News
ദത്തുപുത്രന്മാരെ ലൈംഗികമായി ദുരുപയോഗം ചെയ്തു; ജോര്‍ജിയയില്‍ ഗേ ദമ്പതികള്‍ക്ക് നൂറു വര്‍ഷം തടവ്
വില്യം, സക്കറി സുലോക്ക് എന്ന സ്വവര്‍ഗ ദമ്പതികളെ നൂറു വര്‍ഷം തടവിന് ശിക്ഷിച്ചതായി വാള്‍ട്ടണ്‍ കൗണ്ടി ഡിസ്ട്രിക്റ്റ് അറ്റോര്‍ണി ഓഫീസ് അറിയിച്ചു.
ദത്തുപുത്രന്മാരെ ലൈംഗികമായി ദുരുപയോഗം ചെയ്ത ഗേ ദമ്പതികള്‍ക്ക് 100 വര്‍ഷം തടവ്. ജോര്‍ജിയയിലെ അറ്റ്‌ലാന്റയിലാണ് സംഭവം. വില്യം, സക്കറി സുലോക്ക് എന്ന സ്വവര്‍ഗ ദമ്പതികളെ നൂറു വര്‍ഷം തടവിന് ശിക്ഷിച്ചതായി വാള്‍ട്ടണ്‍ കൗണ്ടി ഡിസ്ട്രിക്റ്റ് അറ്റോര്‍ണി ഓഫീസ് അറിയിച്ചു.
ബാങ്ക് ഉദ്യോഗസ്ഥനാണ് 34 വയസുള്ള സക്കറി. സര്‍ക്കാര്‍ ഉദ്യോഗസ്ഥനാണ് 36 കാരനായ വില്യം. പത്തും പന്ത്രണ്ടും വയസുള്ള സഹോദരന്മാരെയാണ് ഈ ഗേ ദമ്പതികള്‍ ദത്തെടുത്തിരുന്നത്. സന്തോഷകരമായ കുടുംബം എന്ന അടിക്കുറിപ്പുകളോടെ ദമ്പതികള്‍ കുട്ടികളോടൊപ്പമുള്ള ചിത്രങ്ങള്‍ പതിവായി സാമൂഹ്യ മാധ്യമങ്ങളില്‍ പങ്കുവെക്കാറുണ്ടായിരുന്നു. എന്നാല്‍ വളരെ ഭയാനകമായ സാഹചര്യത്തിലൂടെയാണ് കുട്ടികള്‍ കടന്നുപോയിരുന്നതെന്ന് അധികൃതര്‍ വ്യക്തമാക്കി.
ദമ്പതികള്‍ പതിവായി കുട്ടികളെ അവരുമായി ലൈംഗിക ബന്ധത്തില്‍ ഏര്‍പ്പെടാന്‍ നിര്‍ബന്ധിക്കുകയും, ഇതിന്റെ വീഡിയോ പകര്‍ത്തി പോണ്‍ സൈറ്റുകളില്‍ പങ്കുവെക്കുകയും ചെയ്യാറുണ്ടായിരുന്നു. ഇക്കാര്യം ദമ്പതികളുടെ അടുത്ത സുഹൃത്തുക്കളില്‍ ചിലര്‍ പൊലീസിനോട് പറഞ്ഞിട്ടുണ്ട്. സ്‌നാപ്പ് ചാറ്റിലും ഇവര്‍ കുട്ടികളെ പീഡിപ്പിക്കുന്ന ദൃശ്യങ്ങള്‍ സുഹൃത്തുക്കളുമായി പങ്കുവെച്ചിട്ടുണ്ട്.
‘പ്രതികള്‍ യഥാര്‍ത്ഥത്തില്‍ ഭയാനകമായ സാഹചര്യമാണ് അവരുടെ വീട്ടില്‍ സൃഷ്ടിച്ചിരുന്നത്. എല്ലാറ്റിനും, എല്ലാവര്‍ക്കും മുകളില്‍ അവരുടെ അങ്ങേയറ്റം നീചമായ ആഗ്രഹങ്ങളെ സ്ഥാപിക്കുകയായിരുന്നു,’ ഡിസ്ട്രിക്റ്റ് അറ്റോര്‍ണി റാന്‍ഡി മക്ഗിന്‍ലി പറഞ്ഞു. ഇരയാക്കപ്പെട്ട കുട്ടികളുടെ ദൃഢനിശ്ചയം കൊണ്ടാണ് പ്രതികള്‍ക്ക് ശിക്ഷ ലഭിച്ചതെന്നും അദ്ദേഹം ചൂണ്ടിക്കാട്ടി. ‘കഴിഞ്ഞ രണ്ട് വര്‍ഷമായി രണ്ട് കുട്ടികളിലും ഞാന്‍ കണ്ട ദൃഢനിശ്ചയം ശരിക്കും പ്രചോദനം നല്‍കുന്നതായിരുന്നു,’
പ്രതികള്‍ പങ്കുവെച്ച പീഡോഫിലിക് പോണോഗ്രാഫി ദൃശ്യങ്ങള്‍ ഡൌണ്‍ലോഡ് ചെയ്ത ഒരാളില്‍ നിന്നാണ് ഗേ ദമ്പതികള്‍ കുട്ടികളെ ദുരുപയോഗം ചെയ്യുന്നതായി പോലീസ് മനസിലാക്കിയത്. സാമൂഹ്യ മാധ്യമങ്ങള്‍ വഴി കുട്ടികളെ പീഡിപ്പിക്കാന്‍ പ്രതികള്‍ പലരെയും ക്ഷണിച്ചിരുന്നതായും പൊലീസ് കണ്ടെത്തിയിട്ടുണ്ട്.
kerala
സാഹിത്യത്തിലും സിനിമയിലും നികത്താനാവാത്ത ശൂന്യത അവശേഷിപ്പിച്ചാണ് എം.ടി മടങ്ങുന്നത്: രാഹുല്‍ ഗാന്ധി
അദ്ദേഹത്തിന്റെ കുടുംബത്തിനും സുഹൃത്തുക്കള്‍ക്കും ആരാധകര്‍ക്കും അനുശോചനം അറിയിക്കുന്നുവെന്നും രാഹുല്‍ കൂട്ടിച്ചേര്‍ത്തു
kerala
ലീഗ് ഓഫീസുകള്‍ നാടിന്റെ ആശ്രയകേന്ദ്രങ്ങള്‍:സാദിഖലി ശിഹാബ് തങ്ങള്‍
കോടിക്കല്‍ ശാഖ മുസ്ലിം ലീഗ് ഓഫീസ് നാടിന് സമര്‍പ്പിച്ചു
നന്തിബസാര്‍: മുസ്ലിംലീഗിന്റെ ഓഫീസുകള്‍ നാടിന്റെ ആശ്രയ കേന്ദ്രങ്ങളാണെന്നും പാവപ്പെട്ടവരുടെയും അശരണരുടെയും കണ്ണീരൊപ്പുന്ന സ്വാന്തന ഇടങ്ങളാണെന്നും മുസ്ലിംലീഗ് സംസ്ഥാന പ്രസിഡണ്ട് പാണക്കാട് സയ്യിദ് സാദിഖലി ശിഹാബ് തങ്ങള്‍ പറഞ്ഞു. എം.ചേക്കുട്ടി ഹാജി സ്മാരക സൗധം കോടിക്കല്‍ ശാഖ മുസ്ലിം ലീഗ് ആസ്ഥാന മന്ദിരത്തിന്റെ കെട്ടിടോദ്ഘാടനം ചെയ്തു സംസാരിക്കുകയായിരുന്നു തങ്ങള്‍. പി.വി അബൂബക്കര്‍ സാഹിബിന്റെ നാമധേയത്തിലുള്ള ഓഡിറ്റോറിയം മുസ്ലിംലീഗ് ദേശീയ ജനറല്‍ സിക്രട്ടറി പി.കെ കുഞ്ഞാലികുട്ടി ഉല്‍ഘാടനം ചെയ്തു.
തീരദേശത്ത് പാര്‍ട്ടിക്ക് പുത്തനുണര്‍വ് നല്‍കി ഹൈടെക് ഓഫീസ് സംവിധാനം ഒരുക്കിയത് മാതൃകപരമാണെന്ന് കുഞ്ഞാലികുട്ടി പറഞ്ഞു.മുസ്ലിംലീഗ് സംസ്ഥാന സിക്രട്ടറി കെ.എം ഷാജി മുഖ്യപ്രഭാഷണം നടത്തി.കോണ്‍ട്രാക്ടര്‍ പി.കെ.കെ അബ്ദുള്ളക്കും ബില്‍ഡിംഗ് നിര്‍മ്മാണത്തിന് നേതൃത്വം നല്‍കിയ ചെയര്‍മാന്‍ പി.കെ ഹുസൈന്‍ ഹാജിയെയും ചടങ്ങില്‍ ആദരിച്ചു.ഓഫിസിലേക്ക് ഒരു വര്‍ഷത്തെ ചന്ദ്രിക സ്പ്രാണ്‍സര്‍ ചെയ്ത സാജിദ് സജ വാര്‍ഷിക വരിസംഖ്യ കെ.എം ഷാജിക്ക് കൈമാറി.പി.കെ ഹുസൈന്‍ ഹാജി അധ്യക്ഷത വഹിച്ചു.പി കെ മുഹമ്മദലി കെട്ടിട നിര്‍മ്മാണ റിപ്പോര്‍ട്ട് അവതരിപ്പിച്ചു.ടി.ടി ഇസ്മായില്‍,റഷീദ് വെങ്ങളം,കെ.പി മുഹമ്മദ്,വി പി ഇബ്രാഹിം കുട്ടി,സി. ഹനീഫ മാസ്റ്റര്‍,മoത്തില്‍ അബ്ദുറഹ്മാന്‍,സി.കെ അബൂബക്കര്‍,വി പി ദുല്‍ഖിഫില്‍,വര്‍ദ് അബ്ദുറഹ്മാന്‍,അലി കൊയിലാണ്ടി,കെ.കെ റിയാസ്,പി വി നിസാര്‍,ഫസല്‍ തങ്ങള്‍,ജാഫര്‍ നിലയെടുത്ത്,പി റഷീദ,ശൗഖത്ത് കുണ്ടുകുളം സംസാരിച്ചു.കെ.പി കരീം സ്വാഗതവും പി.ബഷീര്‍ നന്ദിയും പറഞ്ഞു.കോടിക്കലില്‍ നിന്ന് ആരംഭിച്ച് ഞെട്ടിക്കരപാലം വരെ ശക്തിപ്രകടനവും ഷാഫി കൊല്ലത്തിന്റെ നേതൃത്വത്തില്‍ ഇശല്‍ വിരുന്നും നടന്നു.
india
ബലാത്സംഗം എതിര്‍ത്തു; എട്ടുവയസ്സുകാരിയെ കല്ലുകൊണ്ട് തലയ്ക്കടിച്ച് കൊലപ്പെടുത്തി
സംഭവത്തില്‍ കൊല്ലപ്പെട്ട കുട്ടിയുടെ അയല്‍വാസിയായ ഇര്‍ഷാദിനെ പൊലീസ് അറസ്റ്റ് ചെയ്തു
-
india3 days agoഇന്ത്യന് വിദ്യാര്ത്ഥികള്ക്ക് ‘ഫേസ് എക്സ് ടോക് ഷോ’ സംഘടിപ്പിക്കുന്നു
-
Video Stories3 days agoപെരിയ ഇരട്ടക്കൊലപാതക കേസ്; വിധി ഈ മാസം 28ന്
-
crime3 days agoകൂട്ടബലാത്സംഗം, ഭീഷണിപ്പെടുത്തൽ, വഞ്ചന; ബി.ജെ.പി എം.എൽ.എക്കെതിരെ കേസ്
-
india3 days agoമരണാനന്തര ചടങ്ങില്‍ പാട്ടും നൃത്തവും ആഘോഷങ്ങളും വേണമെന്ന് വയോധിക; ആഗ്രഹം സാധിച്ചുകൊടുത്ത് മക്കള്
-
kerala3 days agoസ്വര്ണവും പണവും നല്കാമെന്ന് പറഞ്ഞ് കബളിപ്പിച്ചു; 27 ജോഡികള് സമൂഹവിവാഹം ബഹിഷ്കരിച്ചു
-
kerala2 days agoസഹകരണ മേഖലയെ കുരുതിക്കളമാക്കുന്നവര്
-
gulf2 days agoകെ.എം.സി.സി സീതി സാഹിബ് ബീഗം സാഹിബ അവാർഡ് അഡ്വ. ഫാത്തിമ തഹ്ലിയക്ക് സമ്മാനിച്ചു
-
News2 days agoഹമാസ് നേതാവ് ഹനിയെയെ കൊന്നത് ഇസ്രാഈല് തന്നെ; സ്ഥിരീകരിച്ച് ഇസ്രാഇല് പ്രതിരോധ മന്ത്രി