india
കുംഭമേളയിൽ സ്ത്രീകളുടെ സ്വകാര്യത സംരക്ഷിക്കുന്നതിൽ ബി.ജെ.പി സർക്കാർ വന് പരാജയം: അഖിലേഷ് യാദവ്
ഉത്തർപ്രദേശ്, ദേശീയ വനിതാ കമ്മീഷനുകൾ ഉടനടി നടപടിയെടുക്കുകയും കുറ്റക്കാർക്ക് കർശന ശിക്ഷ ഉറപ്പാക്കുകയും വേണമെന്നും അദ്ദേഹം എക്സിൽ കുറിച്ചു.

മഹാകുംഭമേളയിൽ സ്ത്രീകളുടെ സ്വകാര്യത സംരക്ഷിക്കുന്നതിൽ ബി.ജെ.പി നേതൃത്വത്തിലുള്ള യു.പി സർക്കാർ പരാജയപ്പെട്ടുവെന്ന് ആരോപിച്ച് സമാജ്വാദി പാർട്ടി നേതാവ് അഖിലേഷ് യാദവ്. എക്സിലൂടെയാണ് അഖിലേഷ് യാദവ് ഇക്കാര്യം ചൂണ്ടിക്കാട്ടിയത്.
‘ഇത് വളരെ അപമാനകരവും സെൻസിറ്റീവുമായ വിഷയമാണ്’ -കുംഭമേളയിൽ പങ്കെടുത്ത സ്ത്രീകളുടെ ചിത്രങ്ങൾ ഓൺലൈനിലൂടെ പ്രദർശിപ്പിച്ച് വിൽക്കുന്നതിനെക്കുറിച്ചും അഖിലേഷ് യാദവ് പ്രതികരിച്ചു. ‘മഹാകുംഭമേളയിൽ സ്ത്രീകളുടെ സ്വകാര്യത സംരക്ഷിക്കുന്നതിൽ ബി.ജെ.പി സർക്കാർ പരാജയപ്പെട്ടു.
ഈ ഓൺലൈൻ വിൽപ്പനയിൽ നിന്ന് ജി.എസ്.ടി നേടുന്നതിലൂടെ, സർക്കാർ നിയമവിരുദ്ധ വ്യാപാരത്തിൽ പങ്കാളിയാവുകയാണ്’ -അഖിലേഷ് പറഞ്ഞു. ഉത്തർപ്രദേശ്, ദേശീയ വനിതാ കമ്മീഷനുകൾ ഉടനടി നടപടിയെടുക്കുകയും കുറ്റക്കാർക്ക് കർശന ശിക്ഷ ഉറപ്പാക്കുകയും വേണമെന്നും അദ്ദേഹം എക്സിൽ കുറിച്ചു.
മഹാ കുംഭമേള കൈകാര്യം ചെയ്തതിൽ സംസ്ഥാന സർക്കാരിനെതിരെ നേരത്തെയും അഖിലേഷ് വിമർശനം ഉന്നയിച്ചിരുന്നു. ഒരു ട്രില്യൺ ഡോളർ സമ്പദ്വ്യവസ്ഥ എന്ന സർക്കാരിന്റെ സാമ്പത്തിക ലക്ഷ്യം പൂർത്തീകരിക്കാൻ മഹാകുംഭമേള ഉപയോഗിക്കുന്നുണ്ടോ എന്നും അദ്ദേഹം ചോദ്യം ചെയ്തിരുന്നു.
‘മഹാ കുംഭമേളയിലൂടെ യു.പി സർക്കാർ സാമ്പത്തിക ലക്ഷ്യം കൈവരിക്കാനാണ് ശ്രമിക്കുന്നത്. ഇത്തരം ആത്മീയ പരിപാടികൾ ലാഭമുണ്ടാക്കാനല്ല, ജനങ്ങളെ സേവിക്കാനാണ് ഉദേശിക്കുന്നത്.
തീർത്ഥാടകർക്ക് സൗകര്യമൊരുക്കുക എന്ന സർക്കാരിന്റെ കടമ നിർവഹിക്കുന്നതിൽ അവർ പരാജയപ്പെട്ടു’ -യാദവ് പറഞ്ഞു. ഭക്തർ സ്നാനം ചെയ്യുന്ന ത്രിവേണി സംഗമത്തിലെ ജലത്തിന്റെ ശോച്യാവസ്ഥ പരിഹരിക്കാത്തതിലും പ്രായമായ തീർത്ഥാടകർക്ക് ആവശ്യമായ ക്രമീകരണങ്ങൾ ഏർപ്പെടുത്താത്തതിലും അദ്ദേഹം ആശങ്ക പ്രകടിപ്പിച്ചു
india
സ്പേസ് എക്സ് എല്ഒഎക്സ് ചോര്ച്ച കണ്ടെത്തി; ശുഭാന്ഷു ശുക്ലയുടെ ആക്സിയം ദൗത്യം മാറ്റിവച്ചു:
ജൂണ് 11 ന് വൈകുന്നേരം 5.30 ന് നടക്കാനിരിക്കുന്ന വിക്ഷേപണത്തിന് മുമ്പ് പ്രശ്നം പരിഹരിക്കാമെന്ന് എലോണ് മസ്ക് സ്ഥാപനം തിങ്കളാഴ്ച നേരത്തെ പറഞ്ഞിരുന്നു.

ഫാല്ക്കണ്-9 റോക്കറ്റില് പരിഹരിക്കാന് കഴിയാത്ത ഒരു തകരാര് കാരണം ബുധനാഴ്ച പുലര്ച്ചെ സ്പേസ് എക്സ് ആക്സിയം-4 വിക്ഷേപണം നിര്ത്തിവച്ചു. ജൂണ് 11 ന് വൈകുന്നേരം 5.30 ന് നടക്കാനിരിക്കുന്ന വിക്ഷേപണത്തിന് മുമ്പ് പ്രശ്നം പരിഹരിക്കാമെന്ന് എലോണ് മസ്ക് സ്ഥാപനം തിങ്കളാഴ്ച നേരത്തെ പറഞ്ഞിരുന്നു. ചൊവ്വാഴ്ച രാത്രി കിഴക്കന് സമയം വൈകി, സ്ഥാപനം പറഞ്ഞു: ”പോസ്റ്റ്-സ്റ്റാറ്റിക് ഫയര് ബൂസ്റ്റര് പരിശോധനകളില് തിരിച്ചറിഞ്ഞ LOX (ലിക്വിഡ് ഓക്സിജന്) ചോര്ച്ച പരിഹരിക്കാന് സ്പേസ് എക്സ് ടീമുകള്ക്ക് കൂടുതല് സമയം അനുവദിക്കുന്നതിനായി, അന്താരാഷ്ട്ര ബഹിരാകാശ നിലയത്തിലേക്കുള്ള ഫാല്ക്കണ്-9 ഫാല്ക്കണ്-4 വിക്ഷേപണത്തില് നിന്ന് മാറിനില്ക്കുന്നു. പൂര്ത്തിയായിക്കഴിഞ്ഞാല് – റേഞ്ച് ലഭ്യത തീര്ന്നിരിക്കുന്നു – ഞങ്ങള് ഒരു പുതിയ വിക്ഷേപണം പങ്കിടും.” പ്രീ-സ്റ്റാറ്റിക് ടെസ്റ്റ് ഫയറില് സ്പേസ് എക്സിന് പരിഹരിക്കപ്പെടാത്ത സാങ്കേതിക തകരാറുകള് കണ്ടെത്തിയതായി ജൂണ് 10 ന് TOI റിപ്പോര്ട്ട് ചെയ്തിരുന്നു. ഫാല്ക്കണ്-9 ന്റെ സ്റ്റാറ്റിക് ഫയര് ടെസ്റ്റിനിടെ, സ്പേസ് എക്സ് എഞ്ചിനീയര്മാര് ഒരു ലിക്വിഡ് ഓക്സിജന് (LOX) ചോര്ച്ച കണ്ടെത്തിയതായി ബില്ഡ് ആന്ഡ് ഫ്ലൈറ്റ് റിലബിലിറ്റി വൈസ് പ്രസിഡന്റ് വില്യം ഗെര്സ്റ്റന്മെയര് തിങ്കളാഴ്ച വൈകി പറഞ്ഞിരുന്നു. ബൂസ്റ്ററിന്റെ പോസ്റ്റ്-ഫ്ലൈറ്റ് നവീകരണ സമയത്ത് തുടക്കത്തില് കണ്ടെത്താനാകാതെ പോയ ഒരു ലിക്വിഡ് ഓക്സിജന് (LOX) ചോര്ച്ചയാണ് സ്പേസ് എക്സ് എഞ്ചിനീയര്മാര് കണ്ടെത്തിയത്.
‘ബൂസ്റ്ററിന്റെ മുന് സ്റ്റാര്ലിങ്ക് ദൗത്യത്തിലേതാണ് ഈ പ്രശ്നം. ബൂസ്റ്റര് പൂര്ണ്ണമായും നന്നാക്കിയിട്ടില്ലെന്ന് ഞങ്ങള് കണ്ടെത്തി… ചോര്ച്ച തുടര്ന്നാല് അത് ലഘൂകരിക്കുന്ന ഒരു ശുദ്ധീകരണം ഞങ്ങള് സ്ഥാപിക്കുകയാണ്,’ അദ്ദേഹം പറഞ്ഞു. കൂടാതെ, എഞ്ചിന് അഞ്ചിലെ ഒരു ത്രസ്റ്റ് വെക്റ്റര് നിയന്ത്രണ പ്രശ്നവും തിരിച്ചറിഞ്ഞു. ബാധിച്ച ഘടകങ്ങള് മാറ്റിസ്ഥാപിച്ചു, വിക്ഷേപണത്തിന് മുമ്പുള്ള വൈകുന്നേരത്തോടെ എല്ലാ ജോലികളും പൂര്ത്തിയാകുമെന്ന് അദ്ദേഹം പറഞ്ഞിരുന്നു. സുരക്ഷയിലും കൃത്യതയിലും കമ്പനിയുടെ തുടര്ച്ചയായ ശ്രദ്ധയെക്കുറിച്ച് ഗെര്സ്റ്റന്മെയര് ഊന്നിപ്പറഞ്ഞു, ‘ബഹിരാകാശ പറക്കല് ശരിക്കും ബുദ്ധിമുട്ടാണ്, ഞങ്ങള് എല്ലാ ദിവസവും പഠിക്കുന്നു’ എന്ന് പറഞ്ഞു. ഡ്രൈ ഡ്രസ് റിഹേഴ്സല് വളരെ വിജയകരമായിരുന്നുവെന്ന് അദ്ദേഹം പറഞ്ഞു.
india
രാജ്യത്ത് കോവിഡ് കേസുകള് വര്ധിക്കുന്നു; ആക്ടീവ് കേസുകള് 7000 ത്തിലേക്ക്
രാജ്യത്ത് എക്സ്എഫ്ജി എന്ന പുതിയ വകഭേദമാണ് പടരുന്നത്.

ന്യൂഡല്ഹി: രാജ്യത്ത് കോവിഡ് കേസുകള് വര്ധിക്കുന്നു. ആക്ടീവ് കേസുകള് ഏഴായിരത്തിലേക്ക് അടുക്കുന്നു. രാജ്യത്ത് എക്സ്എഫ്ജി എന്ന പുതിയ വകഭേദമാണ് പടരുന്നത്. അതേസമയം കേരളത്തിലെ കോവിഡ് കേസുകളും ഉയരുന്ന സാഹചര്യമാണുള്ളത്. കേരളത്തില് 2053 പേര്ക്കാണ് കഴിഞ്ഞ ദിവസം രോഗം സ്ഥിരീകരിച്ചത്.
കൂടാതെ കഴിഞ്ഞ ദിവസവും കേരളത്തില് ഒരു മരണം റിപ്പോര്ട്ട് ചെയ്തു. കേരളത്തിന് പുറമേ ഡല്ഹി മഹാരാഷ്ട്ര, ഗുജറാത്ത് ,ബംഗാള് അടക്കമുള്ള സംസ്ഥാനങ്ങളിലും രോഗ വ്യാപനം വര്ദ്ധിക്കുകയാണ്. അതേസമയം സ്ഥിതി സൂക്ഷ്മമായി നിരീക്ഷിക്കുകയാണെന്നും മറ്റ് രോഗബാധിതര്ക്കാണ് കോവിഡ് മൂര്ച്ഛിക്കുന്നതെന്നുമാണ് കേന്ദ്ര ആരോഗ്യ മന്ത്രാലയം വ്യക്തമാക്കുന്നത്.
india
മൂല്യം 17,000 കോടി രൂപ; ആര്സിബി വില്പ്പനയ്ക്ക്?

ഇന്ത്യന് പ്രീമിയര് ലീഗ് ഫ്രാഞ്ചൈസി റോയല് ചാലഞ്ചേഴ്സ് ബെംഗളൂരു വില്പനയ്ക്കെന്ന് റിപ്പോര്ട്ട്. ഫ്രാഞ്ചൈസിയുടെ ഷെയറുകള് ഓഹരിവിപണിയില് വിറ്റേക്കുമെന്നാണ് റിപ്പോര്ട്ടുകള്. ഐപിഎല് 2025 കിരീടം ആര്സിബി നേടിയതിനു പിന്നാലെയാണ് ഫ്രാഞ്ചൈസി വില്ക്കുകയാണെന്ന റിപ്പോര്ട്ടുകള് വരുന്നത്.
അമേരിക്കന് കമ്പനിയായ ഡിയാജിയോ പിഎല്സി ഇന്ത്യയിലെ ഉപകമ്പനിയായ യുണൈറ്റഡ് സ്പിരിറ്റ്സ് ലിമിറ്റഡ വഴിയാണ് ആര്സിബി നടത്തുന്നത്. ഇതിനകം സാധ്യതയുള്ള നിക്ഷേപകരുമായി ചര്ച്ചകള് നടത്തിവരികയാണെന്നാണ് റിപ്പോര്ട്ടുകള്. കേന്ദ്രസര്ക്കാരിന്റെ പരസ്യങ്ങളിലെ നിയന്ത്രണം മുന്നില് കണ്ടാണ് നീക്കം. പുകയില, മദ്യം തുടങ്ങിയ ഉത്പന്നങ്ങളുടെ പ്രൊമോഷന് നിയന്ത്രിക്കാന് കേന്ദ്രസര്ക്കാര് തീരുമാനിച്ചിരുന്നു.
എത്ര കോടി രൂപയ്ക്കാണ് ഫ്രാഞ്ചൈസി വില്ക്കുന്നത് എന്നതു സംബന്ധിച്ച് ഔദ്യോഗിക റിപ്പോര്ട്ടുകള് പുറത്തു വന്നിട്ടില്ലെങ്കിലും ബ്ലൂംബെര്ഗ് റിപ്പോര്ട്ട് അനുസരിച്ച് ഏകദേശം 16,834 കോടി രൂപയാണ് വില.
ബ്രിട്ടീഷ് ഡിസ്റ്റിലറിയും യുണൈറ്റഡ് സ്പിരിറ്റ്സ് ലിമിറ്റഡിന്റെ മാതൃസ്ഥാപനവുമാണ് ഡിയാജിയോ പിഎല്സി. ആര്സിബിയുടെ വില്പ്പനയ്ക്ക് സാധ്യതയുണ്ടെന്ന വാര്ത്ത പുറത്തുവന്നതോടെ, യുണൈറ്റഡ് സ്പിരിറ്റ്സിന്റെ ഓഹരികളില് ഉണര്വ് ഉണ്ടായിട്ടുണ്ട്. ചൊവ്വാഴ്ച രാവിലെ യുണൈറ്റഡ് സ്പിരിറ്റിന്റെ ഓഹരി വിലയില് 3.3 ശതമാനം വര്ധനവുണ്ടായിട്ടുണ്ട്.
2008 ല് ഐപിഎല് ആരംഭിക്കുമ്പോള് വിജയ് മല്യയായിരുന്നു ആര്സിബിയുടെ ഉടമ. പിന്നീട് മല്യ കടക്കെണിയില് അകപ്പെട്ടതോടെ യുണൈറ്റഡ് സ്പിരിറ്റ്സ് വഴി ഡിയോജിയോ ഫ്രൈഞ്ചൈസി ഏറ്റെടുക്കുകയായിരുന്നു.
-
kerala2 days ago
കീബോര്ഡ് ആര്ട്ടിസ്റ്റ് രഞ്ജു ജോണിനെ കാണാനില്ലെന്ന് പരാതി
-
india2 days ago
‘കപ്പലില് അപകടകരമായ കാര്ഗോ, ബേപ്പൂര് തുറമുഖത്തെ സജ്ജമാക്കി’; അഴീക്കല് പോര്ട്ട് ഓഫീസര് ക്യാപ്റ്റന്
-
kerala3 days ago
പണം നല്കിയില്ലെങ്കില് മാനഭംഗപ്പെടുത്തുമെന്ന് ഭീഷണിപ്പെടുത്തി; കൃഷ്ണകുമാറിനെതിരെ എഫ്ഐആറില് ഗുരുതര ആരോപണങ്ങള്
-
kerala3 days ago
പന്നിക്കെണിയില് നിന്ന് ഷോക്കേറ്റ് വിദ്യാര്ത്ഥി മരിച്ച സംഭവം; അന്വേഷണം ക്രൈംബ്രാഞ്ചിന്
-
kerala3 days ago
പന്നിക്കെണിയില് നിന്നും ഷോക്കേറ്റ് മരിച്ച വിദ്യാര്ത്ഥിയുടെ മൃതദേഹം വീട്ടിലെത്തിച്ചു
-
india3 days ago
‘സെന്സസ് ഇല്ലാതെ എങ്ങനെ മണ്ഡല പുനര്നിര്ണയം സാധ്യമാവും’; കേന്ദ്രത്തിനെതിരെ എം കെ സ്റ്റാലിന്
-
kerala3 days ago
വീണ്ടും മഴ വരുന്നു; വിവിധ ജില്ലകള്ക്ക് മുന്നറിയിപ്പ്
-
india3 days ago
ഇന്ത്യയില് കോവിഡ്-19 കേസുകള് 6,000 കടന്നു; 24 മണിക്കൂറിനിടെ ആറ് മരണം