മുഖ്യമന്ത്രി പിണറായി വിജയന്‍ നയിച്ച നവകേരള യാത്രക്കിടെ യൂത്ത് കോണ്‍ഗ്രസ്-കെഎസ്‌യു നേതാക്കളെ വളഞ്ഞിട്ടു തല്ലിയ മുഖ്യമന്ത്രിയുടെ ഗണ്‍മാന്‍ അനില്‍കുമാറിനെയും സുരക്ഷാജീവനക്കാരന്‍ സന്ദീപിനെയും കുറ്റവിമുക്തരാക്കി ജില്ലാ ക്രൈം ബ്രാഞ്ച് നല്‍കിയ റിപ്പോര്‍ട്ട് കോടതി തള്ളി. അക്രമസംഭവത്തില്‍ തുടരന്വേഷണത്തിന് കോടതി ഉത്തരവിട്ടു.

സംഭവത്തില്‍ തെളിലുണ്ടെന്നും അന്വേഷണം നടത്തണമെന്നും ആലപ്പുഴ ഫസ്റ്റ്ക്ലാസ് മജിസ്‌ട്രേറ്റ് കോടതി പറഞ്ഞു. ഹര്‍ജിക്കാരായ യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി അജയ് ജുവല്‍ കുര്യാക്കോസ്, കെഎസ്‌യു ജില്ലാ പ്രസിഡന്റ് എ ഡി തോമസ് എന്നിവരുടെ അഭിഭാഷകന്റെ വാദം കോടതി നേരത്തെ കേട്ടിരുന്നു.

മുന്‍ ഡിവൈഎഫ്‌ഐ പ്രവര്‍ത്തകരായ മുഖ്യമന്ത്രിയുടെ സുരക്ഷാജീവനക്കാര്‍ രാഷ്ട്രീയവിരോധം തീര്‍ക്കുകയായിരുന്നെന്നും മര്‍ദനത്തെ കൃത്യനിര്‍വഹണത്തിന്റെ ഭാഗമായി കാണരുതെന്നും ഹര്‍ജിക്കാരുടെ അഭിഭാഷകന്‍ കോടതിയില്‍ വാദിച്ചിരുന്നു. മര്‍ദ്ദന ദൃശ്യങ്ങളും കോടതിക്ക് കൈമാറിയിരുന്നു.

കഴിഞ്ഞ ഡിസംബര്‍ 15നാണ് അജയ് ജുവല്‍ കുര്യാക്കോസിനെയും എ ഡി തോമസിനെയും സുരക്ഷാജീവനക്കാര്‍ വളഞ്ഞിട്ടുതല്ലിയത്. ആലപ്പുഴ ജനറല്‍ ആശുപത്രിക്ക് സമീപത്ത് വെച്ചായിരുന്നു മര്‍ദ്ദനം.

കണ്ണൂര്‍ എ.ഡി.എം. കെ. നവീന്‍ബാബുവിന്റെ മരണവുമായി ബന്ധപ്പെട്ട് റിമാന്‍ഡില്‍ കഴിയുന്ന ജില്ലാ പഞ്ചായത്ത് മുന്‍ പ്രസിഡന്റ് പി.പി ദിവ്യയക്ക് ജാമ്യം ലഭിക്കാന്‍ കാരണം പ്രോസിക്യൂഷന്റെ പരാജയമെന്ന് കോണ്‍ഗ്രസ് നേതാവ് രമേശ് ചെന്നിത്തല.

വ്യക്തമായ തെളിവുകള്‍ ഹാജരാക്കുന്നതില്‍ പ്രോസിക്യൂഷന്‍ പരാജയപ്പെട്ടതാകാം ദിവ്യയുടെ ജാമ്യത്തില്‍ കലാശിച്ചതെന്നും അദ്ദേഹം മാധ്യമങ്ങളോട് പറഞ്ഞു. ജില്ലാ സെഷന്‍സ് ജഡ്ജി കെ.ടി. നിസാര്‍ അഹമ്മദാണ് ജാമ്യം അനുവദിച്ചത്. ജില്ല വിടാന്‍ പാടില്ല, എല്ലാ തിങ്കളാഴ്ചയും അന്വേഷണ ഉദ്യോഗസ്ഥന് മുന്നില്‍ ഹാജരാകണം എന്നീ ഉപാധികളിലാണ് ജാമ്യം.

പാ​ർ​ല​മെ​ന്റ് തെ​ര​ഞ്ഞെ​ടു​പ്പ്​ വേ​ള​യി​ൽ അ​തി​വേ​ഗ ന​ട​പ​ടി​ക്ര​മ​ത്തി​ലൂ​ടെ​യും പാ​ർ​ട്ടി അ​റി​യാ​തെ​യും സി.​പി.​എം നേ​താ​വ് ല​ക്ഷ​ങ്ങ​ൾ മു​ട​ക്കി ശാ​ന്ത​ൻ​പാ​റ വി​ല്ലേ​ജി​ലെ പേ​ത്തൊ​ട്ടി​യി​ൽ 14.87 ഏ​ക്ക​ർ ഭൂ​മി വാ​ങ്ങി​യ​ത്​ വി​വാ​ദ​ത്തി​ൽ. ‘ബോ​ട്ട് ഇ​ൻ ലാ​ൻ​ഡ്’ ആ​യി സ​ർ​ക്കാ​ർ ഏ​റ്റെ​ടു​ത്ത ഭൂ​മി​യാ​ണ് പാ​ർ​ട്ടി ഏ​രി​യ ക​മ്മി​റ്റി​യം​ഗ​മാ​യ നേ​താ​വ് നി​യ​മ​വി​രു​ദ്ധ​മാ​യി സ​ർ​വ മു​ക്ത്യാ​ർ വ​ഴി സ്വ​ന്ത​മാ​ക്കി​യ​ത്.

റ​വ​ന്യു റി​ക്ക​വ​റി​യെ തു​ട​ർ​ന്ന്​ ലേ​ല​ത്തി​നു​വെ​ക്കു​ക​യും എ​ന്നാ​ൽ ലേ​ല​ത്തി​ൽ ആ​രും ഏ​റ്റെ​ടു​ക്കാ​തെ വ​രി​ക​യും ചെ​യ്യു​മ്പോ​ഴാ​ണ്​ ബോ​ട്ട് ഇ​ൻ ലാ​ൻ​ഡാ​യി റ​വ​ന്യു വ​കു​പ്പ് ഭൂ​മി​യേ​റ്റെ​ടു​ക്കു​ന്ന​ത്. ഇ​ങ്ങ​നെ ഏ​റ്റെ​ടു​ക്കു​ന്ന ഭൂ​മി കൈ​മാ​റ്റം ചെ​യ്യു​ന്ന​ത്​ നി​യ​മ​വി​രു​ദ്ധ​മാ​ണ്.

റ​വ​ന്യു റി​ക്ക​വ​റി​ക്കു​ശേ​ഷം നി​ശ്ചി​ത വ​ർ​ഷ​ത്തി​നു​ള്ളി​ൽ അ​തി​നി​ട​യാ​ക്കി​യ വാ​യ്പ​ക്കു​ടി​ശ്ശി​ക​യും പ​ലി​ശ​യും അ​ട​ച്ചു​തീ​ർ​ത്താ​ൽ ഭൂ​മി ഉ​ട​മ​സ്ഥ​ന്​ വി​ട്ടു​ന​ൽ​കാ​നാ​കും. അ​തു​വ​രെ ഭൂ​മി​യു​ടെ ഉ​ട​മ​സ്ഥാ​വ​കാ​ശം റ​വ​ന്യു വ​കു​പ്പി​നും ന​ട​ത്തി​പ്പു​ചു​മ​ത​ല വി​ല്ലേ​ജ് ഓ​ഫി​സ​ർ​ക്കു​മാ​ണ്.

ഇ​ങ്ങ​നെ​യു​ള്ള വ​സ്തു കൃ​ഷി​ക്കോ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ​ക്കോ വേ​ണ്ടി ഉ​പ​യോ​ഗി​ക്കു​ക​യോ കൈ​മാ​റ്റം ചെ​യ്യു​ക​യോ ചെ​യ്താ​ൽ ഭൂ​സം​ര​ക്ഷ​ണ നി​യ​മ​പ്ര​കാ​രം കേ​സെ​ടു​ക്കാ​ൻ വ്യ​വ​സ്ഥ​യു​ണ്ട്. ഈ ​ന​ട​പ​ടി​ക്ര​മ​ങ്ങ​ൾ മ​റി​ക​ട​ന്നാ​ണ്​ ത​മി​ഴ്നാ​ട് തി​രു​ച്ചി​റ​പ്പ​ള്ളി സോ​മ​രാ​സം​പെ​ട്ടൈ സ്വ​ദേ​ശി​യാ​യ 83കാ​ര​നി​ൽ​നി​ന്ന്​ ക​ഴി​ഞ്ഞ ഏ​പ്രി​ൽ എ​ട്ടി​ന് സി.​പി.​എം നേ​താ​വ് മു​ക്ത്യാ​ർ എ​ഴു​തി വാ​ങ്ങി ഭൂ​മി സ്വ​ന്ത​മാ​ക്കി​യ​ത്.

പാ​ർ​ല​മെ​ന്റ് തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നാ​യി സ്വ​ന്തം മു​ന്ന​ണി സ്ഥാ​നാ​ർ​ഥി ഹൈ​റേ​ഞ്ച് മേ​ഖ​ല​യി​ൽ പ​ര്യ​ട​നം ന​ട​ത്തി​യ​തി​ന്റെ ത​ലേ​ന്നാ​ണ് നാ​ട്ടു​കാ​ര​നാ​യ ഏ​രി​യ ക​മ്മി​റ്റി​യം​ഗം തി​ടു​ക്ക​പ്പെ​ട്ട്​ വ​സ്തു ഇ​ട​പാ​ട് ന​ട​ത്തി​യ​ത്. പി​ന്നീ​ട് ഈ ​വ​സ്തു​വു​മാ​യി അ​തി​ർ​ത്തി പ​ങ്കി​ടു​ന്ന മ​റ്റൊ​രാ​ളു​ടെ ഉ​ട​മ​സ്ഥ​ത​യി​ലു​ള്ള ഭൂ​മി​യു​ടെ ഒ​രു ഭാ​ഗം കൈ​വ​ശ​പ്പെ​ടു​ത്താ​ൻ ശ്ര​മി​ച്ച​തു​മാ​യി ബ​ന്ധ​പ്പെ​ട്ട്​ ദേ​വി​കു​ളം മു​ൻ​സി​ഫ് കോ​ട​തി​യി​ൽ ഇ​തേ നേ​താ​വി​നെ​തി​രെ കേ​സു​ണ്ടാ​യി.

നേ​താ​വ് ഭൂ​മി കൈ​യേ​റി​യ സം​ഭ​വ​ത്തി​ൽ, ഈ ​വ​സ്തു പാ​ട്ട​ത്തി​നെ​ടു​ത്ത​യാ​ൾ സി.​പി.​എം ജി​ല്ല നേ​തൃ​ത്വ​ത്തി​നും പ​രാ​തി ന​ൽ​കി​യ സം​ഭ​വ​വും ഉ​ണ്ടാ​യി. ഈ ​പ​രാ​തി ഒ​ത്തു​തീ​ർ​പ്പാ​ക്കാ​ൻ മു​ൻ​കൈ​യെ​ടു​ത്ത സി.​പി.​എം ജി​ല്ല നേ​തൃ​ത്വം, എ​ന്നാ​ൽ തൊ​ട്ടു​മു​മ്പ്​ ഏ​രി​യ ക​മ്മി​റ്റി​യം​ഗം ന​ട​ത്തി​യ അ​ന​ധി​കൃ​ത ഭൂ​മി​യി​ട​പാ​ടി​ൽ ഇ​ട​പെ​ട്ടി​ല്ല. സി.​പി.​എം നേ​താ​വി​ന്​ ഭൂ​മി കൈ​മാ​റി​യ ത​മി​ഴ്നാ​ട് സ്വ​ദേ​ശി 2020ൽ ​ഇ​തേ ഭൂ​മി കോ​ത​മം​ഗ​ലം ക​ട​വൂ​ർ സ്വ​ദേ​ശി​യാ​യ മ​റ്റൊ​രാ​ൾ​ക്ക്​ കൈ​മാ​റി​യ​താ​യി വി​ൽ​പ​ന​ക്ക​രാ​റു​ണ്ടാ​ക്കി ദേ​വി​കു​ളം സ​ബ് റ​ജി​സ്ട്രാ​ർ ഓ​ഫി​സി​ൽ റ​ജി​സ്റ്റ​ർ ചെ​യ്തി​രു​ന്നെ​ന്നും ക​ണ്ടെ​ത്തി​യി​ട്ടു​ണ്ട്.

ഈ ​നേ​താ​വ് താ​മ​സി​ക്കു​ന്ന പ്ര​ദേ​ശ​ത്തി​ന്റെ പ​രി​ധി​യി​ൽ ഉ​ൾ​പ്പെ​ടു​ന്ന ലോ​ക്ക​ൽ സ​മ്മേ​ള​ന​ങ്ങ​ളി​ൽ പ്ര​തി​നി​ധി​ക​ൾ വി​ഷ​യം ഉ​ന്ന​യി​ച്ചെ​ങ്കി​ലും സ​മ്മേ​ള​ന​ത്തി​ൽ പ​ങ്കെ​ടു​ത്ത ജി​ല്ല ക​മ്മി​റ്റി​യം​ഗം ഉ​ൾ​പ്പെ​ടെ നേ​താ​ക്ക​ൾ ഈ ​വി​ഷ​യ​ത്തി​ൽ ച​ർ​ച്ച ഒ​ഴി​വാ​ക്കാ​ൻ ശ്ര​മി​ക്കു​ക​യാ​യി​രു​ന്നു.