ഡല്‍ഹി: ബോളിവുഡ് നടന്‍ സുശാന്ത് സിംഗ് രജ്പുത് മരണവുമായി ബന്ധപ്പെട്ട കേസില്‍ അന്വേഷണം സിബിഐക്ക് കൈമാറാനുള്ള ബീഹാര്‍ സര്‍ക്കാരിന്റെ തീരുമാനം സുപ്രീം കോടതി ശരിവച്ചു.
സുശാന്തിന്റെ പിതാവ് നല്‍കിയ പരാതിയില്‍ സുശാന്ത് സിംഗ് രജ്പുത് ആത്മഹത്യ ചെയ്തതുമായി ബന്ധപ്പെട്ട് എഫ്‌ഐആര്‍ രജിസ്റ്റര്‍ ചെയ്യാന്‍ ബിഹാര്‍ പോലീസിന് അധികാരമുണ്ടെന്നും ജസ്റ്റിസ് ഹൃഷികേശ് റോയിയുടെ സിംഗിള്‍ ബെഞ്ച് വിധിച്ചു.കേസ് ഫയലുകള്‍ സിബിഐക്ക് കൈമാറാനും ആവശ്യമായ സഹായം നല്‍കാനും കോടതി മഹാരാഷ്ട്ര പോലീസിന് നിര്‍ദേശം നല്‍കി.
നടന്‍ സുശാന്ത് സിംഗ് രജ്പുത്തിന്റെ മരണവുമായി ബന്ധപ്പെട്ട് ഭാവിയില്‍ രജിസ്റ്റര്‍ ചെയ്തിട്ടുള്ള മറ്റ് കേസുകളും പരിശോധിക്കണമെന്നും കോടതി സിബിഐക്ക് നിര്‍ദേശം നല്‍കി.ജൂണ്‍ 14 നാണ് മുംബൈയിലെ സബര്‍ബന്‍ ബാന്ദ്രയില്‍ രജപുത്തിനെ മരിച്ച നിലയില്‍ കണ്ടെത്തിയത്.