Career

Career Chandrika | കേന്ദ്ര സര്‍വകലാശാലകളിലേക്കുള്ള വഴിതുറക്കാന്‍ സി.യു.ഇ.ടി; മെയ് 6 വരെ അപേക്ഷിക്കാം

Published

3 years ago

April 4, 2022

പി ടി ഫിറോസ്‌

ചെലവ് കുറഞ്ഞ രീതിയില്‍ ഉന്നത വിദ്യാഭ്യാസം ഒരുക്കുന്ന കാര്യത്തില്‍ ശ്രദ്ധേയമായ സംഭാവനകളാണ് രാജ്യത്തെമ്പാടുമുള്ള പല കേന്ദ്ര സര്‍വകലാശാലകളും അര്‍പ്പിച്ചുകൊണ്ടിരിക്കുന്നത്. കഴിവ് തെളിയിച്ച അധ്യാപകര്‍, കിടയറ്റ ഭൗതിക സൗകര്യങ്ങള്‍ എന്നിങ്ങനെ മികവുറ്റ പഠനസാഹചര്യം ഒരുക്കാനുള്ള എല്ലാ ചേരുവകളാലും അനുഗ്രഹീതമാണ് മിക്ക കേന്ദ്ര സര്‍വകലാശാലകളും. അവരവരുടെ അഭിരുചിയും താല്പര്യവുമനുസരിച്ച് വിവിധ വിഷയങ്ങള്‍ തിരഞ്ഞെടുക്കാനും നിലവാരമുള്ള പഠനാവസരങ്ങള്‍ ഉപയോഗപ്പെടുത്തി കരിയറിന്റെ ഉയര്‍ന്ന തലങ്ങളില്‍ പ്രവേശിക്കാനും അവസരമൊരുക്കുന്ന കേന്ദ്ര സര്‍വകലാശാലകളില്‍ പലതും സാധാരണ സ്ഥാപനങ്ങളെ അപേക്ഷിച്ച് ഒരു പടി മുന്നില്‍ തന്നെയാണ്.

പ്ലസ്ടു യോഗ്യതയുള്ളവര്‍ക്ക് രാജ്യത്തെമ്പാടുമുള്ള നാല്പത്തി അഞ്ച് കേന്ദ്ര സര്‍വകലാശാലകളില്‍ പ്രവേശനം നേടാന്‍ അവസരമൊരുക്കുന്ന സുപ്രധാന പ്രവേശന പരീക്ഷയായ സിയുഇടി (സെന്‍ട്രല്‍ യൂണിവേഴ്സ്റ്റിറ്റി എന്‍ട്രന്‍സ് ടെസ്റ്റ്) പരീക്ഷക്ക് ഏപ്രില്‍ 6 മുതല്‍ മെയ് 6 വരെ അപേക്ഷ സമര്‍പ്പിക്കാം. ജൂലായ് ആദ്യ രണ്ട് ആഴ്ചകളിലായി പരീക്ഷ നടക്കും. ജെഎന്‍യു, ഡല്‍ഹി, ജാമിഅ മില്ലിയ്യ, ഹൈദ്രബാദ്, പോണ്ടിച്ചേരി, അലിഗഡ് മുസ്‌ലിം, ബനാറസ് ഹിന്ദു തുടങ്ങിയ മിക്ക കേന്ദ്ര സര്‍വകലാശാലകളിലേക്കും സ്വതന്ത്രമായ പ്രവേശന നടപടികളായിരുന്നു കഴിഞ്ഞ വര്‍ഷം വരെ ഉണ്ടായിരുന്നത്. കാസര്‍ക്കോടുള്ള കേരള കേന്ദ്ര സര്‍വകലാശാലയിലെ പ്രവേശനവും സിയുഇടി പ്രവേശന പരീക്ഷയുടെ അടിസ്ഥാനത്തിലായിരിക്കും. കേന്ദ്ര സര്‍വകലാശാലകള്‍ക്ക് പുറമെ ടാറ്റ ഇന്‍സ്റ്റിറ്റിയൂട്ട് ഓഫ് സോഷ്യല്‍ സയന്‍സ്, ജാമിഅ ഹംദര്‍ദ്, അവിനാഷിലിംഗം ഇന്‍സ്റ്റിറ്റിയൂട്ട് ഓഫ് ഹോം സയന്‍സ് തുടങ്ങിയ ചില സ്ഥാപനങ്ങളിലെയും പ്രവേശനത്തിന് സിയുഇടി മാനദണ്ഡമായിരിക്കും.

മള്‍ട്ടിപ്പിള്‍ ചോയ്‌സ് സ്വഭാവത്തിലുള്ള ഒബ്ജക്ടീവ് ചോദ്യങ്ങള്‍ ഉള്‍ക്കൊള്ളുന്ന കമ്പ്യൂട്ടര്‍ അധിഷ്ടിത പ്രവേശന പരീക്ഷക്ക് മലയാളമടക്കം 13 ഭാഷകളില്‍ ചോദ്യപ്പേപ്പര്‍ ലഭ്യമാവും. I-A, I-B, II, III എന്നിങ്ങനെ 4 സെക്ഷനുകളിലായാണ് പരീക്ഷ നടക്കുന്നത്. സെക്ഷന്‍ കഅ യിലുള്ള മലയാളമടക്കമുള്ള 13 ഭാഷകളില്‍ നിന്ന് ഏതെങ്കിലുമൊന്ന് തിരഞ്ഞെടുക്കണം. സെക്ഷന്‍ I-B യില്‍ 19 മറ്റു ഭാഷകളാണുണ്ടാവുക. ബിരുദതലത്തില്‍ പഠിക്കാന്‍ ഉദ്ദേശിക്കുന്ന വിഷയങ്ങള്‍ക്കനുസരിച്ച് ഈ സെക്ഷനിലും ഭാഷ തിരഞ്ഞെടുക്കാം. ഒരോ ഭാഷയുമായി ബന്ധപ്പെട്ടു 50 ചോദ്യങ്ങളില്‍ നിന്ന് 40 ചോദ്യങ്ങള്‍ക്കുത്തരമെഴുതണം. ഭാഷാഭിരുചി, പദസമ്പത്ത് എന്നിവ പരിശോധിക്കുന്ന 45 മിനിറ്റ് ദൈര്‍ഘ്യമാണ് ഓരോ ഭാഷക്കുമുണ്ടാവുക.

സെക്ഷന്‍ കക ല്‍ വിവിധ മേഖലകളുമായി ബന്ധപ്പെട്ട 27 വിഷയങ്ങളുണ്ടാവും. ഉപരിപഠനത്തിന് തിരഞ്ഞെടുക്കാന്‍ ഉദ്ദേശിക്കുന്ന കോഴ്‌സും സ്ഥാപനവുമായി ബന്ധപ്പെട്ട് 6 വിഷയങ്ങള്‍ വരെ തിരഞ്ഞെടുക്കാനാവസരമുണ്ട്. ഓരോ വിഷയങ്ങളുടെയും പരീക്ഷക്ക് 45 മിനിട്ടാണ് ലഭിക്കുക. 50 ചോദ്യങ്ങളില്‍ നിന്ന് 40 ചോദ്യങ്ങള്‍ തിരഞ്ഞെടുത്ത് ഉത്തരമെഴുതാനുള്ള അവസരമുണ്ട്.
സെക്ഷന്‍ കകക ല്‍ 60 മിനിറ്റ് ദൈര്‍ഘ്യമുള്ള പൊതുവായ പരീക്ഷയാണുള്ളത്.

പൊതുവിജ്ഞാനം, ആനുകാലികം, സംഖ്യാഭിരുചി, മെന്റല്‍ എബിലിറ്റി തുടങ്ങിയവയുമായി ബന്ധപ്പെട്ട 75 ചോദ്യങ്ങളില്‍ നിന്ന് 60 ചോദ്യങ്ങള്‍ക്കാണ് ഉത്തരമെഴുതേണ്ടത്. സെക്ഷന്‍ ക, കഅ എന്നിവയില്‍ നിന്നായി 3 ഭാഷകള്‍ വരെ തിരഞ്ഞെടുക്കാന്‍ അവസരമുണ്ടെങ്കിലും മൂന്നാമത്തെ ഭാഷ സെക്ഷന്‍ കക വില്‍ നിന്ന് തിരഞ്ഞെടുക്കുന്ന ആറാമത്തെ വിഷയവുമായി ബന്ധപ്പെട്ടതായിരിക്കണം. ഒരു കുട്ടിക്ക് എല്ലാ സെക്ഷനില്‍ നിന്നുമായി തിരഞ്ഞെടുക്കാവുന്ന ആകെ വിഷയങ്ങളുടെ എണ്ണം 9 ആയിരിക്കും എന്നത് പ്രത്യേകം ഓര്‍ക്കുക.
ഓരോ സ്ഥാപനവും നടത്തുന്ന കോഴ്‌സുകളുടെ വിശദ വിവരങ്ങള്‍ അറിയുവാന്‍ അതത് വെബ്‌സൈറ്റുകള്‍ സന്ദര്‍ശിക്കണം.

തിരഞ്ഞെടുക്കുന്നതിന് മുമ്പായി കോഴ്‌സുകളുടെ പ്രവേശനത്തിനായി അതത് സര്‍വകലാശാല നിഷ്‌കര്‍ഷിക്കുന്ന യോഗ്യത പാലിക്കുന്നുണ്ട് എന്ന് ഉറപ്പുവരുത്താന്‍ മറക്കരുത്.

പ്ലസ്ടു നിലവാരത്തിലുള്ള ചോദ്യങ്ങളായിരിക്കും പരീക്ഷക്ക് ഉണ്ടാവുക. ഒരോ സര്‍വകലാശാലയും നിഷ്‌ക്കര്‍ഷിക്കുന്ന നിബന്ധനകള്‍ക്കനുസൃതയായി കഴിഞ്ഞ വര്‍ഷം പ്ലസ്ടു പൂര്‍ത്തിയാക്കിയവര്‍ക്കും പ്രവേശന പരീക്ഷക്ക് അപേക്ഷിക്കാന്‍ അവസരമുണ്ടാവും.

അപേക്ഷ സമര്‍പ്പിക്കാനും പരീക്ഷാ കേന്ദ്രങ്ങള്‍, ഫീസ് തുടങ്ങിയ വിശദ വിവരങ്ങള്‍ അറിയുവാന്‍ https://cuet. samarth. ac.in/ എന്ന വെബ്‌സൈറ്റ് സന്ദര്‍ശിക്കാവുന്നതാണ്.

Career

പി.ടി. സഫ്‌വാൻ ഹുദവിക്ക് ഡോക്ടറേറ്റ്; അഞ്ച് ഭൂഖണ്ഡങ്ങളിൽ നിന്ന് മക്കയിലേക്കുള്ള യാത്രാ വിവരണങ്ങളുടെ താരതമ്യ പഠനത്തിലാണ് ഡോക്ടറേറ്റ്

നിലവിൽ നിലമ്പൂർ അമൽകോളേജ് ഓഫ് അഡ്വാൻസ്ഡ് സ്റ്റഡീസിൽ അസിസ്റ്റൻ്റ് പ്രൊഫസറായ സഫ്‌വാൻ ദേശീയ അന്തർദേശീയ കം പാരറ്റീവ് അസോസിയേഷൻ അംഗമാണ്.

Published

9 months ago

February 11, 2024

webdesk13

റഹൂഫ് കൂട്ടിലങ്ങാടി

മലപ്പുറം: പി.ടി.സഫ് വാൻ ഹുദവി ഹൈദരാബാദ് ഇഫ്ളു സർവകലാശാലയിൽ നിന്ന് ഡോക്ടറേറ്റ് നേടി. ദി വേ ആൻ്റ് ദ വോയേജ്, എ കംപാരറ്റീവ് എൻക്വയറി ഇൻ ടു ജിയോ പൊയറ്റിക്സ് ആൻ്റ് ഇൻ്റർ സ്‌പെഷ്യാലിറ്റി ഇൻ ദ ട്രാവലോഗ്സ് ഓൺ മെക്ക (പഥവും സഞ്ചാരവും: അഞ്ച് ഭൂഖണ്ഡങ്ങളിൽ നിന്ന് മക്കയിലേക്കുള്ള യാത്രാവിവരണങ്ങളിലെ വൈവിധ്യങ്ങൾ സബന്ധിച്ചുള്ള താരതമ്യ പഠനം ഒരു അന്വേഷണം എന്ന വിഷയത്തിലാണ് ഹൈദരാബാദിലെ ഇംഗ്ലീഷ് ആൻ്റ് ഫോറിൻ ലാംഗ്വേജ് യൂണിവേഴ്സിറ്റി (ഇഫ്ളു)
യിൽ നിന്ന് ഡോക്ടറേറ്റ് ലഭിച്ചത്.

ചെമ്മാട് ദാറുൽ ഹുദാ ഇസ്ലാമിക് യൂനിവേഴ്‌സിറ്റിയിൽ നിന്ന് 2012 ൽ ഹുദവി ബിരുദം നേടിയ സഫ്‌വാൻ അതേ വർഷം തന്നെ കാലിക്കറ്റ് യൂനിവേഴ്‌സിറ്റിയിൽ നിന്ന് ഇംഗ്ലീഷ് ലാംഗ്വേജ് ആൻ്റ് ലിറ്ററേച്ചറിൽ ബിരുദവും നേടിയ ശേഷം ഇഫ്ളുവിൽ നിന്ന് ഇംഗ്ലീഷിൽ ബിരുദാനന്തര ബിരുദവും ഹൈദരാബാദ് സർവകലാശാലയിൽ നിന്ന് കംപാരറ്റീവ് ലിറ്ററേച്ചറിൽ എം ഫില്ലും നേടി. നേരത്തെ ഇഫ്ളുവിൽ നിന്ന് തന്നെ അറബിക് ഇംഗ്ലീഷ് ട്രാൻസലേഷനിൽ ഡിപ്ലോമയും നേടിയിട്ടുണ്ട്. തുടർന്നാണ് ഇഫ്ളുവിലെ ഡിപ്പാർട്മെൻ്റ് ഓഫ് കംപാരറ്റീവ് ലിറ്ററേച്ചറിൽ പി.എച്ച്.ഡിക്ക് ചേർന്നത്.

നിലവിൽ നിലമ്പൂർ അമൽകോളേജ് ഓഫ് അഡ്വാൻസ്ഡ് സ്റ്റഡീസിൽ അസിസ്റ്റൻ്റ് പ്രൊഫസറായ സഫ്‌വാൻ ദേശീയ അന്തർദേശീയ കം പാരറ്റീവ് അസോസിയേഷൻ അംഗമാണ്. ഐ.സി.എസ്.എസ്.ആർ ഡോക്ടറൽ ഫെലോഷിപ്പ്, മൗലാനാ ആസാദ് നാഷണൽ ഫെലോഷിപ് എന്നിവക്ക് അർഹത നേടിയിട്ടുണ്ട്.

നിലമ്പൂർ അമൽ കോളേജ് ഇഗ്നോ സ്റ്റഡി സെൻ്റർ അസിസ്റ്റൻ്റ് കോർഡിനേറ്റർ, ശ്രീനാരായണഗുരു ഓപ്പൺ സർവകലാശാല അക്കാഡമിക് കൗൺസിലർ, ന്യൂനപക്ഷ വിദ്യാർത്ഥികൾക്കുള്ള യു.ജി.സി.നെറ്റ് ഇംഗ്ലീഷ് പരിശീലനത്തിൻ്റെ സംസ്ഥാനതല കോർഡിനേറ്റർ, കോളേജ് അധ്യാപക സംഘടനയായ സി.കെ.സി.ടി മലപ്പുറം ജില്ലാ ജോ: സെക്രട്ടറി എന്നീ നിലകളിൽ പ്രവർത്തിക്കുന്നു.

നേരത്തെ, ഹൈദരാബാദ് മൗലാനാ ആസാദ് നാഷണൽ ഉർദു യൂനിവേഴ്‌സിറ്റി, മൗലാനാ ആസാദ് നാഷണൽ ഉറുദു സർവകലാശാല, മലപ്പുറം ഗവണ്‍മെന്റ് ആർട്സ് ആൻ്റ് സയന്‍സ്‌ കോളേജ്, കുറ്റ്യാടി ഐഡിയൽ ആർട്സ് ആൻ്റ് സയൻസ് കോളേജ് എന്നിവിടങ്ങളിൽ
ഗസ്റ്റ് അധ്യാപകനായി ജോലി ചെയ്തിട്ടുണ്ട്.

ദേശീയ തലത്തിൽ ശ്രദ്ധേയമായ എജ്യുക്കേഷൻ ആൻ്റ് സൊസൈറ്റി ജേർണലിൽ ഫാദർ ഫിഗർ ഇൻ മാട്രിലിനി, ഹിസ് റ്റോ റൈസിംഗ് ഫാദർഹുഡ് ഇൻ ദ സോഷ്യോ കൾച്ചറൽ മില്യു ഓഫ് കേരള, ഇൻ്ററോഗേറ്റിംഗ് ദ ന്യു ട്രെൻഡ്സ് ഇൻ ട്രാൻസ് ലേഷൻ സ്റ്റഡീസ്, ദി ഷിഫ്റ്റ് ഫ്രം ലിംഗ്വിസ്റ്റിക് ടേൺ ഇൻ ടു കൾച്ചറൽ ടേൺ തുടങ്ങി ഇരുപതോളം പഠന പ്രബന്ധങ്ങൾ പ്രസിദ്ധീകരിക്കുകയും ദേശീയ അന്തർദേശീയ സെമിനാറുകളിലും ശിൽപ്പശാലകളിലും അവതരിപ്പിക്കുകയും ചെയ്തിട്ടുണ്ട്.

മലപ്പുറം കൂട്ടിലങ്ങാടി ചെലൂരിലെ പുളിക്കത്തൊടി മോയിൻ കുട്ടിയുടെയും കുട്ടശ്ശേരി നഫീസയുടെയും മകനാണ്. ഭാര്യ: കാട്ടിൽ പീടികക്കൽ ശഫ്ന. (മങ്കട പള്ളിപ്പുറം ഹൈസ്കൂൾ അധ്യാപിക). മകൻ: അയ്മൻ അഹമ്മദ് (മൂന്ന് വയസ്). നസീമ, ഫസീന, സുനീറ, നസീറ എന്നിവർ സഹോദരങ്ങളാണ്.

Career

ഡിപ്ലോമ ഇന്‍ എയര്‍ലൈന്‍ ആന്‍ഡ് എയര്‍പോര്‍ട്ട് മാനേജ്മെന്റ് കോഴ്സിന് അപേക്ഷിക്കാം

അംഗീകൃത പഠന കേന്ദ്രങ്ങളുടെ നേതൃത്വത്തിലാണ് സമ്പര്‍ക്ക ക്ലാസ്സുകള്‍ ക്രമീകരിച്ചിട്ടുള്ളത്.

Published

1 year ago

August 1, 2023

webdesk11

സംസ്ഥാന പൊതുവിദ്യാഭ്യാസവകുപ്പിന് കീഴിലുള്ള സ്റ്റേറ്റ് റിസോഴ്സ് സെന്ററിന്റെ നേതൃത്വത്തില്‍ പ്രവര്‍ത്തിക്കുന്ന എസ്.ആര്‍.സി കമ്മ്യൂണിറ്റി കോളേജ് ജൂലൈ സെഷനില്‍ ആരംഭിക്കുന്ന ഡിപ്ലോമ ഇന്‍ എയര്‍ലൈന്‍ ആന്‍ഡ് എയര്‍പോര്‍ട്ട് മാനേജ്മെന്റിന് (DAM) പ്രോഗ്രാമിലേക്ക് പ്ലസ്ടു അഥവാ തത്തുല്യ യോഗ്യതയോ ഉള്ളവര്‍ക്ക് അപേക്ഷിക്കാം.

അംഗീകൃത പഠന കേന്ദ്രങ്ങളുടെ നേതൃത്വത്തിലാണ് സമ്പര്‍ക്ക ക്ലാസ്സുകള്‍ ക്രമീകരിച്ചിട്ടുള്ളത്. വിവിധ എയര്‍പോര്‍ട്ടുകളില്‍ ഇന്റേണ്‍ഷിപ്പ് ഉള്‍പ്പെടുത്തിയിട്ടുണ്ട്. https://app.srccc.in/register എന്ന ലിങ്കിലൂടെ ഓണ്‍ലൈനായി അപേക്ഷിക്കാം. https://srccc.in/download എന്ന ലിങ്കില്‍ നിന്നും അപേക്ഷാഫാറം ഡൗണ്‍ലോഡ് ചെയ്തും അപേക്ഷിക്കാം. ആഗസ്റ്റ് പത്തിനുള്ളില്‍ അപേക്ഷ സമര്‍പ്പിക്കണം. വിശദ വിവരങ്ങള്‍ തിരുവനന്തപുരം നന്ദാവനത്തുള്ള എസ്.ആര്‍.സി ഓഫീസില്‍ നിന്ന് നേരിട്ടും ലഭിക്കും. വിലാസം: ഡയറക്ടര്‍, സ്റ്റേറ്റ് റിസോഴ്സ് സെന്റര്‍, നന്ദാവനം, വികാസ് ഭവന്‍ പി.ഒ, തിരുവനന്തപുരം-33. ഫോണ്‍: 0471 2570471, 9846033009. വിശദാംശങ്ങള്‍ www.srccc.in എന്ന വെബ്സൈറ്റിലും ലഭിക്കും.

Career

ചന്ദ്രിക തൊണ്ണൂറാം വാർഷികാഘോഷത്തിൻ്റെ ഭാഗമായി സംഘടിപ്പിക്കുന്ന വിദ്യഭ്യാസ പ്രദർശനവും സെമിനാറുകളും Edu Excel Education Expo ഇന്നും നാളെയും

Published

1 year ago

July 4, 2023

webdesk13

ചന്ദ്രിക തൊണ്ണൂറാം വാർഷികാഘോഷത്തിൻ്റെ ഭാഗമായി സംഘടിപ്പിക്കുന്ന വിദ്യഭ്യാസ പ്രദർശനവും സെമിനാറുകളും Edu Excel Education Expo ഇന്നും നാളെയുമായി കോട്ടക്കൽ പിഎം ഓഡിറ്റോറിയത്തിൽ നടക്കും. മലപ്പുറം ജില്ലയിൽ നിന്ന് ഈ വർഷം എസ്.എസ്.എൽ.സി, പ്ലസ്.ടു പരീക്ഷകളിൽ മുഴുവൻ വിഷയങ്ങളിലും എ പ്ലസ് നേടിയ വിദ്യാർത്ഥികളെ ആദരിക്കുന്ന വിജയമുദ്ര 2023 പരിപാടിയും ഈ അവസരത്തിൽ നടക്കും. പങ്കെടുക്കാൻ മുകളിൽ നൽകിയ QR code scan ചെയ്യുകയോ,https://chandrikanavathi.in/ ഈ ലിങ്ക് ഉപയോഗിച്ച് രജിസ്റ്റർ ചെയ്യുകയോ ചെയ്യുക.