ബിഹാറില്‍ കോച്ചുകള്‍ വേര്‍പെടുത്തുന്നതിനിടെ കോച്ചുകള്‍ക്കിടയില്‍ കുടുങ്ങി ജീവനക്കാരന് ദാരുണാന്ത്യം. സോന്‍പൂര്‍ റെയില്‍വേ സ്റ്റേഷന്‍ ഡിവിഷനിലെ പോര്‍ട്ടര്‍ അമര്‍ കുമാര്‍ റാവുവാണ് മരിച്ചത്. ബിഹാറിലെ ബരൗണി ജങ്ഷനിലാണ് സംഭവം.

അമര്‍ കുമാറിനൊപ്പം മറ്റൊരു ജീവനക്കാരനും ഉണ്ടായിരുന്നു. ഇയാള്‍ തെറ്റായ സിഗ്‌നല്‍ നല്‍കിയതാണ് അപകടത്തിന് കാരണമായതെന്നാണ് റെയില്‍വേയുടെ വാദം. എന്നാല്‍ ലോക്കോ പൈലറ്റാണ് അപകടത്തിന് ഉത്തരവാദിയെന്നാണ് അപകടത്തിന് സാക്ഷിയായ ഈ ജീവനക്കാരന്‍ പറയുന്നത്. തന്റെ സിഗ്‌നലിന് കാത്തുനില്‍ക്കാതെ ലോക്കോ പൈലറ്റ് എന്‍ജിന്‍ തിരിച്ചുവിട്ടതാണ് അമറിന്റെ മരണത്തിന് കാരണമായതെന്നും ഇയാള്‍ പറഞ്ഞു.

അമര്‍ റാവുവിന്റെ മരണത്തിന് പിന്നാലെ ബന്ധുക്കള്‍ സ്ഥലത്തെത്തി പ്രതിഷേധിച്ചു. റെയില്‍വേ ജീവനക്കാരുടെ അനാസ്ഥയാണ് അമറിന്റെ ദാരുണമായ മരണത്തില്‍ കലാശിച്ചതെന്ന് കുടുംബം ആരോപിച്ചു. കുറ്റക്കാരായ റെയില്‍വേ ജീവനക്കാര്‍ക്കെതിരെ നടപടിയെടുക്കുന്നത് വരെ പോസ്റ്റുമോര്‍ട്ടം നടത്താന്‍ അധികൃതരെ അനുവദിക്കില്ലെന്ന് കുടുംബം അറിയിച്ചു.

സോണ്‍പൂര്‍ ഡിവിഷനിലെ ഡിവിഷണല്‍ റെയില്‍വേ മാനേജര്‍ വിവേക് ഭൂഷണ്‍ സൂദ് സ്ഥലത്തെത്തി കുടുംബാംഗങ്ങളെ കണ്ടു. മരണത്തിന് ഉത്തരവാദികളായവര്‍ക്കെതിരെ നടപടിയെടുക്കുമെന്ന് ഉറപ്പു നല്‍കി. സംഭവത്തില്‍ റെയില്‍വേ പൊലീസ് കേസ് രജിസ്റ്റര്‍ ചെയ്തിട്ടുണ്ട്. കുറ്റക്കാര്‍ക്കെതിരെ നടപടിയെടുക്കുമെന്ന് റെയില്‍വേ അറിയിച്ചു.

ഇന്ത്യയുടെ പുതിയ ചീഫ് ജസ്റ്റിസായി ജസ്റ്റിസ് സഞ്ജീവ് ഖന്ന നാളെ സത്യപ്രതിജ്ഞ ചെയ്ത് ചുമതലയേല്‍ക്കും. സുപ്രീംകോടതിയുടെ 51-ാമത് ചീഫ് ജസ്റ്റിസാണ് ഇദ്ദേഹം. ചീഫ് ജസ്റ്റിസായിരുന്ന ഡി വൈ ചന്ദ്രചൂഡ് വിരമിച്ചതിനെത്തുടര്‍ന്നാണ് ജസ്റ്റിസ് ഖന്നയുടെ നിയമനം.

ചീഫ് ജസ്റ്റിസ് പദവിയില്‍ ആറു മാസമാണ് ജസ്റ്റിസ് സഞ്ജീവ് ഖന്നയ്ക്ക് കാലാവധിയുണ്ടായിരിക്കുക. 2025 മെയ് 13 വരെ ജസ്റ്റിസ് സഞ്ജീവ് ഖന്ന സുപ്രീംകോടതി ചീഫ് ജസ്റ്റിസ് പദവിയില്‍ തുടരും.

സെന്റ് സ്റ്റീഫന്‍സ് കോളജില്‍ നിന്ന് ബിരുദം നേടിയ സഞ്ജീവ് ഖന്ന ഡല്‍ഹി യൂണിവേഴ്സിറ്റി കാംപസ് ലോ സെന്ററില്‍ നിന്ന്് നിയമബിരുദം കരസ്ഥമാക്കി. 1983 ല്‍ ഡല്‍ഹി ബാര്‍ കൗണ്‍സിലിന് കീഴില്‍ അഭിഭാഷകനായി ആരംഭിച്ചു. 2005 ജൂണില്‍ ഡല്‍ഹി ഹൈക്കോടതിയില്‍ അഡീഷണല്‍ ജഡ്ജിയായി നിയമിതനായി. 2006 ല്‍ ഹൈക്കോടതിയില്‍ സ്ഥിരം ജഡ്ജിയായി. 2019 ജനുവരിയിലാണ് സഞ്ജീവ് ഖന്നയെ സുപ്രീംകോടതി ജഡ്ജിയായി ഉയര്‍ത്തുന്നത്.

ചെന്നൈയിലും പരിസര പ്രദേശങ്ങളിലും ജോലി, പഠനാവശ്യാർഥം കഴിയുന്ന വയനാട് ലോക്സഭാ മണ്ഡലത്തിലെ ആളുകൾക്ക് ഉപതെരഞ്ഞെടുപ്പിൽ വോട്ട് ചെയ്യാനായി എത്താൻ സൗജന്യ ബസ് സർവീസ് ഏർപ്പെടുത്തുന്നു. കൽപ്പറ്റ, സുൽത്താൻ ബത്തേരി, മാനന്തവാടി, തിരുവമ്പാടി, ഏറനാട്, വണ്ടൂർ, നിലമ്പൂർ എന്നീ നിയോജക മണ്ഡലങ്ങളിലെ ആളുകൾക്കാണ് ഉപതെരഞ്ഞെടുപ്പിൽ വോട്ട് ചെയ്യാൻ ചെന്നൈ യിൽ നിന്ന് വാഹന സൗകര്യം ഏർപ്പെടുത്തിയത്.

താൽപര്യമുള്ളവർ താഴെ കാണുന്ന നമ്പറിൽ വിളിച്ച് രജിസ്റ്റർ ചെയ്യേണ്ടതാണ്.

കോഡിനേറ്റർ മുസ്തഫഹാജി :9840018278.

അഷ്‌റഫ്‌ പടിഞ്ഞാറേക്കര 9562644429.