ദുബ്ലിന്‍: കോവിഡ് മഹാമാരി കാലത്ത് ജനിച്ച് കുട്ടികള്‍ക്ക് ആശയവിനിമയ ശേഷി കുറവാണെന്ന് പഠന റിപ്പോര്‍ട്ട്. അയര്‍ലാന്റിലെ റോഡയല്‍ കോളജ് ഓഫ് സര്‍ജന്‍സ് ഇന്‍ അയര്‍ലാന്റും ചില്‍ഡ്രന്‍സ് ഹെല്‍ത്ത് അയര്‍ലാന്റും യൂണിവേഴ്‌സിറ്റി കോളജ് കോര്‍ക്കും സംയുക്തമായി നടത്തിയ ഗവേഷണത്തിലാണ് അപൂര്‍വമായ കണ്ടെത്തല്‍.
പകര്‍ച്ചവ്യാധിയുടെ ആദ്യ മൂന്നു മാസങ്ങളില്‍ അയര്‍ലന്റില്‍ ജനിച്ച കുഞ്ഞുങ്ങളെ കേന്ദ്രീകരിച്ചാണ് പഠനം നടത്തിയത്. ഏകാന്തത, ഒറ്റപ്പെടുത്തല്‍, വെല്ലുവിളി തുടങ്ങിയ അവസ്ഥകളിലൂടെ കടന്നുപോയതാണ് കാരണമായി ചൂണ്ടിക്കാട്ടപ്പെടുന്നത്. മാസ്‌ക് ധരിച്ച് സംസാരിക്കുന്നതു മൂലവും കുട്ടികള്‍ക്ക് ആശയവിനിമയ പ്രതിസന്ധിയുണ്ടാക്കിയിട്ടുണ്ടെന്നാണ് പഠനം പറയുന്നത്.