കൊണ്ടോട്ടി റിലീഫ് ആശുപത്രിയുടെയും മഞ്ചേരി മലബാർ ആശുപത്രിയുടെയും മാനേജിങ് ഡയറക്ടർ മൊയ്തീൻകുട്ടി ഡോക്ടർ അന്തരിച്ചു. കൊണ്ടോട്ടി പാലിയേറ്റീവ് കെയർ ചെയർമാനുമാണ്. ജീവകാരുണ്യ സേവന പ്രവർത്തനങ്ങളിൽ സജീവമായി രംഗത്തുണ്ടായിരുന്നു.

മയ്യിത്ത് നിസ്‌ക്കാരം ഇന്ന് വൈകീട്ട് നാലു മണിക്ക് കോടങ്ങാട് ജുമാമസ്ജിദില്‍ വെച്ച് നടക്കും. 5 മണിക്ക് കുന്നുംപുറം പുതിയോടത്തുപുറായി അരീക്കാട് ജുമാമസ്ജിദില്‍ കബറടക്കം.

നീലേശ്വരം രാജാസ് ഹൈസ്‌കൂളിലെ അധ്യാപികയ്ക്ക് ക്ലാസ് മുറിയില്‍നിന്നും പാമ്പുകടിയേറ്റു. അധ്യാപികയെ കാഞ്ഞങ്ങാട് ജില്ലാ ആശുപത്രിയില്‍ പ്രവേശിപ്പിച്ചു. ഇന്ന് രാവിലെയായിരുന്നു സംഭവം നടന്നത്.

അധ്യാപികയുടെ കാലിനാണ് പാമ്പുകടിയേറ്റത്. അധ്യാപിക ആശുപത്രി നിരീക്ഷണത്തിലാണ്. ആരോഗ്യനിലയില്‍ ആശങ്കപ്പെടേണ്ട സാഹചര്യമില്ലെന്ന് ആശുപത്രി അധികൃതര്‍ അറിയിച്ചു.

ഓയൂരില്‍ കുട്ടിയെ തട്ടിക്കൊണ്ടുപോയ കേസില്‍ രണ്ടാം പ്രതി അനിത കുമാരിക്ക് ജാമ്യം അനുവദിച്ചു. ഒന്നാം പ്രതിയായ പത്മകുമാറിന്റെ ജാമ്യാപേക്ഷ കോടതി തള്ളി.

കേസില്‍ തുടരന്വേഷണത്തിന് കോടതി അനുമതി നല്‍കിയിട്ടുണ്ട്. ക്രൈംംബ്രാഞ്ച് സംഘം നല്‍കിയ അപേക്ഷ പരിഗണിച്ചാണ് നടപടി. 10 ദിവസമാണ് തുടരന്വേഷണത്തിന് കോടതി അനുവദിച്ചിട്ടുള്ളത്.