കേരളത്തില് അതിശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.

തെക്കു പടിഞ്ഞാറന് ബംഗാള് ഉള്ക്കടലില് തെക്കന് ശ്രീലങ്കന് തീരത്തോട് ചേര്ന്ന് നിലനില്ക്കുന്ന ചക്രവാത ചുഴിയുടെ സ്വാധീനത്താല് കേരളത്തില് ഇന്ന് (ഡിസംബര് 16) മുതല് ഡിസംബര് 18 വരെ നേരിയതോ മിതമായതോ ആയ മഴക്കും ഒറ്റപ്പെട്ട ഇടങ്ങളില് ശക്തമായ മഴക്കും സാധ്യത. നാളെ (ഡിസംബര് 17) കേരളത്തില് അതിശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
മത്സ്യത്തൊഴിലാളി ജാഗ്രത നിര്ദ്ദേശം
കേരള-ലക്ഷദ്വീപ് തീരങ്ങളില് മത്സ്യബന്ധനത്തിന് പോകാന് പാടില്ലെന്നും കര്ണാടക തീരത്ത് മത്സ്യബന്ധനത്തിന് തടസ്സമില്ലെന്നും കേന്ദ്ര കാലാവസ്ഥ വകുപ്പ് അറിയിച്ചു.
ഇന്ന് (ഡിസംബര് 16) മുതല് ഡിസംബര് 19 വരെ തെക്കന് കേരള തീരത്തും നാളെ മുതല് ഡിസംബര് 19 വരെ ലക്ഷദ്വീപ് പ്രദേശത്തും മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
പ്രത്യേക ജാഗ്രത നിര്ദ്ദേശം
ഇന്ന് മുതല് ഡിസംബര് 19 വരെ ശ്രീലങ്കന് തീരത്തോട് ചേര്ന്നുള്ള തെക്ക് പടിഞ്ഞാറന് ബംഗാള് ഉള്ക്കടല്, തമിഴ്നാട് തീരം, ഗള്ഫ് ഓഫ് മന്നാര്, കന്യാകുമാരി തീരം അതിനോട് ചേര്ന്നുള്ള തെക്കന് കേരള തീരം എന്നിവിടങ്ങളിലും ഡിസംബര് 18,19 തീയതികളില് ലക്ഷദ്വീപ് തീരം അതിനോട് ചേര്ന്നുള്ള മാലിദ്വീപ് പ്രദേശം, തെക്കു കിഴക്കന് അറബിക്കടല് എന്നിവിടങ്ങളിലും മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത. മേല്പറഞ്ഞ തീയതികളിലും പ്രദേശങ്ങളിലും മത്സ്യബന്ധനത്തിന് പോകാന് പാടുള്ളതല്ലെന്നും അറിയിപ്പില് പറയുന്നു.
kerala
ഗര്ഭിണിയായ ഭാര്യക്ക് മുന്പില് ആത്മഹത്യ ഭീഷണി മുഴക്കുന്നതിനിടെ കഴുത്തില് കയര് കുടുങ്ങി യുവാവ് മരിച്ചു
കയറി നിന്ന സ്റ്റൂള് ഒടിഞ്ഞുവീണ് കയര് മുറുകുകയായിരുന്നു.

ഗര്ഭിണിയായ ഭാര്യക്ക് മുന്പില് ആത്മഹത്യ ഭീഷണി മുഴക്കുന്നതിനിടെ കഴുത്തില് കയര് കുടുങ്ങി യുവാവ് മരിച്ചു. കണ്ണൂര് തായെതെരു സ്വദേശി സിയാദാണ് മരിച്ചത്. ഭാര്യയുമായി ഉണ്ടായ തര്ക്കത്തെ തുടര്ന്ന് പേടിപ്പിക്കാന് കഴുത്തില് കയറിടുകയായിരുന്നു. പിന്നാലെ കയറി നിന്ന സ്റ്റൂള് ഒടിഞ്ഞുവീണ് കയര് മുറുകുകയായിരുന്നു. ശബ്ദം കേട്ട് ഓടിയെത്തിയവര് സിയാദിനെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ഓട്ടോ െ്രെഡവറായ സിയാദ് രണ്ട് കുട്ടികളുടെ പിതാവാണ്.
kerala
ഇനി മുതല് കോടതിയിലെ വിവരങ്ങളും പുറത്തുവിടണം; ഉത്തരവിറക്കി വിവരാവകാശ കമ്മീഷന്
കോടതി നടപടികളുടെ രേഖകള് ഒഴികെ മറ്റ് വിവരങ്ങള് പുറത്തുവിടണമെന്നാണ് വിവരാവകാശ കമ്മീഷ്ണര് ഡോ. എ അബ്ദുല് ഹക്കീം ഉത്തരവ് ഇറക്കിയിരിക്കുന്നത്

ഇനി മുതല് കോടതിയിലെ വിവരങ്ങളും പുറത്തുവിടണമെന്ന് ഉത്തരവ് ഇറക്കി വിവരാവകാശ കമ്മീഷണര്. വിവരാവകാശ നിയമപ്രകാരം അപേക്ഷ നല്കിയാല് സംസ്ഥാനത്തെ ചില കോടതികളില് മറുപടി നല്കുന്നില്ല എന്ന കണ്ടെത്തലിന്റെ അടിസ്ഥാനത്തിലാണ് ഇടപെടല്. കോടതി നടപടികളുടെ രേഖകള് ഒഴികെ മറ്റ് വിവരങ്ങള് പുറത്തുവിടണമെന്നാണ് വിവരാവകാശ കമ്മീഷ്ണര് ഡോ. എ അബ്ദുല് ഹക്കീം ഉത്തരവ് ഇറക്കിയിരിക്കുന്നത്.
ആര്ടിഐ നിയമം 12 പ്രകാരം വിവരങ്ങള് നിഷേധിക്കാന് കഴിയില്ലെന്നും വിവരങ്ങള് നിഷേധിക്കുന്നത് ശിക്ഷാര്ഹമെന്നും വിവരാവകാശ കമ്മീഷണര് വ്യക്തമാക്കി.
kerala
സംസ്ഥാനത്ത് മഴ കനക്കും; നാളെ 5 ജില്ലകളില് യെല്ലോ അലര്ട്ട്
തിങ്കളാഴ്ച ഒമ്പത് ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്.

സംസ്ഥാനത്ത് മഴ ശക്തമാകുന്നു. നാളെ അഞ്ച് ജില്ലകളില് യെല്ലോ അലര്ട്ട് പ്രഖ്യാപിച്ചു. മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് യെല്ലോ അലര്ട്ട് പ്രഖ്യാപിച്ചത്. തിങ്കളാഴ്ച ഒമ്പത് ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്. 20ന് കോഴിക്കോട്, വയനാട്, കണ്ണൂര്, കാസര്കോട് എന്നീ ജില്ലകളില് ഓറഞ്ച് അലര്ട്ടും പ്രഖ്യാപിച്ചിരിക്കുകയാണ്.
-
News2 days ago
ട്രംപ് ഭരണകൂടം തടവിലാക്കിയ ഇന്ത്യന് വിദ്യാര്ത്ഥിയെ മോചിപ്പിക്കാന് ജഡ്ജി ഉത്തരവിട്ടു
-
india3 days ago
ഇന്ത്യയുടെ എതിര്പ്പിനു പിന്നാലെ പാകിസ്ഥാന് വീണ്ടും ഐഎംഎഫ് സഹായം
-
india3 days ago
‘ഞങ്ങള് രാഷ്ട്രത്തോടൊപ്പം നില്ക്കുന്നു’: ദേശീയ സുരക്ഷ ചൂണ്ടിക്കാട്ടി തുര്ക്കിയിലെ സര്വകലാശാലയുമായുള്ള കരാര് റദ്ദാക്കി ജെഎന്യു
-
india2 days ago
രാഷ്ട്രപതിയും ഗവര്ണര്മാരും ബില്ലുകള് അംഗീകരിക്കുന്നതിന് സുപ്രീം കോടതിക്ക് സമയപരിധി നിശ്ചയിക്കാന് കഴിയുമോ?: ദ്രൗപതി മുര്മു
-
kerala3 days ago
പാലക്കാട് ബെവ്കോയ്ക്ക് മുന്നിലുണ്ടായ തര്ക്കത്തിനിടെ ഒരാള് കുത്തേറ്റ് മരിച്ചു
-
india3 days ago
മുസ്ലിം ലീഗ് ദേശീയ കൗണ്സില് നാളെ ചെന്നൈയില്
-
india3 days ago
‘സിന്ധു നദീജല കരാര് മരവിപ്പിച്ചത് പുനഃപരിശോധിക്കണം’; ഇന്ത്യക്ക് കത്തയച്ച് പാകിസ്ഥാന് ജലമന്ത്രാലയം
-
kerala3 days ago
യുവഅഭിഭാഷകയെ മര്ദിച്ച സംഭവം; അഡ്വ. ബെയ്ലിന് ദാസിനെ വിലക്കി ബാര് കൗണ്സില്