കൊടുങ്ങല്ലൂര്‍ ആറുവരിപ്പാത നിര്‍മ്മാണം നടക്കുന്ന ദേശീയപാതയിലെ ചെളിയില്‍ തെന്നി വീണ സ്‌കൂട്ടര്‍ യാത്രികന്‍ കെഎസ്ആര്‍ടിസി ബസ് കയറി മരിച്ചു. ഏറിയാട് മാടവന പി.എസ് കവലക്ക് സമീപം പാമ്പിനഴത്തി സിക്കന്ദര്‍ (62) ആണ് മരിച്ചത്.
ബുധനാഴ്ച വൈകിട്ട് അഞ്ചുമണിയോടെ ദേശീയപാത 66 ശ്രീനാരായണപുരം പൊരി ബസാറിലായിരുന്നു അപകടം.
ബൈക്കില്‍ നിന്ന് തെന്നി വീണ ഇദ്ദേഹം പിറകെ വന്ന ബസ്സിന് ഇടയില്‍ പെടുകയായിരുന്നു. ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.