GULF

അബുദാബിയിലെ തീപിടിത്തം മരണപ്പെട്ടത് യുഎഇ സ്വദേശികള്‍; ഖബറടക്കം ഇന്ന്

ആറുപേരുടെയും ഖബറടക്കം ഇന്ന് രാത്രി ബനിയാസ് മഖബറയില്‍ നടക്കും

Published

2 years ago

May 22, 2023

അബുദാബി: അബുദാബിയില്‍ വില്ലയിലുണ്ടായ തീപിടിത്തത്തില്‍ മരണപ്പെട്ടവര്‍ മുഴുവന്‍ യുഎഇ സ്വദേശികള്‍. അബുദാബി ബനിയാസിനുടുത്ത് വില്ലയിലുണ്ടായ തീപിടിത്തത്തില്‍ ആറുപേര്‍ക്കാണ് ജീവഹാനി നേരിട്ടത്. ആറുപേരുടെയും ഖബറടക്കം ഇന്ന് രാത്രി ബനിയാസ് മഖബറയില്‍ നടക്കും.

ഫാതിമ മുഹമ്മദ് അല്‍ഹുസ്‌നി, ശൈഖ മുഹമ്മദ് അല്‍ഹുസ്‌നി, മിന്ന മുഹമ്മദ് അ്ല്‍ഹുസ്‌നി, ഖാലിദ് ഈസ എന്നിവര്‍ മരണപ്പെട്ടവരില്‍പെടുന്നു.
ഇവരെല്ലാം യുഎഇ സ്വദേശികളാണെന്ന് അബുദാബി പൊലീസ് ഉന്നത ഉദ്യോഗസ്ഥന്‍ ചന്ദ്രികയോട് പറഞ്ഞു. പരിക്കേറ്റു ആശുപത്രിയില്‍ കഴിയുന്ന ഏഴുപേരില്‍ അഞ്ചുപേരുടെ നില ഗുരുതരമാണ്.

ഞായറാഴ്ച രാത്രിയാണ് തീപിടിത്തമുണ്ടായതെന്ന് അബുദാബി പൊലീസ് അറിയിച്ചു.

തീപിടിത്ത വാര്‍ത്തയറിഞ്ഞതുമുതല്‍ പ്രവാസികളുടെ കുടുംബങ്ങളും സുഹൃത്തുക്കളും കടുത്ത ആശങ്കയിലാണ്. മരണപ്പെട്ടവരുടെ പേരുവിവരം അറിയുന്നതിനായി നാട്ടില്‍നിന്നും നിരവധി അന്വേഷണങ്ങളാണ് എത്തിക്കൊണ്ടിരിക്കുന്നത്.

Related Topics:death fire accident grave

Up Next

രാഹുല്‍ഗാന്ധിക്ക് വധഭീഷണി; ഗോരഖ്പൂര്‍ സ്വദേശിക്കെതിരെ കേസ്

Don't Miss

സവർക്കറുടെ ജന്മദിനത്തിൽ പാർലമെൻ്റ് മന്ദിരം ഉദ്ഘാടനത്തെ ന്യായീകരിച്ച് ബി.ജെ.പി

Click to comment

GULF

ഖത്തറിൽ ചെറിയ പെരുന്നാൾ നമസ്കാരം രാവിലെ 5.43ന്

പള്ളികളും, ഈദ് ഗാഹുകളും ഉൾപ്പെടെ 690 സ്ഥലങ്ങളിൽ ഈദ് നമസ്കാരം നടക്കുമെന്നും ഔഖാഫ് അറിയിച്ചു.

Published

8 hours ago

March 27, 2025

webdesk13

ഖത്തറിൽ ഈദ് നമസ്കാരം നമസ്കാരം രാവിലെ 5.43ന്. ഔഖാഫ് ഇസ്‍ലാമികകാര്യ മന്ത്രാലയമാണ് നമസ്കാര സമയം പ്രഖ്യാപിച്ചത്. പള്ളികളും, ഈദ് ഗാഹുകളും ഉൾപ്പെടെ 690 സ്ഥലങ്ങളിൽ ഈദ് നമസ്കാരം നടക്കുമെന്നും ഔഖാഫ് അറിയിച്ചു.

രാജ്യത്തിന്റെ വിവിധ ഭാഗങ്ങളിലായി വിപുലമായ ക്രമീകരണങ്ങളാണ് പെരുന്നാൾ ആഘോഷങ്ങൾക്കായി ഒരുക്കിയത്.

ലോകകപ്പ് ഫുട്ബാൾ വേദിയായ എജുക്കേഷൻ സിറ്റി സ്റ്റേഡിയം തുടർച്ചയായി മൂന്നാം തവണയും ഈദ് നമസ്കാരത്തിന് വേദിയാകും. ഇൻഡസ്ട്രിയൽ ഏരിയയിലെ ഏഷ്യൻ ടൗൺ ക്രിക്കറ്റ് സ്റ്റേഡിയം പാർക്കിങ് ഏരിയയിൽ വർകേഴ്സ് സപ്പോർട്ട് ആന്റ് ഇൻഷുറൻസ് ഫണ്ട് നേതൃത്വത്തിലും ഈദ് നമസ്കാരം സംഘടിപ്പിക്കും.

അതിനിടെ, മാർച്ച് 29 ശനിയാഴ്ച മാസപ്പിറവി നിരീക്ഷിക്കാൻ ഔഖാഫിനു കീഴിലെ ചന്ദ്രമാസപ്പിറവി നിരീക്ഷണ കമ്മിറ്റി നിർദേശിച്ചു.

crime

സൗദിയില്‍ സ്ത്രീകളെയും കുട്ടികളെയും യാചനക്കെത്തിച്ച 15 പേര്‍ പിടിയില്‍

മനുഷ്യക്കടത്ത് വിരുദ്ധ നിയമം ലംഘിച്ചവര്‍ക്കെതിരെ നിയമനടപടി സ്വീകരിക്കും.

Published

2 days ago

March 26, 2025

webdesk13

റിയാദ്: പൊതുസ്ഥലങ്ങളിലും റോഡുകളിലും യാചനയ്ക്കായി സ്വന്തം രാജ്യക്കാരായ സ്ത്രീകളെ യും കുട്ടികളെയും എത്തിച്ചു ചൂഷണം ചെയ്ത 12 യമനി പൗരന്മാരെ പൊലീസ് അറസ്റ്റ് ചെയ്തു.

യാചകരെ നിരീക്ഷിക്കുന്നതിനും അറസ്റ്റ് ചെയ്യുന്നതിനുമായി ജിദ്ദ ഗവര്‍ണറേറ്റിലെ ജിദ്ദ സെക്യൂരിറ്റി പട്രോളുകള്‍, കമ്മ്യൂണിറ്റി സെക്യൂരിറ്റി ആന്‍ഡ് കോംബാറ്റിംഗ് ട്രാഫിക്കിംഗ് ഇന്‍ പേഴ്സണ്‍ ഡിപ്പാര്‍ട്ട്മെന്റുമായി ഏകോപിപ്പിച്ച് നടത്തിയ സുരക്ഷാ കാമ്പെയ്നിനിടെയാണ് അറസ്റ്റ്.

മനുഷ്യക്കടത്ത് വിരുദ്ധ നിയമം ലംഘിച്ചവര്‍ക്കെതിരെ നിയമനടപടി സ്വീകരിക്കും. എന്നാല്‍ ചൂഷണത്തിന് ഇരയായവര്‍ക്ക് ആവശ്യമായ മാനുഷിക സേവനങ്ങള്‍ നല്‍കുന്നതിന് സുരക്ഷാ അധികാരികള്‍ ബന്ധപ്പെട്ടവര്‍ക്ക് ആവശ്യമായ നിര്‍ദ്ദേശം നല്‍കി.

GULF

പുണ്യഭൂമിയിലെ 32 ലക്ഷം ജനങ്ങള്‍ക്കിടയില്‍ ശ്രദ്ധേയനായി 105 കാരൻ

സുപാര്‍നോ ബിന്‍ മുസ്തുജാഫ് തന്റെ വാര്‍ധക്യത്തെ മറന്നാണ് എണ്ണായിരത്തോളം കിലോമീറ്റര്‍ താണ്ടി പുണ്യഭൂമിയിലെത്തിയിട്ടുള്ളത്.

Published

2 days ago

March 26, 2025

webdesk13

റസാഖ് ഒരുമനയൂര്‍

മക്ക: ഇരുപത്തിയേഴാം രാവിന്റെ പുണ്യം പരിശുദ്ധ ഹറമില്‍നിന്നും ലഭ്യമാക്കുകയെന്ന ലക്ഷ്യത്തോടെ മക്കയില്‍ എത്തിയ

ഏറ്റവും 32 ലക്ഷത്തിലധികം വരുന്ന തീര്‍ത്ഥാടകര്‍ക്കിടയില്‍ ശ്രദ്ധേയനാവുകയാണ് ഇന്തോനേഷ്യയില്‍നിന്നുള്ള 105 കാരന്‍.

അഞ്ചുനേരവും തന്റെ താമസസ്ഥലത്തുനിന്നും പരിശുദ്ധ കഅബാലയ സമീപത്തേക്ക് നടന്നുചെന്നാണ് പ്രാര്‍ത്ഥനകള്‍ നിര്‍വ്വഹിക്കുന്നത്.

മകന്റെ കൈപിടിച്ചു കുനിഞ്ഞു നടക്കുമ്പോഴും കണ്ണുകളില്‍ വിശ്വാസത്തിന്റെ പ്രകാശധാര ജ്വലിച്ചുനില്‍ക്കുന്നു. വാര്‍ധക്യസഹചമായ പ്രയാസങ്ങളുണ്ടെങ്കിലും പുണ്യകഅബാലയത്തില്‍ എത്തുകയെന്ന ആഗ്രഹം നിറവേറ്റാനാണ് തന്റെ പിതാവ് വന്നതെന്ന് മകന്‍ ചന്ദ്രികയോട് പറഞ്ഞു.

രാത്രി തറാവീഹും അതുകഴിഞ്ഞു അര്‍ധരാത്രി ഖിയാമുല്ലൈലി നമസ്‌കാരത്തിനും കഅബാഷരീഫിന് സമീപമെത്തും. പുലര്‍ച്ചെ മൂന്നുമണിയോടെ താമസിക്കുന്ന ഹോട്ടലില്‍ തിരിച്ചെത്തുന്ന ഇദ്ദേഹം രാവിലെ നാലരയോടെ വീണ്ടും സുബ്ഹി നമസ്‌കാരത്തിനായി കഅബയുടെ സമീപമെത്തും. കഅബയുടെ തൊട്ടടുത്ത് എത്തുന്നതിന് പരിമിധികളുള്ളതുകൊണ്ട് പരമാവധി അടുത്തെത്താനാണ് എപ്പോഴും ശ്രമിക്കുന്നത്.