ഗുഡലൂര്‍: പാണക്കാട് ഖാസി ഫൗണ്ടേഷന്‍ നീലഗിരി ജില്ലാ കമ്മറ്റി രൂപീകരണവും കണ്‍വെന്‍ഷനും ഗൂഡല്ലൂര്‍ ജാനകിയമ്മാള്‍ കല്യാണ മണ്ഡപത്തില്‍ ചേര്‍ന്നു. പാണക്കാട് സയ്യിദന്മാര്‍ മേല്‍ ഖാസിമാരാ യിട്ടുള്ള മഹല്ലുകളുടെയും നേതൃത്വം നല്‍കുന്ന സ്ഥാപനങ്ങളുടെയും പ്രവര്‍ത്തനം ഏകോപിപ്പിക്കുന്നതിനു വേണ്ടി പ്രസ്തുത മഹല്ലുകളില്‍ നിന്നുള്ള ഭാരവാഹികളുടെ സംയുക്ത യോഗമാണ് സംഘടിപ്പിച്ചത്.

മഹല്ല് ശാക്തീകരണത്തിനും സ്ഥാപനങ്ങളുടെ സുഗമമായ നടത്തിപ്പിനും മേഖല, ജില്ല സഹകരണത്തിന് വേണ്ടിയും, സുന്നി മഹല്ല് ഫെഡറേഷന്‍ ആഹ്വാനം ചെയ്യുന്ന പദ്ധതികള്‍ ഫലപ്രദമായി നടപ്പാക്കുന്നുണ്ടെന്നു ഉറപ്പുവരുത്തുന്ന തിനുമായിരുന്നു കണ്‍വെന്‍ഷന്‍.

സുന്നി മഹല്ല് ഫെഡറേഷന്‍ പ്രസിഡന്റ് കെ ബാപ്പു ഹാജിയുടെ അധ്യക്ഷതയില്‍ ചേര്‍ന്ന യോഗം ഓ.കെ.എസ് ത ങ്ങള്‍ യോഗം ഉല്‍ഘാടനം ചെയ്തു. എന്‍ ആര്‍ അബ്ദുല്‍ മജിദ് സ്വാഗതം പറഞ്ഞു. നാസര്‍ ഫൈസി കൂടത്തായി മുഖ്യപ്രഭാഷണം നടത്തി, സലിം എടക്കര കര്‍മ്മ പദ്ധതികള്‍ വിശദീകരിച്ചു. സമസ്ത നീലഗിരി ജില്ല ജനറല്‍ സെക്രട്ടറി പി.കെ.എം.ബാഖവി, എസ്. വൈ.എസ് ജില്ലാ പ്രസിഡന്റ് അ ബുബക്കര്‍ ബാഖവി, സമസ്ത ജില്ലാ ട്രഷറര്‍ മൊയ്ദീന്‍കുട്ടി റഹ്മാനി, എസ്.കെ.എസ്.എസ്.എഫ് ജില്ലാ സെക്രട്ടറി സു ലൈമാന്‍, എസ്.കെ.എസ്.എസ്.എഫ് സംസ്ഥാന പ്രതിനിധി ഹനീഫ ഫൈസി, ഹനീഫ വട്ട കളരി, ബഷീര്‍ കരുവള്ളി, മു ജീബ് മുകളേല്‍, ബഷീര്‍ പി.കെ, ഫൈസല്‍ കെ.പി, യു സഫ് ഹാജി, നാസര്‍ ഹാജി, കു ഞ്ഞാവ ഹാജി, സബാത്, അന്‍ വര്‍ മടക്കല്‍, ഷാജി കുറ്റിമുച്ചി, ഫുഹാദ്, റഷിദ് ദേവര്‍ശോല, ഷാനവാസ് എം.എ, ആബിദ്, കെ.എം മുസ്തഫ, ഫൈസല്‍ എം.എസ്, ബഷീര്‍ എം.പി എന്നിവര്‍ സംബന്ധിച്ചു. ഫൈസല്‍ ഫൈസി നന്ദിയും പറഞ്ഞു. ജില്ലാ കമ്മറ്റി ഭാരവാഹി കളായി കെ.ബാപ്പു ഹാജി (പ്ര സിഡന്റ്), ഫൈസല്‍ ഫൈസി (ജനറല്‍ സെക്രട്ടറി), അബ്ദുറഹി മാന്‍ കുട്ടി (ട്രഷറര്‍) തിരഞ്ഞെടുത്തു.

ഭ​ര​ണ​ഘ​ട​ന​യെ ത​ക​ർ​ക്കാ​ൻ ബി.​ജെ.​പി​യും ആ​ർ.​എ​സ്.​എ​സും വി​ശ്ര​മ​മി​ല്ലാ​തെ ശ്ര​മി​ക്കു​ക​യാ​ണെ​ന്ന്​ ലോ​ക്​​സ​ഭ പ്ര​തി​പ​ക്ഷ നേ​താ​വ്​ രാ​ഹു​ൽ ഗാ​ന്ധി. ചൊ​വ്വാ​ഴ്ച മ​ഹാ​രാ​ഷ്ട്ര​യി​ലെ ഗോ​ണ്ഡി​യ​യി​ൽ മ​ഹാ വി​കാ​സ്​ അ​ഘാ​ഡി (എം.​വി.​എ)​യു​ടെ തെ​ര​ഞ്ഞെ​ടു​പ്പ്​ യോ​ഗ​ത്തി​ലാ​ണ്​ പ​രാ​മ​ർ​ശം.

പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഒ​രി​ക്ക​ൽ പോ​ലും ഭ​ര​ണ​ഘ​ട​ന വാ​യി​ച്ചി​ട്ടി​ല്ലെ​ന്ന്​ ‘ഗ്യാ​ര​ന്റി’​യോ​ടെ ത​നി​ക്ക്​ പ​റ​യാ​നാ​കു​മെ​ന്ന്​ പ​റ​ഞ്ഞ രാ​ഹു​ൽ, അ​ദ്ദേ​ഹം വാ​യി​ച്ചി​രു​ന്നെ​ങ്കി​ൽ ഉ​ള്ള​ട​ക്ക​ത്തെ ആ​ദ​രി​ക്കു​മാ​യി​രു​ന്നു​വെ​ന്ന്​ കൂ​ട്ടി​ച്ചേ​ർ​ത്തു. ക​ഴി​ഞ്ഞ 10 വ​ർ​ഷ​ത്തി​നി​ടെ, എ​ത്ര കാ​ർ​ഷി​ക വാ​യ്പ​ക​ൾ എ​ഴു​തി​ത്ത​ള്ളി​യെ​ന്ന്​ മോ​ദി​യോ​ട്​ ജ​ന​ങ്ങ​ൾ ചോ​ദി​ക്ക​ണം -രാ​ഹു​ൽ പ​റ​ഞ്ഞു.

കർണാടകയിൽ ക്ഷേത്ര ഉദ്ഘാടന ചടങ്ങിനെത്തിയ ബിജെപി എംഎൽഎ വഖഫ് ഭൂമി വിഷയത്തിൽ രാഷ്ട്രീയം പറയുന്നത് ചോദ്യം ചെയ്ത് നാട്ടുകാർ. ഒടുവിൽ എംഎൽഎ പ്രസംഗം നിർത്തി വേദിയിൽനിന്ന് ഇറങ്ങിപ്പോയി. ബിജാപൂർ സിറ്റി എംഎൽഎ ബസൻഗൗഡ പാട്ടീൽ യത്നാലാണ് നാട്ടുകാരുടെ പ്രതിഷേധച്ചൂടറിഞ്ഞത്.

ബാഗൽകോട്ട് ജില്ലയിൽ കഴിഞ്ഞദിവസമാണ് സംഭവം. സംസ്ഥാനത്ത് നടക്കുന്ന വഖഫ് ഭൂമി വിഷയത്തിൽ മുൻനിരയിലുള്ള നേതാവ് കൂടിയാണ് യത്നാൽ. ഇതിനിടയിലാണ് ഇദ്ദേഹം തെർദാലിലെ ശ്രീ അല്ലം പ്രഭു ക്ഷേത്ര ഉദ്ഘാടനത്തിനായി വരുന്നത്.

തുടർന്ന് ​പ്രസംഗത്തിനിടെ വഖഫ് ബോർഡുമായി ബന്ധപ്പെട്ട വിഷയത്തെക്കുറിച്ച് പറയാൻ തുടങ്ങി. ക്ഷേത്രങ്ങളുടെയും കർഷകരുടെയും ഭൂമി ഭീഷണിപ്പെടുത്തി പിടിച്ചെടുക്കുകയാണെന്ന് ആരോപിച്ചു. ഇതോടെ സദസ്സിലുള്ളവർ എണീറ്റുനിന്ന് യത്നാലിനെ എതിർത്തു. ഇവിടേക്ക് രാഷ്ട്രീയം കൊണ്ടുവരരുതെന്ന് അവർ ഉച്ചത്തിൽ പറഞ്ഞു.

വഖഫ് വിഷയം പറയുന്നത് രാഷ്ട്രീയമാണോയെന്ന് അദ്ദേഹം തിരിച്ചു ചോദിച്ചു. അതെ എന്നായിരുന്നു പ്രതിഷേധക്കാരുടെ മറുപടി. ഈ വിഷയം സംസാരിക്കരുതെന്നും അവർ പറഞ്ഞു. ഇതോടെ എംഎൽഎ വേദിയിൽനിന്ന് ഇറങ്ങിപ്പോവുകയായിരുന്നു. സംഭവത്തിന്റെ വിഡിയോ സാമൂഹിക മാധ്യമങ്ങളിൽ വലിയ രീതിയിൽ പ്രചരിക്കുന്നുണ്ട്.

ക്ഷേത്രം നിർമാണത്തിന് ന്യൂനപക്ഷ വിഭാഗങ്ങളിൽനിന്നടക്കം സംഭാവന ലഭിച്ചിട്ടുണ്ട്. ഇതും ജനങ്ങളുടെ പ്രതിഷേധത്തിന് കാരണമായതായി റിപ്പോർട്ടുകൾ ചൂണ്ടിക്കാട്ടുന്നു.