പെ​രി​യ ഇ​ര​ട്ട​ക്കൊ​ല കേ​സി​ൽ ആദ്യം വാദികളുടെ അഭിഭാഷകനാകുകയും പിന്നീട് പ്ര​തി​ക​ളു​ടെ വ​ക്കാ​ല​ത്ത് ഏ​റ്റെ​ടുക്കുകയും ചെയ്ത കാ​ഞ്ഞ​ങ്ങാ​ട്ടെ മു​തി​ർ​ന്ന ക്രി​മി​ന​ൽ അ​ഭി​ഭാ​ഷ​ക​ൻ അ​ഡ്വ. സി.​കെ. ശ്രീ​ധ​ര​നെ രൂക്ഷമായി വിമർശിച്ച് കെ.പി.സി.സി ഉപാധ്യക്ഷൻ വി.ടി ബൽറാം. ‘എന്തൊരു നികൃഷ്ട ജന്മമാണ് ഇയാളുടേത്!’ എന്നാണ് വി.ടി ബൽറാം ഫേസ്ബുക്കിൽ കുറിച്ചു.

അഭിഭാഷക വൃത്തിക്ക് മാത്രമല്ല, മനുഷ്യൻ എന്ന വിശേഷണത്തിന് പോലും യോഗ്യതയില്ലാത്ത കൊടും വഞ്ചകനെതിരെ കൂടിയാണ് സി.ബി.ഐ കോടതി വിധിയെന്നും വി.ടി ബൽറാം പോസ്റ്റിൽ പറയുന്നു.

ഫേസിബുക്ക് പോസ്റ്റിന്റെ പൂര്‍ണരൂപം

എന്തൊരു നികൃഷ്ട ജന്മമാണ് ഇയാളുടേത്!

അതിക്രൂരമായ ഒരു ഇരട്ടക്കൊലപാതകത്തിൽ ആദ്യം ഇരകൾക്കൊപ്പം നിൽക്കുക, അവരെ സമാശ്വസിപ്പിച്ച് നിയമവഴിയിൽ നീതി വാങ്ങി നൽകുമെന്ന് വാഗ്ദാനം ചെയ്യുക, പഠിക്കാനെന്ന പേരിൽ പ്രതികൾക്കെതിരായ മുഴുവൻ രേഖകളും തെളിവുകളും ഫയലുകളും വിശദമായി പരിശോധിക്കുക, പിന്നീട് ലവലേശം ലജ്ജയില്ലാതെ പണത്തിന് വേണ്ടി മറുകണ്ടം ചാടി പ്രതികളുടെ വക്കീലാവുക, ക്രൂരമായി കൊല ചെയ്യപ്പെട്ട രണ്ട് യുവാക്കളുടെ അമ്മമാരേയും സഹോദരിമാരേയും പ്രതിഭാഗത്തിന് വേണ്ടി കോടതി മുറിയിലിട്ട് നേരിട്ട് ക്രോസ് വിസ്താരം നടത്തുക.

അഭിഭാഷക വൃത്തിക്ക് മാത്രമല്ല, മനുഷ്യൻ എന്ന വിശേഷണത്തിന് പോലും യോഗ്യതയില്ലാത്ത ഈ കൊടും വഞ്ചകനെതിരായി കൂടിയാണ് ഇന്നത്തെ കോടതി വിധി.

പാഴ് ജന്മം.

അതേസമയം, പെ​രി​യ ഇ​ര​ട്ട​ക്കൊ​ല കേ​സി​ൽ 14 സി.പി.എം നേതാക്കളെ കുറ്റക്കാരായി കണ്ടെത്തിയ സി.​ബി.​ഐ കോ​ട​തി വി​ധി, പ്ര​തി​ക​ളു​ടെ വ​ക്കാ​ല​ത്ത് ഏ​റ്റെ​ടു​ത്ത അ​ഭി​ഭാ​ഷ​ക​ൻ അ​ഡ്വ. സി.​കെ. ശ്രീ​ധ​ര​നും തി​രി​ച്ച​ടി​യാ​യി. കെ.​പി.​സി.​സി പ്ര​സി​ഡന്‍റ്​ കെ. ​സു​ധാ​ക​ര​നു​മാ​യി ഇ​ട​ഞ്ഞ സി.​കെ. ശ്രീ​ധ​ര​നെ സി.​പി.​എം അ​ട​ർ​ത്തി​യെ​ടു​ത്ത്​ പ്ര​തി​ക​ളു​ടെ കേ​സ് ഏ​ൽ​പി​ക്കു​ക​യാ​യി​രു​ന്നു. ഏ​​റ്റെ​ടു​ക്കു​ന്ന​തി​നു​മു​മ്പ്​ കോ​ൺ​ഗ്ര​സി​ലാ​യി​രി​ക്കെ സി.​കെ. ശ്രീ​ധ​ര​ൻ കേ​സ്​ സം​ബ​ന്ധി​ച്ച്​ കോ​ൺ​ഗ്ര​സിന്‍റെ നി​യ​മോ​പ​ദേ​ശ​ക​​ന്‍റെ റോ​ളി​ലാ​യി​രു​ന്നു.

കൊ​ല്ല​പ്പെ​ട്ട​വ​രു​ടെ കു​ടും​ബ​ങ്ങ​ളി​ൽ ചെ​ന്ന്​ കാ​ര്യ​ങ്ങ​ൾ മ​ന​സ്സി​ലാ​ക്കി കേ​സ്​ പ​ഠി​ച്ച​ ശേ​ഷ​മാ​ണ്​ മ​റു​പ​ക്ഷ​ത്ത് ചേ​ർ​ന്ന​തെ​ന്ന്​ കൊ​ല്ല​പ്പെ​ട്ട​വ​രു​ടെ കു​ടും​ബാം​ഗ​ങ്ങ​ൾ ആ​രോ​പി​ച്ചി​രു​ന്നു. ഈ ‘​ച​തി’ വിധി വന്ന ദിവസവും കു​ടും​ബം ആ​വ​ർ​ത്തി​ച്ച്​ ഉ​ന്ന​യി​ച്ചിരുന്നു.

പ്ര​തി​ക​ളു​ടെ വ​ക്കാ​ല​ത്ത് ഏ​റ്റെ​ടു​ത്ത​ത് സി.​പി.​എം നി​ർ​ദേ​ശ​പ്ര​കാ​ര​മ​ല്ലെ​ന്നും കേ​സി​ൽ ഹാ​ജ​രാ​കു​മ്പോ​ൾ രാ​ഷ്ട്രീ​യം നോ​ക്കാ​റി​ല്ലെ​ന്നും കേ​സ് ഏ​ൽ​പി​ക്കു​ന്ന ക​ക്ഷി​ക​ളു​ടെ വി​ശ്വാ​സ്യ​ത സം​ര​ക്ഷി​ക്കു​ക​യാ​ണ് ക​ട​മ​യെ​ന്നും പ​റ​ഞ്ഞാ​യി​രു​ന്നു ശ്രീ​ധ​ര​ൻ കേ​സ് ഏ​റ്റെ​ടു​ത്ത​ത്. എ​ന്നാ​ൽ, കേ​സി​ൽ പ്ര​ധാ​ന പ്ര​തി​ക​ള​ട​ക്കം ഭൂ​രി​ഭാ​ഗം പ്ര​തി​ക​ളും കു​റ്റ​ക്കാ​രെ​ന്ന് ക​ണ്ടെ​ത്തി​യ​തോ​ടെ കോ​ൺ​ഗ്ര​സ് നേ​താ​ക്ക​ൾ അ​ദ്ദേ​ഹ​ത്തി​നെ​തി​രെ രൂ​ക്ഷ വി​മ​ർ​ശ​ന​മു​യ​ർ​ത്തി.

ശ്രീ​ധ​ര​ന്‍റെ ആ​ത്മ​ക​ഥ മു​ഖ്യ​മ​ന്ത്രി പി​ണ​റാ​യി വി​ജ​യ​നെ​ക്കൊ​ണ്ട്​ പ്ര​കാ​ശ​നം ചെ​യ്യി​ച്ചാ​ണ്​ ഇ​ട​തു​പ​ക്ഷ​വു​മാ​യി ശ്രീ​ധ​ര​ൻ അ​ടു​ത്ത​ത്. കേ​സ് ന​ട​ത്താ​ൻ സി.​പി.​എം കീ​ഴ്​​ഘ​ട​ക​ങ്ങ​ളി​ൽ​ നി​ന്ന്​ ഫ​ണ്ട്​ ശേ​ഖ​രി​ച്ചി​രു​ന്നു. സി.​കെ വാ​ദി​ക്കു​ന്ന​തോ​ടെ പ്ര​തി​ക​ൾ ര​ക്ഷ​പ്പെ​ടു​മെ​ന്ന്​ ഉ​റ​പ്പു​ന​ൽ​കി​യാ​ണ്​ ഫ​ണ്ട്​ ശേ​ഖ​രി​ച്ച​തെ​ന്ന്​ സി.​പി.​എം വൃ​ത്ത​ങ്ങ​ൾ പ​റ​യു​ന്നു. കേ​സ്​ വി​ജ​യി​ക്കു​ന്ന പ​ക്ഷം ശ്രീ​ധ​ര​ന്​ വ​ലി​യ പ​ദ​വി​ക​ൾ ക​രു​തി​വെ​ച്ച​താ​യി പ​റ​യു​ന്നു.

മസ്കറ്റ്: മസ്കറ്റ് കെ.എം.സി.സി മലപ്പുറം ജില്ലാ കമ്മിറ്റി 2025 ഫെബ്രുവരി 7ന് ബർകയിൽ വെച്ച് നടത്തുന്ന “മലപ്പുറം പെരുമ” കുടുംബ സംഗമത്തിൻ്റെ പോസ്റ്റർ പ്രകാശനം മസ്കറ്റ് കെ.എം.സി.സി കേന്ദ്ര കമ്മിറ്റി പ്രസിഡൻ്റ് അഹമ്മദ് റയീസ് നിർവ്വഹിച്ചു.

കെ.എം.സി.സി കേന്ദ്ര കമ്മിറ്റി ഭാരവാഹികളായ റഹീം വറ്റലൂർ, പി.ടി.കെ. ഷമീർ, എ.കെ. കെ. തങ്ങൾ, അഷ്റഫ് കിണ വക്കൽ,ഉസ്മാൻ പന്തലൂർ,ഇബ്രാഹിം ഒറ്റപ്പാലം,നവാസ് ചെങ്കള, ഷാജഹാൻ, ഷാനവാസ് മൂവാറ്റുപുഴ, സമീർ പാറയിൽ മലപ്പുറം ജില്ലാ കമ്മിറ്റി ഭാരവാഹികളായ
നജീബ് കുനിയിൽ, , ഫിറോസ് പരപ്പനങ്ങാടി, ഇസ്ഹാഖ് കോട്ടക്കൽ, റാഷിദ് പൊന്നാനി, സുഹൈൽ എടപ്പാൾ,അഹമ്മദ് മുർഷിദ് തങ്ങൾ, യാകൂബ് തിരൂർ, അമീർ കാവനൂർ, സി.വി.എം. ബാവ വേങ്ങര എന്നിവർ ചടങ്ങിൽ സംബന്ധിച്ചു

കെ.എസ്.ആര്‍.ടി.സി. ഇലക്ട്രിക് ബസുകളുടെ ടയറുകള്‍ കൂട്ടത്തോടെ കേടാകുന്നു. ടയര്‍ കട്ട ചെയ്തതില്‍ (റീട്രെഡിങ്) വന്ന പാളിച്ചയാണ് പ്രധാന കാരണം. തിരുവനന്തപുരം നഗരത്തില്‍ മാത്രം സര്‍വീസ് നടത്തുന്ന ഇലക്ട്രിക് ബസുകളുടെ ടയറുകളാണ് കൂട്ടത്തോടെ കേടായിക്കൊണ്ടിരിക്കുന്നത്.

സാധാരണ പുതിയ ടയര്‍ മുപ്പതിനായിരം കിലോമീറ്ററോ അതിലധികമോയാണ് കിട്ടാറ്. റീട്രെഡ് ചെയ്താല്‍ 60,000 കിലോമീറ്റര്‍ ഓടിക്കാം. റീട്രെഡിങ് ചെയ്ത് ലഭിച്ച ടയറുകളാണ് 5,000 കിലോമീറ്റര്‍ പോലും ഓടാതെ ‘കട്ട’ ഇളകി കട്ടപ്പുറത്താകുന്നത്. ഇതുമൂലം പല ദിവസങ്ങളിലും സര്‍വീസ് മുടങ്ങുന്നുണ്ട്.

തിരുവനന്തപുരം പാപ്പനംകോട്ടെ കെ.എസ്.ആര്‍.ടി.സി. കേന്ദ്ര വര്‍ക്ഷോപ്പിലാണ് ടയറുകള്‍ റീട്രെഡ് ചെയ്തുകൊണ്ടിരിക്കുന്നത്. ഇതിനുള്ള സാധനസാമഗ്രികള്‍ വാങ്ങിയതിലുണ്ടായ പാളിച്ചയാണോ ടയറിന്റെ കട്ട ഇളകുന്നതിന് കാരണമെന്ന് സംശയിക്കുന്നുണ്ട്. ചെറിയ ടയര്‍, റീട്രെഡ് ചെയ്യുന്നതില്‍ പരിചയമില്ലാത്തതും സാങ്കേതിക തകരാറുമാണോയെന്നും സംശയിക്കുന്നു.

തിരുവനന്തപുരം നഗരത്തില്‍ 140 ഇലക്ട്രിക് ബസുകളാണ് കെ.എസ്.ആര്‍.ടി.സി. ഓടിക്കുന്നത്. ഇതില്‍ നൂറെണ്ണം കേന്ദ്ര പദ്ധതിയായ ‘സ്മാര്‍ട്ട് സിറ്റി’ വഴി തിരുവനന്തപുരം കോര്‍പ്പറേഷന്‍ നല്‍കിയവയാണ്. 40 എണ്ണം കെ.എസ്.ആര്‍.ടി.സി. സിഫ്റ്റ് വാങ്ങിയവയും. തിരുവനന്തപുരം സിറ്റി, വികാസ് ഭവന്‍, പേരൂര്‍ക്കട, പാപ്പനംകോട് ഡിപ്പോകളിലാണ് സൗജന്യമായി ലഭിച്ച ബസുകള്‍ സര്‍വീസ് നടത്തുന്നത്. കെ.എസ്.ആര്‍.ടി.സി. വാങ്ങി നല്‍കിയവ ആറ്റിങ്ങല്‍, വിഴിഞ്ഞം, കാട്ടാക്കട, നെയ്യാറ്റിന്‍കര ഡിപ്പോകളില്‍ സര്‍വീസിന് നല്‍കിയിട്ടുണ്ട്.