Connect with us

kerala

സി.പി.എം ഓഫീസ് നിര്‍മിക്കാന്‍ വയല്‍ നികത്തുന്നു

പാടം നികത്തുന്നതിനെതിരെയും നെല്‍കൃഷി സംരക്ഷിക്കുന്നതിനും വേണ്ടി പ്രക്ഷോഭത്തിനിറങ്ങുമെന്ന് കഴിഞ്ഞദിവസം തൃശൂരില്‍ സമാപിച്ച സി.പി.എം അനുകൂല കര്‍ഷകതൊഴിലാളി സമ്മേളനം മുന്നറിയിപ്പ് നല്‍കിയപ്പോഴാണ് പാര്‍ട്ടിക്കാരുടെ ഈ പരിസ്ഥിതിധ്വംസനം.

Published

on

മലപ്പുറം : കിഴിശേരി അങ്ങാടിക്ക് സമീപം വലിയഓവുപാലം നെല്‍കൃഷി വയല്‍നികത്തി പാര്‍ട്ടിക്ക് മന്ദിരം നിര്‍മ്മിക്കാന്‍ ഇരുട്ടിന്റെ മറവില്‍ ഭൂമാഫിയയുടെ ഒത്താശയോടെ മണ്ണിട്ട് വയല്‍നികത്തുന്നു. മഴക്കാലങ്ങളില്‍ എല്ലാസമയങ്ങളിലും പാടവുംതോടും നിറഞ്ഞ് റോഡിലൂടെ പരന്ന് ഒഴുകുന്ന മഴവെള്ളം ഈ പ്രദേശത്ത് ദിവസങ്ങളോളം കെട്ടി കിടന്ന് സമീപ വീടുകളിലും കിണറുകളിലും അടിഞ്ഞ് കൂടുന്ന മാലിന്യങ്ങളും റോഡിലൂടെ വെള്ളം നിറഞ്ഞഴുകുന്നത് മൂലം ഉണ്ടാകുന്ന ഗതാഗത പ്രയാസങ്ങളും മറ്റും അനുഭവിക്കുന്ന പ്രദേശമാണ്. ഇതല്ലാം എന്നും അനുഭവിക്കാന്‍ വിധിക്കപ്പെട്ടവരായി പാടശേഖരത്തിന്റെ സമീപത്തായി താമസിക്കുന്നവരും നാട്ടുകാരും .

ഇങ്ങനെയിരിക്കെ വീണ്ടും പാടശേഖരം മണ്ണിട്ട് നികത്തുന്നതോടെ മഴവെള്ള ഭീഷണിയിലാണ് സമീപവീട്ടുകാര്‍. ഭരണ-ഉദ്യോഗസ്വാധീനം കൊണ്ട് പാടശേഖരം മണ്ണിട്ട് നികത്തി പാര്‍ട്ടിഓഫീസ് പണിയാനുള്ള സി.പി.എം നീക്കത്തിനെതിരെ സമീപവാസികളും കര്‍ഷകരും നാട്ടുകാരും ശക്തമായ പ്രതിഷേധത്തിലാണ്. പാടശേഖരം മണ്ണിട്ട് നികത്തി തണ്ണീര്‍തടം തകര്‍ക്കുന്ന നടപടിക്കെതിരെ പഞ്ചായത്ത് മുസ്‌ലിംലീഗും യൂത്ത്‌ലീഗും ശക്തമായ പ്രതിഷേധം ബന്ധപ്പെട്ട റവന്യൂ അധികാരികളെ അറിയിച്ചു.

പാടം നികത്തുന്നതിനെതിരെയും നെല്‍കൃഷി സംരക്ഷിക്കുന്നതിനും വേണ്ടി പ്രക്ഷോഭത്തിനിറങ്ങുമെന്ന് കഴിഞ്ഞദിവസം തൃശൂരില്‍ സമാപിച്ച സി.പി.എം അനുകൂല കര്‍ഷകതൊഴിലാളി സമ്മേളനം മുന്നറിയിപ്പ് നല്‍കിയപ്പോഴാണ് പാര്‍ട്ടിക്കാരുടെ ഈ പരിസ്ഥിതിധ്വംസനം.

 

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

സെക്രട്ടറിയേറ്റിലും ‘പാമ്പ്’; പിടികൂടാന്‍ കഴിഞ്ഞില്ല

സഹകരണവകുപ്പ് അഡിഷണല്‍ സെക്രട്ടറിയുടെ മുറിയിലേക്ക് കയറുന്ന പടിക്കെട്ടിലാണ് പാമ്പിനെ കണ്ടെത്തിയത്

Published

on

തിരുവനന്തപുരം സെക്രട്ടറിയേറ്റിലെ ജലവിഭവ വകുപ്പ് വിഭാഗത്തിലും പാമ്പ്. കെട്ടിടത്തിലെ ഇടനാഴിയില്‍ നിന്നാണ് പാമ്പിനെ കണ്ടത്. പാമ്പിനെ പിടികൂടാന്‍ ശ്രമിച്ചെങ്കിലും കഴിഞ്ഞില്ല. ജലവിഭവ വകുപ്പിലെ ഉദ്യോഗസ്ഥര്‍ ഇടവേള സമയത്ത് പുറത്തിറങ്ങിയപ്പോഴാണ് പടിക്കെട്ടില്‍ പാമ്പിനെ കണ്ടത്.

സഹകരണവകുപ്പ് അഡിഷണല്‍ സെക്രട്ടറിയുടെ മുറിയിലേക്ക് കയറുന്ന പടിക്കെട്ടിലാണ് പാമ്പിനെ കണ്ടെത്തിയത്. തുടര്‍ന്ന് ഹൗസ് കീപ്പിംഗ് വിഭാഗം വനംവകുപ്പിനെ വിവരമറിയിച്ചു. ആളുകൂടിയതോടെ പാമ്പ് പടിക്കെട്ടില്‍ നിന്നും താഴേക്കിറങ്ങി കാര്‍ഡ്‌ബോര്‍ഡ് പെട്ടികള്‍ക്കിടയിലേക്ക് നീങ്ങിയതായി ഉദ്യോഗസ്ഥര്‍ പറയുന്നു. നിലവില്‍ വനംവകുപ്പ് ഉദ്യോഗസ്ഥര്‍ സ്ഥലത്തെത്തി പാമ്പിനെ കണ്ടെത്താനുള്ള പരിശോധന നടത്തുകയാണ്.

 

Continue Reading

kerala

സ്ലാബ് ദേഹത്ത് വീണ് അതിഥി തൊഴിലാളി മരിച്ചു

വീട് പൊളിച്ചു മാറ്റുന്നതിനിടയില്‍ കോണ്‍ക്രീറ്റ് സ്ലാബ് ദേഹത്തേക്ക് വീഴുകയായിരുന്നു

Published

on

കോഴിക്കോട്: സ്ലാബ് ദേഹത്ത് വീണ് അതിഥി തൊഴിലാളിക്ക് ദാരുണാന്ത്യം. കോഴിക്കോട് കൊടുവള്ളി തറോലിലാണ് സംഭവം. വീട് പൊളിച്ചു മാറ്റുന്നതിനിടയില്‍ കോണ്‍ക്രീറ്റ് സ്ലാബ് ദേഹത്തേക്ക് വീഴുകയായിരുന്നു. ഉച്ചക്ക് 12 മണിയോടെയായിരുന്നു അപകടം.
പശ്ചിമ ബംഗാള്‍ സ്വദേശി അബ്ദുല്‍ ബാസിറാണ് മരിച്ചത്.

Continue Reading

kerala

കെ.എസ്.ആര്‍.ടി.സി ബസും ബൈക്കും കൂട്ടിയിടിച്ച് യുവാവ് മരിച്ചു

ചെങ്ങന്നൂര്‍ വെണ്‍മണി പാലവിള കിഴക്കതില്‍ വിജയന്റെ മകന്‍ അര്‍ജുന്‍ വിജയന്‍ (21) ആണ് മരിച്ചത്

Published

on

: എം.സി റോഡില്‍ കെ.എസ്.ആര്‍.ടി.സി ബസും ബൈക്കും കൂട്ടിയിടിച്ച് യുവാവ് മരിച്ചു. ചെങ്ങന്നൂര്‍ വെണ്‍മണി പാലവിള കിഴക്കതില്‍ വിജയന്റെ മകന്‍ അര്‍ജുന്‍ വിജയന്‍ (21) ആണ് മരിച്ചത്.

എം.സി റോഡിലെ കുരമ്പാല ചിത്രോദയം വായനശാലക്ക് സമീപത്ത് ഇന്ന് ഉച്ചയ്ക്ക് ഒന്നരയോട് കൂടിയാണ് അപകടം. അടൂരില്‍ നിന്ന് വെണ്മണിയിലേക്ക് വരികയായിരുന്ന ബൈക്ക് പന്തളത്തു നിന്ന് തിരുവനന്തപുരത്തേക്ക് പോകുകയായിരുന്ന കെ.എസ്.ആര്‍.ടി.സി സൂപ്പര്‍ഫാസ്റ്റ് ബസുമായി കൂട്ടിയിടിക്കുകയായിരുന്നു. സംഭവ സ്ഥലത്ത് വെച്ച് തന്നെ അര്‍ജുന്‍ വിജയന്‍ മരിച്ചിരുന്നു.

അപകടസമയം കൊട്ടാരക്കരയില്‍ നിന്ന് ചങ്ങനാശ്ശേരിയിലേക്ക് വരികയായിരുന്ന കൊടിക്കുന്നില്‍ സുരേഷ് എം.പി രക്ഷാപ്രവര്‍ത്തനത്തിന് നേതൃത്വം നല്‍കി.

Continue Reading

Trending