മതപരിവര്‍ത്തനം ആരോപിച്ച് ഒഡീഷയില്‍ ആദിവാസി രണ്ട് സ്ത്രീകളെ മരത്തില്‍ കെട്ടിയിട്ട് മര്‍ദിച്ചതായി റിപ്പോര്‍ട്ട്. ഒഡീഷയിലെ ബാലസോര്‍ ജില്ലയിലെ റെമുന പൊലീസ് സ്റ്റേഷന്‍ പരിധിയിലാണ് സംഭവം. ക്രിസ്മസിന് പിറ്റേന്ന് രണ്ട് ആദിവാസി സ്ത്രീകള്‍ ഒരു ഹിന്ദു യുവാവിനെ ക്രിസ്തുമതത്തിലേക്ക് പരിവര്‍ത്തനം ചെയ്യാന്‍ ശ്രമിച്ചെന്ന് ആരോപിച്ച് ജനക്കൂട്ടം അവരെ മരത്തില്‍ കെട്ടിയിട്ട് മര്‍ദിക്കുകയായിരുന്നു.

40 വയസുള്ള രണ്ട് ആദിവാസി സ്ത്രീകളെ മരത്തില്‍ കെട്ടിയിട്ട് മര്‍ദിക്കുകയും അവരുടെ മുഖത്ത് കേക്ക് തേക്കുകയും ചെയ്യുന്ന വീഡിയോ വൈറല്‍ ആയതോടെയാണ് സംഭവം പുറത്തറിയുന്നത്. സുഭാഷിനി സിങ്, സുകാന്തി സിങ് എന്ന രണ്ട് സ്ത്രീകളെ ആള്‍ക്കൂട്ടം മര്‍ദിച്ചതായും അവരില്‍ ഒരാളുടെ മുഖത്ത് അവര്‍ കൊണ്ടുവന്ന കേക്ക് തേച്ചതായും റെമുന പൊലീസ് സ്റ്റേഷനിലെ ഇന്‍സ്‌പെക്ടര്‍ ഇന്‍ ചാര്‍ജ് (ഐ.ഐ.സി) സുബാസ് മല്ലിക് സ്ഥിരീകരിച്ചു.

മതംമാറ്റം ആഘോഷിക്കാന്‍ വേണ്ടി സ്ത്രീകള്‍ കേക്ക് കൊണ്ടുവന്നതാണെന്നാണ് നാട്ടുകാരുടെ വാദം. സംഭവവുമായി ബന്ധപ്പെട്ട് നാല് പേരെ പൊലീസ് കസ്റ്റഡിയിലെടുക്കുകയും ഭാരതീയ ന്യായ സംഹിത (ബി.എന്‍.എസ്), ഒഡീഷ ഫ്രീഡം ഓഫ് റിലീജിയന്‍സ് ആക്ട്, 1967 എന്നിവയുടെ വിവിധ വകുപ്പുകള്‍ പ്രകാരം രണ്ട് കേസുകള്‍ രജിസ്റ്റര്‍ ചെയ്യുകയും ചെയ്തു.

ഹിന്ദു മതത്തെയും സംസ്‌കാരത്തെയും നശിപ്പിച്ചതിന് ഉത്തരവാദികള്‍ ആ സ്ത്രീകളാണെന്ന് പറഞ്ഞ് ഒരു കൂട്ടം പുരുഷന്മാരും സ്ത്രീകളും അവരെ വളയുന്നതായി വീഡിയോയില്‍ കാണിക്കുന്നു. കൂട്ടത്തില്‍ ഒരാള്‍ ഭാരത് മാതാ കീ ജയ്, ജയ് ശ്രീറാം എന്നീ മുദ്രാവാക്യങ്ങള്‍ വിളിക്കുന്നതും സ്ത്രീകള്‍ നിസഹായരായി നോക്കി നില്‍ക്കുന്നതും വീഡിയോയില്‍ കാണാം.

ഹിന്ദുവായ ഗോബിന്ദ് സിങ്ങിനെ (40) സന്ദര്‍ശിക്കാന്‍ ഗ്രാമത്തില്‍ എത്തിയതായിരുന്നു ഇരു സ്ത്രീകളും. ഗോബിന്ദ് സ്വമേധയാ ക്രിസ്തു മതത്തിലേക്ക് പരിവര്‍ത്തനം ചെയ്യാന്‍ തയ്യാറായിരുന്നു. സ്ത്രീകളുടെ സന്ദര്‍ശനത്തെക്കുറിച്ച് എങ്ങനെയോ തീവ്ര ഹിന്ദുത്വവാദികള്‍ അറിഞ്ഞു. ഉടന്‍ തന്നെ അവര്‍ സ്ഥലത്ത് തടിച്ചുകൂടി. രണ്ട് സ്ത്രീകളെയും മരത്തില്‍ കെട്ടിയിട്ട് അവര്‍ കൊണ്ടുവന്ന കേക്ക് സുഭാഷിനിയുടെ മുഖത്ത് തേച്ചു. മറ്റൊരു വിശ്വാസം സ്വീകരിക്കാന്‍ ശ്രമിച്ചതിന് ഗോബിന്ദ് സിങ്ങിനെയും ജനക്കൂട്ടം അപമാനിച്ചുവെന്ന് പൊലീസ് പറഞ്ഞു.

സംഭവവുമായി ബന്ധപ്പെട്ട് ബാപിന്‍ നായക്, പിതാംബര്‍ ബിസ്വാള്‍, പ്രശാന്ത് നായക്, ബാദല്‍ പാണ്ഡ എന്നീ നാല് പേരെ പൊലീസ് കസ്റ്റഡിയിലെടുത്തതായി മല്ലിക് പറഞ്ഞു. പ്രതികള്‍ക്കെതിരെ ചുമത്തിയ ബി.എന്‍.എസ് വകുപ്പുകളില്‍ പട്ടികജാതിക്കാര്‍ക്കും ഗോത്രക്കാര്‍ക്കുമെതിരായ അതിക്രമങ്ങളും തടയലും ഉള്‍പ്പെടുന്നു.

സംഭവത്തെ ലജ്ജാകരവും സംസ്ഥാനത്തെ ക്രമസമാധാന നിലയുടെ മോശം പ്രതിഫലനവുമാണെന്ന് ഒഡീഷ കോണ്‍ഗ്രസ് വക്താവ് അമിയ പാണ്ഡബ് വിശേഷിപ്പിച്ചു. ‘ഇതിലും ലജ്ജാകരമായ കാര്യം വേറെയില്ല, സ്ത്രീകള്‍ക്കെതിരെ, അതും ഏറ്റവും ദുര്‍ബലരായ ആദിവാസി സ്ത്രീകള്‍ക്കെതിരെയാണ് ഇത്തരം അതിക്രമങ്ങള്‍ നടക്കുന്നത്. മുഖ്യമന്ത്രി തന്നെ ആദിവാസി വിഭാഗത്തില്‍ നിന്നുള്ളയാളാണെന്നും മയൂര്‍ഭഞ്ച് ജില്ലയില്‍ നിന്നുള്ള നമ്മുടെ രാജ്യത്തിന്റെ പ്രസിഡന്റും ഇതേ വിഭാഗത്തില്‍ നിന്നുള്ള വ്യക്തിയാണെന്നും നാം ഓര്‍ക്കേണ്ടിയിരിക്കുന്നു ,’ പാണ്ഡബ് പറഞ്ഞു.

എ​ൻ.​ഡി.​എ ഘ​ട​ക​ക​ക്ഷി​യാ​യ പാ​ട്ടാ​ളി മ​ക്ക​ൾ ക​ക്ഷി (പി.​എം.​കെ) ജ​ന​റ​ൽ കൗ​ൺ​സി​ൽ വേ​ദി​യി​ൽ പാ​ർ​ട്ടി പ്ര​സി​ഡ​ന്റ് ഡോ. ​അ​ൻ​പു​മ​ണി രാ​മ​ദാ​സും പി​താ​വും സ്ഥാ​പ​ക പ്ര​സി​ഡ​ന്റു​മാ​യ ഡോ. ​എ​സ്. രാ​മ​ദാ​സും ത​മ്മി​ൽ വാ​ക്കേ​റ്റം. ഇ​തോ​ടെ പ്ര​വ​ർ​ത്ത​ക​ർ ചേ​രി​തി​രി​ഞ്ഞ് ബ​ഹ​ളം​വെ​ച്ച​ത് സം​ഘ​ർ​ഷ​ത്തി​നി​ട​യാ​ക്കി. ശ​നി​യാ​ഴ്ച പു​തു​ച്ചേ​രി​യി​ൽ ചേ​ർ​ന്ന യോ​ഗ​ത്തി​ലാ​ണ് സം​ഭ​വം. 2026ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ന് ഒ​രു​ങ്ങാ​ൻ മു​ൻ കേ​ന്ദ്ര​മ​ന്ത്രി കൂ​ടി​യാ​യ ഡോ. ​അ​ൻ​പു​മ​ണി രാ​മ​ദാ​സാ​ണ് യോ​ഗം വി​ളി​ച്ച​ത്.

നി​ർ​ണാ​യ​ക​മാ​യ ഈ ​തെ​ര​ഞ്ഞെ​ടു​പ്പി​ൽ 50 സീ​റ്റു​ക​ളി​ലെ​ങ്കി​ലും വി​ജ​യം ഉ​റ​പ്പാ​ക്ക​ണ​മെ​ന്നും ഇ​തി​നാ​യി അ​ൻ​പു​മ​ണി രാ​മ​ദാ​സി​നെ സ​ഹാ​യി​ക്കാ​ൻ പ​ര​ശു​രാ​മ​ൻ മു​കു​ന്ദ​നെ പാ​ർ​ട്ടി യു​വ​ജ​ന സം​ഘ​ട​ന അ​ധ്യ​ക്ഷ​നാ​യി നി​യ​മി​ക്കു​ന്ന​താ​യും സ്ഥാ​പ​ക പ്ര​സി​ഡ​ന്റ് ഡോ. ​എ​സ്. രാ​മ​ദാ​സ് പ്ര​ഖ്യാ​പി​ച്ചു. ഇ​തി​നെ ഡോ. ​അ​ൻ​പു​മ​ണി രാ​മ​ദാ​സ് എ​തി​ർ​ത്തു. നാ​ലു മാ​സം മു​മ്പ് പാ​ർ​ട്ടി​യി​ൽ ചേ​ർ​ന്ന പ​ര​ശു​രാ​മ​നെ ഉ​യ​ർ​ന്ന പ​ദ​വി​യി​ൽ അ​വ​രോ​ധി​ക്കു​ന്ന​ത് അം​ഗീ​ക​രി​ക്കാ​നാ​വി​ല്ലെ​ന്ന് അ​ദ്ദേ​ഹം പ​റ​ഞ്ഞു.

എ​ന്നാ​ൽ, ത​ന്റെ തീ​രു​മാ​നം അം​ഗീ​ക​രി​ക്കാ​ത്ത​വ​ർ​ക്ക് പാ​ർ​ട്ടി വി​ട്ടു​പോ​കാ​മെ​ന്നും രാ​മ​ദാ​സ് അ​റി​യി​ച്ചു. തു​ട​ർ​ന്ന് താ​ൻ പ​ന​യൂ​രി​ൽ പു​തി​യ പാ​ർ​ട്ടി ഓ​ഫി​സ് തു​റ​ന്നി​ട്ടു​ണ്ടെ​ന്നും ത​ന്നെ ബ​ന്ധ​പ്പെ​ടാ​ൻ ആ​ഗ്ര​ഹി​ക്കു​ന്ന​വ​ർ​ക്ക് അ​വി​ടെ വ​രാ​മെ​ന്നും ഡോ. ​അ​ൻ​പു​മ​ണി അ​റി​യി​ച്ചു. ഇ​തി​നി​ടെ പ്ര​വ​ർ​ത്ത​ക​ർ ചേ​രി​തി​രി​ഞ്ഞ് പി​താ​വി​നും മ​ക​നും അ​നു​കൂ​ല​മാ​യി മു​ദ്രാ​വാ​ക്യം വി​ളി​ച്ച​ത് സം​ഘ​ർ​ഷ​ത്തി​നി​ട​യാ​ക്കി.

പുതുച്ചേരി സംസ്ഥാനത്ത് മാഹിയുൾപ്പെടെയുള്ള മേഖലകളിൽ ജനുവരി ഒന്ന് മുതൽ ഇന്ധന വില നേരിയ തോതിൽ വർധിക്കും. പുതുച്ചേരി സർക്കാർ നികുതി വർധിപ്പിച്ചതിനെ തുടർന്നാണ് ഇന്ധന വില ഉയരുന്നത്.

നിലവിൽ പെട്രോളിന് മാഹിയിൽ 13.32 ശതമാനമുള്ള നികുതി 15.74 ശതമാനമായും, ഡീസലിന് 6.91 എന്നത് 9.52 ആയുമാണ് വർധിപ്പിക്കുന്നത്. ഇതോടെ പെട്രോളിന്‍റെയും ഡീസലിന്‍റെയും വില ലിറ്ററിന് മൂന്നര രൂപയിലേറെ വർധിക്കുമെന്നാണ് കരുതുന്നത്.

നിലവിൽ മാഹിയിലെ വില പെട്രോളിന് ലിറ്ററിന് 91.92 രൂപയും, ഡീസലിന് 81.90 രൂപയുമാണ്. കേരളത്തിലാകട്ടെ പെട്രോളിന് 105.89 രൂപയും ഡീസലിന് 94.91 രൂപയുമാണ്. മാഹിയിലെ ഇന്ധന വിലയുമായി നിലവിൽ 13 രൂപയുടെ വ്യത്യാസമുണ്ട്. വിലക്കുറവുള്ളതിനാൽ മാഹിയിലെ പെട്രോൾ പമ്പുകളിൽ വൻ തിരക്കാണനുഭവപ്പെടാറ്. മാഹിയിൽ വില കൂടുന്നതോടെ കേരളത്തിലെ വിലയുമായുള്ള വ്യത്യാസത്തിൽ നേരിയ കുറവ് വരും.