Connect with us

kerala

ജനാഭിമുഖ കുര്‍ബാനയെ ചൊല്ലി എറണാകുളം  സെന്റ് മേരീസ് ബസിലിക്കയില്‍  ബഹളം

ഒരേസമയം രണ്ടുതരം കുര്‍ബാന

Published

on

കൊച്ചി:  ജനാഭിമുഖ കൂര്‍ബാനയെ ചൊല്ലി എറണാകുളം സെന്റ്‌മേരീസ് ബസിലിക്കയില്‍ ബഹളം. കുര്‍ബാന ഏകീകരണവുമായി ബന്ധപ്പെട്ട് തര്‍ക്കം നിലനില്‍ക്കുന്നതിനിടെ ഇന്നലെ ബസലിക്കയില്‍ ഒരേസമയം രണ്ട് തരം കുര്‍ബാന നടന്നു. വൈകിട്ട് ബസലിക്കയില്‍  വിമത വിഭാഗത്തിലെ ഫാ. ജോസ് ചോലിക്കര, ഫാ.സണ്ണി കളപുരക്കല്‍, ഫാ. ജോസഫ് കുരീക്കല്‍ എന്നിവര്‍ കുര്‍ബാന അര്‍പ്പിച്ചു കൊണ്ടിരിക്കുമ്പോള്‍ അവിടെ പൊലിസ് സംരക്ഷണത്തോടെ എത്തിയ പുതിയ അഡ്മിനിസ്‌ട്രേറ്റര്‍ ഫാ. ആന്റണി പുതുവേലില്‍ വിമത വിഭാഗത്തിന് അഭിമുഖമായി നിന്ന് സിനഡ് കുര്‍ബാന അര്‍പ്പിക്കുകയായിരുന്നു. ഇരുകൂട്ടരുടെയും കൂര്‍ബാന നീണ്ടുപോയതോടെ വിശ്വാസികളും ചേരിതിരിഞ്ഞ് പള്ളിക്കുള്ളില്‍ ബഹളമുണ്ടാക്കി. ഇതിനിടെ പള്ളിയിലേക്കുള്ള വൈദ്യുതി വിശ്ചേദിക്കപ്പെട്ടു. അഡ്മിനിസ്‌ട്രേറ്റര്‍ക്ക് ഒപ്പമെത്തിയവരാണ് വൈദ്യുതി വിശ്ചേദിച്ചതെന്ന് വിമത വിഭാഗം ആരോപിച്ചു. തുടര്‍ന്ന് സിനഡ് കൂര്‍ബാന അവസാനിപ്പിച്ച് ഫാ. ആന്റണി പൂതവേലി അള്‍ത്താരയില്‍ നിന്ന് പോയതോടെ ഔദ്യോഗിക വിഭാഗത്തെ അനുകൂലിക്കുന്ന സ്ത്രീകളുടെ സംഘം അള്‍ത്തരയിലേക്ക് പ്രവേശിച്ച് ജനാഭിമുഖ കുര്‍ബാനയര്‍പ്പിച്ചുകൊണ്ടിരുന്ന വൈദികരെ തടയാന്‍ ശ്രമിക്കുകയും, തിരുവോസ്ഥി കൈക്കലാക്കുകയും ചെയതു. ഇതോടെ ഇരൂകുട്ടരും തമ്മില്‍ പരസ്പരം അള്‍ത്താരയ്ക്ക് മുമ്പില്‍ അസഭ്യവര്‍ഷം ചൊരിഞ്ഞു.  അള്‍ത്താരയില്‍ ജനാഭിമുഖ കുര്‍ബാന നടക്കുന്നതിനിടെയായിരുന്നു ഇത്. അസഭ്യവര്‍ഷം സംഘര്‍ഷത്തിലേക്ക് നീങ്ങുമെന്ന അവസ്ഥയെത്തിയതോടെ പൊലിസ് ഇടപെട്ട് വിശ്വാസികളെ അള്‍ത്താരയില്‍നിന്ന് പുറത്താക്കി. ഇന്നലെ ആറ് മണിക്ക് തുടങ്ങിയ വിശുദ്ധ കുര്‍ബാനക്ക് ശേഷം ക്രിസ്മസ് രാത്രി പാതിരാ കുര്‍ബാന വരെയും രാപകല്‍ തുടര്‍ച്ചയായി കുര്‍ബാനയര്‍പ്പിക്കാനാണ് വിമത വിഭാഗത്തിന്റെ തീരുമാനം. സിനഡ് കൂര്‍ബാന പൂര്‍ത്തിയാക്കിയെങ്കിലും അഡ്മിനിസ്‌ട്രേറ്റര്‍ പള്ളിയില്‍ അള്‍ത്താരക്ക് സമീപമുള്ള മുറിയില്‍ തങ്ങുകയാണ്. ഇതോടെ രാത്രി വൈകിയും പള്ളില്‍ സംഘര്‍ഷാവസ്ഥ നിലനില്‍ക്കുകയാണ്. സംഭവത്തെ തുടര്‍ന്ന് സ്ഥലത്ത് വന്‍ പൊലിസ് സന്നാഹം ക്യാമ്പ് ചെയ്യുന്നുണ്ട്.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

എംടി വാസുദേവന്‍ നായരുടെ ആരോഗ്യ നില മാറ്റമില്ലാതെ തുടരുന്നു

സ്വാഭാവിക ശ്വാസഗതി വീണ്ടെടുത്തിട്ടുണ്ട്

Published

on

കോഴിക്കോട്: സ്വകാര്യ ആശുപത്രിയിൽ ചികിത്സയിൽ തുടരുന്ന എം ടി വാസുദേവന്‍ നായരുടെ ആരോഗ്യ നില മാറ്റമില്ലാതെ തുടരുന്നു. തൽസ്ഥിതി തുടരുന്നതായി ഇന്നിറക്കിയ മെഡിക്കൽ ബുള്ളറ്റിനിൽ വ്യക്തമാക്കുന്നു. സ്വാഭാവിക ശ്വാസഗതി വീണ്ടെടുത്തിട്ടുണ്ട്. അദ്ദേഹം മരുന്നുകളോട് പ്രതികരിക്കുന്നുണ്ട്. തീവ്രപരിചരണ വിഭാഗത്തിൽ തുടരുകയാണെന്നും ചികിത്സിക്കുന്ന ഡോക്ടർമാർ അറിയിച്ചു.

എം ടിയുടെ ആരോഗ്യനിലയിൽ നേരിയ പുരോഗതിയുണ്ടെന്നാണ് ഡോക്ടർമാർ ഇന്നലെ അറിയിച്ചിരുന്നത്. വിദഗ്ധ ഡോക്ടർമാരുടെ സംഘമാണ് എം ടിയുടെ ആരോഗ്യസ്ഥിതി നിരീക്ഷിക്കുന്നത്. ശ്വാസ തടസ്സത്തെ തുടർന്നായിരുന്നു എംടിയെ ആശുപത്രിയിൽ പ്രവേശിപ്പിച്ചത്. കഴിഞ്ഞ ദിവസം എംടിക്ക് ഹൃദയസ്തംഭനമുണ്ടായെന്നും ആരോഗ്യനില ഗുരുതരമാണെന്നുമായിരുന്നു ആശുപത്രി നേരത്തെ പുറത്തുവിട്ട മെഡിക്കല്‍ ബുള്ളറ്റിനില്‍ പറഞ്ഞിരുന്നത്.

Continue Reading

kerala

തലയോട്ടിയുടെ രണ്ട് ഭാഗങ്ങളിലും രക്തം, വാരിയെല്ലുകൾക്ക് പൊട്ടൽ; അമ്മു സജീവിന്റെ പോസ്റ്റ്മോർട്ടം റിപ്പോർട്ട് പുറത്ത്

അമ്മു സജീവിന്‍റെ മരണത്തിൽ കോളേജിലെ മനഃശാസ്ത്രവിഭാഗം അധ്യാപകനെതിരെ കുടുംബം പൊലീസിൽ പരാതി നൽകിയിട്ടുണ്ട്

Published

on

തിരുവനന്തപുരം: പത്തനംതിട്ടയിലെ നഴ്സിങ് വിദ്യാർത്ഥിനി അമ്മു സജീവ് മരിക്കുന്നത് ഏറെ നേരം ഭക്ഷണം കഴിയ്ക്കാതെ ഇരുന്ന ശേഷമെന്ന് പോസ്റ്റ്മോർട്ടം റിപ്പോർട്ട്. ആമാശയത്തിൽ ഉണ്ടായിരുന്നത് 50 മില്ലി വെള്ളം മാത്രമായിരുന്നുവെന്നാണ് പോസ്റ്റുമോർട്ടം റിപ്പോർട്ടിലുള്ളത്. സുഹൃത്തുക്കളുടെയും അധ്യാപകന്റെയും മാനസിക പീഡനത്തെ തുടർന്ന് അമ്മു പട്ടിണിയിൽ ആയിരുന്നുവെന്ന് കുടുംബം ആരോപിച്ചു.

തലയ്ക്കും ഇടുപ്പിനും തുടക്കുമുണ്ടായ പരിക്കുകളാണ് അമ്മുവിന്റെ മരണത്തിന് കാരണമായതെന്ന് പോസ്റ്റ്മോർട്ടം റിപ്പോർട്ടിൽ പറയുന്നു. തലച്ചോറിലും തലയോട്ടിയുടെ രണ്ട് ഭാ​ഗങ്ങളിലും രക്തം വാർന്നിരുന്നു. വാരിയെല്ലുകൾക്ക് പൊട്ടലുണ്ടെന്നും പോസ്റ്റ്മോർട്ടം റിപ്പോർട്ടിലുണ്ട്. ഇടുപ്പെല്ല് തകർന്നതിനെ തുടർന്ന് രക്തം വാർന്നുപോയിരുന്നു. വാരിയെല്ലുകൾക്ക് പൊട്ടലുണ്ട്. വലത് ശ്വാസകോശത്തിന് താഴെയായി ചതവുണ്ടായി എന്നും പോസ്റ്റ്മോർട്ടം റിപ്പോർട്ടിൽ വ്യക്തമാക്കുന്നു.

അതേസമയം, അമ്മു സജീവിന്‍റെ മരണത്തിൽ കോളേജിലെ മനഃശാസ്ത്രവിഭാഗം അധ്യാപകനെതിരെ കുടുംബം പൊലീസിൽ പരാതി നൽകിയിട്ടുണ്ട്. കേസിലെ പ്രതികളായ വിദ്യാർത്ഥിനികൾക്കൊപ്പം ചേർന്ന് പൊഫസര്‍ സജി അമ്മുവിനെ മാനസികമായി പീഡിപ്പിച്ചെന്നാണ് ആരോപണം. ഹോസ്റ്റൽ മുറിയിൽ അമ്മു എഴുതി വച്ചിരുന്ന കുറിപ്പും കുടുംബം പുറത്തുവിട്ടു. ഹോസ്റ്റലിലെ അമ്മുവിൻ്റെ വസ്തുവകകളില്‍ നിന്നും കിട്ടിയ കുറിപ്പാണ് കുടുംബം പുറത്ത് വിട്ടത്. ചില കുട്ടികളിൽ നിന്ന് പരിഹാസവും മാനസിക ബുദ്ധിമുട്ടും നേരിടുന്നു എന്നാണ് കുറിപ്പിലുള്ളത്.

Continue Reading

kerala

കുടിവെള്ളം ശേഖരിക്കാൻ പോയ വീട്ടമ്മ വള്ളം മറിഞ്ഞ് മരിച്ചു

ഒപ്പമുണ്ടായിരുന്ന മകൻ നീന്തിക്കയറി രക്ഷപ്പെട്ടു

Published

on

കൊല്ലം: കൊല്ലത്ത് വള്ളം മറിഞ്ഞ് യുവതി മരിച്ചു. കൊല്ലം പുത്തൻതുരുത്ത് സ്വദേശി സന്ധ്യയാണ് മരിച്ചത്. വള്ളത്തിൽ കുടിവെള്ളം ശേഖരിക്കാൻ മറുകരയിലേക്ക് പോയപ്പോഴായിരുന്നു അപകടം ഉണ്ടായത്. ഒപ്പമുണ്ടായിരുന്ന മകൻ നീന്തിക്കയറി രക്ഷപ്പെട്ടു.

മീൻപിടിക്കാനും കുടിവെള്ളമെടുക്കാനും വേണ്ടി മകനൊപ്പമാണ് സന്ധ്യ പോയത്. ഇരുവരും സഞ്ചരിച്ച വള്ളം കെട്ടിയിട്ടിരുന്ന ബോട്ടിൽ ഇടിച്ച് മറിയുകയായിരുന്നു. നാട്ടുകാരാണ് സന്ധ്യയെ കരയ്ക്കെത്തിച്ചത്. എന്നാൽ ജീവൻ രക്ഷിക്കാനായില്ല.
നീന്തൽ അറിയാവുന്നത് കൊണ്ടാണ് മകൻ രക്ഷപ്പെട്ടതെന്ന് സന്ധ്യയുടെ ബന്ധുക്കൾ പറഞ്ഞു. ആയിരത്തോളം കുടുംബങ്ങൾ താമസിക്കുന്ന തുരുത്തിൽ കുടിവെള്ള ക്ഷാമം രൂക്ഷമാണ്. പൈപ്പിൻ്റെ പണി നടക്കുന്നതാണ് സ്ഥിതി രൂക്ഷമാക്കിയത്. കഴിഞ്ഞ ഞായറാഴ്ച്ചയാണ് ഒടുവിൽ കുടിവെള്ളം വന്നതെന്നും നാട്ടുകാർ പറയുന്നു.

Continue Reading

Trending