കോഴിക്കോട് മുഹമ്മദ് ഷഹബാസ് കൊലപാതക്കേസ് പ്രതികളുടെ പരീക്ഷാകേന്ദ്രം മാറ്റാൻ പൊലീസ്. സ്കൂളിലെ പരീക്ഷ പ്രതികൾ കഴിയുന്ന ജുവനൈൽ ജസ്റ്റിസ് ഹോമിൽ നടത്തണമെന്നാണ് പോലീസ് ആവശ്യപ്പെടുന്നത്. പരീക്ഷാ ഭവൻ സെക്രട്ടറിക്കും ജില്ലാ കളക്ടർക്കും പൊലീസ് കത്ത് നൽകി.

റിയാദ്: ലോകത്തിലെ ഏറ്റവും വലിയ നോമ്പുതുറ സംഗമം മക്കയിലെ ഹറമിൽ. റമദാന്റെ ആദ്യ രാവുകളിൽ തന്നെ ഹറം നിറയും. വിശുദ്ധ ഖുർആൻ അവതരിച്ച മാസമായതുകൊണ്ടു തന്നെ അത് പാരായാണം ചെയ്തും ഇന്ന് മുതൽ ഒരു മാസക്കാലം നോമ്പനുഷ്ടിച്ചും വിശ്വാസികൾ ദൈവത്തിലേക്കണയുകയാണ്. ലോകത്തെ ഏറ്റവും വലിയ നോമ്പുതുറയും മക്കയിലാണ്. കണക്കുകൾ പ്രകാരം പ്രതിദിനം എട്ട് ലക്ഷം മുതൽ പതിനഞ്ച് ലക്ഷം വരെ വിശ്വാസികൾ ഇവിടെയെത്തുന്നു.

ഹറമിൽ ഹജ്ജിനേക്കാൾ തിരക്കേറുന്ന സമയമാണ് റമദാൻ. ഓരോ നന്മകൾക്കും വിശ്വാസികൾ ദൈവത്തിന്റെ സന്തോഷം അധികമായി ഏറ്റവാങ്ങുന്നുണ്ട് ഹറമിൽ. മദീനയിലും വൻ തിരക്കാണ് അനുഭവപ്പെടുന്നത്. ഹറം ഭൂപരിധിക്കകത്ത് മസ്ജിദുൽ ഹറാം കൂടാതെ നിരവധി പള്ളികളുണ്ട്. ഹറം പരിധിയിലെ ഏത് പള്ളിയിലും ഹറമിന്റെ അതേ പുണ്യം ലഭിക്കുമെന്നാണ് ഇസ്ലാമിക പാഠം. തിരക്കൊഴിവാക്കാൻ ഹറം പരിധിയിലെ വിവിധ പള്ളികളുപയോഗിക്കാമെന്നും ഇസ്ലാമിക കാര്യ മന്ത്രാലയം അറിയിച്ചു.

മലപ്പുറം: കാൻസർ, കിഡ്നി രോഗികൾക്ക് ആധുനികവും സൗജന്യവുമായ ചികിത്സ നൽകിവരുന്ന എടവണ്ണയിലെ സീതി ഹാജി സെന്റർ ഫോർ ചാരിറ്റീസ് ധനസമാഹരണ ക്യാമ്പയിന് തുടക്കമായി.

ക്യാമ്പയിന് വേണ്ടി സജ്ജീകരിച്ച ആപ്പ് ലോഞ്ചിങ് പാണക്കാട്ട് വെച്ചു നടന്ന ചടങ്ങിൽ മുസ്ലിംലീഗ് സംസ്ഥാന പ്രസിഡന്റ് സയ്യിദ് സാദിഖലി ശിഹാബ് തങ്ങൾ നിർവ്വഹിച്ചു. ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി, ട്രസ്റ്റ് ചെയർമാൻ പി.കെ ബഷീർ എം.എൽ.എ, പി.എം.എ സമീർ, ബാലത്തിൽ ബാപ്പു, ട്രസ്റ്റ് ബോർഡ് അംഗങ്ങളായ പി.കെ കരീം പി. ഷംസുദ്ദീൻ, വരിക്കോടൻ ഹാഷിം,അക്ബർ കെഇ ,റഫീഖ് നൂറേങ്ങൽ,വി.പി ലുഖ്മാൻ, അഹ്മദ്കുട്ടി മദനി,എ.അഹ്മദ് കുട്ടി, എ ഷുക്കൂർ,യൂസഫലി ആര്യൻതൊടിക തുടങ്ങിയവർ സംബന്ധിച്ചു.

ക്യാൻസർ, കിഡ്‌നി രോഗികൾക്ക് സൗജന്യമായ ചികിത്സയാണ് സീതി ഹാജി സെന്റർ ഫോർ ചാരിറ്റീസ് നൽകിവരുന്നത്. ആയിരത്തിലധികം രോഗികൾക്ക് 20 ബെഡുകളിലായി ഓരോ വർഷവും സൗജന്യമായി കീമോ തെറാപ്പി നൽകിവരുന്നു. നാലായിരത്തിലേറെ കീമോകൾ ഇവിടെ സൗജന്യമായി ചെയ്തുകഴിഞ്ഞു. ക്യാൻസർ ഒ.പി, സ്തനാർബുദം നിർണയിക്കാനുള്ള മാമോഗ്രാം ടെസ്റ്റ്, അൾട്രാ സൗണ്ട് സ്‌കാനിങ്, ഗർഭാശയ ക്യാൻസർ നിർണയിക്കുന്ന പാപ്‌സ്മിയർ ടെസ്റ്റ്, എക്‌സ്-റെ, ലാബോറട്ടറി, എഫ്.എൻ.എ.സി, കാരുണ്യ ഫാർമസി തുടങ്ങിയ സൗകര്യങ്ങളും ഇവിടെയുണ്ട്. പാവപ്പെട്ട കിഡ്നി രോഗിക്ക് ആശ്വാസമേകാൻ സീതി ഹാജി ഡയാലിസിസ് സെന്റർ എടവണ്ണയിൽ ഉദ്ഘാടനത്തിന് സജ്ജമായിരിക്കുകയാണ്.