സംസ്ഥാനത്ത് ഇന്നും മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. മൂന്ന് ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. ഇടുക്കി, പാലക്കാട്, മലപ്പുറം ജില്ലകളിലാണ് യെല്ലോ അലര്‍ട്ട്. ബംഗാള്‍ ഉള്‍ക്കടലിലെ അതി തീവ്ര ന്യൂനമര്‍ദം വരും മണിക്കൂറില്‍ ചുഴലിക്കാറ്റായി ശക്തി പ്രാപിക്കും.

ഫെഞ്ചല്‍ എന്ന് നാമകരണം ചെയ്ത ചുഴലിക്കാറ്റ് ശ്രീലങ്കന്‍ തീരം വഴി തമിഴ്നാട് തീരത്തേക്ക് നീങ്ങാനാണ് സാധ്യത. ഈ വര്‍ഷത്തെ നാലാമത്തെയും സീസണിലെ രണ്ടാമത്തെയും ചുഴലിക്കാറ്റാണിത്. ഇത് സ്വാധീനമാണ് നിലവിലെ മഴ.

കടലാക്രമണത്തിനുള്ള സാധ്യത കണക്കിലെടുത്ത് തെക്കന്‍ കേരള തീരത്തെ മത്സ്യബന്ധനത്തിന് വെള്ളിയാഴ്ച വരെ വിലക്കേര്‍പ്പെടുത്തി. അതേസമയം തമിഴ്നാട്ടിലും ശക്തമായ മഴ തുടരുകയാണ്. ചെന്നൈ അടക്കമുള്ള എട്ട് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചിട്ടുണ്ട്. മൂന്ന്

ഡല്‍ഹി: ദില്ലിയിലെ അതിരൂക്ഷ വായു മലിനീകരണം നിയന്ത്രിക്കാന്‍ കര്‍ശന നടപടികള്‍ ആവശ്യപ്പെട്ടുള്ള ഹര്‍ജികള്‍ സുപ്രീം കോടതി ഇന്ന് പരിഗണിക്കും. അന്തരീക്ഷ മലിനീകരണം ഉയര്‍ന്ന പശ്ചാത്തലത്തില്‍ സ്വീകരിച്ച നിയന്ത്രണ നടപടികള്‍ ദില്ലി പൊലീസ് ഇന്ന് സുപ്രീം കോടതിയില്‍ വിശദീകരിക്കും. ദില്ലിയിലെ 113 അതിര്‍ത്തി ചെക് പോസ്റ്റുകളില്‍ നടപ്പാക്കിയ നിയന്ത്രണ നടപടികളെക്കുറിച്ച് 13 അംഗ അഭിഭാഷക കമ്മിഷന്‍ സുപ്രിംകോടതിയില്‍ ഇടക്കാല റിപ്പോര്‍ട്ട് നല്‍കും. ജസ്റ്റിസുമാരായ അഭയ് എസ് ഓഖ, ഉജ്ജല്‍ ഭുയന്‍ എന്നിവര്‍ ഉള്‍പ്പെട്ട ബെഞ്ചാണ് ഹര്‍ജികള്‍ പരിഗണിക്കുന്നത്.അതിര്‍ത്തിയിലെ ചെക്പോസ്റ്റുകളില്‍ ചരക്ക് വാഹനങ്ങള്‍ തടയാന്‍ സ്വീകരിച്ച നടപടികളും ദില്ലി സര്‍ക്കാര്‍ ഇന്ന് സുപ്രീം കോടതിയെ അറിയിക്കും.

അന്തരീക്ഷ മലിനീകരണം ഉയര്‍ന്നനിലയിലാണെങ്കിലും ഡല്‍ഹിയിലെ സ്‌കൂളുകള്‍ ഇന്ന് തുറക്കും. സുപ്രീംകോടതി അനുവാദം നല്‍കിയ സാഹചര്യത്തിലാണ് സ്‌ക്കൂളുള്‍ തുറക്കുന്നത്. വിദ്യാര്‍ഥികളുമായി ബന്ധപ്പെട്ട മൂന്ന് കാര്യങ്ങള്‍ ചൂണ്ടിക്കാട്ടിയാണ് സുപ്രീം കോടതി സ്‌ക്കൂളുകള്‍ തുറക്കാന്‍ അനുവാദം നല്‍കിയത്. ഡല്‍ഹിയില്‍ വായുമലിനീകരണം രൂക്ഷമായതോടെയാണ് സ്‌കൂളുകള്‍ അടച്ചിടാന്‍ തീരുമാനിച്ചത്. നിലവില്‍ ഇന്നലെ വരെ വിദ്യാര്‍ഥികള്‍ക്കെല്ലാം ഓണ്‍ലൈന്‍ ക്ലാസുകളായിരുന്നു നടന്നു വന്നിരുന്നത്. ഡല്‍ഹിയിലെ വായു ഗുണനിലവാര സൂചികയില്‍ (എക്യുഐ) നേരിയ പുരോഗതി ഇന്നലെ ഉണ്ടായിരുന്നു. എക്യുഐ 334ല്‍നിന്ന് 278 ആയി ആണ് താഴ്ന്നത്. എന്നാല്‍ ഇന്ന് വീണ്ടൂം ഗുണനിരവാര സൂചികയില്‍ വലിയ കുറവാണ് ഉണ്ടായിട്ടുള്ളത്. പുലര്‍ച്ചെയുള്ള സ്ഥിതിവിവരം അനുസരിച്ച് 348 ആണ് സൂചിക.

യുവേഫ ചാമ്പ്യന്‍സ് ലീഗില്‍ ക്ലബ്ബുകള്‍ക്ക് ആവേശജയം. ഇന്ന് നടന്ന മത്സരങ്ങളില്‍ ബ്രെസ്റ്റിനെ കീഴടക്കി ബാഴ്സ വിജയക്കുതിപ്പ് തുടരുന്നു. സ്പോര്‍ട്ടിങ് ക്ലബ്ബിനെ ആഴ്സണല്‍ തോല്‍പ്പിച്ചു. മറ്റു മത്സരങ്ങളില്‍ ലെവര്‍കൂസനും അറ്റ്ലാന്റയും നിര്‍ണായക വിജയം സ്വന്തമാക്കി

ലിസ്ബണില്‍ നടന്ന മത്സരത്തില്‍ പോര്‍ച്ചുഗീസ് ക്ലബ്ബായ സ്പോര്‍ട്ടിങ്ങിനെ ഒന്നിനെതിരെ അഞ്ച് ഗോളുകള്‍ക്കാണ് ആഴ്സണല്‍ പരാജയപ്പെടുത്തിയത്. ആഴ്സണലിന് വേണ്ടി ഗബ്രിയേല്‍ മാര്‍ട്ടിനെല്ലി (7′), കൈ ഹവേര്‍ട്സ് (22′), ഗബ്രിയേല്‍ മഗല്‍ഹേസ് (45+10), ബുകായോ സാക (65′), ലിയാന്‍ഡ്രോ ട്രൊസാര്‍ഡ് (82′) എന്നിവര്‍ ഗോളടിച്ചു. 47-ാം മിനിറ്റില്‍ ഗോണ്‍സാലോ ഇനാസിയോ ആണ് സ്പോര്‍ട്ടിങ്ങിന്റെ ആശ്വാസ ഗോള്‍ കണ്ടെത്തിയത്. അഞ്ച് മത്സരങ്ങളില്‍ നിന്ന് പത്ത് പോയിന്റുമായി നിലവില്‍ ഏഴാമതാണ് ആഴ്സനല്‍

അതേസമയം ചാമ്പ്യന്‍സ് ലീഗില്‍ വിജയക്കുതിപ്പ് തുടരുകയാണ് ബാഴ്സലോണ. ഫ്രഞ്ച് ക്ലബ്ബായ ബ്രെസ്റ്റിനെതിരെ നടന്ന മത്സരത്തില്‍ മറുപടിയില്ലാത്ത മൂന്ന് ഗോളുകളുടെ വിജയമാണ് ബാഴ്സ സ്വന്തമാക്കിയത്. ബാഴ്സയുടെ സൂപ്പര്‍ താരം റോബര്‍ട്ടോ ലെവന്‍ഡോവ്സ്‌കി ഇരട്ട ഗോളുമായി തിളങ്ങി. മത്സരത്തിന്റെ പത്താം മിനിറ്റിലും അധിക സമയത്തുമായിരുന്നു ഗോളുകള്‍

ഡാനി ഒല്‍മോയും ബാഴ്സയ്ക്ക് വേണ്ടി ലക്ഷ്യം കണ്ടു. ചാമ്പ്യന്‍സ് ലീഗില്‍ ബാഴ്സയുടെ തുടര്‍ച്ചയായ നാലാം വിജയമാണിത്. അഞ്ച് മത്സരങ്ങളില്‍ നിന്ന് 12 പോയിന്റുമായി നിലവില്‍ രണ്ടാം സ്ഥാനത്താണ് ബാഴ്സ

മറ്റൊരു മത്സരത്തില്‍ ജര്‍മന്‍ ചാമ്പ്യന്മാരായ ബയേര്‍ ലെവര്‍കൂസനും വമ്പന്‍ വിജയം സ്വന്തമാക്കി. സാല്‍സ്ബര്‍ഗിനെ ഏകപക്ഷീയമായ അഞ്ച് ഗോളുകള്‍ക്ക് തകര്‍ത്തു. സൂപ്പര്‍ താരം ഫ്ളോറിയാന്‍ വിര്‍ട്സ് ഇരട്ട ഗോളുകള്‍ നേടി തിളങ്ങിയപ്പോള്‍ അലെജാന്‍ഡ്രോ ഗ്രിമാല്‍ഡോ, പാട്രിക് ഷിക്, അലെക്സ് ഗാര്‍സിയ എന്നിവരും ഗോള്‍ നേടി. വിജയത്തോടെ പത്ത് പോയിന്റുമായി അഞ്ചാം സ്ഥാനത്തേക്ക് മുന്നേറാനും ലെവര്‍കൂസന് സാധിച്ചു