Connect with us

main stories

ഗസ്സയില്‍ വെടിനിര്‍ത്തല്‍; കരാര്‍ ഹമാസും ഇസ്രാഈലും അംഗീകരിച്ചുവെന്ന് റിപ്പോര്‍ട്ട്

ഖത്തര്‍ വിദേശകാര്യമന്ത്രാലയ വക്താവ് മാധ്യമങ്ങളെ കാണും.

Published

on

ഗസ്സയില്‍ വെടിനിര്‍ത്തല്‍ കരാര്‍ ഉടന്‍ നിലവില്‍വരുമെന്ന് സൂചന. ഖത്തര്‍ വിദേശകാര്യമന്ത്രാലയ വക്താവ് മാധ്യമങ്ങളെ കാണും. ഇതില്‍ വെടിനിര്‍ത്തല്‍ സംബന്ധിച്ച പ്രഖ്യാപനങ്ങളും ഉണ്ടാകുമെന്നാണ് സൂചന. ഖത്തര്‍ നല്‍കിയ വെടിനിര്‍ത്തല്‍ സംബന്ധിച്ച കരട് രേഖ ഹമാസും ഇസ്രാഈലും അംഗീകരിച്ചതായാണ് റിപ്പോര്‍ട്ട്.

കഴിഞ്ഞ ഒരാഴ്ചയായി ദോഹയില്‍ ചര്‍ച്ചകള്‍ നടക്കുകയായിരുന്നു. അതേസമയം വെടിനിര്‍ത്തല്‍ സംബന്ധിച്ച ചര്‍ച്ചകള്‍ അന്തിമഘട്ടത്തിലേക്ക് നീങ്ങുമ്പോള്‍ ഗസ്സയില്‍ ഇസ്രായേല്‍ വലിയ ആക്രമണമാണ് നടത്തുന്നത്. ചര്‍ച്ചകള്‍ക്ക് മധ്യസ്ഥത വഹിച്ചത് ഖത്തറും, അമേരിക്കയും, ഈജിപ്തുമാണ്. സെന്‍ട്രല്‍ ഗസ്സയില്‍ നിന്ന് ഇസ്രാഈല്‍ സൈന്യം പിന്മാറിയേക്കും.

വെടിനിര്‍ത്തല്‍ കരാര്‍ പ്രഖ്യാപനം സംബന്ധിച്ച വാര്‍ത്തസമ്മേളനം ദോഹയില്‍ നടക്കാനിരിക്കെ ഖത്തര്‍ പ്രധാനമന്ത്രി ശൈഖ് മുഹമ്മദ് ബിന്‍ അബ്ദുല്‍റഹ്‌മാന്‍ ആല്‍ഥാനി ഹമാസ്, ഇസ്രാഈല്‍ നേതാക്കളുമായി കൂടിക്കാഴ്ച നടത്തി. മധ്യസ്ഥ ചര്‍ച്ചകള്‍ക്കായി ദോഹയിലെത്തിയ ഹമാസ്, ഇസ്രാഈല്‍ നേതാക്കളുമായാണ് പ്രധാനമന്ത്രി അവസാനഘട്ട കൂടിക്കാഴ്ച നടത്തിയത്.

15 മാസം നീണ്ട ഗസ്സ വംശഹത്യക്ക് ശേഷമാണ് വെടിനിര്‍ത്തല്‍. യുദ്ധം അവസാനിപ്പിക്കുന്നതിനുള്ള കരാറിന്റെ അന്തിമ കരടുരേഖ ഇരുകക്ഷികള്‍ക്കും കഴിഞ്ഞ ദിവസങ്ങളില്‍ കൈമാറിയിരുന്നു.

 

 

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

നിലമ്പൂരില്‍ എം. സ്വരാജിനെ സ്ഥാനാര്‍ഥിയാക്കിയത് അദ്ദേഹത്തെ രാഷ്ട്രീയമായി അവസാനിപ്പിക്കാനാകാം; കെ.എം ഷാജി

ആര്യാടന്‍ ഷൗക്കത്ത് ഉമ്മന്‍ചാണ്ടിയുടെ ഖബറിടത്തില്‍ പോയി പ്രാര്‍ത്ഥിച്ചെന്നും സ്വരാജ് ജീവിച്ചിരിക്കുന്ന വിഎസിനെ കണ്ട് മാപ്പപേക്ഷിക്കണമെന്നും കെ എം ഷാജി

Published

on

എം. സ്വരാജിനെ നിലമ്പൂരില്‍ സ്ഥാനാര്‍ഥിയാക്കിയത് അദ്ദേഹത്തെ രാഷ്ട്രീയമായി അവസാനിപ്പിക്കാനാകാമെന്ന് മുസ്ലിം ലീഗ് സംസ്ഥാന സെക്രട്ടറി കെ.എം ഷാജി. സിപിഎമ്മില്‍ പിണറായി വിരുദ്ധ പോരാട്ടങ്ങളില്‍ വലിയ പങ്കുവഹിക്കുന്ന നേതാവാണ് സ്വരാജെന്നും അദ്ദേഹത്തെ തീര്‍ക്കണമെന്ന് കരുതിയാകാം സ്ഥാനാര്‍ഥിയാക്കിയതെന്നും കെ.എം ഷാജി പ്രതികരിച്ചു.

ഒരിക്കല്‍ പിണറായി ഭക്തിമൂത്ത് വി.എസിനെ പിതൃശൂന്യനെന്ന് വിളിച്ചയാളാണ് സ്വരാജ് എന്നും കെ.എം. ഷാജി പറഞ്ഞു. നിലമ്പൂരില്‍ വരുന്നതിന് മുമ്പ് വി.എസ്. അച്യുതാനന്ദനെ സന്ദര്‍ശിച്ച് സ്വരാജ് മാപ്പ് ചോദിക്കണമെന്നും സ്വരാജ് പൊതുപ്രവര്‍ത്തനം ആരംഭിക്കുന്നത് ശരീരത്തില്‍ പിണറായി മാനറിസം ആവാഹിച്ചാണെന്നും കെ എം ഷാജി പറഞ്ഞു.

യുദ്ധം അനാവശ്യമായിരുന്നുവെന്ന നിലപാട് സ്ഥാനാര്‍ഥിയായ സ്വരാജിന് ഇപ്പോള്‍ ഉണ്ടോ എന്ന് വ്യക്തമാക്കണമെന്നും കെ എം ഷാജി കൂട്ടിച്ചേര്‍ത്തു.
അന്‍വര്‍ മത്സരിക്കുമ്പോഴും സ്വരാജ് നിലമ്പൂരുകാരനായിരുന്നെന്നും പിന്നെ എന്തിനാണ് അന്‍വറിനെ നിര്‍ത്തുകയും സ്വരാജിനെ തൃപ്പൂണിത്തുറയില്‍ മത്സരിപ്പിച്ചതെന്നും കെ എം ഷാജി ചോദിച്ചു.

ആര്യാടന്‍ ഷൗക്കത്ത് ഉമ്മന്‍ചാണ്ടിയുടെ ഖബറിടത്തില്‍ പോയി പ്രാര്‍ത്ഥിച്ചെന്നും സ്വരാജ് ജീവിച്ചിരിക്കുന്ന വിഎസിനെ കണ്ട് മാപ്പപേക്ഷിക്കണമെന്നും കെ എം ഷാജി അഭിപ്രായപ്പെട്ടു.

സ്വരാജിനെ ഇല്ലാതാക്കാന്‍ വേണ്ടിയാണ് നിലമ്പൂരിലെ സ്ഥാനാര്‍ത്ഥിത്വമെന്നും സ്വരാജിനെ റിയാസിനു മുകളില്‍ വളരാന്‍ അവര്‍ അനുവദിക്കില്ലെന്നും കെ എം ഷാജി പറഞ്ഞു.

Continue Reading

kerala

‘നിലമ്പൂരില്‍ യുഡിഎഫിന് ചരിത്ര ഭൂരിപക്ഷം ഉണ്ടാക്കുകയാണ് തന്റെ ദൗത്യം’; എ.കെ ആന്റണിയുടെ അനുഗ്രഹം വാങ്ങി ആര്യാടന്‍ ഷൗക്കത്ത്

എ.കെ. ആന്റണിയുടെ വഴുതയ്ക്കാട്ടെ വസതിയിലെത്തിയായിരുന്നു അനുഗ്രഹം വാങ്ങിയത്.

Published

on

നിലമ്പൂര്‍ യു.ഡി.എഫ് സ്ഥാനാര്‍ഥി ആര്യാടന്‍ ഷൗക്കത്ത് തിരുവനന്തപുരത്തെത്തി മുതിര്‍ന്ന കോണ്‍ഗ്രസ് നേതാവും പാര്‍ട്ടി പ്രവര്‍ത്തക സമിതിയംഗവുമായ എ.കെ ആന്റണിയുടെ അനുഗ്രഹം വാങ്ങി. വൈകീട്ട് അഞ്ചരമണിയോടെ എ.കെ. ആന്റണിയുടെ വഴുതയ്ക്കാട്ടെ വസതിയിലെത്തിയായിരുന്നു അനുഗ്രഹം വാങ്ങിയത്.

തന്റെ സഹപ്രവര്‍ത്തകനും വര്‍ഷങ്ങളോളം ആത്മാര്‍ത്ഥ സുഹൃത്തുമായിരുന്ന ആര്യാടന്‍ മുഹമ്മദിന്റെ മകന് ആദ്യം തന്നെ വിജയാശംസകള്‍ നേരുന്നുവെന്ന് പറഞ്ഞാണ് ആര്യാടന്‍ ഷൗക്കത്തിനെ ആന്റണി സ്വാഗതം ചെയ്തത്. അതേസമയം പിതൃതുല്യനും രാഷ്ട്രീയ ഗുരുനാഥനുമായ ആന്റണി സാറിന്റെ അനുഗ്രഹം തനിക്ക് തെരഞ്ഞെടുപ്പില്‍ ഏറെ ഗുണം ചെയ്യുമെന്ന് ആര്യാടന്‍ ഷൗക്കത്തും പറഞ്ഞു.

നിലമ്പൂര്‍ തെരഞ്ഞെടുപ്പില്‍ ആര്യാടന്‍ ഷൗക്കത്ത് വമ്പിച്ച ഭൂരിപക്ഷത്തോടെ വിജയിക്കുമെന്ന് എ.കെ ആന്റണി മാധ്യമങ്ങളോട് പ്രതികരിച്ചു. ഇനിയൊരു പിണറായി സര്‍ക്കാര്‍ ഭരണത്തില്‍ എത്തില്ലെന്നും എ.കെ ആന്റണി പറഞ്ഞു. ഒമ്പതുവര്‍ഷത്തെ പിണറായി സര്‍ക്കാരിന്റെ ഭരണത്തെ ജനങ്ങള്‍ വെറുത്തു പോയെന്നും തുടര്‍ ഭരണം ഉണ്ടായിക്കൂടാ എന്ന് ആഗ്രഹിക്കുന്ന കേരളം യുഡിഎഫിന് വോട്ട് ചെയ്യുമെന്നും എ.കെ ആന്റണി പറഞ്ഞു.

നിലമ്പൂരില്‍ യുഡിഎഫിന് ചരിത്ര ഭൂരിപക്ഷം ഉണ്ടാക്കുകയാണ് തന്റെ ദൗത്യമെന്നും ആര്യാടന്‍ ഷൗക്കത്ത് വ്യക്തമാക്കി.

Continue Reading

india

നീറ്റ് പിജി പരീക്ഷ ഒറ്റ ഷിഫ്റ്റായി നടത്തണം; സുപ്രീം കോടതി ഉത്തരവ്

രണ്ട് ഷിഫ്റ്റ് ഫോര്‍മാറ്റില്‍ അനീതിക്കും പൊരുത്തക്കേടുകള്‍ക്കും സാധ്യതയുണ്ടെന്ന് ഉയര്‍ത്തിക്കാട്ടുന്ന ഒരു ഹര്‍ജിയിലാണ് തീരുമാനം.

Published

on

നീതിയും സുതാര്യതയും ഉറപ്പാക്കാന്‍ ലക്ഷ്യമിട്ടുള്ള ഒരു സുപ്രധാന വിധിന്യായത്തില്‍, 2025 ലെ നാഷണല്‍ എലിജിബിലിറ്റി-കം-എന്‍ട്രന്‍സ് ടെസ്റ്റ് ഫോര്‍ പോസ്റ്റ് ഗ്രാജുവേറ്റ് (NEET-PG) നേരത്തെ ആസൂത്രണം ചെയ്ത രണ്ട് ഷിഫ്റ്റുകള്‍ക്ക് പകരം ഒറ്റ ഷിഫ്റ്റില്‍ നടത്തണമെന്ന് സുപ്രീം കോടതി നിര്‍ദ്ദേശിച്ചു. രണ്ട് ഷിഫ്റ്റ് ഫോര്‍മാറ്റില്‍ അനീതിക്കും പൊരുത്തക്കേടുകള്‍ക്കും സാധ്യതയുണ്ടെന്ന് ഉയര്‍ത്തിക്കാട്ടുന്ന ഒരു ഹര്‍ജിയിലാണ് തീരുമാനം. ഒന്നിലധികം ഷിഫ്റ്റുകളില്‍ NEET-PG നടത്തുന്നത് വ്യത്യസ്ത സെഷനുകളിലായി ബുദ്ധിമുട്ടിന്റെ അളവില്‍ വ്യത്യാസങ്ങള്‍ക്ക് കാരണമാകുമെന്നും അതുവഴി ഉദ്യോഗാര്‍ത്ഥികള്‍ക്കിടയില്‍ ഏകപക്ഷീയതയും അനീതിയും സൃഷ്ടിക്കുമെന്നും സുപ്രീം കോടതി ബെഞ്ച് അഭിപ്രായപ്പെട്ടു. ഇത്രയും ദേശീയ പ്രാധാന്യമുള്ള ഒരു പരീക്ഷയ്ക്ക്, മാനദണ്ഡങ്ങളില്‍ ഏകപക്ഷീയത അനിവാര്യമാണെന്ന് കോടതി പറഞ്ഞു. NEET-PG പരമ്പരാഗതമായി ഒറ്റ-ഷിഫ്റ്റ്, ഒറ്റ ദിവസത്തെ പരീക്ഷയാണെന്നും എല്ലാ ഉദ്യോഗാര്‍ത്ഥികളെയും ഒരേ വ്യവസ്ഥകളില്‍ വിലയിരുത്തുന്നുവെന്ന് ഉറപ്പാക്കുന്ന ഒരു ഫോര്‍മാറ്റാണെന്നും ഹര്‍ജിക്കാര്‍ വാദിച്ചതിനെ തുടര്‍ന്നാണ് കോടതിയുടെ ഉത്തരവ്. NEET-PG 2025 പരീക്ഷ 2025 ജൂണ്‍ 15 ന് നടത്താന്‍ തീരുമാനിച്ചിരിക്കുന്നു.

സുപ്രീം കോടതിയുടെ നിര്‍ദ്ദേശത്തെത്തുടര്‍ന്ന്, NEET-PG നടത്തുന്നതിന് ഉത്തരവാദിയായ നാഷണല്‍ ബോര്‍ഡ് ഓഫ് എക്‌സാമിനേഷന്‍സ് (NBE) എല്ലാ ഉദ്യോഗാര്‍ത്ഥികളെയും ഒറ്റ ഷിഫ്റ്റില്‍ ഉള്‍പ്പെടുത്തുന്നതിന് ലോജിസ്റ്റിക്കല്‍ ക്രമീകരണങ്ങള്‍ വരുത്തേണ്ടതുണ്ട്.

വലിയ വേദികള്‍ സുരക്ഷിതമാക്കുക, അധിക ഇന്‍വിജിലേറ്റര്‍മാരെ വിന്യസിക്കുക, രാജ്യവ്യാപകമായി പരീക്ഷാ കേന്ദ്രങ്ങളിലുടനീളം സുഗമമായ നടത്തിപ്പ് ഉറപ്പാക്കുക എന്നിവയാണ് ഇതില്‍ ഉള്‍പ്പെട്ടിരിക്കുന്നത്. രണ്ട് ഷിഫ്റ്റ് സംവിധാനത്തിന്റെ ന്യായയുക്തതയെക്കുറിച്ച് ആശങ്ക ഉന്നയിച്ചിരുന്ന മെഡിക്കല്‍ ഉദ്യോഗാര്‍ത്ഥികളും അധ്യാപകരും ഈ തീരുമാനത്തെ വ്യാപകമായി സ്വാഗതം ചെയ്തിട്ടുണ്ട്. വ്യത്യസ്ത ഷിഫ്റ്റുകള്‍ ചോദ്യങ്ങളുടെ ബുദ്ധിമുട്ടില്‍ വ്യതിയാനങ്ങള്‍ക്ക് കാരണമായേക്കാമെന്നും ഇത് അവരുടെ റാങ്കിംഗിനെയും ഭാവി കരിയര്‍ സാധ്യതകളെയും ബാധിക്കുമെന്നും ഉദ്യോഗാര്‍ത്ഥികള്‍ പലപ്പോഴും ഭയപ്പെടുന്നു. ഒരൊറ്റ ഷിഫ്റ്റ് നിര്‍ബന്ധമാക്കുന്നതിലൂടെ, സുപ്രീം കോടതി ഈ ആശങ്കകള്‍ ഇല്ലാതാക്കാനും ദേശീയ തല പരീക്ഷകളില്‍ ന്യായയുക്തത, സുതാര്യത, തുല്യ അവസരം എന്നിവയുടെ തത്വങ്ങള്‍ വീണ്ടും സ്ഥിരീകരിക്കാനും ശ്രമിച്ചു.

വരാനിരിക്കുന്ന NEET PG പരീക്ഷ 2025 ജൂണ്‍ 15 ന് നടത്താന്‍ തീരുമാനിച്ചിരിക്കുന്നു. രജിസ്റ്റര്‍ ചെയ്ത ഉദ്യോഗാര്‍ത്ഥികള്‍ക്ക് NBEMS ന്റെ ഔദ്യോഗിക വെബ്സൈറ്റില്‍ നിന്ന് അവരുടെ ഹാള്‍ ടിക്കറ്റുകള്‍ ഉടന്‍ ഡൗണ്‍ലോഡ് ചെയ്യാന്‍ കഴിയും. സിംഗിള്‍-ഷിഫ്റ്റ് പരീക്ഷാ ഷെഡ്യൂള്‍ കാരണം ഇപ്പോള്‍ ഹാള്‍ ടിക്കറ്റുകള്‍ ലഭ്യമാകും. പ്രസിദ്ധീകരിച്ചുകഴിഞ്ഞാല്‍, natboard.edu.in സന്ദര്‍ശിച്ച് ഉദ്യോഗാര്‍ത്ഥികള്‍ക്ക് അവരുടെ അഡ്മിറ്റ് കാര്‍ഡ് ഡൗണ്‍ലോഡ് ചെയ്യാന്‍ കഴിയും. പുറത്തിറക്കിയ ഔദ്യോഗിക ഷെഡ്യൂള്‍ അനുസരിച്ച്, 2025 ജൂലൈ 15 നകം NEET PG ഫലങ്ങള്‍ പ്രഖ്യാപിക്കുമെന്ന് ഉദ്യോഗാര്‍ത്ഥികള്‍ക്ക് പ്രതീക്ഷിക്കാം.

Continue Reading

Trending